الى طالبات الطب بالاحساء

[الدرر]

السلام عليكم ورحمة الله وبركاته




اتمنى من طالبات الطب بالاحساء يجاوبون على استفساراتي



انا في سنه اولى لكن في جامعة الملك سعود في الرياض


وانا الحين جالسة احاول انقل ملفي الى جامعتكم



لكن عندي بعض الاستفسارات


شنو المواد اللي درستوها بالمستوى الاول؟ وشنو المواد اللي راح تدرسونها بالمستوى الثاني؟



وهل جميع الطالبات نفس الجدول ؟




بالنسبة لي درست بالمستوى الاول 3 مواد نجم (131-132-133) "رايتينج وريدينق وليسنينج"



ودرست

101 عرب

و

101 سلم

و

106 احص


وبالمستوى الثاني راح ادرس



106حين
106فيز
106كيم
105كيم
132نجم "مصطلحات طبية"





تحياتي

[علي]

حياج الله اختي



وان شاء الله راح يجاوب الشباب على اسئلتك

[الدرر]

الله يحييك اخوي علي

[suka]

السلام عليكم ورحمة الله وبركاته


راح افيدك ان شاء الله باللي اعرفه

نحن درسنا بالفصل الاول
ثقافه اسلاميه 101
وكيمياء تحليلية وبالسمستر الثاني راح ناخذ كيميا عضويه
فيزيا ء بنتابع فيه السمستر الثاني على حد علمي
احياء ايضا بنتابع فيه السمستر الثاني على حد علمي
ولغة انجليزية ( ريدينق و ليسيننق ورايتنق وقرامر ) بيتابعون معانا السمستر الثاني ايضا

اما عن الجدول
الدفعة مقسمه الى ثلاث مجموعات لكل مجموعه جدولها الخاص


موفقه ان شاء الله

[بـــو أحــمــد]

و عليكم السلام و رحمة الله و بركاته


أهلاً و سهلاً بكِ أختي +::أسيل::+ في الملتقى الأكاديمي
و إن شاء الله تفيدين و تستفيدين

بالنسبة للنظام في كليتنا هو سنوي .. مو مثل نظام الكليات الثانية

و برضو الطالبات نفس الجدول ... بس في مجموعات
و ممكن تدرسين صيفي بس للمواد ألي من متطلبات الجامعة .. مثل مواد السلم

بالنسبة للمواد في سنة أولى طب ... مثل ما قالت dr.soso

النظام سنوي .. يعني مواد الأحياء و الفيزياء و الكيمياء رايح يتابعن فيها الطالبات
و برضو نفس الشي للإنجليزي .. Reading , Writing , Listening & Grammer
و رايح يدرسن في كتاب جديد أسمه Medical Terminology و هو للمصطلحات الطبية

[الدرر]

تسلمين حبيبتي د.سوسو




يعني افهم من كلامك ان كل مادة تاخذون منها جزء والجزء الثاني تاخذونه بالسمستر الثاني؟


والا تقصدين ان لكل مادة كتابين كتاب تدرسونه بالسمستر الاول وكتاب بالسمستر الثاني؟




طيب ماتدرسون احصاء؟










ومشكووورة ياعمري




*******
هلا اخوي بواحمد


و رايح يدرسن في كتاب جديد أسمه Medical Terminology



وحنا بعد راح ندرس من هذا الكتاب





طيب بسالك اخوي



تتوقع اقدر احول دراستي الى جامعة الملك فيصل بالاحساء بسهولة السمستر الجاي؟؟


والا الامل ضعيف







ويعطيك العافيه






سلام

[بـــو أحــمــد]

يعني افهم من كلامك ان كل مادة تاخذون منها جزء والجزء الثاني تاخذونه بالسمستر الثاني؟


والا تقصدين ان لكل مادة كتابين كتاب تدرسونه بالسمستر الاول وكتاب بالسمستر الثاني؟




طيب ماتدرسون احصاء؟

ايواا أختي الدرر
كل مادة لها جزأين .. جزء في السمستر الأول ,, و الجزء الثاني في السمستر الثاني

يعني الدرجة تكون من 100 .. 50 في الفصل الأول .. 50 في الفصل الثاني


بالنسبة للإحصاء .. سنة أولى ما يدرسون الآن ... في سنة ثانية و ثالثة و رابعة
يعني الدكتور يدرّس الصحة الشاملة و الإحصاء مع بعض Public Health & Biostatistics



تتوقع اقدر احول دراستي الى جامعة الملك فيصل بالاحساء بسهولة السمستر الجاي؟؟


والا الامل ضعيف
و الله اشوف لو تكملين السمستر الثاني في جامعتك يكون أفضل ..
و أعتقد الأمل ضعيف .. لأن النظام في جامعتنا يقول لازم يمضي الطالب أو الطالبة المحوّل فصليين كامليين في كليته قبل التحويل ...


رايح أنقل لك النص :
التحويل من خارج الجامعة :
يجب أن تنطبق على المحول شروط القبول بالكلية الراغب في التحويل إليها في نفس سنة التحويل ، وأن يكون قد أمضى فصلين دراسيين على الأقل في الجامعة المحول منها ، وأن لا يقل معدله التراكمي عند التحويل عن ( 3 من 5 ) لكليات الجامعة ، و ( 3.75 من 5.0 ) بالنسبة لكلية الطب والعلوم الطبية ( الطب البشري ) . وعلى أن يتقدم الطالب بطلب التحويل قبل بدء الفصل الدراسي الذي يرغب التحويل إليه بثمانية أسابيع على الأقل .


أهم شي ألحين يا أختي ... حاولي أنك تجيبين معدل من 3.75 و فوووق

حاولي أنك تتفوقين و تجيبين معدل أكبر من كذااا يعني 4 و فوووق


عشان تسهل أكثر عملية التحويل:119:

[الدرر]

يعطيك العافية اخوي بو احمد

ماقصرت

وان شاء الله تتسهل كل اموري

[بـــو أحــمــد]

الله يعافيكِ أختي الدرر
و أعتقد أنتِ قدها و قدود

إن شاء الله تحققين طموحاتكِ و أحلامك

[عبـدالحميـد]

بالتوفيق لك اختي ان شاء الله