أريد تأجيل إختبار القانون بسبب المرض

[أم المثنى]

السلام عليكم

أريد تأجيل إختبار القانون لهذا اليوم لأن عندي ألم فضيع

في الرقبة يصاحبه صداع لدرجة الإغماء من شدة الألم لذلك

أريد التأجيل وأريد إعلام من يهمه الأمر بذلك فأرجو مساعدتي

حيث لا أعلم إلى من ألجأ في الجامعة ومتى أرسل التقرير

الطبي ورقم هاتف للمختص بهذه الأمور في الجامعة

وجزاكم الله كل خير وإدعو لي بالشفاء لي 5 أيام ما نمت زين

أم المثنى

[AL.GHamdi]

نسأل الله ان يشفيك شفاء لايغادر سقما ..


بالنسبه للتأجل اتوقع انه بعد الاختبار تراسلينهم وتدخلين على ايفونه عدم حظور الاختبار بعذر وترسلين لهم العذر ... والله واعلم


ممكن الاخوان يفيدونك ..


ونسأل الله انه يعينك

[منـور]

ماتشوفين شر ان شاء الله :106:

بس لو تقدرين تضغطين على نفسك وتختبرين وتجيبين النجاح فقط
لان القانون مو من المواد المستعصيه يعني بمجرد التصفح والتركيز بأذن الله تقدرين تلمين بالماده

[مدرك]

الله يشافيك بشفائه و يداويك بدوائه
لازم تتصلين بالعماده و تشوفين شنو رايهم

[فهد المطوع]

اسئل الله لك الشفاء العاجل ..

أهم شي يكون معك عذر طبي معتمد .

ويتم تقديمه لاحقاً عبر النظام ..

بالتوفيق يارب ..
وما تشوفين شر

[جامعي بامتياز]

اللهم رب الناس ,اذهب البأس أشفى انت الشافى لاشفاء الا شفائك, شفاء" لايغادر سقما....

اسال الله لك الشفاء واهم شي صحتك والاختبار لو معاك عذر من مستشفى حكومى راح يقبلوه انشالله..

[همـس الليـالي]

اسال الله العظيم رب العرش العظيم ان يشفيك ويخفف عنك الالم ويجزاك الجنه ويكتب لك الاجر

حاولي تساعدي نفسك ياغاليه وخذي مسكن وكلي شي وتنشطي شوي

وحاولي تادي اختبارك وارتاحي منه احسلك ماتاجليه وتحمليه بالترم القادم

اقراي الرقيه وسمي بالله واتوكلي وفالك التوفيق يارب

[أم المثنى]

الله يجزاكم كل خير بس أنا ساكنه بالهيئة الملكية

بالجبيل وما حولي مستشفى حكومي كلهم خاص

والله العظيم إني جبت وحدة تسوي مساج صيني

لرقبتي وراسي لااني مو قادرة اتحرك بس الحمد لله على

كل حال بس لو أحد يقدر يعطيني رقم تلفون شؤون الطلبه

أكون شاكره والله يجيركم ولا تشوفون شر إن شاء الله

[د . منتسب]

اللهم رب الناس ,اذهب البأس أشفى انت الشافى لاشفاء الا شفائك, شفاء" لايغادر سقما...


فيه نفس رقم المشرف حق موقع الاختبار حقك حاولي تتصلين و تستفسرين منه حاولي الحين قبل الاختبار عشان تشوفين وش يصير عليك .. ربي يعينك ويقومك بالسلامه

[أم المثنى]

الله يجزاكم خير ويرحم والدينكم

تم الإتصال بعمادة الدراسة عن بعد وقال لي

إن دام معي ورقة مختومة من الدكتور فعذري مقبول

وراح أعيد دراسة المادة من جديد ما عندي مشكلة

والله يعينني ويعينكم على بقية المواد وأرجو الدعاء

لي بإكمال باقي الإختبارات إن شاء الله على خير

أنا وإنتم وكل طالب علم مسلم إن شاء الله

[زهرة الخليج وبس]

سلامات وماتشوفين شر انا مثلك في الجبيل وكان اليوم اسمعهم يتكلموا انه فيه غياب كثير