10 دقائق كادت ان تكون الشراره

[s33d]

السلام عليكم ورحمة الله وبركاته


نعم عشرة دقائق فقط

كثير من المراقبين هداهم الله يستهينون بهذه الدقائق بتوزيع
الامتحان وقد تسبب تاخير البعض منهم ارباك للطلاب واستفزازهم
وقد ناقشت البعض منهم اثناء اللجنه ولكن لا حياة لمن تنادي
وقد طرحت هذه الموضوع لكي يتم حله من قبل المسؤولين
ويهمني رايكم

[الهوم]

ما فهمت شي وضح :119:
اللي اعرفه اني آخذ عشر دقائق على تسجيل بيانات الورقة الالكترونيه :biggrin:

[Abu sultan]

طيب وش رايك بمراقب يقول خلصو بسرعه نبي نلحق المباراه !!
مادري اقوم اجلده :41jg:

[مدمن دلاخة ~]

/

/

- تخلفِ .. لـ ألآسفِ ومعِ هذا كلهِ تعاملِ بعضِ المراقبينِ .. كأنهِ يتعاملِ معِ اطفالِ .. ياخيِ اللهِ يعينِ الجيلِ ابوِ 14 سنةِ ونازلِ .. أذا مافيه بيئةِ راقيةِ في البيتِ والمسؤلينِ عن التعليمِ بِ هالشكلِ ثقوِ بانِ الجيلِ راحِ يكونِ متخلفِ لـ الاسفِ .. بمعنىِ [[ أذا ماكان فيهِ اهتمامِ منِذو الابتدائيِ بأأنِ التعليمِ يكونِ راقيِِ ومنظمِ .. راحِ المجتمعِ يكونِ متخلفِ اكثر من ماهوِ متخلف الآنِ .. يأأ اخوانِ احناِ قدوةِ والمسؤلينِ في التعليمِ قدوةِ .. وقيسووِ عليهآِ كلِ شي بشكل عامِ .. اذا احنناِ كيذاِ كيفِ بيكونِ الجيل الجايِ اخخخخ بسِ :(107):

[أشواااااق]

من حقنـآ كَ طلبه نآخذ السآعتين كآمله

بس فيه مرآقبين هدآهم الله .. ماعندهم آي أخلـآص ب العمل

:(177):

[أم مجودي]

حلوووووووووه بسرعه ابي الحق المباره خخخخخخخخخخخ:biggrin:

[mimaprincess]

من جددددد مراقب نكته هذا وش يحس فيه

[Half Smile]

الحمد لله إلي كان مراقب علينا مطوع ويخاف الله .. وكان حريص دايم قبل أي مادة نبداها

يذكرنا الإستعانة بالله قبل كل شيء .. وبنهاية تسليم نموذج الإجابة يتأكد إننا ما خلينا سؤال

وإبتسامته ما تفارقه حتى الأقلام يوزعها علينا واحد واحد موب نظام الاقلام على الطاوله وكل واحد يخدم نفسه

الشيء الاخير كل ربع ساعة يذكرنا كم راح من الوقت ويأكد علينا اذا انتهى الوقت ما راح يسحب ورقه

وفيها أسئلة ما انحلت .. الله يوفقه يارب،، حتى كل الشباب الي معي باللجنه يدعون له

حتى يقول الي يبي موية والا شاهي يعلمني :biggrin: والله انه رجال تكانه

[rmmunajam]

:hahahahahah: حلووووووه اشوف المباراااااه :hahahahahah::biggrin::biggrin::biggrin:

[الهوم]

طيب وش رايك بمراقب يقول خلصو بسرعه نبي نلحق المباراه !!
مادري اقوم اجلده :41jg:
طيب قله اخلصك بس بشرط خلنا نغش :biggrin:
حنا كان عندنا مراقب صغيرون وريع :biggrin: توه بشبابه مغير كل شوي عينه يمي وانا كنت كل شوي اطالع بمطوع بجنبي نفس ورقتي شاد حيله مغير يخبص يمين ويسار بالآلة الحاسبه عاد قلت ابي آخذ منه حلول مادة الرياضيات حقت حنفي :mad: بس للاسف يشر بيدياته هالمراقب ثالث مره ثالث مره ثالث مره ترى ابسحب ورقتك :017:آآآآه بس .

[&الجوري &]

مراقب مصرقع هههههه
ادفر شى موجود ماشاء الله :mh35:

[ضحى القحطاني]

اما يلحق المباره وش يحس فيه الناس مجتهده تحل وهذا متحمس للمباره بس يارب يكون فريقه الي يشجعه خسر :017:الطلاب قلق من الاختبار والوقت مايكفي و هو همه نفسه والمباره

[i b r a h i m]

من المفترض الدخول للقاعه يكون قبل الاختبار بنص ساعه و غير كذا من المفترض انه لما تدخل القاعه تحصل ورقة الاجابه موجوده على الطاوله مع القلم الرصاص عشان يكون الوقت كافي لتعبئة البيانات واذا وصلنا الوقت المحدد للاختبار نبدأ بكل اريحيه ..

[the.best]

والله انا اختبر في مركز ماشاء الله كلهم مطاوعه كاني داخل الهيئه .. بس قمه الاخلاق الله يوفقهم يارب
ويوزعون لنا ورقه الاجابه قبل ربع ساعه نعبيها وقبل خمس دقايق من بدايه الوقت يوزعون الاسئله
لبا قلوبهم

[نوااف الدمام]

عندنا الاختبار يبداء 6 وثلث

طبعا توزيع وتفحيط نسوي دوار وتظليل

اذا جاءت الساعه 7 وربع قال يالله باقي نص ساعه

احس ما يمدي مخك ينخبص:017:

[شحيط بن نحيط]

بسم الله الرحمن الرحيم

السلام عليكم ورحمة الله وبركاته ،،،

<=== ادخل في الموضووووع اخلللص


مشاء الله عليك شاطرين في اكل لحوم الناس مراقب سوى ومراقب قال اقول انت وهي احمدو ربك على النعمة ولا تقول ولا تقولين مراقب يقول ابي اشوف المباراه اخلصوو علي يمكن يقولها من باب انه يبي يغير الجوو عليكم مثلا او يبي يداعبكم مثلا على طوول موضوع في النت وشب وشتم
ياناس استحوو علي وجيهكم الي مثلكم يقول عساهم على القوه جاي وتارك عياله عشان يخدمك انت وياه ويعينك بعد الله
عزالله صدق المثل الي يقول جزى المعروف خمس كفوف :41jg: واحلاله لو لي سلطه عليكم والله اني ماسرحكم الا مع البهم واني ماصحيكم الا بخيزرانه عروووقها من طميه والي يقول الله يعين الجيل الجااي عز الله انك صادق اذا هذا جيل هب هب وش ترجي من الجيل الثاني ماقول الا يالله تصلح ذريتي وذريتكم قولو امين وخلو عنكم اكل لحوم الناس وخافوا الله الي ماتنام عينه والله اني ماشفت مراقب الا اذا سلمت ورقتي قال بالتوفيق وش تبي دعوه غير ذي <==== انضغط :017:


على العموم تقبلوا مروري بكل صدر رحب اخوكم شحيط بن نحيط نطاط الحيط :wink:

[ابومريم]

انا معاك الرياضيات لازم يكون وقت كافي عشان تعرف كيف تحسب بس وش نسوي الله يكون بلعون فالكم النجاح انشاء الله

[طالب مثالي]

الحمد لله إلي كان مراقب علينا مطوع ويخاف الله .. وكان حريص دايم قبل أي مادة نبداها

يذكرنا الإستعانة بالله قبل كل شيء .. وبنهاية تسليم نموذج الإجابة يتأكد إننا ما خلينا سؤال

وإبتسامته ما تفارقه حتى الأقلام يوزعها علينا واحد واحد موب نظام الاقلام على الطاوله وكل واحد يخدم نفسه

الشيء الاخير كل ربع ساعة يذكرنا كم راح من الوقت ويأكد علينا اذا انتهى الوقت ما راح يسحب ورقه

وفيها أسئلة ما انحلت .. الله يوفقه يارب،، حتى كل الشباب الي معي باللجنه يدعون له

حتى يقول الي يبي موية والا شاهي يعلمني :biggrin: والله انه رجال تكانه


الله يوفقه ويسعده وين ماكان أما النوع الثاني حسبي الله عليه عشي وغدي

ماني فضي لكم خلصو لا إبن أمه يغش لا إبن أمه يرفع راسه

الحقيقه إني أدخل القاعه أعتمد على نفسي بعد الله سبحانه وتعالى

ولكن هذا مثل اللي يحرضني للغش

والغش والله سهل جدا جدا جدا وأسهل منه مافيه

ومستعد أجيب درجات عاليه ولكن نبي ناكل حلال

حن معنا بزوره ونبي نوكلهم حلال


والله يوكلنا حلال

والله يرزقنا الإبتسامه والبشاشه في وجيه أخواننا المسلمين.

[مدمن دلاخة ~]

بسم الله الرحمن الرحيم


السلام عليكم ورحمة الله وبركاته ،،،

<=== ادخل في الموضووووع اخلللص


مشاء الله عليك شاطرين في اكل لحوم الناس مراقب سوى ومراقب قال اقول انت وهي احمدو ربك على النعمة ولا تقول ولا تقولين مراقب يقول ابي اشوف المباراه اخلصوو علي يمكن يقولها من باب انه يبي يغير الجوو عليكم مثلا او يبي يداعبكم مثلا على طوول موضوع في النت وشب وشتم
ياناس استحوو علي وجيهكم الي مثلكم يقول عساهم على القوه جاي وتارك عياله عشان يخدمك انت وياه ويعينك بعد الله
عزالله صدق المثل الي يقول جزى المعروف خمس كفوف :41jg: واحلاله لو لي سلطه عليكم والله اني ماسرحكم الا مع البهم واني ماصحيكم الا بخيزرانه عروووقها من طميه والي يقول الله يعين الجيل الجااي عز الله انك صادق اذا هذا جيل هب هب وش ترجي من الجيل الثاني ماقول الا يالله تصلح ذريتي وذريتكم قولو امين وخلو عنكم اكل لحوم الناس وخافوا الله الي ماتنام عينه والله اني ماشفت مراقب الا اذا سلمت ورقتي قال بالتوفيق وش تبي دعوه غير ذي <==== انضغط :017:



على العموم تقبلوا مروري بكل صدر رحب اخوكم شحيط بن نحيط نطاط الحيط :wink:


/

يآ أخِ شحيطِ .. الظاهرِ أننكـِ تسمعِ بِ النقدِ الهادفِ ..:biggrin:
<- يآآ أخيِ انتِ دخلتِ عرضِ بِ طولِ .. واخذتِ السآآلفةِ أنِنآآ ناكلِ لحومِ الناسِ .. الظاهر ان توككـِ قآآيمِ منِ مفطحِ وتسمعِ بألاكلِ خخ:tongue:
- كلِ واحدِ طرح وجهة نظرهِ .. وبالتاليِ كلِ واحدِ ينظرِ على حسبِ وجهةِ نظرةِ الشخصيةِ ((فأرجوِ منكـِ ماتخلطِ المرطِ بالمرطِ يآآ أخِ مريطِ )) :biggrin:
- بعدينِ شفِ رديِ بالظبطِ انا قلتِ البعضِ .. متخلفِ .. لـ الاسفِ لانِ بعضِ مجتمعكِ متخلفِ .. فلاِ تقومِ وتطهبلِ وتطبلِ وانتِ ماتدريِ .. تقولِ ليِ اهمِ تااركينِ بزارينهمِ .. واهلهمِ .. (( لاِ تقولِ بعدِ ب بلاشِ )) تراناِ دافعينِ دراهمِ وتاركينِ اهاليناِ .. وعيالناِ .. وجامعةِ لعبتِ في امِ(ن) جابتناِ وهـ التعليمِ المطورِ انواعِ المرمطةِ .. :(269):
- يآآ اخيِ اارووحِ اتمرمطِ في الخارجِ معِ العلمِ .. انهمِ بعيدينِ عن الدينِ والاسلامِ... في اي دولةِ اوروبيةِ .. والقىِ تعاملِ محترمِ .. يساويِ ضعفَ ضعف ضعفِ اخوياككـِ هـ المراقبينِ ومسؤلينِ التعليمِ :53:


- باللهِ ادعِ لي بسِ اخذ البكلوريووسِ .. عشانِ ارجعِ لـ قواعديِ سالم(ن) يامرييطِ :53:

- بالتوفيقِ لـ الجميعِ :oao:

[يابخيل ماتعزمني]

من جد حنا جانا آخر مراقب تقل يعامل اطفال يتفلسف يقول روحو كلكم يمين :000:

اصغر عيالك حنا !! عيب معنا ناس اكبر منه

ومدقق ومتحمس بالمراقبه بصراحه اشغلنا بأختبار المحاسبه مسائل يعلم الله حافظ قوانينها غلطت بحلها بسببه " حسبي الله عليه ونعم الوكيل "

[مدرك]

والله انا اختبر في مركز ماشاء الله كلهم مطاوعه كاني داخل الهيئه .. بس قمه الاخلاق الله يوفقهم يارب
ويوزعون لنا ورقه الاجابه قبل ربع ساعه نعبيها وقبل خمس دقايق من بدايه الوقت يوزعون الاسئله
لبا قلوبهم\
هههههههههه
اي منطقه انت
هههههههههه
>>>>>> فيس ميت من الضحك اه يا بطني :hahahahahah:

