مسألة مهمة في الادارة المالية تعال [الأرشيف] - ملتقى طلاب وطالبات جامعة الملك فيصل,جامعة الدمام

بن منبه العالمي

2011- 12- 22, 08:39 PM

السلام عليكم ورحمة الله وبركاته ,,, وبعد

فيه مسألة مهمة في الادارة المالية 100% تجي في الاختبار بس ما عرفت طريقة النتيجة كيف جاءت
يقولك السؤال :
معدل دوران المخزون = تكلفة البضاعه ÷ متوسط المخزون
متوسط المخزون = مخزون اول المدة + مخزون اخر المدة ÷ 2
مخزون اول المدة طلعنا رقمه هو 75000 من الجدول طيب مخزون اخر المدة طلع 62000
كيف طلع 62000 انا بنلحس من هذا الدكتور كيف جاب 62000 اللي هو مخزون اخر المدة
والجدول مافيه مخزون اخر المدة بس اول المدة اشروحها لي
الله يوفقنا ويوفقكم يا ابناء وبنات وطني العزيز

درع الجزيرة

2011- 12- 22, 08:42 PM

أعطنا السؤال كامل وفي أي محاضرة

KSAjamal

2011- 12- 22, 08:47 PM

مذكور خارج الجدول بمعلومات مفصولة

http://img59.imageshack.us/img59/3734/captureuhl.jpg (http://img59.imageshack.us/i/captureuhl.jpg/)

رهين

2011- 12- 22, 08:58 PM

هذي اسهل من شرب كاس ميه

تطبيق بس

متوسط المخزون وانا اخوك .... هو مخزون اول المده + مخزون اخر المده \ 2

مخزون اول المده شفه تحت هو معطيك 200000 ومخزون اخر المه شفه بقائمة المركز المالى فوق

خلاص ناتجهم قسم عليه البضاعه المباعه

البضاعه المباعه شفها بقائمة الدخل

اووووكي:oao:

بن منبه العالمي

2011- 12- 22, 08:58 PM

يا درع الجزيرة هذا السؤال بالكامل عطيتك اياه ويا صديقي مافيه الا هذا السؤال موجود بالكتاب عرفت اللحين
صفحة 44 تحليل القوائم المالية المحاضرة الثامنة سلمك الله تحياتي

بن منبه العالمي

2011- 12- 22, 09:02 PM

يا اخوان انا فاهم الطريقة اللي قلتوها انا بس ابي اعرف كيف طلعت المخزون اخر المدة فقط كيف اطلع الناتج حقها وسلامتكم

رهين

2011- 12- 22, 09:09 PM

مخزون اخر المده بقائمة المركز المالي . المربع الكبير اللي قدامك

شفه مع الاصوال المتداوله

بن منبه العالمي

2011- 12- 22, 09:14 PM

ياخوي رهين الله يحفظك اللي في الجدول فقط هو مخزون اول المدة اللي مع الاصول المتداولة فوق فقط طيب ابيك تفتح المحاضرة الثامنة بتشوف السؤال اللي طرحته لك فوق ابيك تطلع لي مخزون اخر المدة اللي قيمته 62000 اوكي اشرحها لي تحياتي لك يا بطل

طالب د/ غسان

2011- 12- 22, 09:27 PM

ابن منبه ولله نعم والاا
وثانيا اضم اصوتي مع صوتك واقول ارجوكم البحث عن مخزون اخر المده من وين جابه 62000
ترى فك مخي والماده هذي تخوف القوانين كثيره وحوسه الرياضيات اهون منها

رهين

2011- 12- 22, 09:33 PM

ابشر باشوف المحاضره دقايق

عين ابوي

2011- 12- 22, 09:35 PM

مخزون اول المده اللي هو 62000 موجود بالكتاب ع كلام الدكتور بالمحاضره
والله انه قلب روسنا ليش ماكتبه لنا وبس بدال المشوره هذي :017:

رهين

2011- 12- 22, 09:45 PM

اخوي

اللي بقائمة المركز المالي . هو مخزون اخر المده

ومخزون اول المده راح يعطيك اياه . ويقو مخزون اول المده كذا مثل 100000

يعني شف المثال اللي فوق . معطيك مخزون اول المده 200000 تحت ومخزون اخر المده فوق بقائمة المركز المالي

ام اللي في المحاضره رقم ثمانيه ... ادكتور قال مخزون اخر المده بقائمة المركز المالي . واما مخزون اول المده موضح بالكتاب انه 620000

زي في اخر المحاضر سعر السهم قال انه موضح بالكتاب انه 20 وهو مو واضح بالتمرين

يعني زي ماقلتلك لو جت بالاختبار . خذ مخزون اخر المده من قامة المركز المالي . ومخزون اول المده بيوضحه تحت بيقول مخزون اول المده كذا مثل 300000

