الله يعين

[بقايا العمر]

اليوم راح علي الاختبار
كنت اظن ان الاختبار الساعه 8
وطلع الساعه 6
ورحت للمسؤول اتفاهم معهـ قال تعتبر غايب
وش الحل فكرت مكتوب في الجدول الساعهــ 8 و6 دقايق
:Cry111:

[التوفيق من الله]

شر البلية ما يضحك بالله يعني وست دقايق ليه وش الحكمه منها؟؟ ما عليه ربي يعوض عليك جب لك عذر غياب طبي يمكن يشفع لما تكلم الجامعه<<<ما ادري طبعا اذا هذا الحل ممكن يضبط او لا.

[بقايا العمر]

والله العجله خلتني اشوف كذا والله
بس انا ابي اعرف وش الحل ما عندي عذر طبي ولا شي

[عايض الخنفري]

:064:

[التوفيق من الله]

طيب رح المستشفى بكره واطلب من الدكتور عذر بتاريخ اليوم اللي فاتك فيه الامتحان واذا فتحت ايقونة تقديم الاعذار قدم عذرك و ان شاء الله يقبلونه.

[بقايا العمر]

طيب انا ابي اعرف شي واحد ما قد سمعتو عن احد غاب عن الاختبار وش صار معهـــ
يعني يحمل الماده ولا وش يسوى وياهــــ
واذا قلت لهم الجدول مو اوضح

[mit]

الله يعوض عليك ..
احتمال يقبل عذرك اذا قدمته ، واذا لم يقبل فعسى ان تكرهوا شيئاً ويجعل الله فيه خيراً كثيراً ..


وشد حيلك في الاختبارات القادمة . لان هذا الترم اشبه ما يكون بالمشاريع المتعثرة :


بلاك بورد ( من صيانة الى تعليق الى تغيير للطريقة الى تحسين واجهة يعني بالكثير اربع سنوات ويكو جاهز ) .

لا تنسى ان اغلب المحاضرات المنزلة تحمل تاريخ مستويات سابقة .

يعني مش حالك وهذا الكم الهائل من الطلاب المنتسبين يمشي عليهم اي شيئ هدفهم شهادة ( لسان حال سعادة الدكتور المحترم )


ليس المبلغ المدفوع قضية انما القضية الأهم والواقع المامول من جامعتنا الغالية الاهتمام فعلاً بطلاب الانتساب المطور .
:Cry111:

[بقايا العمر]

بس انا حاب اعرف اذا العذر مو مقبول وش يسوي وياي

[mit]

:hhheeeart4:

[جنون الحياه]

اخوي الله يعووووووضك ان شاااء الله وربي يجعلها خيره لك..

لا تتضايق ولا تهم ربي قدر لك كذآآآ,,ويجعل لك فيهآآ خيره,,

ربي يعنيك ان شاء الله يوفقك ..

وعآآدي لا تهم رح تحمل الماده يعني كانك اختبرت ولا حليت ..

وما عليه الترم الثاني تعوضها وانت خلاص مذاكر الماده واموورك تمام يعني الترم الثاني ان شاء بس تروح تختبر وربي يسهل لك ...

وريح بآآلك ولا تهتم انسى وفكر بالاختبارات الجايه وكنه ما صار شيء اليوم عشان رح ياثر عليك اذا قعدت تفكر زيآده,,

وانتبه وركز مره ثانيه وترى باقي اختباراتنا كلها فتره ثانيه يعني من 6 الى 8 يعني يا طويل العمر حاول تكون في المركز 5 ونص ,,,

وبالتووووووووووفيق ,,وربي يعوضك بخير ان شاء الله ,

[بقايا العمر]

اختي " جنون الحياة"
الله يسمع منك يارب
بس يعني عادي احمل الماده حتى لو ماقبلو العذر
واذا قبلو العذر كيف بعد :mh12:

[جنون الحياه]

ان شاء الله يا رب ...وربي يعووضك وما تواجه اي صعووبه ,..

ما اتوقع يعني حالك حال انك ما حليت ,,,

لا تتشأم وان شاء الله خييييير واكييييييييييييد رح تحملهآآآآ وش بيسوون مثلآآآ هم اي حد يسقط يحمل الماده هذا نظام جميع الجامعات واتوقع ان شاء الله الغياب نفس الشيء ,,,

وفيه ايقونه في الخدمات الطلابيه عن العذر حق الغياب ,,,بس مو مفعله يعني ان شاء الله يمكن بعد الاختبارات يفعلونها وارسل عذرك وحآآول يكون عذر مقنع,,

يعني اذا تقدر تروح تجيب عذر من المستشفى ,,بسم الله بس يعني وش نسوي صح مو زين الواحد يدعي المرض بس الحآآل ,,

وانت ريح بالك وارتاااح وربي بيفرجها اهم شيء ركز باليااقي وعوض فيه ,,

وحاول تنسى اشوووي...وركز بالجاي ,,,

[جنون الحياه]

وانا يعني حالي من حالك مستوى اول ما عندي صراحه خبره .,,

بس انت ريح وانا باحاول اسأل اذا قدرت واذا لقيت علم جديد غير الي قلت لك رح اعطيك خبر ,,,

بس ركز بالي جاي وعوض فيه ,,

[بقايا العمر]

طيب ولا يهمك ومشكوره على النصيحه
والله يعز مقدراك يارب
:d5:

[Ameerh..~]

اخي العزيز انت الحين لاتشغل بآلك بالمآده هذي فكر باللي جآي بس حآول تشوف عذر طبي عشآن تختبر مع حقين الاعذار وهم الاعذار الطبيه بالعآده يقبلونها وانا مآقبلوها ماتدري ربي وين كآتب لك الخير ومثل ماقالت جنون ماتشيل همها لوحملتها لانك ملم بالمآده بالتووووووفيق

[ẤĽSЙΪфRẪΉ]

تعتبر رآسب بالماده ..
وترجع تدفع رسومها وتدرسها عالكورس الجاي مع مواد مستوى ثاني ..


إلا إذا قدمت عذر قهري بحيث يقبلونه الجامعه .. وراح تفتح ايقونه بعد الأختبارات للمتغيبين بعذر ..

وإن شاء الله تقدر تدبر عمرك او تدرسها الكورس الجاي ..


تمت الأجابه لك كل التوفيق ..


ـأي سؤال لاهنت بالموضوع المثبت ..

بعد إذنك يغلق :119: