مركز اختباراتي كان 9 حسبي الله ونعم الوكيل

[ليمون مثلج]

ياجماعة الخير نفسيتي صارت تعبانة من التشتت في المراكز

قبل يومين كان مركز اختباراتي 9 والحين مكتوب الرياض بس

طبعا مركز اختبارات 9 بحي الشفاء جنوب الرياض وانا بحي الازدهار شمال الرياض يعني وربي لوحاطيني بالدمام ارحم على الاقل اتمشى بعد الاختبار :000: .. على الزحمة بقعد ساعتين يعني نفس مشواري للدمام مافي فرق ...:017:
وش الحل لمن نتكلم ونشتكي وربي مصيبة :mh12:

تكفون ساعدوني اللي عنده حل :sdfgdsf:

[السلطاN]

الحال من بعضه لا تشكيلي ولا أبكي لك :Cry111:
انا الترم اللي راح أختباري بحي الروضة نفس حيي
والحين برضو مركز 9 اللي هو بديراب بأخر الدنيا
يعني من الاخر متى ما رحت انوي نية السفر واجمع واقصر بالصلاة :Cry111:

[جورجي~♥]

:hahahahahah::hahahahahah:اجل احفظ دعاء السفر الله يسر امركم يارب

[ك ش ك و ل]

شباب انا بغرناطة .. وحاطيني بالرياض 9

الموقع ما عرفتة ؟؟؟

ياليت احد يوصف لي الموقع بالتفصيل :Cry111:

[ليمون مثلج]

الحال من بعضه لا تشكيلي ولا أبكي لك :cry111:
انا الترم اللي راح أختباري بحي الروضة نفس حيي
والحين برضو مركز 9 اللي هو بديراب بأخر الدنيا
يعني من الاخر متى ما رحت انوي نية السفر واجمع واقصر بالصلاة :cry111:


هههههههههههههه والله صدقت شر البلية مايضحك

[ليمون مثلج]

:hahahahahah::hahahahahah:اجل احفظ دعاء السفر الله يسر امركم يارب


ابشرك حافظه ههههههههههه

يارب يعدلونه ..عزائي انه في ناس معاي انشاءالله يعدلونه

[ليمون مثلج]

شباب انا بغرناطة .. وحاطيني بالرياض 9

الموقع ما عرفتة ؟؟؟

ياليت احد يوصف لي الموقع بالتفصيل :cry111:

انا مثلك ماعرف وين بالضبط بس هو بالشفاء على طريق ديراب

يعني ودع اهلك قبل لاتطلع من البيت

[nawaf_dark]

انا بالنسيم وحاطين بالشفا


الله يعين

المفروض في اختيار بالرياض وتحدد المنطقة
شمال او غرب او جنوب او شرق

[nawaf_dark]

وانا ولا مره راحت للشفاء يعني بكره اطلع من بالبيت الساعه 12 اول اخلص من الزحمه بعدين اشوف وين الموقع

[هشام الاول]

انا ساكن بشمال الرياض بحي المصيف

وحطوني في مركز اختبار الرياض 9 بحي الشفاء

يستهبلون ... حرام عليهم سفر والله وزحمة طريق الملك فهد والدوائري كلها

الان واحد من الشباب ساكن معي في نفس الحي رايح يدور المدرسة ضايع هناك
يقول: كل من سئلته عن المدرسة يقول ما اعرفها

وش الحل


:sdfgdsf::sdfgdsf::sdfgdsf::sdfgdsf:

[أشواااااق]

^
مو طالع لكم الكروكي ؟

[ليمون مثلج]

مركز الأختبار: الرياض 9
عنوان المركز: مدينة الرياض حي الشفاء طريق ديراب شارع ابن مفلح .
أقرب علامة مميزة: طريق ديراب .
رقم الجوال: 0530467710
رقم الهاتف:
الكروكى: أضغط هنا للحصول على الكروكى

حسبي الله ونعم الوكيل في اللي قلعنا بآخر الدنيا
ياناس وش الحل مع هالمهزلة:017:
والكروكي حاطين قوقل ايرث لاحول ولاقوة الا بالله
واتصل على الجوال مشغول على طول

[أشواااااق]

مافيه حل ..

وماظتي بيغيرو المرآكز الحين !

قد حطو الأسـآمي ووزعوهـآ .. فَ صعبه !

لعلهـآ خيرهـ ي رجّـآل .. :biggrin:

[صكوك]

القهر أن مركز الختبار إللي بجانب بيتي ما حطوني فيه ونقلوني إلى مركز عند الكورنيش الدمام مع المشاريع في الطرق يعني كأنك مسافر.

ما هو معيار أو الطريقة التي من خلالها تم توزيعنا مع وجود مراكز أقرب إلى مقر سكننا.:hhheeeart4:

[أشواااااق]

ما هو معيار أو الطريقة التي من خلالها تم توزيعنا مع وجود مراكز أقرب إلى مقر سكننا.:hhheeeart4:

عشوآئي طبعا :(269):

[Nashmi]

غيروا العناوين المره الجايه اللى بالشمال يحط الجنوب واللى بشرق يحط غرب احسها نوع من تشتيت الطالب

[king the net]

هههههههههههههههههههههههههههههه من جد لا تشتكي لي ابكي لك

انا في المحمديه وحطوني في ديراب وانا اصلا شرقاوي

فحلفت اروح اختبر بالجامعة ولا اختبر بالمركز الي حاطيني فيه

والله مشوار كانك قاطع الرياض كلها من اولها الى اخرها ولا في وقت الزحمه بعد

[ليمون مثلج]

المصيبة رقم الجوال اللي حاطينة مايرد وارسلت له رسالة...لعله يرد
تكفون اللي يعرف يوصل للجامعة يوصلهم معاناتنا كأنها مقصودة والا ليش يحطونها قبل الاختبار بيوم
شكله واحد حاقد وعنده عنصرية معينة حسبي الله عليه ونعم الوكيل الموضوع مو عشوائي وربي مقصود

[أشواااااق]

^

فيه حركه ظنتي مسوينهـآ ..

إنو لآشآفو درجآتك السمستر الثآني أوك يعني .. يغيرو مركز إختبآرك !

يمكن أحد يقرب لك ولا تعرفه [ مرآقب ] فَ عشآن هيك التوزيع عشوآئي :biggrin:

< توقعآت

[ليمون مثلج]

انا مسمي نفسي ليمون مثلج الحين طبعا ساح الثلج من القهر
اختي اشواااق الكلام هذا لو صحيح بيكون مضحك جدا
حلوة هذي اذا في شك بربعهم هذي مشكلتهم حنا وش ذنبنا وماتوقع هالكلام
انا اشوف انه في واحد مايخاف الله هو اللي لعب هاللعبة ولازم يحاسب والمصيبة لو عمادة الجامعة تأيد هالاشكال

[أشواااااق]

^

مستحيل تكون حركه مقصودهـ

والمرآقبين مالهم دخل ب الجآمعه أبدن ..

مدري من وين جآيين .. المرآقبآت إللي عندنا مختآرينهم [ معلمآت ] ثآنوي إصلن !

[ليمون مثلج]

في كل الحالات ان كانت مقصودة فالمصيبة عظيمة
وان كانت غير مقصودة وخطأ فالمصيبة أعظم
بس انا اتهمت اللي عمل التوزيع لانه مانزل المواقع للمراكز الا اليوم وبكرة الاختبار

[طربـيش]

حسبنا الله ونعم الوكيل

6 مراكز متفرعه على امتداد الدائري الشرقي ،،
كيف ولا واحد حطونا فيه !!! مع اني ساكن بالريان
ضاقت عليهم ويحطونا بمركز ديراب !!!

الظاهر تأجيل الترم أفضل حل ..

[abu loulwah]

السلام عليكم ورحمة الله وبركاته
اولا ندعو الله لنا ولكم بالتوفيق والسداد
ثانيا التوزيع والله اعلم تم بالترتيب الهجائي للاسماء والكليه والمستوى وترى قلت الله اعلم
ثالثا مركز الاختبار ٩ عن طريق الملك فهد واصل حتى طريق ديراب ثم من الخدمه اول رجوع للخلف بعد مطعم النافوره ثم على الخدمه حتى مطعم عمو حمزه وقبل البنك الاهلي يمين ثم ثاني شارع يمين المدرسه على اليسار بعد ٤٥٠ متر
من الدائري الشرقي الى الدائري الجنوبي حتى الملك فهد روح يسار على طريق ديراب وكمل الباقي على نفس الوصف السابق
والسلام عليكم

[ابراهيم التميمي]

وانا في البديعة وحطوني في النسيم !!!
حطوني في الشفا ماعندي مشكلة !!!

[بوليفار]

الحل نأجر هليكوبتر ونطابق الخريطة اللي حاطينها حقت جوجل ويمكن نلقى المدرسة

[بوليفار]

هههههههههههههههههههههههههههههه من جد لا تشتكي لي ابكي لك

انا في المحمديه وحطوني في ديراب وانا اصلا شرقاوي

فحلفت اروح اختبر بالجامعة ولا اختبر بالمركز الي حاطيني فيه

والله مشوار كانك قاطع الرياض كلها من اولها الى اخرها ولا في وقت الزحمه بعد


اخوي انا خايف عليك لانهم يقوملون كل المستوى الثالث بديراب يعني ممكن ترروح للجامعة وما تحصل اسئلة للمستوى الثالث كيف تبي تلحق لديراب بعدين انتبه

[abu nwaf]

طبعا انا مثلكم المركز 9
واعرف حركات الجامعة مرت علي الترم اللي يحطون كروكي زي قلته ورقم مايرد

عشان اضمن طلعت اليوم العصر سلمت علي اهلي قصرت وجمعت ومسكت الخط للشفاء
دقي على الرقم اللي موجود وزي ماتوقعت انسى يرد ، ارسلت رساله قلت يرحم والديك على الاقل عطني وصف زي الناس لكن ماعندك احد ، وبعد ساعتين دوران اقدر اعطيكم الوصف

طلعت مع طريق الملك فهد باتجاه الجنوب إلى ان تعديت مجمع الكوباري ، مسكت خط الخدمة ومشيت مسافه طويله لين لقيت يوتيرن ديورت معه كاني راجع الرياض ، مشيت تعديت بنك الرياض ومدارس اهليه اتوقع امسها المنظمة او شي زي كذا

المهم شف المحلات اللي على يسار اذا شفت محل كبير اسمه ( على كيفك ) بيكون الشارع المقابل له على يمين ابن مفلح ، طبعا شارع صغير جدا جدا تراه

تدخل مع ابن مفلح لين يقفل بوجهك شارع ثلاثين ، المدرسه في الحي المقابل لك


ترا احس وصفي زي قلته بس اعذروني توني راجع من السفر وتعبان يبي لي يومين اريح

[dam3tee]

لا انا ماهمني المكان بعيد مع اني ساكن شرق الرياض الله يعين


بس اللي قهرني من جد حاطين كروكي من قوقل ارث سلامات وش يحسون فيه


حسيت اني داخل العسكريه ومعطينا موقع نبي نقصفه من ضمن المواقع الاستراتجية


الله لا يوفقهم انشاءالله

[taugr]

مشكورين على الوصف والحمد لله على السلامه