خذها مني وانا المسئوال

ها اقتنعت والا باقي

أبـــو لينــــا

2011- 12- 22, 10:01 PM

62000
من معطيات السؤال يعني مستحيل يجيك أي سؤال من هذا النوع بدون ما يذكر مخزون أول المدة

بن منبه العالمي

2011- 12- 22, 11:37 PM

مشكور ياخوي رهين بس 62000 هذي حقة المخزون اخر المدة وليست اول المدة للتوضيح سلمك الله
الله يعطيك العافية ولو اني ماني مقتنع بكلامك تحياتي لك يا بطل

أبـــو لينــــا

2011- 12- 22, 11:48 PM

هذي صورة من اختبار السمستر الماضي لنفس هذا الموضوع لازم يوضح لنا مخزون أول المدة في معطيات السؤال

بن منبه العالمي

2011- 12- 23, 12:14 AM

ابو لينا تسلم يالغالي انا ادري مخزون اول المدة يذكرها لنا ياخوي انا اقول مخزون اخر المدة ماهو موجود بالجدول اللي نزلته انت طيب راح اثبت لك هو ذكر تحت مخزون اول المدة قال 200000 صح والجدول موجود مخزون 200000 يعني هذا هو مخزون اول المدة ,, تبي الصدق والله انا انلحست من المادة شكرا لك

رهين

2011- 12- 23, 12:31 AM

بن منبه العالمي

اخوي ...

اذا طلب منك معدل دوران المخزون . لازم يعطيك مخزون اول المده ومخزون اخر المده .. خذها قاعد

تلقى مخزون في قائمة المركز المالي ومخزون هو يحطه تحت لكـ

ممكن يكون كلهم نفس الرقم . او مختلفين

بس المهم ان السوال بهذي الطريقه

بعدين انت مكبرها وهي صغيره . ياخي انس كلام الدكتور خبابه ..

ليش تضيع وقتك هذي الطريقه اللي قلتلك اعتمده وتوكل على الله . وان شاء الله انها صح 100 %

ورح ذاكر موضوع ثاني

بالتوفيق

بن منبه العالمي

2011- 12- 23, 12:37 AM

اخوي رهين بيض الله وجهك وانا راح اترك هالمسألة على قولتك وراح اشوف مسألة ثانية بس ابيك تقتنع انا لي قريب محاضر في جامعه الامام متخصص رياضيات والامور المحاسبية شاف هالمسألة وقال لي ياخي مدرس هالمادة هذي اخطأه كثيرة وما يعرف يشرح واكثر المسأل لو تشوفها في الحادي عشر والثاني عشر بالذات كل الارقام خطأ ارجع للجدول انت وطريقة شرح الدكتور غير جيدة المهم تحياتي لك اشغلتكم معي
اتمنى لكم التوفيق والنجاح في الدراين اللهم امين

رهين

2011- 12- 23, 12:42 AM

بن منبه العالمي

عاااادي اخوي .. هلاااابك

Student 2010

2011- 12- 23, 12:54 AM

بصراحة غير الدكاترة المصريين لا تدور ... ماشاء الله عليهم كل واحد شرحه افضل من الثاني ومحتواهم مافيه اغلاط ,
للأسف غيرهم من جرف لدحديرة وكل شوي موقف المحاضرة يعدل اخطاء حتى وصلت الاخطاء الى اسئلة الامتحان !

انا شخصيا اخذت انطباع سيء للغاية عن دكاترة جامعة الملك فيصل من اولهم لاخرهم ماعدا القلة القليلة وعلى رأسهم الدكاترة المصريين.

درع الجزيرة

2011- 12- 23, 01:28 AM

أخوي بن منبه العالمي أحد الإخوان ذكر أنه مثل هذا السؤال ذكر في الإختبار السابق وقد ذكر مخزون آخر المدة وأول المده ولكن السؤال الذي تقصده هل سيطلب منا حساب مخزون آخر المدة ؟ انا ماوصلت للمحاضرة الخامسة وإذا تبي أسأل سألت لكـ لأني أعرف الكثير تخصصهم إدارة مالية

وعذراً على التأخير كان عندي ضيوف :119:

بن منبه العالمي

2011- 12- 23, 01:38 AM

تسلم ياالغالي يا درع الجزيرة ما حصل منك قصور ونا اخوك بس كان ودي اعرف كيف طلع الناتج حق اخر المدة بس الاخوان قالو لنا تلقاها بالسؤال موجودة نمشي على رأيهم وانا ماني مقتنع به تحياتي لك يا بطل

درع الجزيرة

2011- 12- 23, 01:42 AM

أنت غير مقتنع بالجواب انا غير مقتنع بشرح الدكتور خبابه إذا كانت الأسئلة مثل الشرح إن شاء الله أفلحنا ولكن الخوف تطلع الأسئلة صعبه ويصير فيها فلسفه زايده والشرح مشي حالكـ
الله يوفقنا وياكـ والجميع لما يحب ويرضى

فوفو الشرقية

2011- 12- 23, 02:24 AM

من جد لحست مخي ذي المساله من وين جت 62000 وانا بعد دكاتره جامعه الملك فيصل بصراحه فاشلين وعندهم اخطاء ومايوصلوون المعلومه من جد المصري يدخله في راسك ماتطلع ابد وعلى راسهم العميد اسئلته صعبه موب على شرحه

مخربها

2011- 12- 23, 04:13 AM

والله انكم خوفتوني وانا ماذاكرت

واشوف الردود بين شد وجدب ولكن الله يزينهااا

m0barak

2011- 12- 23, 05:50 PM

الان الدكتور في المحاضره الثامنه لم يعطيك المعطيات كلها وقد ذكرها في شرحه بأن مخزون اول المده مذكوره في السؤال بالكتاب .

واتمنى اني وصلت للك حالة المخزون اول المده .:oao:

بنوته فله

2011- 12- 23, 08:04 PM

طيب عندي سوال في المحاظره الثالثه رجال الاعمال كيف طلعت اول شي مستقبليه غير منتظمه وشي ثاااني كيف طلع 18 و20 % تكفووووووووووووووووون

alqadi2002

2011- 12- 23, 10:23 PM

الله يجزاكم الجنة وفالنا وفالكم a+

ممكن حد يشرح لنا مسائل الواجبات لحست مخ ...

الحميدي2010

2011- 12- 23, 10:44 PM

ياجماعه السلام عليكم
انتم لا تصعبون الشغله على انفسكم
اولا القائمتين قائمة المركز المالي وقائمة الدخل
كما هو معروف يتم اعدادها اخر المده اي في 31-12
يعني اخر السنه
يعني اخر المده
مستحيل انها تكون جاهزه قبل هذا الوقت
وقد ذكر في قائمة المركز المالي بند المخزون
يعني يوم 31-12 كان المخزون 75000 يعني هذا مخزون اخر المده حتى وان ذكر في القائمه باسم مخزون فقط فهذا يعني انه في اخر السنه =75000
وبالنسبه لمخزون اول المده
فهذا الكتاب معي ومذكور في المثال هذا ان مخزون اول المده 62000

يا اخوان لا تصعبون المسائل على نفسكم فتصعب

الحميدي2010

2011- 12- 23, 10:53 PM

طيب عندي سوال في المحاظره الثالثه رجال الاعمال كيف طلعت اول شي مستقبليه غير منتظمه وشي ثاااني كيف طلع 18 و20 % تكفووووووووووووووووون

في المسأله هذي عطاك جميع المعطيات ما عدا 1+r
تعوضين بالمعطيات والناتج = 2
ترجعين للجدول المالي رقم 1
وتبحثين عن القيمه 2 اين تقع
فتجدينها
عند السنه الرابعه بين النسبه 12 و18

بنوته فله

2011- 12- 24, 02:02 AM

في المسأله هذي عطاك جميع المعطيات ما عدا 1+r
تعوضين بالمعطيات والناتج = 2
ترجعين للجدول المالي رقم 1
وتبحثين عن القيمه 2 اين تقع
فتجدينها
عند السنه الرابعه بين النسبه 12 و18

اخوي الصرااحه مافهمت كيف عرفت انو مستقبل منتظم وكيف 2 اين يقع

alowifeer

2011- 12- 24, 08:37 AM

السلام عليكم
الرقم 62000 ريال وهو مخزون أول المدة معطى في التمرين في الكتاب.
وقد ذكر ذلك الاستاذ في شرحة للمحاضرة الثامنة عند الحديث عن الموضوع وشكرا
:oao:

ǺĽ ẕeeห

2011- 12- 24, 10:03 AM

قولو لا اله الا الله

ب الميزانيه العامه في كلمه المخزون صح هذه ( اخر المده ) احفظوها براسكم

كلمه مخزون هي اخر المده

وببيجيب لنا بالمعطيات تحت علما ب ان مخزون اول المده كذا كذا

اوكيك ؟؟

ناخذ الرقمين ونجمعهم ونقسهم على 2

alqadi2002

2011- 12- 24, 02:52 PM

9- عند حساب التدفقات النقدية لأصل معين ( اله ) وفي حالة وجود قيمة خردة فان
أ- قيمة الخردة توزع على التدفقات النقدية السنوية
ب- قيمة الخردة تضاف الى النقدي للسنة الأولى
ج - قيمة الخردة تضاف الى التدفق النقدي للسنة الأخيرة من حياة المشروع
د - قيمة الخردة تخصم من التدفق النقدي المبدئي

وين الإجابة الصحية فيهم ... :017:

الغالــــــي

2011- 12- 24, 03:03 PM