مركز الرياض 19 حي بدر

[الفهاد]

معليش لازم اذكر المعاناه لاني لو بيدي حذت الترم كامل
مركز الرياض 19 حي بدر
ازفت مركز مر علي من جميع النواحي اول شي انه جنوب الرياض زحمه تريلات امشي قبل الاختبار 3 ساعات واجي 2 ساعتين والاختبار ساعتين يعني كم باليوم

الجامعه هذي غريبه المفروض اختياري المركز
انا فيه مركز قريب لي جداً يبعد حوالي كيلو يعني لو اجي مشي من البيت 5 دقائق
والقهر انهم حاطيني جنوب الرياض
مركز نفسيه المعلمين زفت واكثر من الزفت بالمركز مسويين ذمه فوق الازم
غداهم بالمدرسه اهم شي مايتخرون يخافون يجي مشرف من الجامعه يخصم عليهم المكافاه والايدخلون الطلاب الا مع وقت الاختبار والاسئله ماتوزع الا بعد عشر دقائق من الوقت و الف مشرف معطينا كم كلمه ( الغش ياطلاب واقفلو الجولات من يجد معاه جوال مفتوح ووضع صامت يحرم من الاختبار الحاسبه ممنوعه وغير الكلام واجد يسبب النفسيه )

ياليت نوصل رساله للجامعه باختيار المركز حسب الرغبه لو ندفع افلوس

[قـف و نـاظـر]

السلام عليكم ورحمه الله وبركاته .. اخوي الفاضل .. انا معك بكل النواحي .. بس لعلمك انا سنة ونصف من البيت الى مقر الاختبار 45 كيلو رايح و 45 كيلو جاي المجموع 90 كيلو تقووول اني مسافر رايح لأقصى الخرج .. هذا المركز صحيح انا قريب من بيتي رايح جاي 38 كيلو فرق عن الاترام الي راحت .. بس للاسف المركز خايس لإبعد درجه ودي ادق مشوار الى اقصى الرياض ولا اختبر حول البيت بمركز لا توجد فيه الاخلاق .. خاصتة المرشد الطلابي ودي انه بس زل علي بكلمه ابتلاقط انا وياهـ شايف نفسه هالشايب الله يصلحه .. اليوم واحد بغى يضربه .. احد الطلاب الفتره الاولى سحب ورقته بقوه بغى يشققها .. وينافخ ... الطالب يقول شايفنا مو رجال عندك ممن انت يوم تسحب الورقه بغى يـنجلد الشيبه :41jg: بس ربي رحمه بإحد المدرسين الي مسك الطالب وتكلم هو وياه بإسلوب على جنب .. ثاني شيء سيء بالمركز .. دورات المياة اكرمكم الله .. مافيه نظافة وجيتها يوم مافيها مويه .. وريحته فاقعه ام السيب .. وثالث شيء الاختبار يبدأ 3:30 عصراً اول يوم بالأختبار ما اختبرنا الا الساعة الــرابعة .. ويقول لكم ساعتين انا فاضي لك .. انا وراي اشغال وراي مادة بكره .. وراي فرضاً فتره ثانيه اطلع الساعة 6 والفتره الثانية 6 لايمديني اراجع ولا شيء .. غير انه المراقبين كلهم متشددين لو بس اجلس اطالع في السقف يقول لي لا تغش لا تطالع قفل جوالك تقول انا في معركة مو مقر اختبار .. ياليت يكون فيه اختياري مثل انا بالغرب يحطوني بالغرب مو زحمه الشفا بالجنوب .انت بالشرق يحطونك بالشرق .. مو تمشووورها الى الجنوب .. وتعب وزحمه خط وبعد مسافه .... والامر الاخير عدم توفر مياه لنا .. كأي ترم في السابق كانت توزع علينا المياه ..


اسف على الاطاله وعدم تنسيق الرد ..

بس مدرسة الامير سلمان بحي بدر للاسف مو طموحنا .. :(177):

ولعلمك .. احد الاقسام المقر بالحارة الي مقابلنا يعني بس اقطع الشارع اروح للمدرسة حق بو 5 دقايق رجليه و دقيقتين بالسيارة اقول ياليتني فيها .. بس الله ماكتب .

[Miss Hanoof]

اهلا

أول شيء السلام عليكم

ثاني شيء روق

ما ألومك تكون متنرفز بالذات انو بيتك بعيد من المركز
ومن جد نتمنى انهم يخصصون اربع مراكز واحد بالشمال واحد بالجنوب واحد بالشرق واحد بالغرب لأن الرياض كبيرة وشوارعها زحمة وكل منطقة بعيدة عن الثانية كأنها ولاية

بالنسبه للطاقم الاشرافي
هذا واجبهم ما أتوقع مسألة مكافئة وما مكافئة هو ما جاء الا عشان يضبط القاعه
اما اذا كانو ينافخون طبعا محد يرضى ترفع عليهم شكوى

[Miss Hanoof]

قف وناظر

يا اللللله

ياحب العيال لاستعمال القوة العضلية دايركت
اشتكووووه اشتكوووه اشتكوووه

مع ليش احنا في الاختبارات متوترين خلقه والمفروض اسلوبهم يكون سلس ويحافظ على نفسيات الطلاب

يخييييه والله شكله المركز مخيس

الحمد لله مركزنا حلو

[النك غير متاح]

يالبيه يامركزنا بنجراااااااااااااااان

كل شي فيه تبي اخلاق اخلاق تبي احترام احترام كل شي زين فيه

[قـف و نـاظـر]

نشتكيه ووين .. والله ودي اشتكي بس الشكوى لغير الله مذله ..

[التعب منسي]

ويالبيه يا مركزنا بالدمام من ناحية المراقبين قمة بالاخلاق والذوق :(204): لكن المبنى :(177):

[التعب منسي]

الله يعنيكم اخواني اهل الرياض من جد زحمه الرياض مشكله وقلق بس اقرب حل ان كل واحد يختبر في اقرب مركز له .. وانتوا اذا كنتوا تبغون الحل تواصلوا مع بعض ثم روحوا للدكتور النجار راس براس وعطوه العلم واعتقد انها مشكله بسيطه بالنسبة لهم وان شاء الله تنحل مشكلتكم في المستويات الجايه :106:

[نبض الوجود]

الله يعينكم بصراحه:(177):
اوووما سالفة تطالع بالسقف قال تغش :(269):
ذكرتني بسالفتي انا الحمدلله مااغش بنووووب <<لاني عميه مااقدر اقز شي :hahahahahah:
بس اتحرك تقول عينك بورقتك ولا نزلي ورقتك تفكرني بغشش اللي جنبي وقهرتني كن مافي غيري قلتلها غش مافينا احد يغش بس لو ابي اغش غشيت من اول وحده وانتي ماتدرين بعد :(269):قسم مهايطيه:biggrin:

[نبض الوجود]

:(107): التعب شنو راس براس مع النجار <<الاخ متعود يقدم معاريض :biggrin:
بس بجد كلام سليم مافي الا راس براس :d5:

[يـآرب توفـيـقكـ]

خلوها على ربكم بس

ربي يفرجها علينا

والله فترة الإختبارات هم ما يعلمه إلا ربي

( زحمة الرياض لدرجة الشوارع واقفه + الحوادث تعطل حركة السير ) :Cry111:

والله أطلع قبل الاختبار بدري احتياطاً للزحمة والحوادث

والله نفسي يحطونا على حسب اختياراتنا لموقع المركز مو اجباري

من غير الظروف الخاصة اللي مريت فيها قبل و اثناء الأختبارات

آمر وآزفت يوم مر علي ( يوم اختبار التقويم ) وصلت للبكاء :Cry111:

الحمدلله على كل شيء

ربي يعوض صبرنا خير

[الفهاد]

لازم نشوف حل نتواصل مع الجامعه
والايعلمونا بدري نحذف الترم بلاااااااااااااااااااااش من الترم كله

والله المشرفين اخلاقهم زفت المدرسة زفت كل شي زفت نفسيه

والله لدفع زيادة رسوم لو يبون بس اهم يبعدونا عن المدرسه هذي النفسيه
والاختبارات نصها زفت ومتوقع رسوب فيها لانه اصلن مايمديك تذاكر كل مشاوير وتوقيف بالشارع وراء التريلات
الطلاب نفسياتهم زفت

[{%{محمد}%}]

اولا السلام عليكم ورحمة الله وبركاته بالنسبة انا ساكن في شرق الرياض اطلع من البيت بعد مااصلي الظهر علشان اوصل بدري وبصراحة وانت بالطريق اذا عندك معلومات بطير بالزحمة ومن غير المسؤؤل التربوي للجامعة الي يستقبل الطلبه بكل حفاوه وسرور الله يعيين والله يستر وانا اقترح ان يحطون مراكز الاختبارات على الدائيري الشرقي وتكون الاختباراات موزعة بداية من مخرج 17 الي 8 وكذلك من مخرج 8 الي 1 او حي السفارات وعتقد انه يخدم جميع مناطق الرياض من شمال وغرب وشرق وجنوب

[Miss Hanoof]

يا رب توفيقك
احسبك من الشرقية
توني ادري انك من الرياض
قهر ودي اشوفك

الفهاد

أما تحذف الترم لا تصير سلبي
وصادق التعب منسي
لو تروح تقابل النجار
وتكلمه على هذي النقطه يمكن يحطونها في بالهم ويا حبذا لو تكثر الشكاوي من الطلاب الثانين
ويغيرون طريقتهم بالمراكز وتكون اختياري

ويغيرون الاشراف وينتقونهم لأن الواحد يالله يتحمل نفسية نفسه ايام الاختبارات ومافيه يقابل نفسيات شينه

[قـف و نـاظـر]

اولا السلام عليكم ورحمة الله وبركاته بالنسبة انا ساكن في شرق الرياض اطلع من البيت بعد مااصلي الظهر علشان اوصل بدري وبصراحة وانت بالطريق اذا عندك معلومات بطير بالزحمة ومن غير المسؤؤل التربوي للجامعة الي يستقبل الطلبه بكل حفاوه وسرور الله يعيين والله يستر وانا اقترح ان يحطون مراكز الاختبارات على الدائيري الشرقي وتكون الاختباراات موزعة بداية من مخرج 17 الي 8 وكذلك من مخرج 8 الي 1 او حي السفارات وعتقد انه يخدم جميع مناطق الرياض من شمال وغرب وشرق وجنوب


اقتراحك خيو مو في محله .. مفروض انت بغرب الرياض تختبر بغرب الرياض انت بشرق الرياض تختبر بشرق الرياض وهكذا .. وش ذنبي انا سنه ونصف انا ساكن بمخرج 30 واختبر في مدارس المعرفه اخر الرياض شرق .. حوالي 90 كيلو رايح جاي .. وكنت اطلع بدري الفتره الاولى اصلي واطلع حتى الغداء لوزين على الذمه والفتره الثانيه اصلي العصر واطلع .. بس خلها على ربك .. تياسير ان شاء الله .. والله يوفقنا وياك لما هو في صالحنا....

فمان الله ... (((بندر)))

[نبض الوجود]

بصراحه ضيقتو صدري مررره عليكم لاحول ولاقوة الا بالله :bawling:
شكله يبيلكم طيران ناس :hahahahahah:

[الفهاد]

يا رب توفيقك
احسبك من الشرقية
توني ادري انك من الرياض
قهر ودي اشوفك

الفهاد

أما تحذف الترم لا تصير سلبي
وصادق التعب منسي
لو تروح تقابل النجار
وتكلمه على هذي النقطه يمكن يحطونها في بالهم ويا حبذا لو تكثر الشكاوي من الطلاب الثانين
ويغيرون طريقتهم بالمراكز وتكون اختياري

ويغيرون الاشراف وينتقونهم لأن الواحد يالله يتحمل نفسية نفسه ايام الاختبارات ومافيه يقابل نفسيات شينه

والله كنت من الشرقيه مستانس بس نقلت للرياض رغبة مني وهذا المستوى الاول والثاني
كلها بالشرقية
اصلن لو اني بالرياض من اول ماتوقع انا التحق بالجامعه تحصلني اكبر مفحط امزح هههههه
لاحد يزعل الي من الرياض ترا انا من اهل الرياض بس الوظيفة كانت اول شي بالشرقيه يالبى قلب الشرقيه وبعدين نقلت للرياض رغبة مني
بس يسلمووووو كل اهل الشرقيه