هام جدا :: من هنا المطالبة بتعديل طريقة توزيع مراكز الاختبار

[ابو بتـــال]

السلام عليكم ورحمة الله وبركاتة ,,,

اول شي اهنيكم على انتهى الاختبارات وباذن الله الجميع يعديها على على خير

ثاني شي اهني نفسي وكل طلاب مراكز الرياض على انتهى المرمطة والمشورة

الي يتحملها يوم الاختبار بقطعه الرياض من عرضها لطولها للاختبار


وثالث شي وهو الاهم

مطلوب من الان مراسلة الجامعه ومطالبتهم بتعديل طريقة توزيع الطلاب على مراكز الاختبارات

وتوضيح الالية التي يتم فيها توزيع الطلاب اقل شي نرضى بالواقع ونقتنع

لكن تطلع لنا تبريرات واهية مثل ان التوزيع تم بناء على المستويات والكلام هذا

فهذا غير صحيح وما توقعنا يطلع الكلام هذا من الجامعه للاسف

توقعنا تقديم اعتذار او وعد بالتعديل في المستقبل

الكلام الي طلع من الجامعه مو صحيح والدليل الي شفناه في مراكز الاختبارات

شفنا ناس من الغرب في مستوى اول يختبرون في الشرق نفس المتسوى

وناس من الشرق مستوى اول يختبرون في مراكز الغرب نفس المستوى

وكل المستويات صار فيها الشي هذا

اتمنى نرسل معانتنا خصوصا اهل الرياض من الان للادارة

لتدارك الوضع الي صاير والحوسة هذي

مانبي نتكلم عن وضع المراكز والمراقين والتعامل

لان هذا فوق طاقة الادارة والله يعطيهم العافيه على توفيرهم 24 مركز للرياض فقط

لكن للاسف وجودها زي قلتها لانها افتقدت للتنظيم

( إن الله يحب إذا عمل أحدكم عملا أن يتقنه )

يعني بلاش منه ياجامعة ياعزيزة على اساس انكم فكيتونا من السفر والاختبارات في الرياض

ووفرتو المراكز عندنا :41jg:

[فهد الظهران]

حل واتمنى يوصل للمسئولين

قبل توزيع الطلاب على مراكز الاختبار

يتم وضع رابط او عفريت

توضع فيه جميع المراكز المرشحه ان الاختبارات تكون فيها

وكل طالب يختار المكان اللي يبيه


وطبعا راح يقولون راح نواجه مشكة تراكم طلاب في مراكز وبعض المراكز راح تكون خاليه

نقول لكم بسيطه

انتم حطوا الرابط والاولويه للي يختار مركز بدري


مثال توضيحي

انا في الدمام

وفي مراكز بالدماام 91-71- حي الاتصالات - الفيصليه

نفترض اني من سكان الفيصليه راح اختار الفيصليه بحكم انه قريب من منزلي
لقيت الفيصليه فل اروح لـ91 لقيته فل اروح للي بعده

نفس الطريقة اللي متخذتها الاحوال المدنية تختار الساعه اللي تبيها اذا لقيتها فل تشوف غيرها ونخلص

مدري متى راح نرتقي ونتطور

[حبي العذري]

كلامممكم جدااااااااااااااااا مممتازز ولعله يووصل لهم الصراحه حنا داافعين فلووس مو ووررق ..
هي مااقصررت الجامعه والله يجزاهم خير ..
لاكن لابد من التنظظظيم
والله بدال مايحطون 24 مركز ..
لو يحطون 13 مركزز مرتبه ومنظمه وبدال ضرب المشااوير .. كان افضل بكثيرر ..
يعني مثلا عند اختيار مركز الاختبار مو هم يحطون اختيار المركز الرياض يزيدون ويحطون جنبه ( شرق - او غرب _ او جنوب .. وهكذا ) وكل واحد يختار
ويحطون بكل جهه 5 مراكز يكفي يصير بالاخير 20 مركز ..
وينظمونها زين بدال الفووضاء ومعامملة الهممج اللي فيها

اي وبعد لازم ينظظرون لووقت الاختبار ..
يعني مثلا ماده رياضيات .. تقارنها بماده قانون (بالوقت) او ماده اداره ..
يعني ماده الرياضيات ساعتين وش تسوي فيها بالله وهو يجي 50 سؤال ..
يعني كل سؤال لازم تجلس تحله
لايقولون هم حاطين لكم خيارات ليش نختار على عمانا ولا حقره بقره
لو مثلا حاطين 30 سؤال ع ساعتين ممكن تنبلع ..
50 سؤال يبغى لها 3 ساعات .. يكفي البيانات اللي نجلس نحبر فيها فوق ربع ساعه

[أشواااااق]

هههههههــ أعصآبكم ..

آنـآ معآكم .. يَ ليت والله يخلونـآ نختآر المرآكز إللي نبيهـآ [ دآخل المدينه إللي حنا فيهـآ ]

إن شاء الله يتعآونو معانـآ

بس أعتقد مايختآرو المركز بدري يعني ! وهنا مشكلتهم :000:

ربي ييسرهـآ لنـآ جميعاً

[يوسف الدوسري]

الله يعيينكم بصرآحه ..

امآ انآ من نآحييتي مرتآح ومبسـوط مركز الاختبـآر من بيتنآ 3 دقآيق :biggrin:

[تعشقك روحي]

وانا ساكن بشمال الرياض وحاطيني في جنوب الرياض والمفروض يحطوني بشمال الرياض اقرب يااخي الرياض زحمه زحمه

[hanona]

من جد الله يعنكم والله
بسس انا واختي مسجلين وسكن الجبيل انا حطو مركزي بجبيل واختي بالدمام
بس عادي صارت تختبر معي يعاملونها معامله زائره يعني يعني المستوى الثاني لاتشيلو هم بالمركز اللي جنب بيتكم تختبروون

الدنيااا حلوه

تحياتي

[عبدالعزيز 200]

انا بصراحة كلمت المشرف :064: بخصوص توزيع مراكز الاختبارات قال الترم الثاني
او السنه الجايه ان شاء الله نحطه اختياري للجميع
وعلى كلامه ان عدد طلاب وطالبات الجامعه المنتسبين بلغوا ( 70000)
سبعون الف طالب وطالبه
:lllolll::mh001:

[فيصل0]

سسسسبعين الف وااااااااااااااااااااااااااااااااااااااااااااااااا اااااااااااااااااااااااااااو
اجل الرسسسوم اللي للجامعه تعتبر مييييييزااانية دووله
وانا اششوف بالمييييزاااانيه ايرادات جامعة الملك فيصل مررررتفعه على أغلب الجااااامعاااااااااااات
وكااانت اظاهر ماخذه اعلى ايرادات بعد جامعة الملك عبدالعزيز وجامعة الملك فهـد
أثاااري عشششششششآآن أن طلاااب الانتسسسسسسسسسسسسساب فوق سبعين الف :)

[مدمن دلاخة ~]

/

/

أهيِ جآآتِ فقطً علىِ المرآآكزززً .. يأأخيِ مدريِ الىِ متى هـ التخلفِ .. ومدري متىِ مجتمعنآً .. ومجتمعنآً .. ومجتمعنآً راحِ يبعدِ عنِ التخلفَ .. لـ ألآسفِ أنيِ اوقؤؤلِ كيذآآِ .. مرآآكززً .؟<- ومعفوسهً قلنآ ماعليهـِ ..!:cool:
- نجيِ في أولِ يومِ نبيِ قأأعأتنآً .. أسفِ قصديِ فصولنآآَ :hahahahahah:.. نلقآهآً أسآميِ معلقةة فيِ الجدرانَ ..وتعالَ دؤؤرِ اسمكك.. لاِ وأحنآِ بعدِ حاولنآِ ننظمِ انفسنآِ عشآنِ نلحقِ على الامتحان .. لكنِ لـ ألآسفِ فيةةِ واحدِ من المراقبينِ اللهِ يهديةِ بالميكروفوونِ .. يصوتِ بعالي الصوتِ ياللهِ كلِ واحدِ على قاعتهَ ..؟:cool: <- ويـــــــــــــًنِ يآآحمً .. :hahahahahah:
<- تصدونِ رحتً لهِ عشانِ أسكتهِ .. بغيتِ أخذِ المآيككـً منهِ ثم ارصـةةِ بركبةِ منِ التخلفِ اللي صايرِ .. على العمومِ أنآِ لي مدتنِ مادخلتً مدارسِ .. والمدرسةِ اللي كنتِ فيها اهوِ مركزِ (1006) بـِ حي القدسِ .. وانواع التخلفِ .. وهرياانهِ :oao: <- اجلِ المدارس اللي بـ أحياء الطبقةِ الكادحةِ وشِ بتكوونِ ..؟ ِ- سؤال اطرحهِ على القائمين على وزارةِ التعليم .. كيفِ الميزانيةِ عساهآِ بخيرِ .. اكيدِ بتردونِ عليِ وبتقولونِ ليِ : دامكـِ بخير فـِاحنا بخير ..:tongue:
- على العمومِ ماقصرتِ اخويِ على طرحككـِ .. :106:

[nani1432]

من جددددد والله انا تعبت مررره من هالشي لاني ساكن بالسويدي واختباري بالنزهه بعيييد مرره علي

[ثلوجه الخجوله]

الله يعين

انا عن نفسي كنت مرتاحه بمركزي صحيح انا سكانه بالجنوب واختباراتي كان في الغرب

وافضل يكون قريب من بيوتنا إن شاءالله يوافقون على كلامهم يخلونا نختار على كيفنا

[&الجوري &]

السلام عليكم

والله يتمشورنا في الكم يوم نقطع الرياض من الشرق للغرب

انا ارسلت لهم من الخدمات الطلابيه وارجو من الجميع ان يراسلهم

من ايقونه ملاحظات على مراكز الاختبار

لان الوضع صعب بالذات لمن لاتتوفر له وسيله مواصلات

حسبي الله عليهم كرهونا في الدراسه :017::bawling:

[حمودي نجد]

عن نفسي بغيت اهون من الاختبار
ساكن في اقصى شمال الرياض :Cry111: واخرتها اختبر في 1002 في العريجا :41jg: 50كيلو ذهاب واياب من مخرج 5 الى مخرج 29 عشان محد يقول تبالغ والجسر المعلق وما ادراك يجيب الهم والمرض:hhheeeart4:

[atat]

لا تخافون راح يكون التعديل في مراكز الاختبارات في الاختبارات القادمة على حسب طلبك

انا في مركز الرياض 5 وقريب جدا من البيت :53: وطلبوا من جميع الطلاب كتابة اسمه ورقمه الجامعي والحي اللي ساكن فيه على أساس يرتبون الطلاب مستقبلا

الزبدة من كلامي ان الجامعة انتبهت للمشكلة هذي وتسعى لحلها مستقبلا ان شاء الله

[&الجوري &]

ان شاء الله يكون فيه حل لهذي المشكله

[د. نملة]

هم بس لو يخلون اختيار مركز الاختبار اختياااااري للطلاب

زيه زي نظام اختبار القدرات

>> خل ياخذون منهم النظام مو بس شكل ورقة الاجابة :lllolll:

والله كان بيريحون نفسهم من الفرز وووو

وبيريحون الطلاب



عن نفسي ما كان عندي اي مشكله

مركزي ولا احلى ومعامله احلى من الحلا

بس عشان اخواني وخواتي اللي تأذو من هالموضوع

[د. نملة]

