تقييم مواد مستوى رابع ولكم الاجر بإذن الله

[راهي الحس]

السلام عليكم ورحمة الله وبركاته

نهنئكم بإنتهاء الاختبارات وقدوم الاجازة وان شاء الله إجازة سعيدة بإذن الله ....


فضلا وليس أمــــرا لطلاب مستوى رابع أو اي طالب درس أحد هذه المواد .....


نريد تقييمكم لهذه المواد من حيث هذه النقاط:

هل هي صعبة ,, ام متوسطة ,, ام سهلة

هل هي نظرية اي ان الحفظ فيها اكثر من الفهم...ام... انها عملية او رياضية اي ان الفهم

والمسائل فيه اكثر من الحفظ.

المواد:
1_ الاساليب الكمية في الادارة
2_مهارات البحث والتفكير
3_التحليل الأحصائي
4_إدارة مالية 2
5_إدارة التسويق
6_إدارة الموارد البشرية

(( وأخيرا لا يسعني إلا أن أشكر لكل من ساهم وأبدى رأيه في هذا الموضوع))

[أوفى الخلق]

اي والله تكفون
علمونا قبل لا تنسون :cheese:

شكرا ع موضوعك :(204):

[~ أمواج ~]

محتاجين أرائكم بكل مادة ... الله يجزاكم الجنة قبل تنقلون عنا ..:biggrin:

[راهي الحس]

استغفر الله

up

[تجارة صغيرة]

في انتظار ردود مستوى رابع ,,
وهل فيه مواد خذتوها من مستوى خامس ,,؟:d5:

[قايده القمر]

_إدارة مالية 2
5_إدارة التسويق
6_إدارة الموارد البشرية


عندنا ٣ مواد ادره

الله يكون في عونا

عس ما تلخبط بس ولا تكون متشبه

الي علي فكره جدوال الختبارات كيف كل يوم ماده ولا لا

عس مافيه يوم مادتين مع بعض

وثانكس لكم

:106:

[alali]

1_ الاساليب الكمية في الادارة سهلة
2_مهارات البحث والتفكير سهلة
3_التحليل الأحصائي مملة
4_إدارة مالية 2 متوسطة
5_إدارة التسويق سهلة
6_إدارة الموارد البشرية سهلة

*: http://www.ckfu.org/vb/t272301.html#ixzz1haQfqndR (http://www.ckfu.org/vb/t272301.html#ixzz1haQfqndR)

[ابو عشوان]

1_ الاساليب الكمية في الادارة سهلة
2_مهارات البحث والتفكير سهلة
3_التحليل الأحصائي مملة
4_إدارة مالية 2 متوسطة
5_إدارة التسويق سهلة
6_إدارة الموارد البشرية سهلة

*: http://www.ckfu.org/vb/t272301.html#ixzz1haQfqndR (http://www.ckfu.org/vb/t272301.html#ixzz1haQfqndR)

مشكور اخوي على الافادة

بس ما تلاحظ مافيه ولا ماده صعبه انت تبي توهقنا

المواد من الاسامي تخرع وانت كلها سهله ومتوسطة
يمقن تسلك لنا ويمقن لا :mh35::mh35:

[alali]

عفواً بخصوص التفصيل

المهارات والتسويق والموارد البشرية

نظرية ويوجد لها ملخصات وزمن المحاضرات معقول وكذلك المحتوى يمكن الاطلاع عليه


الماليه .. مادة متوسطة الصعوبة وتحتاج الى قليل من التركيز وشرح الدكتور واضح الا ان الاخطاء وكثرتها هي تسبب شوي تشويش بتثبيت المعلومة

الاساليب الكمية .. الدكتور الله يجزاه خير ما قصر بالاسئلة والاخوان يثنون عليه لكن انا وعن نفسي اتكلم زفت بالاختبار :) لكن شرح الدكتور ممتاز وواضح وممتع وانصحكم تاخذونها بدون اي تشاور

التحليل الإحصائي .. الملل .. الصداع .. الطفش .. المرض .. ال.. ايش ما ودك تسميها سميها
14 محاضرة كلها شرح بالإضافة إلى أربع اجزاء اضافيه

احياناً يوصل زمن المحاضرة ساعه ونص وتقريبا سبع او ثمان محاضرات تاخذ هالوقت
ملخبطه اسئلة على معادلات على نظري على عملي على دوخة
لكن اسئلة الاختبارات جت معقولة نوعاً ما وتركيز على اشياء بسيطة وترك اشياء كثيرة ما جابها

طبعاً هي شر لا بد منه والله يعينكم عليها

[alali]

والله صعبه ما فيه شي صعب

لكن الاحصاء هي المقرفه اقولك

[alali]

طبعاً لا تنسون مستوى رابع من دعائكم

بالتوفيق

[ابو عشوان]

الله يوفقك حبيبي وما قصرت

بما اني عزابي الان باخذ المواد الصعبه كلها قبل الزواج :mh001: بكرة تجينا بنت الحلال وتشغلني عن الاختبارات والمذاكره

[مخربها]

^^^^^^


سيم سيم

بس على الله نعدي الاختبارات الي راحت والا بتلخبطنا

[ابو الخل]

عفواً بخصوص التفصيل

المهارات والموارد البشرية

نظرية ويوجد لها ملخصات وزمن المحاضرات معقول وكذلك المحتوى يمكن الاطلاع عليه

مانزلتها هالترم للاسف


الماليه .. مادة متوسطة الصعوبة وتحتاج الى قليل من التركيز وشرح الدكتور واضح الا ان الاخطاء وكثرتها هي تسبب شوي تشويش بتثبيت المعلومة

واضيف على كلامه انها اسهل من ادراه ماليه 1 بمراحل لاني منزل المادتين هالترم 1 و2 بس الاختبار ياهو قلق كل سوال صفحه كامله وطلع الفروق السبعه بين الخيارات

الاساليب الكمية .. الدكتور الله يجزاه خير ما قصر بالاسئلة والاخوان يثنون عليه لكن انا وعن نفسي اتكلم زفت بالاختبار :) لكن شرح الدكتور ممتاز وواضح وممتع وانصحكم تاخذونها بدون اي تشاور

دكتور ملفي الله يسعدك وين مارحت عساه يدرسكم الترم الجاي ركزو على الاشيا الي يطلبها الدكتور بيشطح يكم سوال تميز الطالب الدافور عن الي مش حالك بس عموما الماده حلوه وفيها معادلات ومسائل بس ممتعه جدا وليست معقده انا خصلت الماده في 4 ساعات احسن مافي الدكتور انه تعرف وش يبفى منك

التحليل الإحصائي .. الملل .. الصداع .. الطفش .. المرض .. ال.. ايش ما ودك تسميها سميها
14 محاضرة كلها شرح بالإضافة إلى أربع اجزاء اضافيه


احياناً يوصل زمن المحاضرة ساعه ونص وتقريبا سبع او ثمان محاضرات تاخذ هالوقت
ملخبطه اسئلة على معادلات على نظري على عملي على دوخة
لكن اسئلة الاختبارات جت معقولة نوعاً ما وتركيز على اشياء بسيطة وترك اشياء كثيرة ما جابها

اوافقت الكلام 100% ونصيحه الي مايبي تتحطم النفسيه لايتابع المحاضرات المسجله حملوها وبس لان الدكتور يجيب المرض كل المحاضره وهو يقول (المحتوى معكم -الشرح معكم -المعادلات معكم - اي ورقه تلقاها طايحه بالارض معكم)

طبعاً هي شر لا بد منه والله يعينكم عليها



باقي التسويق

ماده نظريه سهله المحتوى الدكتور الي معقدها ماتعرف وش يبي راعي الجح والحبحب والمحتوى يقلب الراس والاختبار لاتعليق مدري الي كاتبه صاحي ولا ... مكرر 15 سوال بالحرف
والله اني احل واضحك يعني اذا جاوبت صح بتجاوب مرتين واذا خطا بمرتين

[ابو الخل]

على فكره اساله الواجب في الاساليب الكميه قالو ركزو عليها
وفعلا جت كلها في الاختبار نصا ونفس الاختيارات بعد يعني 11 درجه بالمخبى

[مهــاآابــهـ]

انا من المستوى الثالث بس اخذت 3 مواد من رابع ,,


الاساليب الكمية في الادارة

مادة فيها من الصعوبة الشئ الكثير بس والله شرح الدكتور ممتاز يعني يبي لها مذاكرة ومراجعه وحضور المحاضرات مع التركيز ,,


واسئلة الدكتور مرررة ممتازة وسهلة وواضحة انصحكم خوذوها الحين

دامها مع الدكتور ملفي الله يسعدهـ



2_مهارات البحث والتفكير

مادة اغلبها سهل بس يبي له ذاكرة قوية ( حفظ وفهم ) واهم شي المراجعه

اليوم اختبرتها بصراحة اسئلة الدكتور مرررة سهلة بس يبي لها تركيز شديد بالمذاكرة ومراجعه اسئلة السمسترات اللي فاتت مع الواجبات


6_إدارة الموارد البشرية

مادة كلها حشووو بصراحة وبرضو يبي لها تركيز مع مراجعه الاسئلة السابقة

بس عمومآ المادة حلوة ,, وطعمة ههههههه

موفقين بس مع المذاكرة والمراجعه كل شي يصير حلو

[الحلم الحقيقي]

انا من المستوى الثالث بس اخذت 3 مواد من رابع ,,


الاساليب الكمية في الادارة

مادة فيها من الصعوبة الشئ الكثير بس والله شرح الدكتور ممتاز يعني يبي لها مذاكرة ومراجعه وحضور المحاضرات مع التركيز ,,


واسئلة الدكتور مرررة ممتازة وسهلة وواضحة انصحكم خوذوها الحين

دامها مع الدكتور ملفي الله يسعدهـ



2_مهارات البحث والتفكير

مادة اغلبها سهل بس يبي له ذاكرة قوية ( حفظ وفهم ) واهم شي المراجعه

اليوم اختبرتها بصراحة اسئلة الدكتور مرررة سهلة بس يبي لها تركيز شديد بالمذاكرة ومراجعه اسئلة السمسترات اللي فاتت مع الواجبات


6_إدارة الموارد البشرية

مادة كلها حشووو بصراحة وبرضو يبي لها تركيز مع مراجعه الاسئلة السابقة

بس عمومآ المادة حلوة ,, وطعمة ههههههه

موفقين بس مع المذاكرة والمراجعه كل شي يصير حلو



كلها من متوسط الي سهل وممتع


عندك الأساليب الأحصائية الي تجيب المغص على كلام الي اخذوه عني ما نزلتها هالترم من الأسم والدكتور

[mmuatiri]

أساليب كمية اخذوها وانت مغمضين مافيها شيء صعب نهائيا حتى ان بعض محتوى المحاضرات صفحه واحده بس!!!
لاتخافون تحسبونها رياضيات لا لا بسيطه جدا جدا انصحكم فيها بدون تردد.

مهارات البحث والتفكير..اشياء من واقع الحياة ..مافيها شيء صعب نهائيا بإذن الله..سهله..اصلا حتى لو ماذاكرت اتوقع تنجح :)

ادارة تسويق..كلام واجد نوعا ما ثقيلة شوي.. لكن حلوة وتفهمها على طوول..

وبس...

[راهي الحس]

الله لا يهينكم ولا يخيب امالكم ويجزاكم خير


الله ينجحكم وبتفوق بإذن الله a+

لكل شخص رد وعلق على الموضوع : اقوله شكرا وجزيت خير


ونرغب بالمزيد من آراء الطلبة حتى نأخذ القرار المناسب ..

[بحر الخواطر]

الله يوفقنا وياكم الى مايحب ويرضى

[آحسآس آميرة]

اتوقع اتضحت الصورة من خلال ردود البعض عن نسبة الصعوبة والسهولة بالمواد

و نصيحتي للي يبي يآخذ موآد يبدآ بالصعب ثم السهل

و الله يعطيكم العافية يَ رب و عقبآل ما نآخذ رآيكم بموآد المستوى الخاآمس

والشكر الجزيل لصآحب الموضوع
بالتوفيق :106::love080:

[Bilal]

السلام عليكم و رحمة الله و بركاتة

الصراحه التعليق كله لازم ينصب في مادة التحليل الاحصائي
مادة غثيثة بكل ما تحتويه الكلمه من معاني
المحتوى عبارة عن مجلد
وشرح الدكتور (لا تعليق)
طول المحاضرات غير طبيعي و غير منطقي. يعني في بعض المحاضرات تنقسم الى قسمين و كل جزء تقريبا 1:26. يعني تقريبا المحاضرة 3 ساعات
و طبعا 3 ساعات متواصلة بدون اي مقاطعه من احد عشانها مسجله.
و الدكتور لا يرد على جواله في الساعات المكتبيه ولا غيرها ولا يرد على الايميلات
ما ابي اتكلم كثير عن هالماده بس كله الي ابي اقوله ان حرام فيها 3 ساعات
على طول المنهج المفروض تكون من 6 الى 8 ساعات (وجهة نظري)

اداره ماليه2 يعني يبيلها جهد (متوسطه الصعوبه)
المشكله كانت في طول اسئلة الاختبار
سؤال واحد ماخذ صفحة كامله

ادارة موارد بشريه مو صعبه بس فيها حكي كثير و حفظ كثير
و اسئلتها كانت حلوه

ادارة تسويق حلوه بشكل عام

الاساليب الكمية كانت سهله و الدكتور الله يجزاه خير كانت اسئلته حلوه و ذكية

مهارات البحث و التفكير ايضا كانت حلوه و الدكتور كان جيد و اسئلته ما طلعت من المحتوى

شكرا

[راهي الحس]

السلام عليكم و رحمة الله و بركاتة


الصراحه التعليق كله لازم ينصب في مادة التحليل الاحصائي
مادة غثيثة بكل ما تحتويه الكلمه من معاني
المحتوى عبارة عن مجلد
وشرح الدكتور (لا تعليق)
طول المحاضرات غير طبيعي و غير منطقي. يعني في بعض المحاضرات تنقسم الى قسمين و كل جزء تقريبا 1:26. يعني تقريبا المحاضرة 3 ساعات
و طبعا 3 ساعات متواصلة بدون اي مقاطعه من احد عشانها مسجله.
و الدكتور لا يرد على جواله في الساعات المكتبيه ولا غيرها ولا يرد على الايميلات
ما ابي اتكلم كثير عن هالماده بس كله الي ابي اقوله ان حرام فيها 3 ساعات
على طول المنهج المفروض تكون من 6 الى 8 ساعات (وجهة نظري)

اداره ماليه2 يعني يبيلها جهد (متوسطه الصعوبه)
المشكله كانت في طول اسئلة الاختبار
سؤال واحد ماخذ صفحة كامله

ادارة موارد بشريه مو صعبه بس فيها حكي كثير و حفظ كثير
و اسئلتها كانت حلوه

ادارة تسويق حلوه بشكل عام

الاساليب الكمية كانت سهله و الدكتور الله يجزاه خير كانت اسئلته حلوه و ذكية

مهارات البحث و التفكير ايضا كانت حلوه و الدكتور كان جيد و اسئلته ما طلعت من المحتوى


شكرا


شكرا لك والله يوفقك ويسهل لك دربك

[al_atta]

الله ينجحكم وبتفوق بإذن الله a+

[لووودي]

جزاكم الله خير جميعا..

[النمر2009]

جزاكم الله خيراً على هذا التوضيح والله يوفق الجميع
وفالكم +A
:d5::d5::d5:

[ZOOZCHI]

:d5::love080:

[ناوي السوكبا]

أنا طالب جامعي ولا أفكر في صعوبة المواد

لو كنت من طلاب المدارس ربما قلت هذه المادة صعبه والاخرى سهله

آما الان لا يوجد أعذار

انتهى

[خالد العلاطي]

ادارة التسويق
الموارد البشريه
مواد نظريه وسهله للغايه وتحتاج فقظ للقرائه

التحليل الاحصائي
مثل ماقول الشباب يمكن يكون الدكتور هو الي صعبهااا وبزيادة المحاضرات ومن غير فائده مايعرف كيف يوصل المعلومه
الاساليب الكميه متوسطه
اما المادتين الباقيه مانزلتهاا الترم ذا واتمنى لكم التوفيق جميعاا

[فارس740]

الف شكر لكم :wink:

[الكاسر2020]

جزاكم الله خير جميعا..

