تسجيل الدخول

مشاهدة النسخة كاملة : الي ماحضر الاختبار لعذر !!!

ثفوي
2011- 12- 29, 05:41 PM
السلام عليكم ورحمه الله وبركاته


انا وحده ماحضرت اختبار من اختبارااتي لسبب وكان عندي عذر وخذيت من لطبيب بس شلون اقدمه لجامعه عشان اقدر اعيد اختبار لماده؟؟؟؟شل خطوات
آلمآسة آلحسآسة
2011- 12- 29, 05:50 PM
ادخلي ع الخدمات الطلابيه وفيه ايقونة للي ما اختبروو بعذر ادخليها.

ارفعي ورقة العذر بالسكنر وادخلي ع الخدمات الطلابيه وارفعيها لهم ،،،

وباذن الله يقبلونها وتسجيلي المادة بالمستوى الجديد وتعيديها من غير دفع رسومها لكن تكون من ضمن جدولك الجديد وانتبهي من التعارض لمن تسجلي موادك،،

موفقه:119:*
نور دربي ياربي
2011- 12- 30, 02:51 AM
الماسه الله يجزاكي خير تعرفي كيف احفظ ورقة العذر وارسلها
اذا نسختها بالسكينر احفظها باي برنامج وكيف طريقة ارسالها بالضبط
وهل اكتفي بورقة العذر الطبي ام اكتب توضيح بخط اليد
سمو الإحساس
2011- 12- 30, 03:20 AM
وعليكم السلام ورحمة لله وبركاته ،،

هذا المطلوب .. في الخدمات الطلابية :

يجب عليك وضع الوثائق التى تثبت سبب تغيبك فى ملف واحد من نوع PDF. ثم اضغط Browse و أختر الملف من جهازك و بعد ذلك اضغط زر رفع الملفات. (حجم الملف يجب ألا يزيد عن 5 ميجابايت)


اذا مو عارفه طريقة حفظ ملف PDF اشرحها لك ،،

وربي يسهل امورك .
نور دربي ياربي
2011- 12- 30, 03:23 AM
ياريت والله تشرحها لاني مافهمت شي من الطريقه
سمو الإحساس
2011- 12- 30, 03:51 AM
ولا يهمك

انتي الان حملتي الصورة في جهازك من الاسكنر ( العذر )
افتحي برنامج البوربوينت من :
ابدا - كل البرامج - Microsoft Office
راح تلاقين برنامج Microsoft PowerPoint 2010

لما تفتحين برنامج البوربوينت اذا البرنامج انجليزي راح تلاقين فوق بنفس البرنمج كلمة insert اختاريها وبعدين راح تلاقين خيار picture وهذا الخيار علشان ترفقين صورة اذا ضغطت عليها راح يستعرض لك الصور في جهازك تختاريها وبعدين تنزل الصورة مباشرة في البوربوينت .. بعد ماتنزل الصورة تحفظين العمل على امتداد pdf
يعني اذا اخترتي حفظ الملف راح تطلع لك نافذه وفيها اسم الملف تقدرين تسمينه اللي ترغبين والمربع اللي بعده امتداد الصورة اذا ضغطتي السهم تطلع لك الامتدادات اللي تحبين تحفظين الصورة فيها انتي اختاري pdf احفظي الملف بهذا الامتداد وبعدين روحي الخدمات الطلابيه وارفقيه للجامعه

اذا الشرح ماوصل لك بلغيني اسوي لك شرح بالصور .
مشـــعل
2011- 12- 30, 03:58 AM
مثل ما ذكرو الاخوان الماسة وسمو الله يجزاهم خير ويوفقهم يارب .. آحلى شي استفدته من المنتدى ذا التعاون بين الطلاب والطالبات ... موفقين
نور دربي ياربي
2011- 12- 30, 04:08 AM
من وين اختار حفظ الملف اذا ادرجت الصوره في البوربوينت
الراقي11
2011- 12- 30, 04:16 AM
طيب انا غبت لمادة والعذر ماعطاني المستشفى يقولون جيب ورقة من الجامعه انك تبي عذر من وين اجيب هالعذر:Cry111:
سمو الإحساس
2011- 12- 30, 04:31 AM
من ملف - حفظ باسم
file -save as

http://im19.gulfup.com/2011-12-30/1325208605571.gif
نور دربي ياربي
2011- 12- 30, 04:44 AM
سوري ازعجتك بس راح تخدمني خدمة عمري
ماطلع لي امتدادت الصوره هذا من وين او اذا ماعليك امر وعندك وقت ارسل الطريقه بالصوره
اله يجزاك الجنه
سمو الإحساس
2011- 12- 30, 05:22 AM
تفضلي يااختي

طبعا بعد ماتختارين save as

راح تطلع لك نافذة طبقي مثل ماهو بالصورة :

http://im13.gulfup.com/2011-12-30/1325211666531.gif
مناير 11
2011- 12- 30, 06:21 AM
صباح الخير
انا بعد غبت وعدي العذر بس لسا مادخلته بالسكر ولا عندي حاليا سكنر وتوي انتبه ان انفتحت ايقونه تقديم الأعذار بس مو موضح متى اخر موعد للتسليم
متى اخر موعد لتسليم العذر؟؟؟؟
هل اكتفي بوضع العذر ؟؟ام اضع تقرير كامل عن حالتي الطبيه ؟؟ مع العلم ان التقرير من مستشفى غير حكومي ولكن العذر من مستشفى حكومي ولا يوجد تفصيل عن حالتي الطبيه فيه
ولكم كل الشكر
بدر 2011
2011- 12- 30, 11:14 AM
الجميع بخير ويارب ماتشوفون شر
نور دربي ياربي
2011- 12- 30, 04:32 PM
طلع ماعندي البرنامج pdf في القائمه من وين احمله اوعندك رابط تعطيني
لانه منو انواع كثيره مدري اش المطلوب
سمو الإحساس
2011- 12- 30, 07:33 PM
طلع ماعندي البرنامج pdf في القائمه من وين احمله اوعندك رابط تعطيني
لانه منو انواع كثيره مدري اش المطلوب

ممكن اعرف الاوفيس عندك 2003 او 2007 ؟
سمو الإحساس
2011- 12- 30, 08:06 PM
صباح الخير
انا بعد غبت وعدي العذر بس لسا مادخلته بالسكر ولا عندي حاليا سكنر وتوي انتبه ان انفتحت ايقونه تقديم الأعذار بس مو موضح متى اخر موعد للتسليم
متى اخر موعد لتسليم العذر؟؟؟؟
هل اكتفي بوضع العذر ؟؟ام اضع تقرير كامل عن حالتي الطبيه ؟؟ مع العلم ان التقرير من مستشفى غير حكومي ولكن العذر من مستشفى حكومي ولا يوجد تفصيل عن حالتي الطبيه فيه
ولكم كل الشكر

هلا فيك اختي مناير

بالنسبة للعذر ضروري يرسل عن طريق الخدمات الطلابية وطبعا مافيه طريقه الا عن طريق الاسكنر ،،
اذا ماكان عندك اسكنر بامكانك تروحين لاحد مراكز خدمات الطالب ومعك التقرير الطبي و فلاش ميموري وهم عن طريق الاسكنر يحفظون صورة للعذر في الفلاش ميموري اللي معك وانتي بعد الخطوة هذي ترسلينها للجامعة عن طريق الخدمات الطلابية مع ملاحظة انك لابد تحولين الملف الى pdf وبعدين ترسلينه وفيه خانه للكتابه اذا حابه تكتبين امور معينه مع الصورة اللي ترفقينه لهم ،، وان شاء الله تقبل الاعذار ،،

دعواتي لكم بالتوفيق .
مناير 11
2011- 12- 30, 08:31 PM
مشكور سمو الأحساس
انا عارفه الطريقه..بس سؤالي كان تحديداً عن اخر موعد للتسليم؟؟؟ وعن هل اكتفي بالعذر ام ارفق تقرير مع العذر؟
سمو الإحساس
2011- 12- 30, 09:26 PM
العفو اختي مناير
كان ودي افيدك في الموضوع لكن ماعندي خبر اكيد بهذا الخصوص

دعواتي لك بدوام التوفيق .
نور دربي ياربي
2011- 12- 30, 11:44 PM
عندي الاوفيس 2007 اش اسوي
سمو الإحساس
2011- 12- 30, 11:51 PM
ممتاز

حتى في الوورد بامكانك حفظ الملف على امتداد pdf ولحظه اصور لك الطريقة
سمو الإحساس
2011- 12- 31, 12:03 AM
بامكانك حفظ الصورة في برنامج الوورد

عند الحفظ اتبعي الطريقة ( طبعا اذا الاوفيس 2007 )

http://img695.imageshack.us/img695/6411/55394475.jpg
نور دربي ياربي
2011- 12- 31, 12:08 AM
شكرا سمو الاإحساس على فزعتك معي
اخيرا ارسلت التقرير بعد ماثبت في البور بوينت pdf
سمو الإحساس
2011- 12- 31, 12:14 AM
الحمدلله

الله يبشرك بالخير ويسهل امورك ويوفقك .
قلم طموح
2011- 12- 31, 04:22 AM
شروط تقديم الاعذار
يجب أن يكون لديك إجازة رسمية من مستشفى حكومي يفسّر هذا العارض الصحي.

1- ترفع العذر الطبي الرسمي بالاسكانر على الخدمات الطلابية أيقونة (تقديم الأعذار للمتغيبين عن الإختبار بعذر) :

لايتوجب عليك الذهاب في يوم الإختبار وتسليم العذر للمركز الذي تختبر فيه ، بعد إنتهاء الإختبارات يتم تفعيل هذه الأيقونة إن شاء الله تعالى ، تضعها في السكانر وترفعها على ايقونة استقبال أعذار الغياب .


2 - خلال فترة تسجيل المواد للفصل الدراسي القادم بإذن الله تعالى ؛ تدخل على أيقونة (الإستعلام عن أعذار المتغيبين عن الإختبار النهائي بعذر) وهي موجودة على الخدمات الطلابية :

سترى في هذه الأيقونة قرار الجامعة بشأن قبول عذرك أو عدم قبوله (يتم قبول الأعذار الطبية من المستشفيات الحكومية فقط)


3- إذا قبلت الجامعة عذر غيابك في المادة فستنزل لك المادة في سجلك الأكاديمي على البانر بشكل تلقائي دون أن تقوم بتسجيلها :

وجود المادة لك في نظام البانر ونزولها من الجامعة يعني أنك لاتقوم بتسجيلها بنفسك ولاتدفع رسومها ، وإذا أخطأت وقمت بتسجيلها فإنها تُحسب عليك برسوم فآمل الأنتباه لهذا الأمر جيداً .


4- عند قبول عذرك في المادة تقوم بتجميع درجات الأعمال الفصلية لها من جديد ، وتختبرها في موعدها الجديد المكتوب في جدول إختبارات الفصل الدراسي القادم بإذن الله تعالى.


5- إذا غبت عن المادة ذاتها بعد قبول عذرك فيها لايتم قبول أي عذر تأتي به وتعتبر راسب في المادة .


6- تقديرك في المادة التي غبت عنها يظل f أي راسب وتؤثر سلباً في معدلك ، إلا أن هذا التقدير وهذا التأثير السلبي في المعدل يكون مؤقتاً ويتغير حسب درجتك الجديدة التي ستحققها في الإختبار بإذن الله تعالى ، أي أن هذا التقدير ( f ) يتغير ويصبح تقديراً جديداً حسب التقدير الذي ستحرزه في إختبار المادة التي تم قبول عذر غيابك فيها .





بالتوفيق للجميع ...
منقول من طالب جامعي منتسب الله يوفقه

*: http://www.ckfu.org/vb/t274973.html#ixzz1i4PQxC5i (http://www.ckfu.org/vb/t274973.html#ixzz1i4PQxC5i)
جنات
2012- 1- 3, 12:20 AM
مشكور سمو الآحســـــاس ..
جزاك الله خير..كنت مش عارفــــــه الطريقة ..:(204):
سمو الإحساس
2012- 1- 3, 02:04 AM
مشكور سمو الآحســـــاس ..
جزاك الله خير..كنت مش عارفــــــه الطريقة ..:(204):

العفو جنات .. ويجزاك كل خير على دعواتك ،،

دعواتي لك وللجميع بدوام التوفيق ،،