والشي الثاني ان لو اخترنا مركز الاختبار من بدري بنرتاح

ما بنضطر نستنى لـ ليلة الاختبار عشان نعرف وش وضعنا :hhheeeart4:

[New LiFe]

وانا ساكن بشمال الرياض وحاطيني في جنوب الرياض والمفروض يحطوني بشمال الرياض اقرب يااخي الرياض زحمه زحمه

وانا جنوب وقالعيني بالشمال .. انا وانت مثال بسيط على التخبط اللي صاير

بالمركز اللي اختبر فيه كثيرررررررر طلاب بشكل مو طبيعي من جنوب الرياض !!!
مرات احس اللي قالعنا هناك عنده عفريت بمخه وقايل له ترى هذول بالجنوب اقلعهم لابعد شي ههههههههههه


اخوي مراقب انتساب جامعة الامام .. حسب كلامه ولا ادري من صحته واتمنى تطبقه جامعة فيصل .. اللي هو انها تحدد المراكز مسبقاً والطالب يختار الاقرب له .. اذا شاف الاقرب له صار فللل يعني سبقوه طلاب وحجزوا فيه يروح للي بعده وهكذا .. حل جداً بسيط ولا يحتاج تعقيد .. بس ماظنيت الجامعة تطبقه .. بس نقول خلنا متفائلين شوي

[ǺĽ ẕeeห]

مايخالف "

ان شاء الله الترم الجاي يكون كل شي اووك "

[Ameerh..~]

اول من رهبة الاختبآرات مآفكرت في مكآن المركز ولاهمني قريب ولابعيد بس الحين بعد مآفقت:biggrin:
لاحظت ان المركز اللي كآنوه حاطينه لي بعيد وانو في مراكز اقرب لي بكثيررر << بالله صح النوم ياختي:lllolll:

[moj]

نتمنى ان الجامعة تأخذ الموضوع بعين الاعتبار و تساعد الطلاب على اختيار مكان الاختبار زي ما نختار المدينة او مركز الاختبار لأنه بذلك يساعدوا الطلاب على عدم هدر الوقت والجهد والقلق النفسي بالنسبة للناس اللي يمروا بخطوط طويلة وفيها تمر تريلات ونقل ثقيل وغير ذلك من الزحمة ،،،لخ

[تماضر هذلول]

بالضبط :(204):

[do0oj]

انا في جنوب الرياض وحطوني في مدرسه 129 اللي في وادي لبن :Cry111::mad::017:

طريق سفر :bawling::017:

[NOW OR NEVER]

هالكلام صحيح

لكن يجب عليكم رفع الموضوع بشكل رسمي والمتابعه



وعلى فكره ترى الجامعه نفسها ما تعرف وين مراكز الاختبارات

الا قبل الاختبارات بفتره بسيطه


عندك مثلا مركزنا ما فيه الا واحد بالمنطقه ويوم جا التحديد طلع في مدرسه ثانيه غير العام

[وليد مساعد]

مفروض الرياض تتقسم لأربع مناطق مثل ما تفضل احد الاخوان هنا ( شمال - جنوب - شرق -غرب )

والله الرياض كبيــــرة وتخيلوا لو بروح من الشمال للجنوب او العكس راح اقطع من 30 الى 40 كيلو اذا مو اكثر !! بالإضافة للزحمات اللي خانقتنا خنق

يعني مو منطق الواحد يطلع قبل وقت الاختبار بساعة عشان يوصل المركز بدري ويبغى له ساعة بعد الاختبار عشان يرجع بيتهم يعني هذي ساعتين راحت من يومك في مشاوير للاختبار

مو مشكلة ما نختار المراكز بس على الاقل تكون في منطقتنا, انا في الشرق يكون مركز اختباري في الشرق او في الجنوب يكون مركز اختباري في الجنوب ويفتحون التسجيل في المناطق بدري عشان يمديهم ينسقون ويحددون لكل منطقة عدد المراكز اللي تحتاجها حسب عدد الطلاب .

وطبعاً انا تكلمت عن الرياض بس بحكم اني من الرياض واعتقد الحالة هذي مفروض تنطبق على باقي المدن الكبيرة في المملكة .. والله ييسر الأمر


سؤال على جنب : راح يغيرون مركز اختبارنا في المستوى الثاني او خلاص نبقى في نفس المركز ؟

[وليد مساعد]

مفروض الرياض تتقسم لأربع مناطق مثل ما تفضل احد الاخوان هنا ( شمال - جنوب - شرق -غرب )

والله الرياض كبيــــرة وتخيلوا لو بروح من الشمال للجنوب او العكس راح اقطع من 30 الى 40 كيلو اذا مو اكثر !! بالإضافة للزحمات اللي خانقتنا خنق

يعني مو منطق الواحد يطلع قبل وقت الاختبار بساعة عشان يوصل المركز بدري ويبغى له ساعة بعد الاختبار عشان يرجع بيتهم يعني هذي ساعتين راحت من يومك في مشاوير للاختبار

مو مشكلة ما نختار المراكز بس على الاقل تكون في منطقتنا, انا في الشرق يكون مركز اختباري في الشرق او في الجنوب يكون مركز اختباري في الجنوب ويفتحون التسجيل في المناطق بدري عشان يمديهم ينسقون ويحددون لكل منطقة عدد المراكز اللي تحتاجها حسب عدد الطلاب .

وطبعاً انا تكلمت عن الرياض بس بحكم اني من الرياض واعتقد الحالة هذي مفروض تنطبق على باقي المدن الكبيرة في المملكة .. والله ييسر الأمر


سؤال على جنب : راح يغيرون مركز اختبارنا في المستوى الثاني او خلاص نبقى في نفس المركز ؟

[ابو بتـــال]

الله يعيينكم بصرآحه ..

امآ انآ من نآحييتي مرتآح ومبسـوط مركز الاختبـآر من بيتنآ 3 دقآيق :biggrin:

حياك اخوي

لاتفرح كثير :>


الوعد الترم الجاي شف وين بيحطونك

الترم الي راح كان المركز قريب مني اقرب مركز لي

والترم هذا اخذ لفة على الرياض للاختبار

[ابو بتـــال]

مفروض الرياض تتقسم لأربع مناطق مثل ما تفضل احد الاخوان هنا ( شمال - جنوب - شرق -غرب )

والله الرياض كبيــــرة وتخيلوا لو بروح من الشمال للجنوب او العكس راح اقطع من 30 الى 40 كيلو اذا مو اكثر !! بالإضافة للزحمات اللي خانقتنا خنق

يعني مو منطق الواحد يطلع قبل وقت الاختبار بساعة عشان يوصل المركز بدري ويبغى له ساعة بعد الاختبار عشان يرجع بيتهم يعني هذي ساعتين راحت من يومك في مشاوير للاختبار

مو مشكلة ما نختار المراكز بس على الاقل تكون في منطقتنا, انا في الشرق يكون مركز اختباري في الشرق او في الجنوب يكون مركز اختباري في الجنوب ويفتحون التسجيل في المناطق بدري عشان يمديهم ينسقون ويحددون لكل منطقة عدد المراكز اللي تحتاجها حسب عدد الطلاب .

وطبعاً انا تكلمت عن الرياض بس بحكم اني من الرياض واعتقد الحالة هذي مفروض تنطبق على باقي المدن الكبيرة في المملكة .. والله ييسر الأمر


سؤال على جنب : راح يغيرون مركز اختبارنا في المستوى الثاني او خلاص نبقى في نفس المركز ؟

حياك اخوي

بخصوص المركز كل ترم يتحدد لك مركز

حتى لو المركز الي فيه مرتاح له وقريب من بيتك

يعني حضك نصيبك :> :119: