تغيير التخصص [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : تغيير التخصص

attallah4

2011- 12- 20, 03:01 AM

أبو سلطآن

2011- 12- 20, 03:22 AM

هلا والله بعطالله منور منور
نصيحتي >> كمل كمل كمل
اخوك في الله >> داج >> وماشي إلى الآن ولله الحمد >> ولا رسوب باي مادهـ(((ماشاء الله)))

بس عجبتني هالحركه الي سويتها (( ههههههههههههههه:Cry111:))
شلون جت مادري >> بس حلووووهـ ههههههههههههههههههه:hahahahahah:

منصور القحطاني

2011- 12- 20, 03:25 AM

اتخاذ القرارات تحت الضغوط غالبا يكون نتيجته قرارات خاطئة

قرر بعد الاختبارات لأن الاختبارات أكبر ضغط على نفسية الطالب

ترى هانت

باقي مادتين انجليزي

وبعد الاختبارات ادرس القرار جيدا

وخذ في الاعتبار اسباب التحاقك بالجامعة

والأهداف التي تتطلع اليها

خالص الاماني بالتوفيق

أبو سلطآن

2011- 12- 20, 03:25 AM

نسيت اقولك بعد >> اسمك صراحه مو حق انجليزي >> نصيحتي اتركها
يعني لو اسمك لؤي والا الشيخ فؤاد >> كان مشيتها لك ..:hahahahahah:

امزح امزح >> بس دعااااابه >> كمل يارجال ولا تهمك اللغه >> اهم شي ذاكر المادهـ الي عليك بس ..

Randz

2011- 12- 20, 03:31 AM

استخير ربك واطلب منه الرشد..~

وشوف وش اللي ينشرح له صدرك..~ :106:

صلي مرة وثنين وثلاث إلين ما تقرر.. وتوكل على الله..~

الله راح يختارلك الأحسن بإذنه ومشيئته..~

بس أنا مع اللي يقولون إن القرارات اللي تتاخذ تحت ضغوطات عالأغلب مو قرارات صائبة..~

بالتوفيق يا رب..~ :106:

نجداوي حيل

2011- 12- 20, 03:42 AM

اجل مالك الا علم الاجتماع ..........اللحق قبل مايقفلونه ^_^

أبو سلطآن

2011- 12- 20, 03:45 AM

^^^
الرجال معصب الحين
لا يلحق ولا شي >> انا كنت مثله < وبغيت اغير التخصص < لكني ولله الحمد مستمر الى الان
والصيف احلى شهر لدراسه اللغه بالخارج > مايكفي شهر بس الاجازهـ ماغير شهر ...!

SomeOne Else

2011- 12- 20, 03:53 AM

قبل ماتغير فكر شوي ليش انت مو راضي تفهم والباقي يفهمون! !!!

هل عندهم شي مو عندك! !!! ماتوقع

sweet eyes

2011- 12- 20, 04:03 AM

يوجد تحديث بــ ردي
..
اتمنى تقرى الكلام الي بقوله واي وااحد يبي يغير تخصصه يقراا

\
/

مستوى ثقافتي بالانجلش موو مرره واحيانا يجيني شعور انسحب او اغير تخصص بس ليش انا حابة اللغه وعاجبتني مع ان في صعوبة فيها لكن ليه انسحب وش فيني وش ناقصني عن باقي الاوادم وش فيهم زايد عني
ليش هم احسن مني لية ماكون احسن منهم

عقلي وقدراتي مكتملة ولله الحمد كباقي الطلاب وكلنا مستوى عقولنا نفس الحد ماحد عنده درجه تفكير مخ زايده عن حد لو في درجه زايده فقط او نص درجه كانه من المتميزين وانتظام او معه منحه مو انتساب..

بس محتاجين شوية تدريب على دراسه مجتهده وان شاء الله نمشي خطوه بخطوه ولا كيف بنفهم الللغه كذا مرره وحده .! اكيد بيجيك اكتئاب انك منت فااهم وتبي تنسحب بس مافي شي كذا بالساهل وش خلى العباقرة والعلماء والدكاترة بهالمستوى كذا من الله طبيعي اكيد ماوصلو الى هذا الشي الا بعد ماذاقوو المر وتجرعوو مرارة الاسى والصعاااب

وعلى العموم قبل لاسجل بالجامعة كنت افكر ادخل ادارة اعمال لاني اوكي شاطرة بالرياضيات واعشق الرياضيات والكيمياء والمواد العلمية بصفه عااامه وكنت بالانجليزي تدري وش معنااا فاشله بس اووكي ماشيه فيييه بس ليه كنت مستصعبتها لاني ماكنت اهتم فيها ولا ادرسها الا وقت الاختبارات

فقط صليت استخارة وعلى طووول سبحان الله قلبي اختار الانجليزي

على العموم انصحك بصلاة الاستخاااااااااااااااااااااااااارة هذا هو الحل وشوف النتيجه مع الوقت كيف قلبك بيختار اذا بتغير التخصص او تكمل فيية :wink:

Abu Mubarak

2011- 12- 20, 07:48 AM

أخوي كمل كمل وصلي استخارة

بعدين عندك معاهد تحسن لغتك وطور من مستواك
الايام هاذي مثل ما قال بعض الأخوان ضغوط وقت الاختبارات وهونها وتهون

P e a c e

2011- 12- 20, 09:11 AM

الله يعينك أخوي. بس ترى كل تخصص له مميزات وعيوب, في الدراسة وبعد التخرج

احسبها صح

لا تيأس وفي نفس الوقت لا تكابر

الله يلهمك طريق الصواب

my Dreams

2011- 12- 20, 09:39 AM

السلام عليكم ورحمة الله وبركاته. وبعد

أخواني أخواتي لو سمحتو ارجو منكم افادتي او برأي منكم يساعدني بتخاذ قرار لي
لأني بصراحه اريد تغيير تخصصي الي علم اجتماع حيث اني وصلة الى مرحله كرهة اللغه
والله اني مو بقادر افهم شي وقلت استشيركم بعد الله

تقبلوي تحياتي أخوكم / عطالله الداج باللغه ههههههههههه:cry111:

ماراح اقولك الامور سهالات وراح تقدر تمشي واعطيك من التطمينات بس انت تعرف نفسك اكثر من اي شخص آخر . دراسة اللغة صعبة وكل ترم تصعب وتحتاج الى زيادة تركيز والمواد تكون اكثر غلظة من قبل والنتائج لا تعكس ابدا وضعك الحقيقي لانها اختيار متعدد قد تصيب معك الى ان تتخرج وقد لاتصيب ابدا وانت الان في مفترق طرق فاتخذ قرارك انت لوحدك فانت فقط من يستطيع ان يجيب عن تسأولك .

أحمد باسمح

2011- 12- 20, 11:47 PM

أهل مكة أدرى بشعابها

بس شوف:
قبل أي شيء انت لازم تعرف السبب إللي خلاك تدخل التخصص هذا من أساسه
هل يا ترى هو حبك له و رغبتك في إنك تتعلمه ؟
و غير كذه هل قدراتك بتسمح لك بإنك تدرس اللغة أو لا ؟

أو إنك دخلت لأنهم قالوا لك إنه تخصص حلو و وظائفه مضمونة .... إلخ

إذا كان الأول، واصل اخوي، و خش لك دورات و لا جيب لك مدرس، شوف لك أي طريقة من شأنها إنها ترفع من مستواك اكتر

أما إذا كان الثاني، و انت متأكد بإنه قدراتك ما تصب في بحر اللغة، فحاول تتعرف على التخصص الأنسب لك و اتجه له فورا ....

و لا تنس الاستخارة
فما خاب من استخار و ما ندم من استشار

الله يوفقك و يرعاك

W.S.M

2011- 12- 21, 12:04 AM

انا اأيد كلام الاخ احمد

لان اول شي لازم تدرش حاجه انت تحبها ومهما تصعب معاك تقدر انشالله تجتازها

الانقلش ماهو زي باقي المواد

ان ماكان الشخص يمتلك القدره ويكون متأسس صح في اللغه حيكون صعب عليه انه يكمل المستويات الاعلى

حتى لو اجتازها حيكون معدله منخفض

ايش الفايده انه يتخرج بمعدل منخفض وماينقبل ولا في مكان

انا ماباقول كذا عشان اهبط من غزيمتك بس عشان ماتكون الفرصه راحت

انا سار معايا كذا

اول ما اتخرجت من الثانوي كان حلمي من انا صغيره ادخل رياضيات ماكان عندي اهتمام للانجلش مع انه درجاتي فيه كان اعلى شي

ودخلت وكنت منتظمه

بس ما استمريت حتى ترم واحد لان الدراسه تختلف مو زي ما اتعودت

وعلى فكره انا اخذه ماده اللغويات من المستوى الرابع

ما ادري عندك والا لا

اتفاجأت انها غير عن الانجلش اللي درسته في السنين اللي راحت

الماده صعبه وكلها دش ومصطلحات هاذا في مستوى رابع فمابالك بالمستويات الاعلى

الله يوفقلك خير ويسرلك الطيب:106:

وسامحني عالاطاله :106:

أحمد باسمح

2011- 12- 21, 12:14 AM

فعلا

فرق السما و الأرض بين أمنياتنا و بين مدى توافقها مع قدراتنا !

اخوي عندك مثال حي قدامك،،،
أختنا الغالية w.s.m مرت بتجربة بتشبه تجربتك لحد كبير جدا ،،،

أتمنى إنك تستفيد منها و تختصر على نفسك المسافات و توفر وقتك ( عمرك ) !،،،،،،،،،