مكالمتي بشأن اختبار محاسبه اداريه وتكاليف

[KFU STUDENT]

السلام عليكم

اليوم اتصلت على عمادة التعليم الالكتروني واتوقع اللي رد علي الدكتور عبدالله النجار سألته بالنسبه لاخطاء اختبار محاسبه ادرايه وتكاليف قال ارسلي فاكس:biggrin:!! يوضح فيه الاسئله اللي فيها اخطاء
وسألته عن توزيع الدرجات بالنسبه ل50 سؤال قال تقسم 70على 50 يعني 1.4 لكل سؤال ...
واتمنى كلنا نتعاون ونرسل فاكس للاخطاء الاختبار :(177): عشان ماتروح علينا الدرجات وكل هذا لمصلحتنا

جامعة الملك فيصل
عمادة التعلم الالكترونى و التعليم عن بعد
الأحساء 31982
ص.ب 400
تلكس 861029
تليفون 0096635802278
فاكس 035896119



وموفقين

[بو فروحه]

سوف ارسل

[رشوف123]

عن تجربة ومع الاحداث الي صارت انا رايي اننا نذكر الي جاي وننسى الي فات لان مافيه امل تاخذ شي منهم وبالتوفيق :106::106::106:

[KFU STUDENT]

عن تجربة ومع الاحداث الي صارت انا رايي اننا نذكر الي جاي وننسى الي فات لان مافيه امل تاخذ شي منهم وبالتوفيق :106::106::106:

الى متى نسكت عن حقنا وموب اول مره تصير هالاخطاء اتمنى يكون فيه تدقيق لجميع النماذج قبل الاختبارات وبأذن الله الجاي أفضل :106:

[طموح لا ينكسر]

فاكس 035896119

مليون مرة أرسل لهذا الفاكس ولا في فايدة !

أصلا هالفاكس خرباااااااااااااااااااااااااااان ..أنا جرب اكثر من مرة سابقا ارسل له ولا في فائدة !

من يُجرب

أتمنى ان يؤكد لنا

وفقكم الله لكل خير

[رشوف123]

[QUOTE=kFU STUDENT;5141044]الى متى نسكت عن حقنا وموب اول مره تصير هالاخطاء اتمنى يكون فيه تدقيق لجميع النماذج قبل الاختبارات وبأذن الله الجاي أفضل :106:[/QUOTE

صدق كلامك بس هل الكلام الي فات نفع كم لنا وااحنا نقول نبي وقت زيادة كم لنا واحنا نقول تعبيئة البيانات المفروض ماتكون محسوبة من الوقت وكم لنا واحنا نطالب بترم صيفي وكم لنا ..... لاحياة لمن تنادي مالنا الا الصبر لعلى الله يغير من حال الى حال :106::106::106::106:

[طموح لا ينكسر]

اخوتي الكرام

ليس الغرض الدرجات وبسببــه نرسل للجامعــة

يجب أن يعلموا الجامعة أن هذا الأمر يُضيــع من وقت الطالب تطبيقا لمفهوم التكلفة البديلة و الوقت الضائع !
أعرف أحد الأصدقاء أمضى ما يُقارب 15 دقيقة في سؤال الوارد أخيرا صادر أولا !!

يقول لي ...حتى لو الجامعة تغاضت واعطتنا درجة ذلك السؤال , مالفائدة التي سأجنيها إذ أني أنفقت 15قيقة من الوقت في سؤال لم تتواجد اجابته الصحيحة !! من الذي سيعوض الطالب ذلك الوقت المفقود !!

أيُعقل يا دكتورنا الفاضل يا عميد الكلية أنك لا تستحضر هذه المفاهيم الدقيقة جدا ...بلا أظن بك خيرا !

طموح لا ينكسر

[رشوف123]

اخوتي الكرام

ليس الغرض الدرجات وبسببــه نرسل للجامعــة

يجب أن يعلموا الجامعة أن هذا الأمر يُضيــع من وقت الطالب تطبيقا لمفهوم التكلفة البديلة و الوقت الضائع !
أعرف أحد الأصدقاء أمضى ما يُقارب 15 دقيقة في سؤال الوارد أخيرا صادر أولا !!

يقول لي ...حتى لو الجامعة تغاضت واعطتنا درجة ذلك السؤال , مالفائدة التي سأجنيها إذ أني أنفقت 15قيقة من الوقت في سؤال لم تتواجد اجابته الصحيحة !! من الذي سيعوض الطالب ذلك الوقت المفقود !!

أيُعقل يا دكتورنا الفاضل يا عميد الكلية أنك لا تستحضر هذه المفاهيم الدقيقة جدا ...بلا أظن بك خيرا !

طموح لا ينكسر

هلاا فيك اخوي كيف الاختبار معك بالنسبه لي من التجارب بضيق الوقت كل ماحليت سوال اضلله ومع ذلك الوقت مااسعفني بالنسبه للمسالة اتوقع اني جلست عليها اكثر من ربع ساعه والمصيبة ان الدكتور النجار مدرس احصاء ولا يعرف يوزن بالوقت :(107)::biggrin:

[طموح لا ينكسر]

هلاا فيك اخوي كيف الاختبار معك بالنسبه لي من التجارب بضيق الوقت كل ماحليت سوال اضلله ومع ذلك الوقت مااسعفني بالنسبه للمسالة اتوقع اني جلست عليها اكثر من ربع ساعه والمصيبة ان الدكتور النجار مدرس احصاء ولا يعرف يوزن بالوقت :(107)::biggrin:

الاختبـــار ليس بتلك الدرجة من الصعوبة صرااحة لكن يحتاج له شخص مُتمرس جدا في الحلول والافكار !! انا بالنسبة لي على المستوى الشخصي لم يكن بتلك الدرجة صعب ...وما أضحكني إلا عصير البرتقال فيه :) ! الشكر لله والفال للأحصاء !

الاحصاء يحتاج له انتباه وتركيز اكثر يا اختي !!

ربي يوفق الجميع

[ناوي السوكبا]

محاسبياً وبدون غرور أو تكبر أشرح للدكتور وأعلمه وش هي المحاسبة مع احترامي الى الدكتور

لكن تجيني اسئلة فيها أخطاء وتلحس مخي هذا الشي الي من الاستحالة أقبله وما يقبله أي شخص عاقل

وأتفق مع طموح لا ينكسر في موضوع الدرجة وش أستفيد لو أعطوني درجة السؤال وانا خسرت درجات في اسئلة آخرى والسبب ضيق الوقت

في هذه المادة خسارة درجة بالنسبة لي يعتبر ( عار )

انتهى

[رشوف123]

كنت متوقعه ان الاسئله راح تكون غامضة وفيها لف ودروان بس الحمدالله وماقصر الاستاذ يعطيه العافيه صح عندنا اخطاء كثيره خاصه بالمسائل لو فيه وقت زيادة كان لنا امل اشوي الله يوفقنا وان شاء الله نجيب درجة النجاح :106:

[رشوف123]

محاسبياً وبدون غرور أو تكبر أشرح للدكتور وأعلمه وش هي المحاسبة مع احترامي الى الدكتور

لكن تجيني اسئلة فيها أخطاء وتلحس مخي هذا الشي الي من الاستحالة أقبله وما يقبله أي شخص عاقل

وأتفق مع طموح لا ينكسر في موضوع الدرجة وش أستفيد لو أعطوني درجة السؤال وانا خسرت درجات في اسئلة آخرى والسبب ضيق الوقت

في هذه المادة خسارة درجة بالنسبة لي يعتبر ( عار )

انتهى

اجل عار هههههههههه الحمدالله على سلامتك ناوي توقعتك امس تبي تنتحر :mh12:
شي فات ومات الله يوفقنا بالباقي :biggrin:

[ناوي السوكبا]

اجل عار هههههههههه الحمدالله على سلامتك ناوي توقعتك امس تبي تنتحر :mh12:
شي فات ومات الله يوفقنا بالباقي :biggrin:

الله يسلمك
لا نمت زين ونسيت شوي :tongue:
الي مزعلني ما كتبت بياناتي الخاصة والسبب الوقت :bawling:

[KFU STUDENT]

^
لاحول ولاقوة الا بالله اللي يشوف مصيبة غيره تهون عليه مصيبته

من جد شي يقهر الواحد يكون فاهم ودارس زين وتطلع اجابات بالحاسبه غير اللي موجوده بالاختياري:biggrin: ويضيع الوقت الله يعينا جميع

ان شالله بالاحصاء والاداره ماليه مايصير اللي صار بمحاسبه

[رشوف123]

الحمدالله على كل حال بالنسبه لبياناتك والله شي غريب احنا طول الوقت يدورون علينا ويشوفون اوراقنا مالك الا بعد الاختبارات ان شاء الله تتفضى لهم وتستلمهم ايميلات وتليفونات :106:

[الثقل كله]

محاسبياً وبدون غرور أو تكبر أشرح للدكتور وأعلمه وش هي المحاسبة مع احترامي الى الدكتور

لكن تجيني اسئلة فيها أخطاء وتلحس مخي هذا الشي الي من الاستحالة أقبله وما يقبله أي شخص عاقل

وأتفق مع طموح لا ينكسر في موضوع الدرجة وش أستفيد لو أعطوني درجة السؤال وانا خسرت درجات في اسئلة آخرى والسبب ضيق الوقت

في هذه المادة خسارة درجة بالنسبة لي يعتبر ( عار )

انتهى

اخوي اذا انت محاسبيا وشاطر وتشرح للدكتور على قولتك اعرف ان الاختبار كله يعني 50 سؤال مافيه الاسؤالين اللي فيهم خطا ليش نكبر من الموضوع وحجمه ماراح نسكت عن الخطاين هذولي بس مش منطق اننا نعم ونقول تجينا اسأله خطأ
بالنسبه الضيق الوقت انا معك مع انك تناقض نفسك شوي اذا انت تشرح للدكتور فمعناته انك تحل الاسأله بوقت قصير والساعتين كثيرين عليك بعد لأني اجزم ان الدكتور بيحله بنص الوقت اجل اللي بيشرح للدكتور المفترض يحله بربع الوقت:(269):
نكون واقعين ونقول اننا نحتاج وقت صح لكل المواد اللي فيهها حسابات وراح نواجه صعوبه بعد بالاحصاء والماليه بعد ونطالبهم بالشي هذا
وبالنسبه الأسألة الدكتور كلمة الحق تنقال بيض الله وجهه ولو اني أخطأت وخبطت لكن الاخطاء من تفهيتي يعني مو ذنب الدكتور اننا ننسى ولا نلخبط اذا هو مالف ودار كثير

[ناوي السوكبا]

اخوي اذا انت محاسبيا وشاطر وتشرح للدكتور على قولتك اعرف ان الاختبار كله يعني 50 سؤال مافيه الاسؤالين اللي فيهم خطا ليش نكبر من الموضوع وحجمه ماراح نسكت عن الخطاين هذولي بس مش منطق اننا نعم ونقول تجينا اسأله خطأ
بالنسبه الضيق الوقت انا معك مع انك تناقض نفسك شوي اذا انت تشرح للدكتور فمعناته انك تحل الاسأله بوقت قصير والساعتين كثيرين عليك بعد لأني اجزم ان الدكتور بيحله بنص الوقت اجل اللي بيشرح للدكتور المفترض يحله بربع الوقت:(269):
نكون واقعين ونقول اننا نحتاج وقت صح لكل المواد اللي فيهها حسابات وراح نواجه صعوبه بعد بالاحصاء والماليه بعد ونطالبهم بالشي هذا
وبالنسبه الأسألة الدكتور كلمة الحق تنقال بيض الله وجهه ولو اني أخطأت وخبطت لكن الاخطاء من تفهيتي يعني مو ذنب الدكتور اننا ننسى ولا نلخبط اذا هو مالف ودار كثير


اذا ما تدري عن شي لا تتكلم

أنا واصل القاعة الساعة 4 وربع والسبب اني في شمال الرياض ومركزي مخرج 15
+
أنا مو من أهل الرياض لكذا ما أدل كويس ذاك الصوب

بالنسبة الى الدكتور ما أبي يحل الاسئلة في نص الوقت مثل ما تقول أبيه بس يحط اسئلة بدون أخطاء والوقت كله له والمنهج أمامه

[ناوي السوكبا]

يوم أكلم المحترم المشرف على الموقع
في الوصف يقال انه في مخرج 15 ويوم مشيت على الوصف وكلمت المشرف
يقول لي مخرج 16 !!!!!!!!!!!

الاخطاء ليست أخطاء الدكتور فقط الاخطاء تراكميه في كل مكان

تباً وسحقاً الى ( خائنين الامانه )

[الثقل كله]

اذا ما تدري عن شي لا تتكلم

أنا واصل القاعة الساعة 4 وربع والسبب اني في شمال الرياض ومركزي مخرج 15
+
أنا مو من أهل الرياض لكذا ما أدل كويس ذاك الصوب

بالنسبة الى الدكتور ما أبي يحل الاسئلة في نص الوقت مثل ما تقول أبيه بس يحط اسئلة بدون أخطاء والوقت كله له والمنهج أمامه

والله اذا ضروفك كذا الله يعينك بس ترا مو ذنب الجامعه انك واصل بعد الاختبار بمده طويله ولأنك ماتدل
قل ظروفي حاستني مو الجامعه والخطأين اللي بالاختبار خلوك توصل متأخر وماخلوك تكتب بياناتك :000:

[ناوي السوكبا]

والله اذا ضروفك كذا الله يعينك بس ترا مو ذنب الجامعه انك واصل بعد الاختبار بمده طويله ولأنك ماتدل
قل ظروفي حاستني مو الجامعه والخطأين اللي بالاختبار خلوك توصل متأخر وماخلوك تكتب بياناتك :000:


ظروفي كلها أضرب بها عرض الحائط

فعلاً مو ذنب الجامعة انها في رصيدها 100 مليون

ومو قادرين يضيفون خانة بدل اختيار المراكز في الرياض اختيار المركز المحدد

أو يمكن في هالنقطة يصير تلاعب وراء ما يحطون لك خانة وتكتب فيها موقع سكنك ومن بعدها هم يختارون المركز الاقرب لك

فعلاً الذنب ذنبي يوم اني أتكلم معك

[taiger15]

ناوي السوكبا ياخي انت كلامك كذا تذكرني بالمسلسلات المدبلجة اللي قبل تخبرها هههههه

يالله انك توفقوه والله انك كفو وتستاهل كل خير وصدقني اخطاء الجامعة احسا مرة عادية بس حنا اشوي

مهملين بعد :53:

[طموح لا ينكسر]

أخي الكريم ناوي

فعلا كلامك منطقي وصحيح ألف في المية ولكن لن يستمع لك أحد وللأسف إلا ما شاء الله

عااااد هدي ياخوك ...البنت ما عملت شيء ..تُريد فقط وضع الامور في نصابها الصحيح , قول لا إله إلا الله ورووح ذاكر احصاء وبالخدمة ان احتجت شيء !

ربي يوفقكم لكل خير و يحفظكم من كل سوء

[ناوي السوكبا]

أتمنى من الجميع ( يفهم ) قبل أي تعليق على ردودي

عادي جداً ان الطلاب يقومون بـ دور الموظفين للجامعة أو المتطوعين وليس عيباً بل بالعكس

هذا ما يسمى بـ انجاح الشي بدون تكاليف

بسيطة جداً أي طالب مركز الاختبار قريب منه جنب بيتهم يتبرع انه يكون هو مشرف على المركز هو وغيره من الطلاب كذا كسبت كثير من الطلاب يخدمون الجامعة من حيث لا يعلمون
ويعطي الدكتور عبدالله النجار رقمه ويضعه في الموقع ويتم الاتصال عليه ويوصف الى العالم

أما تحط لي رقم واحد ومقفل جواله والا محول جواله ( أي حماقة ترتكبها الجامعة )

انجاح العمل ليس ( معجزة ) فقط يحتاج تفكير

طبعاً هذه من أتفه الامور لكن تضرر بها الكثير من الطلاب

[ناوي السوكبا]

ناوي السوكبا ياخي انت كلامك كذا تذكرني بالمسلسلات المدبلجة اللي قبل تخبرها هههههه

يالله انك توفقوه والله انك كفو وتستاهل كل خير وصدقني اخطاء الجامعة احسا مرة عادية بس حنا اشوي

مهملين بعد :53:

يا اخي الموضوع ما له علاقة بالاهمال
الموضوع له علاقة بأخطاء وانا في الترم الثالث ولم يتم تداركها من قبل الجامعة


أخي الكريم ناوي

فعلا كلامك منطقي وصحيح ألف في المية ولكن لن يستمع لك أحد وللأسف إلا ما شاء الله

عااااد هدي ياخوك ...البنت ما عملت شيء ..تُريد فقط وضع الامور في نصابها الصحيح , قول لا إله إلا الله ورووح ذاكر احصاء وبالخدمة ان احتجت شيء !

ربي يوفقكم لكل خير و يحفظكم من كل سوء

الاحصاء ان شاء الله نبدى فيه بكرة وان شاء الله الامور سهالات
بالنسبة الى العضوة الثقل كله لا تلومني على ردي الي في الاعلى لانها حاولت مجرد محاولة ان تحملني أخطاء غيري فـ كانت ردة فعلي طبيعيه

وبالتوفيق

[أشراف بلا تردد]

هونوها وتهون كلام ناوي مافي اشكال لان بما انه اول يوم المفروض المشرفين يعطونا زياده وقت ربع ساعه على الاقل لان المراكز كلها تغيرت ادا اني المركز يبعد عن بيتنا ربع ساعه الا اني جلست ساعه ادور عليه وكل ما نسأل يدلونا الى موقع ثاني ووصلت القاعه واحس المعلومات طارت بسبب الربكه ولا وفىالوقت وياي بسب للأخطاء ما اتوقع ان الدكتور يوم حط الاسئله انتبه لها والله كان عدلها وجلى من لايسهو :106:

[جاك سبارو]

الله يعطيكم العافية وأنا ودي أقول شي للأخ العزيز ناوي السوكبا ..

بصراحة أنا حطيت نفسي مكانك ومقدر وحاس باللي أنت متضايق منه الحين ..
بس بأمانة لو مكانك والله ماأسلمهم ورقتي لو يصير مايصير

معلش الحق حق إذا فعلاً اللي يوصف لك أخطأ في الوصف وإنت ماجيت إلا متأخر توقت ساعتك على وقت إستلامك للورقة وتعطي المراقب خبر إنك حطيت التوقيت من بداية إستلامك النموذج غير كذا ماينفع ..

وأقولها بكل صراحة أنا ماأتفق مع إستراتيجيتك في حل مشكلتك (لأنك ماحليتها أصلاً ) جلست مستاء من وضعك وتضايقت على الفاضي ..

الشي الأخير بالنسبة للأسئلة فعلاً فيها أخطاء وماحد معصوم عن الخطأ وبإعتقادي إن الدكتور مابيقصر لما يعرف بالأخطاء هذي لأنه يعرف إنها ممكن تنجح طالب وممكن ترسبـه ..


الشاهد من كلامي كله الواجب من الجميع في مثل هالمواقف يتذكر إنه طالب جامعي وله حقوق مهما كان الموقف لابد إنه ينصف نفسه بنفسه دام الحق معه أما يجي ويتحسر ويتضايق وماحد درى عنه وقتها يتحمل كل شيء يصيـر له ..

آسف على الإطالة

[مالكو]

رجاءا من الاخوان اللي ماراح يرسلوا لا يحبطون اللي لهم نية الارسال

هذا اقل حق نطالب فيه والمفروض مانسكت عن حقوقنا
كافي اخطاء ياجامعتنا العزيزة
نسهر الليالي ونترك اهالينا وعيالنا علشان نحقق درجات زينة لاتصيري انتي والزمن علينا
من أمس وانا ضايق خلقي ومانا قادر اذاكر اصاء نفسيتي تعبانة
الله المعين

[lgl3enk]

ترا 3 اسئله خطا

[نسـاي]

فعلا سؤال واحد غلب موازين الأختبار بالنسبه لي كنت داخل واثق من نفسي بالمحاسبه سؤال الوارد اخير صادر اول لحس مخي وقضيت فيه الوقت فوق اللازوم وضيع الثقه والوقت كان يمشي واعصابي معه منشده ماقول الا الله يستر بس درجة النجاح بعد الثقه اللى داخل الأختبار فيها

[ابو عبدالعزيز2]

الله يسلمك
لا نمت زين ونسيت شوي :tongue:
الي مزعلني ما كتبت بياناتي الخاصة والسبب الوقت :bawling:

صدناك يالحبيب:33_asmilies-com:يعني أنت اللي معطل نتائج الترم الماضي
وصرنا آخر جهة تعلن النتائج وبعد لك عين تعترف للمرة الثانيه
أنك ماكتبت بياناتك لهذا السمسترخذ نصيبك من:41jg: وتتحجج بالوقت بعد :cool:... أقول تبا" لمن ينسى ... لم أنتهي منك (اذا كنت كذوبا" فكن ذكورا)لأنك أمس تنتقد وتتذمرمن أحسن جامعه في الكون وقبلها كنت تبجل الأمبراطور..الخ وأنك بتنزل تهنئه للجامعه في الصحف الألكترونيه .. على العموم :064: صراحه أهنيك بعنف لأنك أنت الوحيد اللي قدر يجمع السالب والموجب مع بعض .






ملاحظه للأختبارات الجايه : أول ماتجلس ويعطونك ورقه الأسئله مع الأجابه حاول تركز وتكتب بياناتك صحيحه وكامله علشان ماتشغل عمرك ويأثرعليك في المذاكره والمراجعه .

[بنت الخضير]

المفروووووض ما نسكت عن حقنا
درجه وحده ترسب
ودرجه وحده تنجح وبرضوا تغير من مستوانا
يعني درجه وحده تقلب الموازيين كلها
والدكتور غلطان في 3 اسئله يعني عليكم الحساب بالدرجات الضايعه :017:



السمسترات الماضيه طلاب يرسبون بسبب درجه والجامعه رافضه انها تعطيهم الدرجه لانها النجاح والرسوب يكون بيد الطالب وما تتحمل مسئويه اهمال الطالب وفشله
الان الوضع غير
لاسمح الله وصار رسوب بمحاسبه التكاليف والسبب الاخطاء !!!
كيف بتتعامل معنا الجامعه :cool::cool:
والا بس حنا اللي نتحمل الاخطاء وهي لااااااا

[أيام العز]

أنا رأي أنه فيه عدة أشياء وهي كالتالي
1-الأخطاء الواقعه فالأسئلة وهدا أربك الطلاب وأضاع وقت فالبحث عن أجابه ليست موجوده فالأصل
2-الوقت القصير أصلآ ومازاد الطين بله اللجان المراقبه ومشاركتها في أضاعة الوقت وهي عمومآ تؤدي مهمه (وليس بضارهم شي أستهلاك الوقت
أتمني من العمادة أن تراعي ماحصل للطلاب والطالبات في هاده الماده خاصتآ,,,,,,,,,,,,,,,,,وتعديل الوضع فيما بقي وحليفكم التوفيق والنجاح

[KFU STUDENT]

ترا 3 اسئله خطا

ممكن درجه وحده تغير من D الى C ومن B الى A وهكذا :24_asmilies-com:

وياخوفي تتكرر الاخطاء في اختبارات ثانيه وشي مو جديد هالاخطاء من اول مستوى واحنا نشوف اغلاط ونسكت انا بس حبيت اوصل صوتي للجامعه ان يكون فيه اهتمام ودقه في كتابة الاسئله

الطلاب بحاجه لمعدل موب نجاح وبس :biggrin:

[noufa_london]

ال 3 اسأله هذي اللي بعض النآآآس عندها عادي عليها 4.2 درجه :biggrin:

وابسط حقوقنا !!! :(269):

[noufa_london]

ال 3 اسأله هذي اللي بعض النآآآس عندها عادي عليها 4.2 درجه :biggrin:

وابسط حقوقنا !!! :(269):

[ياقوته]

والله مااستغني عن درجاتي وتعبي وسهر الليالي :d5:
والاحسن نكلم الدكتور يشوف نموذجه ويشيك اخطاءه ياريت احد يكلمه ياشباب بليييز >>> تقترح وتبي غيرها ينفذ

وان شالله هالجامعه تعطينا وجه ولا يضربون بكلامنا عرض الحائط :Cry111:

[وردة الجوووري]

وش السؤالين الغلط غير الوارد اخيرا صادر أولا ??
معليش بس عشان ارسل معكم ..:tongue:

[hgrans]

طيب ما هو الحل يجب الوصول الى الدكتور عدنان الملحم شخصياً وابلاغه بما حصل مع العلم انني اعتقد انه عارف الامر ولكن نبي نعرف هل ستحسب لنا الدرجات


ثانيا:
الاسئلة ليست بصعبه ولكن تحتاج الى وقت كبير خصوصاً من الدارسين للمادة وليس المدرسين لها

الله المستعان

[ملك الذوق]

الحل يعطون كل طالب في هالماده
يعطونه خمس درجات
وخلاص كيذا نصير حبايب ولا نزعل عليهم
ترانا حليوين مااره
بس يعطونا خمس درجات و نغليهم والله

[Lo0olo0o...]

الحل يعطون كل طالب في هالماده
يعطونه خمس درجات
وخلاص كيذا نصير حبايب ولا نزعل عليهم
ترانا حليوين مااره
بس يعطونا خمس درجات و نغليهم والله



^^^موآآآفقه ومآرح آتنآزل ابد ابد :biggrin:

[شكثر اعاني]

ماهي حالة ندرس ثلاث شهور والامتحان ساعه بعد التوزيع الساعه 4 والتعبئة للبيانات ربع ساعه
ومايمدي تصير 5ونصف الا المراقبه افتحت فمها ولا بقى 10 بقى 5 يالله نصف ساعة منحة عيب عليهم الموضوع كله فيه اجر دنيوي واخروي وعاقده النونه كانه جاي تطوع لا والله الا المتطوعه تبتسم اضحك لها نلطف الجو وياها وهي من وراء خشمها كانها هي اللي تمتحن عيب عليهم والله المده ولا العباقرة بالمحاسبة تكفيهم المفروض لحد الساعة 6ونصف و اللي لازم تسوونه المادة اللي ساعاتها الدراسية 3 امتحانها 3 ساعات غير الاخطاء المطبعية واللي مطلوب منكم تسجلون
ملاحظاتكم في خانة تلقي ملاحظات حول الاختبار

[بوليفار]

ظروفي كلها أضرب بها عرض الحائط

فعلاً مو ذنب الجامعة انها في رصيدها 100 مليون

ومو قادرين يضيفون خانة بدل اختيار المراكز في الرياض اختيار المركز المحدد

أو يمكن في هالنقطة يصير تلاعب وراء ما يحطون لك خانة وتكتب فيها موقع سكنك ومن بعدها هم يختارون المركز الاقرب لك

فعلاً الذنب ذنبي يوم اني أتكلم معك



انا اتفق معاك صديقي حول ان الجامعة يجب ان تضع خيار للطلاب لاختيار المراكز القريبة منهم او على الاقل تضع اربع مراكز في الرياض كل مركز يوضع بجهة مركز بالشمال ومركز بالغرب واخر في الشرق ورابع بالجنوب وهكذا تنحل هذه الاشكالية وتكون المراكز معروفة من بداية السنة وثابتة ونخلص من هذه القصة السخيفة

[فراشة حائرة]

رفع

[فارس740]

:d5: