يوم اول اختبار حصل معي ؟ من المسؤول

[فهد2011]

أخواني الكرام
السلام عليكم ورحمة الله وبركاته،
تم معاينتي لمركز الاختبار الذي سأختبر فيه يوم الاربعاء الذي قبل الامتحان يوم السبت، وكان مركز الاختبار هو الرياض 11 وكان في حي السويدي او الدخل المحدود لااعلم ماهو الحي بالضبط ، وقد حضرت الاختبار من الساعة الواحدة ظهراً علما بأن الاختبار يبدأ الساعة 3.30، وعند فتح باب المدرسة الساعة 3 عصراً بحثت عن اسمي ولم اجده، واستفسرت فقالوا انتظر قليلا حتى يصل المدير، الذي وصل الساعة 3.20 وبعد البحث عني من المدير وجد انني موجود في مركز الرياض 10 وهو في حي السعادة الذي يبعد حوالي 45 كيلو عن المركز السابق، علما بأنني متأكد انني رايت مركز اختباري يوم الاربعاء هو الرياض 11 وطبعت الكروكي من موقع الجامعة، وسببو لي ربكة وضغط نفسي رهيب جعلوني امشي بدون وعي مسافة 45 كيلو تقريبا وبالاخير كان عندي اختبارين بنفس اليوم وتخيلوا كنت هل يوجد احد يمشي في الدائري الجنوبي والدائري الشرقي باكثر من 150 كلم وقت العصر،مع علمي انه اكبر خطا ان اسرع بهذه السرعة وقت الذروة ( بس الضرورة احكام)، يعني الجامعة ماعندها خدمة الرسائل على الجوال ، والله موقف لن انساه ابداً، اخواني لمن اوصل صوتي، لمن اتحدث معاه في الجامعة لمحاسبة المسئولين، لان مادة مهارات الاتصال السهلة البسيطة، لا اعلم ماالذي اخترته ومالذي كتبته، دخلت الامتحان وخرجت وانا نص واعي.
وان شاء الله نراكم جميعاً في المستوى الثالث

[T M R A]

..



يعني الواحد خلقة مرتبك من الاختبارات من غير شي
ولا هو ناقص موقف زي كذا يزيد عليه الطين بلة

حاول مرآسله الجآمعة ولو أني متاكده محد رآح يلقي لك بآل

الله يوفقك بالمادتين ويعطيك على قد ما تعبت


والله نبهتنا على هالشي لان شي محد متوقع انه يصير خصوصا اننا نروح وحنا متاكدين ان هذا مركز الاختبار
ونكون شايلين فكرة ان الغلط يكون من الجامعة او مركز الاختبار
بس دام هذي علومهم عز الله مافي ثقة حتى بالكروكي







..

[ابو جوود]

الله يكون بعونك وأتمنى اهتمام اكثر من جامعتنا العزيزه لان كل هذه الخدمات المقدمه لنا مدفوعة الاجر مقدماً وليس لاحد منه فيها .

[عبااديR]

والله القربة منشقة يا خوك احتسبها لوجه الله ما احد راح يفيدك بشي قد حاولو ناس كثير بس ما باليد حيلة

[المزيني الجبيل]

صحيح اخوي الغالي مافيه امان ولا مصداقيه

فعلا توقع غير المتوقع في ظل هذا التخبط

[رمـز]

اخوي فهد لا تشكي لي ابكيلك
لولا لطف الله لحصل لي ما حصل لك
انا فعلاً كنت على مركز العريجا بجنب نادي النصر :mh12:
وبالصدفه دخلت على مراكز الاختبار في اخر لحظه قبل الاختبار لقيته متغيير

حسيت بدوخه وعرقت في عز البرد ولقيته متغيير لنفس مركزك في حي السعاده رقم 10

مره ثانية وثق اي شي يسونه ببرنت سكرين عشان تحاجهم وعندك الدليل :017:

[فهد2011]

أختي تمارا
اخي ابو جوود
اخي عبادي
اخي المزيني الجبيل
اخي رمز
شرفني مروركم الكريم، وشاكر لكم مواساتي، للعلم انا راسلت الجامعة عن طريقة ملاحظات على الاختبارات. والله يكتب اللي فيه الخير،

[Typhoon]

الله يكون بعونك

[اليـــتـــيم]

اول شي الحمد لله على سلامتك وثاني شي الحمد لله انك لحقت ودخلت الاختبار
قسم بالله اقراء كلامك ويرتفع ضغطي خفت لايكون راح عليك الاختبار والا صار لك شي بالطريق
لكن الحمد لله على كل شي صار لك وان الامور عدت بسلام وان شاء الله انك ناجح يارب

اخوي كان ودي اخذت ورقة حضور من المركز الاول اثبات لك عشان لو تاخرت عن مركزك اللي هم غيروه وتاخرت يعطونك وقت مضاعفه لانهم يتحملون سبب تاخيرك وانا اشوف تكلم الجامعه وتراسلهم ضروري تبلغ الجامعه قبل النتائج لاجل يساعدونك في هالمادة اللي تاخرت عليها بسببهم وتعطيهم ورقة اثبات حضورك في المركز الاول بس للاسف انت مااخذت ورقة اثبات برضوا ماعليه
اهم شي تكلمهم وتحكي لهم المشكله
لاتسكت لازم تتكلم معهم مثل ماقلت لك عشان لا قدر الله وماحليت زين يساعدونك
هذه يسمونها ظروف خاصه تتحملها الجامعه

وان شاء الله التوفيق حليفك

[لاتغرك الضحكه]

اخوي انا اختبرت في الحسا

وفيه ناس معنا مسجلين من برا الحسا

واختبرو معنا

وفي قاعه الاختبار الدكتور المتحدث قال لنا

الي مو مسجل في الحسا يبلغنا نعطيه استمار يعبيها

والامر فيه مرونه

يعني مو معناته سحلت بالرياض خلاص لازم اختبر بالرياض

هذا كان كلام الدكتور الي عندنا بالقاعه

واسال اي واحد اختبر بالحسا

فالمدير المفروض انه خلاك تختبر عنده

والايام الي بعده تختبر في موقعك الثاني

فغريب من المدير انه يدري ماباقي وقت ويخليك تروح

اكيد عنده اوراق اختبار زياده وحاسبين حسابهم

والحمد لله الي عدت ع خير

الله يوفقك

[أبو ساري]

اعانك الله

صارت معي نفس المشكلة العام الماضي

بس تفهم وضعي مدير المركز وقلي اختبر هنا اليوم وبكره رح مركزك الجديد

[عالم حمودي]

الله يعيينك ياخوك ويسهل عليك

والله الجامعه الظاهر بدت تخبط وكثره الطلاب انعكست سلبي على الخدمات

في الجامعه سواء التواصل بالجوال او عن طريق الرسائل

[اصايل نجد]

تدري لو انا مكاانك بعد ماااخلص اختباراتي بروح لهم
وماايردني الامكتب العميد بقول وش تحس فيه تبيني
ارسب مثلا وشوف وجهه ساعتها كم لووون
والمفروض يوم غيروا مركز اختبارك اختبرت عند الاول
يقالك انهم نظاام اي نظام وهم فااجعينك بتغير المركز
مسخررررررررررررررره صراحه واحمد ربك انت تقدر تروح ومعك السياره لو انك بنت كانت توهقت:000:وراح عليك الاختبار

[أبــو الـولـيـد]

نفس ماحصل لك حصل لي .. بس انا ما راحت أختبر في المركز الجديد لأني ما كنت اعرف وين وأي مركز..
انا كنت ضمن مجموعة مركز7 بالرياض واخر مره شيكت علي الموقع الاربعاء ..

لما رحت المغرب يوم الخميس اختبر طلع اسمي مو موجود ومعاي اكثر من 20 طالب.. استفسرنا من المشرف وقال حصل تغيرر الساعة وحدة الظهرر يوم الخميس من قبل الجامعة !!!!!!

الحمدلله اختبرنا بنفس المركز .. بعد ماراح من الوقت اكثر من نص ساعه وحنا على اعصابنا مره يقولون بنختبركم ومره يقولون روحوا شوفوا لكم مقهى انترنت وشوفوا وين مراكزكم !!!! الحمدلله اختبرنا بمسجد المدرسة على الارض ...:064:

وباقي المواد اختبرتها بالمركز الجديد (وبالصدفة صار معاي اخوييا اللي بالمسجد صاروا مثلي مغيره مراكزهم )والغريب أنه ما إبلغوا الطلاب بررسائل جوال ..!!

صدقني ما ارتحت الا لما شفت اثبات حضور الأختبار (وكل المواد حااضر) خفت يحسب لي غياااب

اتمنى مثل هذه المشاكل يتم تلافيها - من قبل الجامعة -مستقبلا وخصوصا ان لها تأثير كبيرر على أداء الأختبار ..

[بيبرس الدعيدع]

لو منك تروح للجامعة .. وتتفل بوجه كل مسؤول تشوفه قدامك .. هذا بعد من غير السطرة بوجهه لا بوهم لا بو جدهم

جامعة حشفة وسوء كيل .

جالسين يلعبون بأعصابنا من بداية أول مره لنا .