[ياقوته]

مشكووورين من استاذ التحليل الاحصائي ؟؟؟؟

[{{Businessman}}]

مشكووورين ماقصرتو :d5:

فالكم الـa+:(204): ان شاء الله

والله يفرحنا وياكم بالنتائج يارب :119:

[NOW OR NEVER]

سجل عندك

الاساليب الكمية ماده حلوه وخفيفة وتحتاج مشاهدة المحاضرات لان فيها مسائل حسابيه سهله لكن بدون

ما تشوف المحاضرة ما فيه امل تفهمها:tongue:

والدكتور ملفي اكثر من رائع يكفيك انه حاط واتس اب على جواله ويرد عليك على الواتس اب مو زي بعض الدكاتره يحول جواله على موجود :000:


اذا نزلت عند الدكتور ملفي خذها وانت مغمض:(204):

اسئلة الدكتور جدا رائعه وحلوه

يكفيك ان فيه سؤال يقول لك ما هو اسم المقرر

انا نسيته من الفرحه حسيته يستهبل بس نقشته من السبورة :hahahahahah:


اما مادة مهارة البحث والتفكير ماده حلوه وما تحتاج تشوف المحاضرات يعني الملخص فقط

ومعلوماتها حلوه كلها قبعات خضر وحمر وسود:(269):

وتفيدك حتى في حياتك الدراسية

وملخصها انها عبارة عن ماده تتكلم عن الطالب الجامعي والمهارات اللي لازم يكتسبها

وعن الذكاء والمخ وطريقة حل اسئلة الاختبارات والذاكره والنقد والاقتباس والنت

ويعطيك عن كل شي معلومات بسيط ملخصها كله 46 صفحه ونصه فاضي


الله يوفقكم جميع


تقبلوا تحياتي

[فريالووو]

اساليب الاحصاء ماني ماخذتها اذا ماتغير الدكتور حقها
الدكتور له دور كبير في ايصال المعلومه وهو للاسف ماعندة هذي القدرة
جربته في مادة الاحصاء على رغم من سهولة المادة الا انه هو من عقدها

[ك ش ك و ل]

1_ الاساليب الكمية في الادارة سهلة
2_مهارات البحث والتفكير سهلة
3_التحليل الأحصائي مملة
4_إدارة مالية 2 متوسطة
5_إدارة التسويق سهلة
6_إدارة الموارد البشرية سهلة

*: http://www.ckfu.org/vb/t272301.html#ixzz1haQfqndR (http://www.ckfu.org/vb/t272301.html#ixzz1haQfqndR)

ما يصير كلها سهلة :biggrin:

اعترف واعد النظر عشان ما توهقنا

:(107):ا

[sob_961]

بصراحه السمستر هذا كانت المواد جدا حلوه .. وسهله (تميل الى قليل من الصعوبه)
اي بما معناه : الاختبار شامل المنهج واللي مذاكر المنهج بيحل حل ممتاز.
والدكاتره بصراحه السمستر هذا ما قصرو .. شرحهم راقي وواضح واسئلتهم جميله الى حد كبير. (من وجهة نظري)

الاداره الماليه ( مادة سهله نوعا ما ) وشرح الدكتور فيها ممتاز وواضح جدا (مع وجود بعض الاخطاء البسيطه) لكن بشكل عام دكتور راقي وشرحه جدا جميل ويفهمك الماده والاختبار كان سهل ولكن طويل جدا.

الاساليب الكميه ( اووووووووووووووف وش اخلي وش اقول .. جعل ربي يوفق الدكتور ملفي وين ماراح .. شرح ممتاز *اسلوب متميز*محاضرات وقتها قصير (نوعا ما)*اختبار ولا اروع
الماده هذي خوذوها بدون تردد دامها مع الدكتور ملفي ..

ادارة تسويق ( الدكتور شرحه ممتع*محاضراتها قصيره) الماده سهل وواضحه جدا مايحتاج تشوف محاضراتها ..
الاختبار سهل (للي مراجع المنهج بس مراجعه بسيطه بعد) لكن فيه اخطاء بالاسئله اتمنى انها تكون من صالح الطلاب انشالله

ادارة الموارد البشريه ( شرح وافي*ماده سهله*محاضرات قصيره*ملخص جميل* اختبار ولا اروع)

الاحصاء وما ادراك ماالاحصاء ( انحااااااااشو لا تقربكم والله بس بتحطمكم وتخسف معدلاتكم وتقهركم وتحرق دمكم وترفع ظغطكم وتجيب لكم الهم وتكرهكم بالدراسه والجامعه والطموح اللي خلاكم تدرسون )
ماده ( فاشله* شرح فاشل*وقت ممل وطويل للمحاضرات*الدكتور كأنه يسعى الى تصعيب الماده .. المحتوى يصل الى اكثر من 500 صفحه * القوانين كثيره بشكل غير طبيعي * الدكتور ما عنده اسلوب يوصل المعلومه يروح ويجي على المعلومه الين (اتوقع) انه يضمن انك ضيعت اللي فهمته* شرح جدا ضعيف من دكتور منب قايل بس(هذا من وجهة نظر انسان قضى حوالي 16 سنه وهو يدرس وينشرح له(متلقي) مابين ابتدائي ومتوسط وثانوي وسنتين ونص في اصعب تخصص في شركة ارامكو وسنتين في اصعب جامعه على مستوى الانتساب الى ان وصل الى مرحلة انه يستطيع التمييز بين الانسان اللي يشرح منهج فاهمه والانسان اللي منب قايل بس.
والمشكله ان الدكتور ما حاول يبسط الماده ولا يخفف علينا فيها ابد ابد ابد. كل شي مهم
ماده لايكفي ان تذاكرها ولو لمدة 10 ايام متتاليه.
الاختبار جاء سهل تقريبا ( لكن وش الفايده منهج طويل ومحاضرات مدتها طويله جدا وشرح اقرب ما يكون الى انه مثل عدمه ..

انصحكم بعدم اخذ الماده هذي اذا كان نفس الدكتور ( منب قايل اسمه عشان ما احد يعرفه :biggrin: )
لانها بتضيعكم على الفاضي نصيحه خلوها لو حتى اخر شي لين يحصل تغييرز

عالعموم المستوى هذا بشكل عام جميل ولله الحمد( احسن من الماضي)
والاجمل منه مشاركة الاخوان والتعاون المميز .. ومعظم الدكاتره والله ماقصرو معنا

اتمنى التوفيق والفائده للجميع..

[عزيز]

الاخوه والاخوات ماقاصروا الله يعطيهم العافيه

والله يجعل فالكم النجاح في الدارين



عن نفسي

سوف آخذ المواد التي وضعتها الجامعه لهذا الفصل ولن ازيد ولن انقص

ان تركت ماده يبقى همها معي في المستوى الخامس ومابعده

ان كان على المعدل فماهو مهم لي بذيك الدرجه لأني موظف والحمد لله

واذا عن مواصلة الماستر

فكل مطرود ملحوق

راح تنقبل بالدراسة اذا كانت بفلوس
واذا كانت ببلاش فلن تقبل ولو معدلك عالي مادام مامعك واسطه بالعربي


افرحوا وامرحوا وهيصوا لين ربك يفرجها:mh001:

[حالمة بالجنان]

جزاكم الله خيـــــر

[ياقوته]

اي ماقلتو لنا من دكتور مادة التحليل الاحصائي لهذي الدرجه سرررر:064:

بس كني عرفته >>>>:biggrin::cheese: اول حرف ع

[alali]

ايه اول حرف ع بدالله النجار

[عيون ALmaha]

ممقن سؤال؟؟؟؟:cheese:

من اللي يدرس التحليل الاحصائي؟؟؟؟ لا يكون الدكتور النجار؟؟:000:

بعدين بسأل عن كمية القوانين والمسائل

ياليت توضحون اكثر يا مستوى خامس ... >>> رابع سابقا :d5:

[мαѕѕэł]

الله يعين على التحليل الاحصائي < على اساس معدية الاحصاء :icon9:

كل الشكر لكم جميعا

[أداري ناجح]

والله ما قصرتو في التوضيح :mh001: بس تكفون شغله بسيطه نبي من يوضحها لنا بالله :119:
هل فيه كتب مطلوبه من أي دكتور:017: والا المحتوي وسماع المحاضرات يكفي ؟؟؟؟:000:
ارجو الافاده مع جزيل الشكر للجميع :lllolll::Cry111:

[ابو عبدالعزيز2]

1QUOTE=alali;5298322]
1 _ الاساليب الكمية في الادارة سهلة
2_مهارات البحث والتفكير سهلة
3_التحليل الأحصائي مملة
4_إدارة مالية 2 متوسطة
5_إدارة التسويق سهلة
6_إدارة الموارد البشرية سهلة

*: http://www.ckfu.org/vb/t272301.html#ixzz1haQfqndR (http://www.ckfu.org/vb/t272301.html#ixzz1haQfqndR)[/QUOTE]


اذا الله وفقني ونجحت الى المستوى الرابع فأول شئ سيكون هو تنسيق جدول الأختبارات وعلية فأن أختياراتي للمواد حسب جدول الفصل الأول 1432/1433هـ
1_ الأحصاء في الإدارة 3 ساعات لأني ماأقدر أسجل التحليل الإحصائي :biggrin:
2_ إدارة مالية(2) 3 ساعات
3_ إدارة تسويق 3 ساعات
4_ الأساليب الكمية في الأدارة 3 ساعات
5_ إدارة مواد بشرية 3 ساعات
______________________
اجمالي عدد الساعات = 15 ساعة
طبعا"قشعت مهارة البحث والتفكير لأني مسجلها في المستوى الثالث .>> وحطيت بدالها رقم واحد فوق الله يعينا على المادة سيئة السمعة هنا وفي جامعة الملك عبدالعزيز:(269):

[عيون ALmaha]

^


^


الله يعينك ع هالجدول واللخبطة في المعلومات

كل المواد عملي وحسابات!!!!!:(107)::000:

تخوف

[أداري ناجح]

وين الناس ؟؟؟

[Uncontrolled Mind]

مشكورين والله يعطيكم العافيه
وفالكم النجاح للجميع يارب

[نيتشـــه]

خلونا ننجح بالاول وبعدين ننسق الجدول ولكل حادث حديث ..:(269):

الله يوفق الجميع وما قصرتوا

[عزيز]

ماتستصعبهااش ولاتستسهلهاش (اتحداك تقولها عشر مرات بسرعه):biggrin:

يعني لاتقول صعب ولاتقول سهل

توكلوا على الله
وكل انسان ادرى بنفسه

ان كان عارف نفسه انه راح يعدي على خير انصحه ياخذ اللي عليه ولايراكم المواد عليه

[InSpIRe]

تبون الصراحه ... اتمنى يجيكم الدكتور عبدالله النجار .. لان كان معانا في اكثر من سيمستر .. شرحه عسل واسلوبه عسل وأسئلته عسل .. يعني خليه نحل تمشي ع الارض << يتغزل :mh318:
ماشفت دكتور يبي الفائده والتسهيل على الطلاب مثله :d5: ..

[ابو الخل]

^^^^^^^
من جدك انت

[مستشار]

ايش فكر انا خوف انا مافي خوف ركب 18 ساعه

[الثقل كله]

طيب مين يعرف مكاتب فيها ملخصات بالرياض او الشرقية:(107):
ويامستوى رابع احتجتو الكتب ولا كافيه الملخصات؟

[ابراهيم هزازي]

ياجماعه المستوى الخامس وشه

[امل الروح]

انا اخذت من هالمستوى مادتين
وفي كم ماده ماخذتها من المستويات السابقه

الاساليب الكميه (سهله حييل ودكتورها متعاون وكل شي سهل بهاالماده وماتاخذ مذاكرتها غير يومين روعهـ هالماده لوفيني اخذها مره ثاانيه كان اخذتهاا ودكتورها ماقصر ربي يعطيه الف عاافيه)
مهارات البحث والتفكير (ماده حلوه وسهله وتفيدنا بحياتنا )
موفقين

[*طالبة انتساب*]

جزاكم الله خير ماقصرتو ربي يعطيكم العافيه

الله يستر من الاحصاء ونعديه ع خير يارب

شكرا لكم

[راهي الحس]

بصراحة ماقصرتوا بالتوضيح لنا
وأنا أشكركم من أعماق قلبي على ردودكم والتوضيح لنا

كلي أمل في المشرفين أن يثبتوا الموضوع لكي يستفيد منه الطلاب.

[InSpIRe]

^^^^^^^

من جدك انت


Sure:119:

[mad77000]

:53::53:

[راهي الحس]

الله يعطيكم ماتتمنون وتفرحون بنجاحكم بإذن الله

[راهي الحس]

الله يجزاكم خير وفالكم النجاح بإذن الله

[الرويشد]

ماعرفنا اسم الدكتور حق الاساليب الأحصائية

[al5aldy]

1_ الاساليب الكمية في الادارة سهلة
2_مهارات البحث والتفكير سهلة
3_التحليل الأحصائي مملة
4_إدارة مالية 2 متوسطة
5_إدارة التسويق سهلة
6_إدارة الموارد البشرية سهلة

*: http://www.ckfu.org/vb/t272301.html#ixzz1haQfqndR (http://www.ckfu.org/vb/t272301.html#ixzz1haQfqndR)

الله يعطيك العافيه

[ملك بلا ملكه]

اسال الله التوفيق للجميع