موضوع دورت عليه ومالقيته

[جامعية شيك]

ياخوان كان فيه موضوع واحد منزلة اسمة الحرية الماليه اتوقع كذا

المهم انا حفظتة عندي لان عندي فكرة مشروع
وابي ممول لمشروعي
وموجود للاستفسار ايميل وقمت وارسلت له اني ابي ممول
وقام وارسل (مافهمت؟؟)
ورجعت وشرحت لة

الاخ مارسل لي شي للحين
انا ابغي استفيد من تجربته


وفيه رقم جوال
ياليت واحد يقدر يكلمة ويرد علي
طبعا ماعندي احد اقدر اقول له كلم لي وانا مستحيل اكلمة واجد علي ارسلت له بالايميل

هذا الرابط اللي لقيته بمنتدانا هنا بالمواضيع العامةhttp://freemoney23.wordpress.com/2011/12/12/طريقك-الى-الحرية-المالية-يبدأ-من-هنآ/
اسم الرجال حسام الزهراني

بس ابغى تجربته وشلون اقدر احصل ممول لمشروعي وشهي فكرة التمويل

بس واحد يتبرع ويرد لي خبر لاتزعجون الرجال فشيلة

[جامعية شيك]

شكل مابوة حد:(107):




عادي اذا ماحد يبي يكلم
انا اكلمة بياكلني يعني


بس تبرعوا لي برقم غير رقم جوالي:(177):

[ابن فـــهـــد]

عندي وانا ابو هندي

بس وش اقول للرجال بالضبط :biggrin:
اهم شي وش فكره مشروعك - يمكن انا امولك
عندي 2000 ريال في الحساب من مده :(269):




<<<< فاضي يبي شي يشغله ومسكت ع الزهراني :biggrin:


.

[جامعية شيك]

تسلم يابن فهد

..


لحظة بكتب هنا اللي ارسلت له

[جامعية شيك]

انا محتاجة لراس مال فقط ودراسة الجدوى للموضوع موجودة
اذا قدرت تعطيني تجربتك وهل الجهة الممولة ثقة ..

اذا قدرت تفسر لي اسالتي او ارسل لي بعدم الازعاج وشكرا
___________________________________________
هذا الكلام اللي ارسلتة له..





يابن فهد انا ماخليت جهة مارسلت لها ابي راس مال مايقارب 150 الف




فكرة مشروعي اهي..
كوفي شوب نسائي..
ويكون في مجمع عندنا ..


انا شفت بنات واجد محتاجين للكوفي شوب ياخذون راحتهم فية بعد تعب السوق
وكل اللي موجودة العمال فيها رجال.


فطرأ علي هالفكرة بسبب ازدياد الاحتياج .

وسالت اختي اللي يجون الكوفي الشوب النسائي هالمكان قالت احنا بعض الاحيان نسوي حفلات تخرج او نجاح مثلا هنا.
والمشكلة العمالة رجال من هنود وسودان فماياخذون راحتهم تقول لو فية كوفي شوب نسائي بيربح اكيد.

[ابن فـــهـــد]

انا محتاجة لراس مال فقط ودراسة الجدوى للموضوع موجودة
اذا قدرت تعطيني تجربتك وهل الجهة الممولة ثقة ..

اذا قدرت تفسر لي اسالتي او ارسل لي بعدم الازعاج وشكرا
___________________________________________
هذا الكلام اللي ارسلتة له..





يابن فهد انا ماخليت جهة مارسلت لها ابي راس مال مايقارب 150 الف




فكرة مشروعي اهي..
كوفي شوب نسائي..
ويكون في مجمع عندنا ..


انا شفت بنات واجد محتاجين للكوفي شوب ياخذون راحتهم فية بعد تعب السوق
وكل اللي موجودة العمال فيها رجال.


فطرأ علي هالفكرة بسبب ازدياد الاحتياج .

وسالت اختي اللي يجون الكوفي الشوب النسائي هالمكان قالت احنا بعض الاحيان نسوي حفلات تخرج او نجاح مثلا هنا.
والمشكلة العمالة رجال من هنود وسودان فماياخذون راحتهم تقول لو فية كوفي شوب نسائي بيربح اكيد.


وصلت الفكره . . . . . وسيتم اتخاذ اللازم
وسنخبرك بما يستجد على الموضوع . . . . السعي حقي 2% عند
اتمام الصفقه

شكرا لكم . . . . :(269):

[جامعية شيك]

السعي بعد 6 اشهر من اتمام المشروع


وشكرا

[L U X U R Y]

التمويل مآيجي بَ السآهل يَ روحي ,
لآزم يسوون درآسة جدوى لِ مشروعك وَ درآسة مستقبلية لوه "
مو كل من قآل بسوي مشروع عطوه :biggrin: "

حلوة فكرتك , كوفي شوب نسآئي
وَ أنصحك تطورين فيهآ حآجآت كثير وَ مآتكون تقليدية > في حآل وَ تم العقد بينك وَ بين أحد الممولين "

وَ بشرينآ بآخر مآتوصّلتي لوه بِ موضوعك :(204):

[جامعية شيك]

انا سويت دراسة جدوى وفتحت حساب الكتروني بصندوق المئوية وحساب بعد بريادة
بس ماحد رد علي وهم اهم شئ عنهم ان الواحد فاهم الفكرة ومتحمس للشغل.


وفكرة المشروع متطورة وعندي لها افكار بس ماطرحتها اخاف يسرقونها العذال:(284):


وابشري اذا تيسرت اموري ومشت ابشرك:oao:

[L U X U R Y]

هههههههه , أهم شيء العذّال :biggrin: ,
تسمعين شوري ! روحي لِ الظهران عند الدكتور خالد الزّآمل ,
مآتندمين أبد :biggrin:

[جامعية شيك]

;5157196']

هههههههه , أهم شيء العذّال :biggrin: ,
تسمعين شوري ! روحي لِ الظهران عند الدكتور خالد الزّآمل ,

مآتندمين أبد :biggrin:




لية وش سالفة ذا؟؟
وش باستفيد منه؟؟

[حلم ملوك]

الله يوفقك جامعيه باب رزق بيدعمك مجرب

[جامعية شيك]

الله يوفقك جامعيه باب رزق بيدعمك مجرب


مشكلة باب رزق يبي كفيل منين اجيبة..

وعطني تجربتك اذا مافي كلافة عليك.:biggrin:علشان اتحمس واقنع احد يكفلني.:064:

[حلم ملوك]

محل عطارة نسائي

[L U X U R Y]

الدكتور خآلد الزآمل , أحد هوآمير السوق المعروفين > لآيَقرآ كلآمي وَ يدعي علي :hahahahahah:
وَ عنده موقع برضو تكتبين فيه مشروعك وَ تطلبين تمويل أو شيء مثل تسذا "
بشوفه لك وَ أرسله , :(204):

[L U X U R Y]

http://thumbs.bc.jncdn.com/72127c029bd3eccdb4118918d524aa7f_lm.jpg (http://thumbs.bc.jncdn.com/72127c029bd3eccdb4118918d524aa7f_lm.jpg)



الدكتور خالد الزامل مدير حاضنات الأعمال في جامعة الملك فهد للبترول والمعادن ومدير برنامج دلوني على السوق في قناة المجد ...
ولديه برنامج بالتعاون مع الحكومة لتمويل المشاريع الجديدة والناجحة ( طبعا بعد الترشيح بالأفضلية ) والتي تكون بها أفكار جديدة وذلك بالتقديم في موقعه ..
ولديه كافة الدراسات لأي مشروع وهي دراسات رائعة جدا حملوها حتى تستفيدوا منها ...



مآلقيت الموقع , :(107):
إقري عنه بالنت وَ راح تعرفينه عن كثب :tongue:

[جامعية شيك]

حلم ملوك ,,تسلم بحاول ادور كفيل..

وترف,, انتظر منك الرقم لعل وعسى يلتفت الي هذا الهامور

[جامعية شيك]

ابشركم رد علي الزهراني بالايميل وعطاني ملف باوربوينت عن شغل الشركة
بس قهر قال ماتقدرين تمويل مشروعك الا بعد شغلك مع الشركة وتحصيل الارباح .
والي يخليني افقد الامل مرة وحدة انه مافيه فرع اصلا لشركتهم بالشرقيه
اقول بس ياحظ الرياجيل يقدرون يسافرون ويشتغلون طبعا اقل مبلغ تحصله بالسنة 400 الف
هذا على كلامهم.*

[al-mha]

طوري فكره المشروع اكثر
بوجهه نظري شوي المشروع تقليدي دخلي عليه شي مميز :love080:مثل ماقلتي حلو بعد فكرتك حق الحفلات :(204):

وماتحسين 150 الف قليله ؟!!!
الا اذا تبين تبدين بشي بسيط وبعدين اتدرجين :biggrin:
ولاتنسين تسوين داعايه كبيره للكوفي وتخلينه بمكان واضح وحلو <<خططتلك من الحين واذا تبين افكرك بدعايه فا انا حاضره :biggrin:

[al-mha]

لالالالالا لاتياسين ولا شي
شوفي انا من وجهه نظري 150 الف شي يقدر يندبر باذن الله لو انتي متاكده من نجاح المشروع
دوري بلنت عن سيدات اعمال سعوديات
ولو لقيتي طريقه للتواصل معهم اطرحي فكره مشروعك وقولي انه بيكون المشروع كله علي بس انتي منك راس المال
وطبعا لك مثلا 30 بلميه من ارباح المشروح
وبس بشرط انه هلاتفاقيه تظل لما يقوا المشروع واقدر اديره لحالي ساعتها ارجعلك المبلغ الى حطيتيه وبتالي يكون عندك الارباح والمبلغ وانا عندي مشروعي
وطبعا كله هاذا يكون مكتب بعقود عشان ينضمن حق الطرفين
:biggrin:
وممكن تتفقين مع ابوك او اخوك او عمك هو الى يكون منه راس المال وانتي المشروع والارباح بينكم
او دخلي عمامك ثنين وخلي كل واحد يدفع النص وانتي تكفلي بلمشروع والارباح بينكم طبعا :biggrin:ولفتره محددوه بس لما يوقف المشروع

[جامعية شيك]

تسلمين شوفي اذا زوج اختي الهامور وافق ابشرش
بخليه شريك براس المال وانا بالشغل

[التعب منسي]

الله يرزقك من واسع فضله اختي


<<ياعنده مشاريع خونفشارية بس وين التمويل؟ :bawling:

[عطر الخفوق]

الله يسهل أمورك جآمعية شيك

ـآلآفكآر موجوده ,,وـلآبدآع موجود,,,بـــس رـآس ـآلمآل هو ـآللي مكسر مجآديفنآ

الله يفتحهآ لك من وـآسع أبوآبه ...:106:

[الـبرنس]

اولا الله يوفقك في مشروعك ..

وتتيسر لك امورك ..

بالنسبة للجهات الداعمة في السعودية فهي كثيرة .

ولعلك وصلتي الى افضلها ( صندوق الئوية )

ولكن كل الجهات الداعمة مشكلتها بطيئة جدا ..

وبطئها الشديد في التمويل .. وتجزئة وشروط صرف الشيكات تكون دائما سبب من اسباب فشل المشروع .

فافضل لك تبحثي عن ممول شخصي .
رجل او سيدة اعمال .. فهم يمولونك بشيك واحد ..

ولكن تبقى المشكلة دائما اين هم رجال وسيدات الاعمال من دعم شباب المستقبل ..!

هناك فجوة كبيرة جدا .. تمنع وصولنا اليهم ..

وهناك اشياء كثيرة لازم تتنبهي لها قبل البدء في اي مشروع .

فانا بدات بعمر الـ 20 في اول مشاريعي ..!

وتخبط في كذا مشروع ..

والحمد لله تيسرت الامور .

وكانت الـ 4 سنوات الماضية كل يوم اتعلم منه شئ .

والحين بدات الامور تكون اوضح بالنسبة لي .

والتجارة والمشاريع هي افضل من الوضائف بـ 99 % .

ولكن يبي لها اجتهاد وعزيمة .

وصبر .

ولا تتوقعي ان الامور بتجي على مارسمتيها .. فدائما تجري الرياح بما لا تشتهي السفن .

ويبقى ان اذكرك بان بعد الصبر فرج ..

والصبر يوصلك للنجاح ..

وبداية النجاح هو الفشل ..

او كما يضنه البعض الفشل .. انما هو مجرد عقبه تحاول ان توقفكَـ ..!

فعليك ان تكسيري وتدوسي على كل عقبة تكون بوجههك .

كانت تواجهني العديد من المشاكل .
ولكن صبرت والحمد لله حصلت على مرادي .

فاخر مشاريعي كان سكن الطالبات في الدمام .والذي لازال يستقبل الطالبات والموظفات ويحتضنهم تحت سقف واحد .

واصبحت اتطلع لفكرة ومشروع اخر .

واي شئ تحتاجيه سوائا انتي او اي عضو في الملتقى في استشاره او خدمة او اي شئ انا مستعد ..

لان تمنيت بيوم من الايام القى احد خاض التجارب واقدر اسئله واستفيد من تجاربة ..

ولاني ما لقيت احد خضت التجربة بنفسي .. وطحت بمشاكل كثيرة .

ولكن تجاوزتها ولله الحمد ..

فتمنياتي لك وللجميع بالتوفيق

وتاكدوا بان الفكرة قد تتحول الى واقع
بس تحتاج الى العزيمة

واعتذر على الاطاله ..

دمتم بخير

[سليل الورد]

ربي يسهل امورك ويفتح لك ابواب الخير والرزق يا جامعية فديتك
وان شاء الله هالطموح الجميل اللي شفته بعينك وقريته من كلامك
ربي ما يضيعه ويكلله الرحمن بالي تتمنينه :106:
لا تيأسين مهما صارت الظروف ربك موجود وبيوسعها عليك
ما عندي خبرة في المشاريع والتجارة لكن قلبي بيكون داعي لك دوم :love080:
ولا هانو اللي قبلي وكلامهم نفعني :wink:

[al-mha]

خلي اختك تكلم زوجها دامه هامور 150 الف ماراح تضره اول شي خل تقوله سلف:biggrin:
واذا رفض خل تقوله تدخلك شريك معها :biggrin:
وبيني وبينتس اذا قدر يدفع اكثر خل يدفع

[جامعية شيك]

مشكورين جمعيا ع مروركم الي اسعدني
من جد كلماتكم تفرح وتعطي امل

عطر الخفوق و التعب منسي>>> ربي يرزقكم من اوسع ابواب رزقه دورو ع ممول واكيد بتلقى فيه ناس ودها بس احد يشغل اموالها وماهي فاضيه

البرنس >>> يشرفني مرور حظرتك بموضوعي من جد محتاجة احد يدعمني بتجربته ..
سليل >>> تسلمين ع الكلام الحلو وبعزمك ع افتتاح مشروعي ان شاء الله
المها>> شكلي بزود راس المال الى المئتين الف وبطلبه بشكل غير مباشر اذا
رجع من السفر..


تحياتي للجميع
ومشكورين ع الردود الطيبه



وعقبال مانزل موضوع ابشركم اني افتتحت محلي لوتدرون ان الطموح كان مجمع متكامل للخدمات النسائية ويش تقولون:mh12:
بس خلوها ع الله واجد علي محل صغنون

[al-mha]

الله يوفقك يارب
وبعدين من وجهه نظري محل كوفي نسائي انجح مرا من مجمع نسائي لاسباب كثيره
:biggrin:

[جامعية شيك]

صدق ترا صعبه مجمع خليني ابدا بكوفي اسهل للادارة والتعب اقل
مجمع مو مجمع سوق مجمع يختص باي خدمات للرفاهية المراءة

[باسيل]

الله يوفقك ويفتح علية من وسع رحمتة