فيه مشكله في النظام والا وش السالفه

[al-million]

السلام عليكم ورحمة الله وبركاته
ابد فيه مشكله شايفها في خانة تغيير التخصص
وهي ان قسم التربية الخاصه كان موجود بالامس واخترته وطبعت الطلب
واليوم يوم يدخلت مالقيته
اتمنا منكم الدخول والتاكد هل كلامي صحيح
ام انه تم حذفه من عندي لاني اخترته
صراحه معد عرفت لهذي الجامعه وبرنامجها الغثيت

[Ħаḏố0ồЧ]

معنآه الكلآم صحيح القسسسم تقفل ولآ يقبل التحويل

ولآ عندك إلآ الأقسآم الموجوده :biggrin:

[خالد زاهي]

أخوي التربية الخاصة قفلوة من الترمين السابقين
الله يوفق الجميع

[al-million]

طيب كيف امس تفعلت وضغطت عليها وطبعت نموذج التحويل
وكان مكتوب فيه هذي الورقه خاصه بالتحويل والمطالبه بذلك التخصص
ومدري قسم بالله اني محتار
ولو ماتم التحويل اني بترك الجامعه
كل تخصصاتها صعبه وقلق
ونفسي بتخصص التربيه والله يسهل الامور

[قلب ودمعتين]

الله يسهل امرك

[هيناتا]

طيب كيف امس تفعلت وضغطت عليها وطبعت نموذج التحويل

وكان مكتوب فيه هذي الورقه خاصه بالتحويل والمطالبه بذلك التخصص
ومدري قسم بالله اني محتار
ولو ماتم التحويل اني بترك الجامعه
كل تخصصاتها صعبه وقلق

ونفسي بتخصص التربيه والله يسهل الامور


مافي شي سهل
كل شي يحتاج مذاكره وجهد وعطاء
فـ لاتحصر طموحك على تخصص معين