الحمد لله اني في الاحساء
لبى دكاترة الجامعه و المراقبين الي معهم
اخلاق و ربي يدخلون جو امتحان و الدكتور المسؤل يعطينيا وقت زياده
و اصلا اهم يدخلونا القاعه قبل الوقت بنص ساعه
و يعطونا نماذج الاجابه نعبيها
و قبل الساعه 6 بعشر دقايق يبأ يوزع الاسئله و مع اخر واحد يستلم ورقة الاسئله يبدأ يحسب الوقت
فديت الدكتور المصري الي ماسك الصف الي انا فيه
ما يرضى اسلم الورقه يقولي اجلس راجع ما يخليني اطلع الا اخر الوئت:love080:

[سيانق]

عن نفسي صار لي شد كلامي مع احد المراقبين بعد ما قعد على طاولة الاختبار كان قدامي طاولة فاضية اهو قالي اقعد وراها آمنا بالله ثم رجع ومعة واحد من طلبة الجامعة و يوم قرب مني قام يتكلم بصوت مسموع انت ما تعرف النظام انا انعميت اختبار قانون وجاي يتفلسف من غير شعور قمت واتكلم ولا كان في القاعة احد اي نظام يا ابو الشباب تتكلم عنه الزبدة انفعلت وتغير وجهه ثم جاني يمكن ثلاث مرات يتعذر و يتسامح مني ... المهم اتمنى لكم التوفيق كلكم جميعا أن شاء الله :(204):

[BayanFJ]

إحنا عكسكم أجل :biggrin:
يوزعون أوراق الإجابه قبل الإختبار اللي بتدخل تعبي بيانتها تدخل
وإللي بتراجع تجلس برا
وإذا جت الساعة 6 بالضبط يبدأون يوزّعون اوراق الأسئلة http://www.vb.eqla3.com/images/smilies/icon120.gif

انا أدخل وأختار نموذج (B) لكل الإختبارات http://www.vb.eqla3.com/images/smilies/S_45.gif
وأبدأ ألوّن الدوّيرات حقت بياناتي ..
أول ما تجيني الأسئلة أقلبها وأكتب ورا كل القوانين ( الرياضيات ) http://www.vb.eqla3.com/images/smilies/n/sm5.gif
وجدول المدين و الدآئن ( المحاسبة ) http://www.vb.eqla3.com/images/smilies/n/sm5.gif

وبعدين أبدأ أحلّ .. والحمدلله ما قد جلست لـ نهاية الوقت بإستثناء الرياضيات http://www.vb.eqla3.com/images/smilies/n/sm1.gif

[ابوهاجر]

كلامك صحيح ,,,

لجتنا ماشاء الله قبل ما يخلص الوقت وهم انواع التهديد ,,,

قسم بالله لو بيدي فصلتهم ,,

ماصدقوا يسيرون مراقبين ,,,

حتى تعبئة البيانات حاسبينها من الوقت ,,

المشكله ان ريس اللنه انسان يخاف الله وما قصر كلمته من ثاني اختبار ,, قلت له مو من حقكم تحسبون علينا وقت تعبئة البيانات من وقت حل الاسئله ,, وكان متجاوب معي وقال اذا احتجتوا وقت زياده حنا ما ورانا شي ابشروا ,,

بس اللجنه خلاف كلامه ,, انواع التسلط ,,

[miss cat]

أحنا المراقبات فاشلات وكل وحده تعاملنا كأننا مكتوب على جبينا غشاشات وكنهم بمعسكر
لدرجة لو جتها وحده تكلمها تشوفها تتكلم وتلتفت خااايفه نغش متخلفات أحس كنهم قايلين لهم
أللي تصيد لها غشاشه بنعطيها جائزه وماغير همز ولمز على البنات وفي بعضهم حريم أكبر منهم
ويضحكون عليهم لأنها ماعرفت مكانها ولادخلت القاعه الغلط ويضيع الوقت وأحنا ندور قاعتنا وتصير الساعه 6وخمس دقايق ولاوعشر دقايق والبنات بالقاعات والمراقبات توهم يفكرون يوزعون الاسئله ومرات ندخل ونجلس والمراقبه بعدها ماجت يمكن ماخلصت مكالمتها ولاسوالفها بالبي بي ولابيالة الشاي حقتها ولافنجان قهوتها
ومن يبقى على نهاية الوقت ربع ساعه بدأو يتأففون وتجيك وحده تقول أللي مذاكره زين ماتحتاج كل هالوقت تكفيين يأللي الشطاره مقطعتك والله شي يحوم الكبد لدرجة افكر اغير مركز الاختبار السمستر الجاي