مواد اللغة الأنجليزية

[رامـ2009ـا]

أهلا بإخواني مستوى ثاني
حبيت اسئل عن الخطه الدراسية هي 9 مواد وش رائيكم هل أخذها كلها ولا ضغط لأن المستوى الأول مثل مانتوا عارفين كانت 8مواد والحمدلله قدرنا نتحمل بس أنتوا لما أختبرتوا وش رائيكم وهل كانت اختباراتكم متفرقه مافيه مادتين صعبة في يوم واحد مثلنا الصراحه تعبنا

ياليت تكتبون لي المواد اللي أخذتوها لأني أحس أني ضايعة
والله يوفقكم لكل خير

[رائد القميشي]

انا عني نزلت 8 مواد الترم الثاني

انجليزي قراءه , انجليزي كتابه , الاحصاء , برامج الحاسب المكتبيه , فقه السيره , مهارات التفكير

النحو التطبيقي 2 , القراءه والمحادثه ( ماده عربيه )

والحمد لله ماجاء اي تعارض

وقت الاختبارات كل ماده في يوم ...


انا أشوف تنزلين 8 عشان مايكون ضغط ولا يتاثر معدلك لان اهم شي المعدل

اتمنى للجميع التوفيق

[%yasser%]

احذري ان تجتمع عليك مادتين صعبه في الاختبارات :Cry111:تراهم ما يفرقون بين المواد الصعبه والسهله

الله يوفقك

[تخطيت السحاب]

هلا بك اختي

انا اخذت الترم الماضي 9 مواد من اصل 10 مواد
لانه غلطتي حطيت الانقلش كتابة مع التذوق الادبي بغيت اجيب العدي في التذوق الادبي
المفروض كل مادة في يوم احسن شي

بس لاتنسون تذاكرون قبل الاختبارات على الاقل بشهر

ولاتنسون تتابعون الدكاترة من البداية علشان ماتتراكم عليكم المواد
لان اكثر مواد ثاني تبي فهم وبخاصة الاحصاء <<< هذا ماسجلته لانه يعتمد على الفهم
والتجويد والنحو
هذه المواد الثلاث اللي قلت عنها تبي فهم والدكاترة ماشاء الله شرحينها شرح تمام

[وزيرة]

أنـا مريحـه عمري ذا الترم !؟ أخذت 7 مواد بس !؟ لكن عشـاني عارفه ظروفي مـاضغطت نفسي !؟
لكن هي عليـج عليج بس حلو ترتبينهـا حسب ظروفج !؟
أهم شي لاتاخذين مـادتين يكونون في يوم واحـــــــد تعب نفسيه وضغغغغغغط !؟
أنتي اللحين خضتي تجربة شوفي آيش حسيتي نفسـج يوم أخذتي 8 مواد أنضغطتي ولا لأ !؟
وعلى أساسه حددي !؟
مـابي أطول عليج بس من جد أهم شي لاتضغطين نفسج بمـادتين في يوم واحـــــــد !؟
في المستوى الأول وحتى أنتوا أتوقع كنتوا نفس جدولنــا أدارة وتحرير جـالي الصمرقع :71:من جد اللي حـاط الجدول سـلامـات رحمةً باالكائن الصغير القاطن في رأسنـا :biggrin:

[ام ليال]

قلبو انا اخذت 9 مواد

بس كلها يبيلها متابعه ومذاكرة مو قبل

الاختبارات باسبوع تشيكي عليها وافضل شيئ

خليك متابعة من اول اسبوع بكذا يسهل عليك

اهم شي لا تاخذي مادتين في يوم واحد

انا اخذت الاحصاء بدل التذوق الادبي والحمدلله

توكلي ع الله اذا ما عندك ظروف وضعك تمام

خذي 9مواد وربي يوفق الجميع

[ابو هتان]

لازم يكون اختيارك بناءاً على جدول الإختبارات بحيث لا تأخذين مادتين اختبارهم في يوم واحد وبالتوفيق إن شاء الله

[عساف7]

كلام اخوي ابوهتان والاخوان قبله هو الصحيح وفي نظري 7 مواد كـــافيه
لإن فيها محاضرات مباشرة ومسجلة وواجبات و مشاركات وحوسة وتجميع ملخصات يعني بصراحة تشتت بكل ماتعنيه الكلمة
يبغالنا اذا قربت الاختبارات نركب ذاكرة احتياطية في المخ سعة مليون جيجا.......هههههههههه

[تخطيت السحاب]

السلام عليكم

مثل ماقال الاخوان

لكن انا اختلف مع الاخ ( عساف )

بصراحة اذا واحد اشتغل من بداية الترم ونظم وقته ونفسه وجدوله اعماله
بإذن الله مايتلخبط ولا يحتاس

اهم شي تنظيم الوقت والجهد والاعمال

سوي لك جدول للمواد وكل ماتنزلين مادة في الاسبوع شوفيها واشري عليها
وهكذا دواليك

اما اجي اخر الترم وابقق عيوني وافعش شوشتي والعن واشتم
مايصلح
شف الاجانب تفوقوا علينا بتنظيم الوقت والجد والاجتهاد وتترك الاهمال

انا لي تجربتين سابقتين

وحدة في المستوى الاول والثانية في المستوى الثاني

المستوى الاول ماكنت منتظم نفسي
تصدقون ان صابتني حالة نفسية وطفشت وزقهت وفيه محاضرات مانزلتها الا بعد الاختبارات
قسم قمة الحوسة

لكن المستوى الثاني ولله الحمد والمنه
نتظمت نفسي وجدولي ووحدت جهدي ومشت الامور على احسن مايكون التنظيم


لذا تنزلي ماحضراتك من البداية حلي واجباتك من البداية
لو شفتي من المثبطين للعزايم لاتلتفتين لهم

اسف عالاطالة

[yasmin+]

انا من وجهة نظري اذا تقدرين تاخذين 9 مواد اخذي علشان تفتكين من المواد العامه

بس اهم شي لا يكون عندك ما دتين بيوم واحد لان ماراح تقدرين تركزين بالاختبار ..

وانشالله المواد بتكو كلها سهله عليك بس اهم شي ذاكري اول باول وشوفي المحاضرات للمواد اللي تحتاج فهم ..


موفقه يااارب

[أنفاس الفجر]

تبين نصيحتي لاتاخذين الا 8 فقط


لان لو اخذت اكثر بتصادف معك اختبارين بنفس اليوم فليش توهقين روحك :wink:


وفقك الله :106:

[سيمو20]

تيب كيف اعرف انو مآدتين بتكون نفس اليوم تكفوون علموني:icon9:

يعني جدول الاختبارات هو نفسه ماحيتغير :g2:

[ام لمى 82]

يا ليت احد ينزل لنا جدول الاختبارات عشان نشيك

[Sydra]

انا مع الاخوان اللي يقدر ينزل 9 مواد احسن له حتى يفتك من المواد العامه وخاصة ان المستوى الثالث تخصص واحنا جربنا والحمد لله كانت
كلها مواد ممتعه >>>طبعا مع المتابعه الجيده والاهتمام من بداية الترم .....
اهم شي تشيكوا على جدول الاختبارات قبل تسجيل المواد وتتأكدوا ان مافي مادتين في يوم واحد >>>>انا تركت التذوق بسبب ذا السالفه .....
على العموم ان شاء الله بعد النتائج راح ينزلوا جداول المقررات لجميع المستويات مع جدول الاختبار
وساعتها ترتبوا جداولكم على كيفكم وكل واحد على حسب ظروفه وبالتوفيق للجميع......

[روبينيا]

انا اخذت خمس مواد فقط مع مادة الصحه واللياقه من المستوى الاول صارت ست
ولاني كنت عارفه نفسي امر بظروف واجازات وطلعات فما اقدر ادرس اكثر من ست
والحمد الله نظمت وقتي عليها اكتب الواجبات والمناقشات اول باول وما تعبت فيهم ابدا
مع انه اختبار الصحه كان مع مهارات التعليم والتفكير بس لاني كنت مذاكره قبل شهر من الاختبارات صارت سهالات وباذن الله اجيب معدل حلوو :(204):

[رامـ2009ـا]

مشكورين لكل اللي مروا عالموضوع والله يوفقكم يارب
والمشكله لو حملنا المواد ماأدري كيف بيكون الجدول بس الله يعين لاهم اللي ريحونا نعرف وش لنا وش علينا الصراحه النتائج مرمطه معهم كل الجامعات اللي بعدنا طلعت الله يعافيكم ماقصرتوا

[ريم الفلا 33]

السلام عليكم ورحمة الله وبركاته \\\
الف مبروووك للجميع وعقبال التخرج ان شاءالله , ابي اعرف كيف مواد المستوى الثاني سهلة ولا صعبه ؟؟؟
وماهي المواد السهله والمواد الصعبه حتى اقدر ارتب جدولي بناء عليها لانه يهمني المعدل التراكمي ماينزل ياليت الاخوات والاخوان اللي سبقونا يساعدونا .