بخصوص ماحدث اليوم ( موافق و معارض ) اتمنى الحضور والنقاش

[سلطان بن حامد]

السلام عليكم ورحمه الله وبركاته

بعد تحيه الإسلام احب ان ادعوا لكم بالتوفيق في حياتكم ودراستكم

اخواني انا دخلت المنتدى وتفاجأت بالمواضيع والردود الساخنه وبعضها تحول الى مشاكل كما تعلمون..


اخواني اريد ان اوصل للأستاذ الدكتور حسن بلقاسم غصان كلمة:

ارضاء الناس غاية لاتدرك

//

ان جائتكم اسئلة الصعبه وجديده شتمتوا الدكتور واللي يقول هذا مافيه خير

وان جاءت مكرره ( بهدف المساعده من الأستاذ الدكتور ) شتمتم و دعيتم عليه

اخواني واخواتي//

كما قلت سابقا الهدف من الجامعة هو الإستفاده فلا تندم على شيء درسته وتعبت عليه فهو علم ولك اجره

والأسئلة كانت منهاجيه جداً ( بمعنى انها كانت من اساس الكتاب او الملخص )

والتعريفات كانت واضحه جدا بالنسبه للذين لم يراجعوا الأسئلة السابقه

والأسئلة الكميه والحسابية كانت مجرد 20% تقريبا من مجموع الأسئلة

فأرجوا من الجميع النظر بما تكتبه اناملكم وتذكروا ان كل كلمه تكتبها انت محاسب عليها من ربك

اتمنى ان تنسوا ماحدث وتمضوا قدما للمواد القادمه واتمنى لكم النجاح والتوفيق ونيل ماتحبون

اخوكم سلطان

[خرجاوي %]

:106:مشكور اخوي سلطان
والشي الثاني لاحظت فيه اهتمام من الدكاتره على الاسئله الاعوام السابقه توافقوني الراي ياجماعه الخير

[عبير الورد.]

يعطيك الف عافيه

فعلا كلمة حق تقال

مع اني من الناس الي عكت حبتين في المادة

[hamasat]

ربكم يسهلها

بس لجينا لشرحه الله تخلف ع هالدكتووووور الاقتصاد >> ودي اواسيه واحط يدي بيده واقوول عظم الله اجرك :lllolll:

بس جد الاختبار خصبقنا تخصبق موبيدنا وبالذات يلي عنده ظرووف وبيت وعيال وغيرها .....

ماقوول غير الله يوفقنا ويوفق هالدكتوور ويخليه لاهله وانشاء الله كل ترم. يسووي كوبي :oao:

[مدرك]

يا اخواني الكرام و اخواتي الكريمات
احنا نتكلم عن شرح
هذا الدكتور و دكتور الاداره مع الاسف الشديد الشرح في صوب و اهم في صوب ثاني جهه= (صوب بالاحساوي)
و احنا مو بس هدفنا الشهاده
هدفنا الارقاء في معلوماتنا و غير هذا احنا مطالبين بما درسناه اذا توظفنا بهذه الشهاده
ولا تبونا ننجح و بس و ناخذ الشهاده و احنا ما نعرف شي

[گبرياء أنثے]

ااخوي انا فعلا اقول كويسه اسئله الدكتور لو اني شفت نموذج سي فتحته قبل الاختبار ب 10 دقايق


وحليت لاكن ماجاء نتيجه سهري وتعبي شهر فييه مافهمت شي يعني اسئلكم بالله كلكككم لو انكم ماشفتو الاسئله ايش كان يصير باجوبتكم ؟؟؟

[سلطان بن حامد]

ااخوي انا فعلا اقول كويسه اسئله الدكتور لو اني شفت نموذج سي فتحته قبل الاختبار ب 10 دقايق


وحليت لاكن ماجاء نتيجه سهري وتعبي شهر فييه مافهمت شي يعني اسئلكم بالله كلكككم لو انكم ماشفتو الاسئله ايش كان يصير باجوبتكم ؟؟؟


نتيجه تعبك هو ما تملكينه من معلومات هائلة وعظيمه تساعدك في فهم محيط الإقتصاد.. فلا تعلمين فربما سيكون لك مستقبل سيده اعمال

تحياتي

[* أم دانة *]

السلام عليكم ورحمة الله ..
من حسن حظي انا ذاكرت الاسئله في الظهر الحمدالله
حتي في اشياء ماكنت فافهمتها ولمن حاولت احل جبتها طبعا شرح الاستاذ سي
بس الحمدالله عدينا منها بس لمن شوفت المحاضره 14 مراجعه نفس تبع العام . على طول دايركت ذاكرت الاسئله لانوا قال بس الارقام راح تتغييييييييير هوا وضح بس مو بشكل مباشر ..
المهم راحت والي ماحل كويس ربي يعوضوا احسن من كذا ويعطيكم علي قد نيتكم ..

[Adel A]

عليكم السلام والرحمة ..

أنا مادري شـ حصل فـ المنتدى !!

لكن ،،

اذا كان فيه أي شخص عتب أو هاجم الدكتور ، مامعه حق ..

الأسئلة أبسط من هالصيغة مافيه ، بغض النظر عن شرح الدكتور في المحاضرات واللي ينتقدونه كثير ..

أكثر من طالب ، تواصل مع الدكتور ،، والدكتور ذكر أن ( المحاضرة 14 × الواجبات × أسئلة الكتاب ) = مهمة ..

و70-80% من الأسئلة ( نسخ لصق ) .. من اللي ذكرها الدكتور ..

بكل صراحة ، على التخويف العنيف اللي حاصل بين الطلاب وفي المنتدى بسبب هـ المادة قبل الاختبار ، واللي شفته من أسئلة : كلمة شكر قليلة في حق الدكتور ..

المعذرة على الاطالة ، موفقين ..*

[.. موب أنا ..]

انا اقول الدكتور ماقصر معنا ..
اذا في قصور فهي منا ..
كان كل شي قدامنا من اسئله للواجبات ونماذج الاختبارات القديمه وجاب منها اغلب الاسئله ..

[سلطان بن حامد]

يا اخواني الكرام و اخواتي الكريمات


احنا نتكلم عن شرح
هذا الدكتور و دكتور الاداره مع الاسف الشديد الشرح في صوب و اهم في صوب ثاني جهه= (صوب بالاحساوي)
و احنا مو بس هدفنا الشهاده
هدفنا الارقاء في معلوماتنا و غير هذا احنا مطالبين بما درسناه اذا توظفنا بهذه الشهاده
ولا تبونا ننجح و بس و ناخذ الشهاده و احنا ما نعرف شي


ليتنا نمتلك ربع ما لديه من علم

ولا يوجد اي عيب في شرحه

هذا كل ماأستطيع الرد به


تحياتي

[غزاله الدوسري]

ااخوي انا فعلا اقول كويسه اسئله الدكتور لو اني شفت نموذج سي فتحته قبل الاختبار ب 10 دقايق


وحليت لاكن ماجاء نتيجه سهري وتعبي شهر فييه مافهمت شي يعني اسئلكم بالله كلكككم لو انكم ماشفتو الاسئله ايش كان يصير باجوبتكم ؟؟؟


اوافقك الراي اختي .. وربي اني طالعه من الإختبار وانا بقممممة القهر

كنا جالسين انا وبنت عمي محنا عارفين من وين نبدآ مذاكر والا كيف

فجأه قالت لي في اسئله منزلينها بالمنتدى .. وهي اعتمدت على الأسئله ماذاكرتها إلا هي بسسس ..

وانا جالسسسه اطبع واكرف واذاكر .. وقبل لا اطلع من البيت قريت الأسئله بنظره سريعه

ونموذجي صصصار d نفسسس الأسئله اللي كانت مطروحه بالضضضبط

يعني بالله مو قهر .. لو مطبقة نظام بنت عمي وربي ارحم لي وابرد لي قلب ..

/

اخوي صاحب الموصصصوع انا ماتطرقت للدكتور بكلامي .. مجرد فضفضه .. مالي ششغل بالدكتور ..

..



وعوفيت عالطرح

[alpacino]

العيب مو في الدكتور العيب فينا .. حنا اوهمنا انفسنا بان المادة صعبة وان شرحه مو كويس

انا اعترف اني خلصت اول ستة محاضرات ولا فهمت شي لكن لما تابعت المحاضرة الرابعة عشر كأن الدكتور ماهو الدكتور الي كان يشرح باقي المحاضرات , جت منها اغلب الاسئلة والواجبات طبق الاصل


شكرا للدكتور والله يوفق الجميع

[ام فاادي]

والله كلامك عين العقل ومعك حق
والماده اساسا صعبه ختى لوسهلها هيه صعبه

[بعثرني إحتياجك]

:hhheeeart4::hhheeeart4::hhheeeart4::hhheeeart4::h hheeeart4:

المفروض الدكتور يكون سعودي عشان نفهم عليه او يكون خليجي ما يصير كذا
صعب نفهم عليهم :Cry111:

[جنون 2000]

جزاه الله خير الدكتور و من جد ماقصر معنا والله لا يحرمه الاجر ورحم الله من جاب عن النار

[إداريــه كول]

:(204): اايدك الراي اخ سلطان بس خلنا مع اللي مو حوول المنتدى مثلي ولا يدخوول ولا يدروون عنه وش اخر الاخبار وينصدموون بعد الاختبار انوووو في بنات مبسووطيييييييين ع الاسئله يقوولون نفس اسئلة العام :icon9: من جد شي يقهر :017:

[نواف الحارثي]

الاسئلة متوسطه

[nouf.m]

الله يوفقكم كلكم :106:

[ツ âƝǎ ҜεƬђą]

سلطان بن حامـد

صح الله لسـاااانـك .. وسسسسلمت على هالكلام الطيب :(204)::106:

[رشوف123]

الماده ياناس صعبه مالها دخل سعودي اجنبي بنت اختي جامعه الامام وقبل اختباري بيومين ومنهجهم افضل من منهجنا واسهل ولا قدرت تفهم شي من استاذها وبعدين سبحان الله يعني ماشفتو الا هذا الاستاذ الي نسخ لصق وطيب والمواد الثانيه اغلبها كذا مافيه شي جديد :(107):

[%كل الغلا%]

وانا اقول الله يتوب علينا اجمعين وهذا شي بدأ فيه

لكن توصل لدرجة نفس الاسئلة بالضبط حتى ترتيبها

فهذا من انعدام ثقة الدكتور بنفسه لو متأكد انه ادى واجبة كان ماعطانا وجه

هو من ناحية والمراقبة من ناحية لدرجة تقولي اسألي وخذوا راحتكم والمادة صعبة يعني بالعربي دبروا اموركم الظاهر موصيها الدكتور علينا.
:mh12: