مركز اختبار الرياض 10

[MRTA7 A7BK]

يسعد مساكم بكل خير

رسالة للجامعة

يوم وصلت المبالغ الماليه لكم صارتوا ترمون طلابكم في اي مكان
اللي بشرق الرياض يختبر في غربه و العكس تضايقنا و قلنا الله يعين
و تستمر الضيقه الاخرى انك ما تراقبين المراكز لا يحترم كيان الطالب الجامعي

مركز اختبار الرياض 10 و ما ادراك مركز اختبار الرياض 10

عدد الطلاب لا يتجاوز 250 طالب
و مسوين لنا زحمه لا بعدها زحمه
بسبب بعد المسافة عن المدرسه يضطر الطالب لتحرك من البيت بدري
عشان يصلي العصر في المركز
يصل يجد المدرسه مقفله و من اراد الصلاة يفرش فرشته اللي معه في السياره
و يصلي في وسط الشمس في ملعب المدرسه

و معالي الوزراء المراقبين مغلقين الباب ما احد يدخل الا بعد صلاتهم

ما حدث بالامس
* الصلاه جماعتين في مدرسه واحده تحت الشمس
* يخرح الحارس يقول (( نعم )) نقول (( بنلي نصلي يقول لحظه )) :hhheeeart4:
* انتهت صلاة الوزراء المراقبين ...
* يفتح الباب لدخول و يقوف المراقب ينادي (( اللي ما صلى يدخل فقط ))
* و يقف الحارس عند الدرج لكي لا يطلع الطالب القاعات في الادوار العلويه
* و انتيجه تاخير في توزيع الورق

اكثر من هذا ماذا ؟

توقعت لازم احضر ولي امر الطالب :hahahahahah:

[عبـــــادي]

انا بنفس المركز
واشهد على كل هذا
حسبي عليهم

[جنتل الملتقى]

ههههههههههههههههههه

الله يعين لا وفوق هذا كله الكراسي وصخه والنفسيات زفت وكل ماقلتلهم على شي قالو بنخاطب الجامعة ونردلك خبر حسيت اني في غوانتنامو

[عبدالرحمن 20]

الله يعين وانا اخوك هانت مابقى الا يوم السبت والثلاثاء
والله انا كنت موجود بس ماصليت الا بعد مافتحوا الباب:biggrin:

[علي السحيمي]

الاخوان المراقبين متعوديين على

طلاب الابتدائي والمتوسط

قم من هنا اجلس هنا

ياخوان الموجدين كبار وعندهم

عيال ولاهم محتاجين اوامر


نرغب فقط شوي احترام

واشكرك الجميع على جهودهم

:119:

[KSAjamal]

انا بنفس المركز
وكلامك كله صحيح 100%

ولافيه مواقف كافية
ولا مويا ولا شي

انا صرت اصلي بالمسجد الي بالحارة واجي متأخر 5 او 10 دقايق وانا ضامن انهم ماوزعوا الورق

وواضح عدم خبرتهم او تأهيلهم
ومعاملتهم على اننا طلاب ثانوي

[KSAjamal]

الصراحة المفروض الجامعة تختبرنا بأكاديميات او مدارس اهلية

[MRTA7 A7BK]

و ازيدكم من الشعر بيت

اللي عنده مادتين يقولون له

الله لا يهينك ذاكر برا في سيارتك :Cry111:

منقول من احد اطلاب

[هتال]

انا بنفس المركز
واشهد على كل هذا
حسبي عليهم


وانا بنفس المركز

واشهد على هذا


حسبي الله ونعم الوكيل

[هتال]

الاخوان المراقبين متعوديين على

طلاب الابتدائي والمتوسط

قم من هنا اجلس هنا

ياخوان الموجدين كبار وعندهم

عيال ولاهم محتاجين اوامر


نرغب فقط شوي احترام

واشكرك الجميع على جهودهم

:119:


وايضا اشهد على هذا الكلام

[هتال]

اتمنى انهم يركزون على توزيع الاوراق في الوقت المناسب

ويتذكرون ان مجموعة الطلاب المنتسبين لجامعة فيصل اكبر منهم واباء واكثرهم اكبر من المراقبين نفسهم سنا

اعتقد ان هذا الامر يجب ان تهتم فيه الجامعه نفسها

[علي السحيمي]

:hhheeeart4:

[أوفى الخلق]

والله كل كلامك صحيح للاسف :(177):
فيه مراقب رافع ضغطي يعاملنا كنا في الثانوي
يقوم واحد كبر ابوه ويجلسه ع كيفه :mad:

[جـلـوي]

أغلب المراكز السنه هذي زفت

عندنا في الجبيل شيئ الله لايوريك من الأهمال وعدم النظافه

لكن مانقول الا الله يعين اللي يداوم يومياً في مدارسهم ذي

[بن منبه العالمي]

السلام عليكم ورحمه الله وبركاته
وانا اخوك ما فيها شئ لو اختبرنا في مدرسة ثانوية او متوسطة عادي وانا في وجهة نظري المراقبيين جيديين يعني تبي المراقب يغششك بالاختبار مثلن هههه اهم شئ الاخلاق وبعدين ونا اخوك ما احد جبرك تصلي بالملعب المسجد قريب اهم شئ انك تعدي الاختبارات لو انها بصحراء نختبر هذي وجهة نظري يا سادة ولااحد يزعل ويقول لي مراقب ماهو زين مراقب نذل ماسه غير زينه مادري وشو ههههههه تحياتي للجميع

[m0barak]

اضم صوتي لصوت مرتاح احبك ...... والله من سوووء في الفصووول بعضها الانارة ضعيفه والبعض مافيها اناره بالاصل والتأخير في تسليم الاسئله مستمر من بداية اول يوم امتحان حتى اخر امتحان لي امس الاول تقنية المعلوومات ولا اخفيكم الطاولات سيئة . :oao:

:mh12::mh12::mh12:

[Student 2010]

انا بنفس المركز وبصراحة الطاولات يبيلها غسيل وتعقيم واذا مانفع يمن تحتاج الى حرق !

[كعبووولـ]

يا حليكم لو تجون وتشوفون مركز 9 اللي بالشفاء

انا خويي بمركزكم ويقولي كل شي انتم ارحم مننا بـ 1000 مرة

تدرون ان اي طالب يطلع جواله ثانية وحدة بس يعطيه تنبيه المرة الثانية يطلعه على طول محضر غش
سووها مع اكثر من 5 طلاب بمادة الاحصاء

احمدوا ربكم على اللي عندكم واذا على الطلاة
الاختبار يبدأ 3.30 والاذان 2.50 يعندي يمديكم تصلون في اي مسجد برا الصلاة تخلص 3.15
يعني باقي 15 دقيقة

احمدوا ربكم بس

[Student 2010]

السلام عليكم ورحمه الله وبركاته
وانا اخوك ما فيها شئ لو اختبرنا في مدرسة ثانوية او متوسطة عادي وانا في وجهة نظري المراقبيين جيديين يعني تبي المراقب يغششك بالاختبار مثلن هههه اهم شئ الاخلاق وبعدين ونا اخوك ما احد جبرك تصلي بالملعب المسجد قريب اهم شئ انك تعدي الاختبارات لو انها بصحراء نختبر هذي وجهة نظري يا سادة ولااحد يزعل ويقول لي مراقب ماهو زين مراقب نذل ماسه غير زينه مادري وشو ههههههه تحياتي للجميع

شوف اخوي .. بالنسبة للمراقبين فما نبي منهم الا سلامتهم , اهم شيء يكونون هادئين ومش قلق كل شوي ناط لك بورقة توقعها ! ياخي امتحنونا باوراقهم كل شوي قاطعين حبل الافكار ياناغزك اللي وراك يا ملتفت عليك اللي قدامك واخرتها قلق في قلق ممكن تتأجل عند التسليم.

بالنسبة للصلاة انا اتفق معك تماما وحتى لو صلى الواحد في ملعب على سجادة مافيها شي ولا جنب سيارته الارض كلها مسجد ولله الحمد.

بالنسبة للطاولات فهذي وقف عندها لو سمحت . ياخي كل شيء ولا النظافة ! قسما تحس انها جراثيم تحتها طاولة !!
انا استغرب من مدراء المدارس ليش ما يعملون حصص نشاط ويجيبون جيف ولا فيري ويخلون الطلاب ينزلون طاولاتهم ويغسلونها وينشفونها وبالاخير راح تعود عليهم وعلى صحتهم بالمنفعة, ام الوباء :71:

[سعد الساهر]

اللي يرفع ضغطك اللي يمسك المايك كل شوي ازعجنا والمشكلة على اشياء مكتوبه وراه يعني لو يسكت كان قريناها بدون ازعاج ... ماصدق خبر يلقى احد يتفلسف عليه

[فهد سعد عبدالله]

صراحة مركز عشرة زفت واللي ازفت منه مراقبينة اللي مايفتحون الباب الا وقت الأختبار :(177):

[طالب رضى ربي]

يا أخوان أنا ما ودي نقعد ننتقد كل شيء صغير وكبير ولكن فيه أمور لالالالالا يجب أن ننتقد فيها وبكل قوة ألا وهي معاملة المراقبين الفوقية .. أحدهم أقسم بالله انه ينظر اليك كانك طالب عنده في احد صفوفه وهو ما يدري المسكين اني اكبر منه بكم سنة فلا احترام ولاتقدير وعلاوة على ذلك شوفة نفس زايدة .. للمعلومية أنا ما ابيه يغششني ولا ابيه يعطيني ماء ولا اطلبه الا انه يبدي شي من الاحترام لمن هم امامه فقط . وبعدين مسكرين الباب وقت الصلاة ويصلون لوحدهم واحنا نطالع فيهم ونتراجاهم افتحوا الباب نصلي معكم ويطنش ولا كانه يسمعك .. وأدهى من ذلك كله لو تدخل معه في مسالة نقاش دخلت في جدل عقيم مع هؤلاء الناس فبعد هذا التعامل الذي رأيته .. تذكرت حوادث الطلاب مع المعلمين التي تطالعنا به الصحف وعلمت وش السبب في ذلك .. بودك كثير من هالنوعيات لو ترجع تدرسهم تعامل المصطفى صلى الله عليه وسلم مع البشر فهم بحاجة الى اعادة تاهيل ..

[هتال]

هههههههههه

خذوا الجديده

اليوم رحت لإختبار الاداره الماليه في الفتره الثانيه 6-8

والله يكرمكم كنت محتاج دورة المياه

لفيت المدرسه دور دور لقيت كل دورات المياه مقفله بقفل
سألت احد منسوبي المدرسه ليش يا اخي مقفلين دورات المياه كذا
قال لأنكم ابلشتونا وهي خاصه بطلاب المدرسه

واخذني متكرما ودلني على دورة مياه المدرسين بعد اسمح لي بإستخداها

بعد ان كسرت خاطره

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!


عجبي

[ǺĽ ẕeeห]

الموضوع اخذ كفايته "

موفقين ي رب "


:106: