معهد البسام..اللي بالاحساء.. اللي تدرس فيه او تعرف احد يدرس فيه تدخل بسرررعه [الأرشيف] - ملتقى طلاب وطالبات جامعة الملك فيصل,جامعة الدمام

نحووول

2009- 1- 19, 12:30 AM

--------------------------------------------------------------------------------

السلام عليكم ورحمة الله وبركاته...
هلا بنات..
بغيت أسألكم من فيكم تعرف احد سجل بمعهد البسام اللي في الاحساء؟؟؟
و كيف دراستهم و هل هي سهله والا صعبه و هل فيه درجات ع المشاركه و ع الغياب والا ما تأثر على النسبه؟
على فكره..دبلوم تقنية المكاتب بـــ7000 سنه كامله..فصلين دراسيين..و 250 لحجز المقعد..
أنا حجزت المقعد بس ابي اعرف تفاصيل اكثر عن دراستهم و طريقة تدريسهم..
و عن طاولات الدراسه^_^يمكن تستغربون..ابي اعرف..هما اللي يصيرون نص طاوله ع اليمين؟!!!
لان انا ما أعرف أكتب إلا باليسار..إذا طاولاتهم من هالنوع بكلمهم عن هالموضوع..
و هل فيه واجبات و دفاتر والا ماراح نحتاج لهذي الاشياء؟
ما ابي اروح و انا جاهله ما اعرف شي عن دراستهم..
و مسموح لي أداوم بعبايتي الكتف والا ممنوع لازم اشيل عباتي^_^
و هل فيه وقت للفسحه؟^_^ <<جايعه الاخت
يعني ابي تفاصيل الجراسه عندهم..
ضروووووووري حيل.. لان الدراسه راح تبدأ 3 ربيع أول..
والله يعطيكم العافيه و جزاكم الله خير..
و اللي تساعدني ولو برفع الموضوع لها دعوه من كل قلبي ان الله يوفقها و يسعدها و يبعد عنها كل شر..

في أمان الله

نحووول

2009- 1- 22, 12:04 PM

شدعووووووه و لا رد!!!
الحين منتدى متخصص لمعهد البسام و مهجور!!!

جـولي

2009- 2- 6, 08:31 PM

ههههههههههههههههههههههههه

أن شاءالله أقـدر أجاوبك عليهـم
اما باقي الاسئـله اذا رحت المعهد يوم السبت بسألك عنهم يالغلا

طاولات الدراسه اللي تكون على الليمين نفس طاولات الجامعه
واذا بتكلمين الاداره خذي راحتك اكيد بيحلون مشكلتك لانه الاداره مرررررررره عسلللل ومتفههمين
بجيب لكـ باقي التفاصيل بكرا اذا جيت من المعهد
اشوفك على خير
في امان الله

نحووول

2009- 2- 7, 08:36 PM

الله يوفقك وين ماتروحين
وينك عني من زمان خخخخخخخخخخ
الله ووووووووناسه يعني انتي بمعهد البسام اللي في الاحساء؟؟
حييييييييييييل ووووووناسه^_^يعني بقابلك بعد 3 أسابيع؟!!!لأن دوامي يبدأ 3 ربيع أول..
وناسه وناسه وناسه^_^
و انتظر ردك على أحر من الجمر^_^
و انتي شنو تخصصك و كم باقي لك وتخلصين دراسه ^_^
اما بالنسبه للطاولات..زين انك قلتي لي ..خلاص الحين انا دقيت عليهم ..و قالوا بتكون طاولتي طاولة كمبيوتر<<انقهرت حدي..و الله ابي اصير مثل كل البنات يعني زي طاولاتهم>_< بس يللا أصبر و اتحمل <<شدعوه!!
هههههههههه
يللا انتظرك..
على فكره انا اللي كلمتني هالمره مو الاداريه..لا ..اللي اسمها يبدأ بحرف الــ ((ل))^_^ايه يمكن ماترضى اكتب اسمها او شي^_^
بانتظار ردك

جـولي

2009- 2- 7, 09:13 PM

آآآآآآآآآآمييييين
هههههههههههههههههههههههههههههههههههههههههههه
أهـــــــــم شـــــي حرف (ل) عرفتهــا

لا حبيبتي انا مو ادرس هناك انا متدربه عندهم بالاستقبال
ايه بتقابليني ان شاءالله يالغلا انا اسمي جولي

بالنسبه لسؤال عن الواجبات والدفاتر
ايه فيه واجبات وفي دفاتر وهم راح يعطونك ملازم بس مررررره سهله الدراسه عندهم
وبعد مدرساتهم مررره حبوباات انا قابلت كذا مدرسه ماشاءالله مررره متسهلاات مع الطالبات مو مدح فيهم لا والله بس انتي بتشوفين بعينك
فيه دفتر حضور على ماضن لازم تجين يوميآ واذا غبتي تجيبين عذر
بعد وشسمه اللهم صلي على محمد

بالنسبه للبس البببسي زييييييي ماتبين بس اهم شي تنوره طويله وبلوزا كم ثلاث ارباع على ماعتقد
وبالنسبه للفسحه <<<<<<<الله ايااااااااااام الفسحه ايام ثانوي الله يقطع ابليسك ذكرتني فيما مضى:bawling::bawling: ايام الونااااااااااااااااصه والفلللللله والرجوع للحصه الرابعه اخر ناس <<<<<<<اوبس سوري فضحة نفسي:t1:

الفسحه بيكون عندك وقت راحه على ماعتقد تقدرين تاكلين فيه بين المحاضرات اللي عندك على حسب جدولك
وبعد اذا جيتي المعهد بيعطونك الخطه الدراسيه بيوضح عندك كل شي

بس تقريبآ هاذي اغلب الاسئله يالغلا
والله يسهـــل عليـك
ويوفقكـ
اي سؤال لا يردك الا الكيبورد يالغلا :119:
اختك
جولي
في امان الله

نحووول

2009- 2- 7, 09:20 PM

يعني انتي تشتغلين هناك؟؟؟؟
^_^
وي وي وي
شي شي شي
ولا بعد عرفتي ((ل))
لاتقولين انك هي!!!
ترى بس سمعت صوتي عرفتني لان يوم التسجيل ماانتبهت للمصعد فــ رحت بالدرج 3 أدوار اوف حيل تعبت هع هع هع عاد صرت اكلمها كأني صار لي 20 ألف سنه ما شربت ماي هههههههههه
^_^وا فشلتاه^_^بريستيجي صار له انهيار ذاك اليوم :g4:
^_^اي والله سوالف الفسحه والحصه الرابعه هههههههه
يللا إن شاء الله أكون شاطره و أبيض الوجه^_^
والله ودي أعرف اسماء معلماتهم و كذا بس يللا لما اشوفك^_^
و مشكووووووووووره حيل على ردودك اللي أكثر من مهمه بالنسبه لي
<<لاتلومينها صار لها شهر من كتبت الموضوع ومحد عطاها وجه :Cry111:

نحووول

2009- 3- 8, 12:58 PM

>_<
هلا هلا هلا
أنا داومت من يوم السبت يعني من امس و اليوم بعد و ما شفتك
>_<
امممممممم
انا جاني احساس انك انتي اللي اسمك من 5 حروف و و بعد شنو ياربي
امممممممم
ثاني حرف ((أ))
^_^
مو نانسي خخخخخخخخخخخ
:hahaha_2008:
^_^
يللا انتظر ردك لاني احس مو عدله اجي امسك لي وحده واقول لها انتي جولي؟؟؟^_^
بس بصراحه حيل عجبني المعهد و تعاملهم بصراحه جوناااااااااان
الشي الوحيد اللي قاهرني انهم مو مخلينا نطلب من كودو وقت الفسحه>_<رغم ان اللي في الكفتيريا خربوتيشن
ههههههههههه
<<بدا الحش
لا والله حيل عجبني المعهد..بس ابي اعرف الحين الدواليب اللي لها مفاتيح للاغراض و العبايات..هذي للجميع والا لناس معينين؟؟؟
يعني مثلا لو انا ابي وشلون؟!!
والا ترا ترا بعلق عفشي على الشماعه اللي في الاستقبال
:mh35:
^_^سي يووو^_^

بنت العنزي

2009- 3- 11, 11:40 PM

السلآآم عليكم ..

دآخلهــ عرض ^^

بس تكفوون بناات آنا للحين آدرس ثآآني ثآآنوي علمي

نسبتي تفشل بالسبعين :hush:

كل من الدرجاات المووزونه ولا تراكمي الله يعين :s12:

قلت آخذ دبللوم هااه يرقع الووضوع شووي

وسآآلت آنا نآآس متووظفين بالبنووك وهذا

قالو نقبل شهاده دبلووم حآآسب

وشهآآدت الثآآوني مومهم النسبه والقدرات وهالسووالف

ودي آخذ من اللحين دبلووم حآآسب عشآآن آخلص هم مرهـ وحده

بس مدري محتآره آي معهــد

بس ما اقوول معهد إلا هآآذي تسب وهااذي تمدح وهذااي مدري شتقوول

صرآآحه ندمت آني سآآلت

زآآدت حيرتي

بس تشجعت يووم شفتكم

تممدحوون البسآآم

وخصووصآآ ودي من اللحين آتعرف على بنآآت لاني آخآف لحآآلي:Cry111: <<يآآعيني

مدري آنتو شراايكم

آن آخذت الرقم بكلمهم وبشووف رآآيكم :119: وآقرر إن شااء الله ...

نحوول انتي تدرسين تقنيه مكااتب :119: <<قريت ^^

طيب آسفه حبووبه كثرت بالآسئله

شهآآده مضموونه بالنسبه للتوظيف وتقنيه مكااتب آحس آسهل من البرمجه

البرمجه قريت منهجهاا صعبه ولا فيهاا ريااضياات :sdfgdsf:

طيب التقنيه سنه بس اقدر آخذ سنتين ؟؟

مدري آنتي شنوو تنصحيني فيه :000:

آنتي خلصتي ثآآنوي ولا ..

وبس ^^

آسفه إذا سببت لكمـ إزعآآج :c8:

يالله آشووفكم على خير

نحووول

2009- 3- 13, 09:25 AM

^_^
وي وي وي
^_^
ياهلا و سهلا فيك خيتووو
شوفي لازم تخلصين ثانوي..
لان شروط القبول في المعهد:/
شهادة ثالث ثانوي+موافقة ولي الامر
و بصراحه جدا محترمين في تعاملهم و ما شفت منهم إلا كل الخير
و أيه نعم انا ادرس حاليا تقنية مكاتب سنه واحده فقط..مو سنتين..
و خلال هذي السنه يعطونك انجليزي لاربع مستويات+برامج الاوفيس+مقدمة حاسب+برنامج الاكسل+سكرتاريه+إدارة مكاتب+سلوك وظيفي و مهارات اتصال+مراسلات+مهارات الطباعه باللمس..
بس ممكن بعدها تاخذين دورات اضافيه لو حبيتي تكون شهادتك أقووى مثلا انجليزي زياده..
عجبني شرح مس عايشه للانقلش رووووعه ماشاء الله عليها..و مس تهاني لبرنامج الاكسل بعد حيل حلو شرحها..
و الباقي بعد بس هذول اكثر 2 عجبوني و لفتوا لي نظري..
و أكيد أن هالتخصص مطلوب جدا في المدارس و المستشفيات و البنوك..و ممكن حتى لو حبيتي تكونين موظفة استقبال بمشغل او بــ ستيديو لانك دارسه ادارة مكاتب و سكرتاريه و سلوك وظيفي<<و هالاشياء مهمه بالنسبه لموضفات الاستقبال..
اما الوظيفه في المدارس فــ تحتاجين بعد الدبلوم لــ دورة معارف بالمعهد نفسه رخيصه ممكن 350 و بعدها خلاص ادعي ربك والله يسهل علينا و على الجميع..
و شهادتهم معتمده فعلا.. معتمدة من المؤسسة العامة للتعليم الفني والتدريب المهني ووزارة التربية والتعليم وشركة مايكروسوفت وهو أيضا مركز اختبارات معتمد من VUE ومركز تدريب واختبارات معتمد لبرامج ICDL.

وتقوم جمعية الحاسبات بجامعة الملك سعود بمهمة الاستشاري الأكاديمي لمعاهد البسام

بالنسبه للبرمجه
بالفعل اصعب من تقنية المكاتب لوجود الرياضيات فيه و الفيجوال بسك و غيره..وهو سنتين
و بعد انا مالي خلق اطووووول بالدراسه^_^
و أي سؤال حاضرين للطيبين خيتوووووو
جد لا تترددين لان دوامي يومي
والله يوفقنا ويوفقك ويوفق الجميع يارب لكل خير
في أمان الله

ر يومه يافديتني

2009- 3- 13, 11:02 AM

ماعليك امر يانحول بس ابي اعرف كم سعر دوره تقنيه المكاتب اللي درستيها وهل الدفع مره وحده ولا شهري

نحووول

2009- 3- 13, 10:10 PM

^_^
ايه هلا وسهلا فيك خيتو
بس عذرا..هذي مو دوره..مليون دوره ههههههه
هذي برنامج أو دبلوم تقنية مكاتب..
و صار لي أسبوع من ابتدأت الدراسة يعني اداوم الحين هناك لو عندكم اي سؤال ما راح ابخل عليكم إن شاء الله..
طبعا مدة الدراسة:/سنه..يعني فصلين دراسيين..
و بالنسبة للسعر..لاحضوا ان حنا راح ندرس:/انجليزي أربع مستويات+سكرتاريه+إدارة مكاتب+سلوك وظيفي و مهارات اتصال+برامج الاوفيس+مهارات الطباعه باللمس...الخ>>نسيت الباقي^_^
الموهيم ان كل هذا لو بتدفعين كاش بــ7000>>سبعة آلاف ريال..
و لو أقساط>>بيكون الفرق ألفين ريال..وقتها بيكون سعر الدبلوم بــ1000ريال
و كل زميلاتي الحين دفعوا كاش..احس بجد مالها داعي حركة الاقساط>>عشان الألفين^_^

بعد شنووو
بالنسبه لدوامنا صباحي:/من الساعه 8 إلى الساعه 12<<بس غالبا نطلع 11ونص<<حسب جدولك وعدد المحاضرات اللي بتاخذينها اليوم..
وأي سؤال ثاني تفضلوا خواتي^_^
و أنا اللي يهمني بصراحه التعامل و الاسلوب الطيب معي..
و الحمد لله إلى الآن ما شفت منهم إلا كل الخير و ترحيب و ابتسامه
^_^ما احب اللي يكشرون بوجهي يذكروني بأيام ثانوي^_^
^_^والله يوفقكم ويسعدكم جميعا^_^
^_^سي يووو^_^

بنت العنزي

2009- 3- 14, 02:54 AM

يـــــــــآآحوول

مشكوره حبوبه ماقصرتي يعطيك العافيه والله يوفقكـِ

تحطيم يعني يوم لقيت المعهد الحلو مايقبلون غير شاهده ثالث ثانوي :Cry111:

متآكده لازم اكوون مخلصه ثاانوي

لان اتووقع النيو رازين بدوون شهااده الثاووني

لأن واحد أعرفه يدرس ثالث ثانوي والحين يدرس دبلوم حاسب بنيو رايزن

يعني الحين شلوون

لأني ثاني ثانوي والسنه الجايه ثالثه وآخر سنه لنا بالأحسااآء

يعني على ماأخلص ثانوي إلا برى الحسااآْء:000::Cry111:

نحووول

2009- 3- 14, 10:45 AM

بروح اسألهم ..
عشان أتأكد
دقايق و راجعة لك

نحووول

2009- 3- 14, 10:54 AM

يقولون لااااااااااااااااااازم
..
ليش؟؟
لان اصلا هذا الدبلوم ((تقنية مكاتب))هو نفسه تخصص إدارة مكاتب في الكلية التقنية..حتى نفس المنهج و نفس الكتب و نفس كل شي
حتى انا اخوي يدرس بالكلية التقنية تخصص إدارة مكاتب و كتبه مثل كتبي بالضبط بس الفرق في الغلاف الخارجي

و هل ينفع انك تدرسين كليه وانتي مابعد خلصتي ثانوي؟؟؟لا يا خيتووو
و لاتنسين انها معتمده من عدة جهات تعليميه..وزارة التربيه والتعليم و التقنيه بعد..وحنا راح نختبر اختبارين واحد من المعهد و واحد من التقنيه..

و أي معهد ثاني يعطيك الدبلوم قبل لاتاخذين شهادة ثانوي عرفي ان السالفه فيها نصب..
و ممكن لو حبيتي تاخذين دورة اعمال مكتبيه قبل لاتخلصين ثانوي او دورات انجليزي اما دبلوم لازم شهادة ثالث ثانوي
و بالنسبه لمعهد البسام فيه في الخبر بعد حيل يمدحونهم و يمدحون تعاملهم
و فيه في الدمام بعد..بس عني انا شخصيا ما تعاملت إلا مع فرع الاحساء..
و أي سؤال ثاني او استفسار من عيوني
و الله يعطيكم العافيه
و دعواتكم لي بالتوفيق والنجاح يارب

ر يومه يافديتني

2009- 3- 15, 10:21 AM

مشكووره نحووول انى توني مكلمتهم قالوولي بماانك دبلووم حاسب ماتنفعك تقنيه المكاتب وانا انشالله بسجل دوره سكرتاريه ومعارف والله احس الدراسه عندهم حلوه:g8:

دافوره

2009- 3- 15, 01:33 PM

بنااات
اللي عندها شهاده ثالث ثانوي النصف الاول و ما كملت ترم ثاني تقدر تدرس دبلوم ؟

و بالنسبه للعبايه .. عادي نلبس عالكتف ؟
و ملابسكم في المعهد كيف ؟
وش نودي معنا من الاوراق لما نروح نسجل ؟

الجود جودي

2009- 3- 15, 01:56 PM

الله يوفقكم جميعا

بس بغيت اسأل
ماعندكم وضايف
لان
انا عندي دبلوم حاسب الي وعندي دوره معارف وصيانه وطرق تدريس """"

ياريت تفيدوني

نحووول

2009- 3- 15, 07:01 PM

ردي على اسئلة الاخت دافوره
اللي عندها شهاده ثالث ثانوي النصف الاول و ما كملت ترم ثاني تقدر تدرس دبلوم ؟

دافوره..
لا حبيبتي بكل المعاهد اللي شهاداتها معتمده من وزارة التربيه والتعليم لازم تكون عندك شهادة ثالث ثانوي
و بالنسبه للعبايه .. عادي نلبس عالكتف ؟
بالنسبه للعبايه عادي ممكن عباية كتف أنا عباية كتف و عادي جدا..
و ملابسكم في المعهد كيف ؟
بالنسبه لملابسنا في المعهد
الممنوع البنطلونات طبعا>_<
و المسموح:/التنوره الطويله و التي شيرتات و البلايز ممكن نص كم و جابنيز عاااااااادي..البسي اللي تحبين..
وش نودي معنا من الاوراق لما نروح نسجل ؟
تودين بطاقة العائلة((حفيظة النفوس الخضرا))+شهادة ثالث ثانوي الاصلية+250 ميتين و خمسين ريال لحجز المقعد..وسلامتك..
و أي سؤال ثاني..نحن بالخدمه..

نحووول

2009- 3- 15, 07:06 PM

m 2009
والله شوفي يا اختي انا مجرد طالبة دبلوم تقنية مكاتب بالمعهد و ماعندي أي صلاحيه ولا اي حق اني أفتي عنهم بهذه الامور..
و عشان كذا كل اللي اقدر اساعدك فيه هو اني اعطيك رقم المعهد و انتي كلميهم و قابليهم و شوفي وش يقولون لك..
و رقمهم لفرع الاحساء 5861414
تقدرين تتصلين عليهم في الاوقات التاليه:/
من 8 صباحا إلى 12 ظهرا..أو من 4 عصرا إلى 8 مساءً..
و تطلبين المشرفة إيمان..و الله يوفقك ويسعدك لكل ما فيه خير..

نحووول

2009- 3- 15, 07:12 PM

ريومه..
هلا وسهلا فيك خيتووووو
طمنيني عنك لما تسجلين..
بس دوامكم مسائي لانكم دورات^_*يعني مابنشوفك
نيهاهاهاهاهاهاهاها
^_^
وبالتوفيق خيتوووووو وين ما رحتي
وأي سؤال..^_^نحن في الخدمه^_^

دافوره

2009- 3- 15, 07:32 PM

طيب حبووبه .. صاحبة شهادة الصف ثاني ثانوي .. ما تقدر تسجل دورات غير الدبلوم يعني ؟؟

شكككككرا من كل قلــبي .. يعطيك الصحه

نحووول

2009- 3- 15, 07:55 PM

دافوره..
بالعكس ممكن تسجلين بدورات قبل لا تخلصين ثانوي...

عندك دورات انجليزي مسوين عرض الحين 3 شهور بــ1800 و بصراحه انا جربت مس عايشه في الانقلش و الكل يقول عنها روعه ما شاء الله عليها..
و فوتوشوب عندك فيه بــ250 ..اما دورة الفوتوشوب الاحترافيه بــ500 ريال وبس <<قبل كانت بــ ألف بس الحين عندهم عروض..
و بعد عندك دورة أعمال مكتبيه 3 شهور تدرسين فيها:/(باوربوينت+اكسل+وورد+انترنت+بريد الكتروني+طباعه باللمس)) بــ2000ريال
<<زميلتي تدرس هذي الدوره و تدرس دبلوم تقنية مكاتب معي..فعشان كذا الدراسه عندها اسهل..والله يوفقها..

دورة سكرتاريه بــ1800
دورة فلاش بــ500
دورة تصميم وإدارة مواقع الانترنت بــ4500 <<هذي افكر ادخلها بعد ما اخلص الدبلوم بإذن الله..

و عندهم دورات ثانيه كثيره غير هذي بس هذا اللي في بالي الحين..
و اي استفسار او سؤال^_^حاظرين للطيبين^_^
دعواتكم لي بالتوفيق

ر يومه يافديتني

2009- 3- 16, 11:00 AM

مشكووره نحووول ع الرد خلاص قررت باخذ انقلش وبث :mh19: ايه حبيت اسال عاتي اخذ كم دوره بنفس الوقت
مثل انجليزي وسكرناريه ومعارف لين تبدا ولا ماينفع :g2:

نحووول

2009- 3- 16, 01:42 PM

ريووووومه..
خيتو..انا راح اسال لك ..و أرد عليك بكرا..
هو انا ما اتوقع بس بشوف شنو راح يقولون لما اسالهم..
أنتظري ردي خيتو بكرا ع الساعه 10 الصباح بإذن الله..
^_^و أي سؤال..نحن في الخدمه^_^
^_^سي يووو^_^

ر يومه يافديتني

2009- 3- 16, 04:15 PM

يسلموووووووووووووووووووو ع الرد تعبتك معي :c8:

نحووول

2009- 3- 16, 09:27 PM

لا عادي خيتو..
وهلا و سهلا فيك^_^
و أي سؤال..نحن في الخدمة
^_^سي يوووو^_^

نحووول

2009- 3- 17, 09:48 AM

ريومه..
توني سألتهم الحين و قالوا ايه ينفع بس تعالي سجلي من الحين عشان تداومين من اول الدوره و ما يفوتك شي..
حاليا التسجيل متاح لدورة الانقلش..و دورة السكرتاريه..
أما معارف ..بعد فتره إن شاء الله..
بس اهم شي انتي تعالي المعهد و هما راح يضبطون لك جدولك بحيث انك تدرسين دورتين مع بعض
والله يووووووفقك خيتوووووو
و أي سؤال..نحن في الخدمه
^_^سي يووو^_^

دافوره

2009- 3- 17, 04:42 PM

الله يوفقك انتي و زميلاتك ان شاء الله

معليش حبووبه بس كمان سؤال أخيــر ^.^

متوفر دبلوم سكرتاريه ؟؟ ..و إذا إيه .. وش تدرسون ..؟

و دورة الأعمال المكتبيه .. دراستها زي الدبلوم ؟؟

نحووول

2009- 3- 17, 07:00 PM

هلا فيك خيتوووووو
و مشكوره ع الدعوه الحلوه.
بالنسبه للسكرتاريه فهي في جميع المعاهد عبارة عن دورة و ليس دبلوم..
و موجوده بالمعهد بــ1800 لو حابه تسجلين خلال هذا الاسبوع لان بعد فتره بسيطه راح يبدأون في دفعه جديده هي و الانقلش..
بالنسبه لشهادة السكرتاريه فهي مو نفس قوة شهادة الدبلوم بلا شك..
و هي بــ1800
لمدة 6 أسابيع

و دورة الاعمال المكتبيه ..مافهمت بالنسبه لكلمة دراستها زي الدبلوم يعني اقصد من أي ناحيه تكون مثله؟؟؟
بس حنا ندرس مواد دورة الاعمال المكتبيه..

دورة الاعمال المكتبيه عبارة عن:/
باوربوينت+إكسل+وورد+أنترنت+بريد إلكتروني+طباعة
<<المدة 3 شهور
بــ2000

هذي الشهادات اكيد تنفع..بس قوتها مو مثل قوة شهادة الدبلوم..
دبلوم تقنية مكاتب ندرس فيه مواد دورة الاعمال المكتبيه و برامج الاوفيس و حاسب و سكرتاريه و سلوك وظيفي و مهارات اتصال و إدارة مكاتب و أوتلوك و مراسلات و جداول الكترونيه و انجليزي 4 مستويات
و في مواد اخرى لكن نسيتهم لان إلى الآن هذا اللي استلمنا كتبهم
والله يوفقكم جميعا و يوفقنا يارب
و أي سؤال ..نحن في الخدمه..لاتترددون حنا خوات
^_^سي يووو^_^

دافوره

2009- 3- 18, 11:43 PM

أيييييييييوه اختي ..
شكــراً وضحتي لي كل شي .. ما قصررتي

الله ينول لك اللي بخاطرك :119:

نحووول

2009- 3- 19, 02:23 PM

^_^الله يوفقك ويسعدك يا دافوره انتي و جميع المؤمنين و المؤمنات^_^
و شكرا لتواجدك بالموضوع
^_^و أرجع وأقول أي سؤال أو استفسار..نحن بالخدمة^_^
و مشكوووووره خيتو ع الدعوه الحلوووووه..ولك مثلها يارب..
^_^سي يووو^_^

بنت العنزي

2009- 3- 23, 12:06 AM

شلوونك نحوول وشخباار الدرآسه معآآك

مشكور على الآجآآبه وماقصرتي يالغاليه

وآسفه تآخرت بالرد عليك ..

آنآ قررت آخذ إنقلش إن شااء االله بس مو اللحين بالصيف ..

عشآآن بدينآآ كرف الامتحآآنآت من اللحين ..

بس استفسآآر آخيــر :"

لازم شهآآده الثآنوي صح مثل ماقالتي

بس مآآاوتقع يطلبوون انه لازم نسبه آو قدرآآـت مدري صح ولا ؟؟

ومشكووره حبووبه مره ثآآنيه ..

(( الله يووفقك وين مارحتي والله يجزيك الفردوس الاعلى إن شااء الله والله يعطيك على قد نيتك
الله يسلهاا لك ويحقق لك كل اللي في بآآلك وويوسع بآآب رزقك ويطوول عمرك ويدووم
عليك الصحه والعافيه الله يووفقك ويسرهآآ لك إن شااء الله
ويكملهآآ معآآك بالوظيفه الحلووه وولد الحلال للي يعزك إن شااء الله ))

قولــــــي آمين ^^

نحووول

2009- 3- 24, 06:48 AM

وي وي وي
احم احم
آآآمين الله يسمع منك..ومشكوره حيل على الدعوات الحلوه..و لك مثلها إن شاء الله

بالنسبة للشهادة:/للدورات عادي ممكن تكونين ماعندك شهادة ثانوي مو مشكله..
أما الدبلوم..ضروري ضروري يكون عندك شهادة ثالث ثانوي((مو مهم كم نسبتك))..و الاكيد ان ما راح يطلبون منك شهادة قدرات..
بس ميزتهم ان تدريسهم جاد..عكس بعض المعاهد اللي تخلي كل وحده بكيفها و بمزاجها وما يجي اختبار المعهد الفني الا هي ميـــــــــــح((ولا شي..عدم))

و أي سؤال..نحن بالخدمه
والله يوفقكم ويسعدكم يارب

بنت العنزي

2009- 3- 29, 11:31 PM

يآقلبي مآسوويت شئ يالغاليه ..

آمين ويآآتس إن شآآء الله ..

يآحياتي فديتس ^^

الحمد لله .. لآني لو آعتمتد على شهـآآده الثآنوي مآرآح دخلني شي :Cry111:

خليني آشكي لتس شووي إذآ مآفيه مآنع :c8:

::

قسم بالله معلمآآت :Cry111:

حسبي الله ونعم الوكيل فيهم

شقوول كل وحده تنتف الدرجآت من جهه

::

مدآخله :"

آنآ نسبتي 76 ولا الترم الآول وللحين ثآلث بعد :sdfgdsf:

وش رآيك بالنسبه تووقعين لو شديت حيلي الترم هذآآ والسنه الجآيه آجيب بال 80:praying:

::

نرجع محور حديثنآآ ^^ :"

والله مـآآفيه آحد يسآعد ويدعم ولا مايصبحوون إلا بهوآش وصرآخ يتعرك مزآجك من صبآح الله خير

ولا اللحين من جت الآختبارت الدووريه بعد تخليني تجي معلمه تحجز

وتجي الثانيه تقوول لا انا قلت اول رووحوا للآولى

ونروح لا للآولى تقول آنآ قلت قبل ونقضيهـآآ نطلب هآذي ونطلب هذيك :Cry111:

والله تعب ولا للحين الترآكمي وبلعنهـآآ والموزونه تكسر الظهر

آنـآ نسبتي لو لا المووزونه 85 :Cry111: << شفتي القهر

لا والقهر الآكبر النظآم مااتطبق على كل المنآطق

مثل القرى والجنووب << درجآت بالهبل وعلى الرآحه

تخيلي بالحفر وحده آعرفهـآآ الفصل فيه 11 طآلبه ثآلث ثآنوي

وهي آعلى نسبه 99 والبآقي بال90 :o3: << إيه والله

شقوول الله يسآآعد ونخلص ونفتك

بس ,,

والله اللي بالقلب آكثر بس شنقوول ومآ آبي آزعجتس آنتي كنت طآليه وآكيد مريتي بهالظرووف

ولا كل سنه يصيروون آزوود وآردى من قبل :017:

إن شـآآء الله خير

آخـآآف على مآخلص الثآنوي اإلأأ اللي بالمعــهد لآني سمعت كل سنه يتغيروون مدري :mh19:

آخـآآف يتغيرون اللي فيه :mh19:

إن شـآء الله خير

::

حبوبه عـآآد الوظيفه مضمونه ولا ؟؟:000:

لآني بحث بالنت وسآلت وشفت

فيه بعضهن يقولن آنآ مآآخذه شهـآآده دبلووم وتوظفت

والبعض الآخــر يقوول لا والله معآي بكلريووس ومآلقيت وظفيه

آمـآآ عـآآد

آنـآآ آقوول << يآحليلهـآآ هي تقوول :119:

لو تسمعين كلآم النـآآس مآتحركين خطـوه وحــده

توكلي على ربــك ومآيخيب لك رجـآآء إن شــآء الله ..

والله يرزقك بالوظيفه الحـلووه

وهديت تخرجك عندي هـآآذ هي :m29asmilies-com:

::

يآقلبي آسفه طوولت عليك بس آرتحت لك :119:

آعذريني إذآ سبب لك إزعـآآج ^^

نحووول

2009- 3- 30, 03:34 PM

بالعكس عادي اختي و هلا و سهلا فيك..
و أكيد مريت بنفس الظروف اللي مريتي فيها..هم و كدر..و نجمع في هالنسبه و بالنهايه..ولا شي..
بالنسبه لنسبتك..انتي شدي حيلك في الدراسه و في اختبار القدرات و من بعدها إن قبلوك كليه والا روحي معهد ابرك لك..
و بالنسبه لسالفة انه يتغيرون اللي بالمعهد^_^يؤ يؤ يؤ..لا الموظفات ما يتغيرون إلا إذا مثلا وحده استقالت او شي كذا..
و الطالبات معظمهم طيووووبات والله..و في حالهم..وهذا احسن شي..
وبالنسبه للوظيفه..انا من البدايه حاطه في بالي أني لو بنيت القصور على الرمال راح تنهدم..فــ خلاص أنا خليت هدفي من الدراسه هو اني استفيد أولا و أطور معلوماتي و تتوسع ثقافتي..
و بنفس الوقت تكون عندي شهادة دبلوم أفتخر بها قدام عيالي في المستقبل و أكون قدوه حسنه لهم..مو بس على شهادة ثانوي يتفشلون لو سئلوهم زملائهم..
اما الوظيفه إن جات من توفيق من الله فــ أهلا و سهلا..أما الواسطات..انا مو مقتنعه فيها أبدا..توفيقي بيد الله سبحانه و تعالى
و هلا وسهلا فيك اختي بأي وقت..
و الله يوفقك ويسعدك..
و لو عندكم أي استفسار..أنا بالخدمه^_^

مراسي

2009- 6- 21, 09:07 AM

معهد البسام فاااااااشل بمعنى الكلمة انا دارسة دبلوم برمجة ... استغلال والله وموبس هالمعهد فيه معاهد ثانية الفرع اللي بالدمام رووووووعه بس ماادري ليش يسووون هالحركة السخيفة اذا سجلت الوحده يغرونها بالكلاااام وفي النهاية تطلعي بلوووووووشي ...

http://www.ckfu.org/vb/showthread.php?t=39116

طالبه المشوره

2009- 10- 18, 07:56 AM

السلام عليكم
كيف حالكم بنات
اختي يعطيك ربي الف الف الف عافيه
وربي فرجتي همي ربي يفرج همك
انا متخرجه من ثانوي هالسنه وحابه ادرس بالمعهد ولقيت المعهد المناسب
بس وربي خايفه كثير ومحتاره
ابي اخذ دبلوم حاسب
بس انا ميح بالانجليزي والرياضيات
طالبه مشورتك خيتي وش انسب لي
وعندي خلفيه عن الحاسب
واحب اصمم والحاسب شي كبير بالنسبه لي
حابه اني اكون فاهمه اكثر له
وغير كذا انا كلمت هاالاسبوع واستفسرت عن الدورات
بس عندي شوية اسأله
هاللحين نظام التدريس مثل المدارس من ناحية السؤال عن الدرس الماضي<<<متعقده :c8:
وغير كذا انا مااعرف احد :011:بس ابي اروح على الاقل احد يسنعني وين اروح ووش ادرس وش تنصحيني فيه
انا حابه اخذ دبلوم بس من كلامك انجليزي ومستويات خفت :g2:
ماذا افعل
وعادي لو جيت هالاسبوع اسجل الصباح
او المساء
وووو
والله ادري طولت بس مرره ضايعه ومحتاره :011:
تكفين خيتي ساعديني
:Cry111: