اقدر ادرس حاسب ولا ماأقدر؟؟؟

[صفحة أمل]

مرحبا بنات


بنات اني درست في كلية المجتمع حاسب ومو حابة اغير التخصص

اذا درست في كلية الدراسات حاسب سنتين وتخرجت اقدر اكمل بعدين حاسب في كلية العلوم بالدمام؟؟؟؟؟
الله يسعدكم اللي عندها خبر تفيدني

[شاي اخضر]

والله مادري

بس انا مره صديقتي كذا

سـألت الاداره انها تنقل ملفها قالوو لها لا تدرسين من اول وجديد

يعني راح تعب سنتين على الفاضي

:

بس انتي ســــــــــــــــأأألي وانشاء الله يفيدونكـ

روحي للأدارهـ :119:

[صفحة أمل]

شاي أخضر

شلون صديقتكـ وش كانت تدرس ووشو قالوا لها؟؟؟ بس من جد قمة التحطيم الله يعينها

سوري اسال وايد بس مالي الا أنتم ياقلبي

[صفحة أمل]

29 مشاهدة
ورد واحد:Cry111:

[فرحة العمر]

اختي انا مثلك متخرجه من هالكليه كلية المجتمع بالقطيف
تقدرين تدرسين في كلية الدراسات التطبيقيه وخدمة المجتمع من جديد لكن
تدرسين سنتين على حسابك
واذا جبت معدل اعتقد 2.75 من 5 تكملين بكالوريوس سنتين
انا للاسف قدمت عندهم بس التقديم لان بالثانويه وانا مضى عليها اكثر من 5 سنوات
اذا شهادتك الثانويه لسه ما كملت 5 سنوات روحي قدمي ولكن من قسم الرجال خلي ولي امرك يروح

بتلينا لمن درسنا دبلوم
نسألكم الدعاء

[صفحة أمل]

فرحة العمر
تسلمين غلاتي على مروركـ

انا ذوبني السنة متخرجة منها ,,,والثانوية مضى عليها سنتين

اذا درست سنتين في كلية الدراسات يقبلوني بعدين علوم الدمام؟؟؟؟؟؟؟؟؟؟؟؟؟

[فرحة العمر]

اختي ماله دخل علوم الدمام !!!!!!!!!!!! ابدا
تكملين في الفيصل بكالوريوس اختي .. بعد المعدل المطلوب
عرفتِ السالفه الحين

[صفحة أمل]

هلا أختي فرحة عمر
مو أني ابي ادرس حاسب في كلية الدراسات وبعدين أكمل في كلية العلوم خاطريا أكمل حاسب


:066:

[فرحة العمر]

اختي شكلك ما فهمتيني عدل
اذا سجلت في الفيصل تدرسين سنتين حاسب وبعد المعدل المطلوب تكملين فيها على طول
كلية العلوم مافي اصلا تكملين فيها لا دبلوم اهلي ولا حتى حكومي انسي امرها
عرفت الحين
يعني قدمي في الفيصل وادرسي واذا جبتي المعدل المطلوب كملي ع طول فيها
والله ييسرلكم

[صفحة أمل]

فروووحة ياقلبي

تعبتش معي ,,كنت أظن عادي تكملين في المكان اللي تبيه
تسلمين الغاليهـ والله ييسر لكـ أموركـ

[فرحة العمر]

تعبك راحه اهم شئ فهمتِ القضيه الحين
وان شاء الله تكملين دراستك وانا بعد لاني مثلك وابحث لي عن مكان يعادل الشهاده والله كريم
طمنينا عنك