تخصصنا هو ادارة اعمال وتسويق + الخطه الى التخرج

[mad77000]

بسم اللة الرحمن الرحيم

يعتبر قسم التسويق من اعم واشمل تخصصات الاداره بل يعتبر قلب ادارة الاعمال النابض فالتخصصات الاخرى كالمحاسبه والماليه ونظم المعلومات الاداريه و الاساليب الكميه تخصصيه اكثر في فرع من فروع الاداره بينما التسويق هو مزيج من جميع هذه التخصصات بالاضافه الى برامج مهارات صقل المدير والاتصال, حتى اصبح اليوم يعتبر قسم عام في تخصص ادارة الاعمال ,

هذا هو التخصص الذي سوف ندرسه واحببت ان اعطيكم نبذه عامه عنه لكي تتضح لكم الرؤيا

هذا رابط التخصص في موقع الجامعه
http://www.kfu.edu.sa/ar/Colleges/MangmentSciences/CollegeDepartments/Pages/11.aspx

وهذه الخطه الزمنيه التي سوف نأخذها الى التخرج ان شاء الله تجدونها بالمرفقات وهي مأخوذه من زميل في لمنتدى زار الجامعه واستفسر عن الخطه التي سوف يأخذونها وهو من مستوى رابع

[سوسو الرياض]

يااربااه


والله انك بطـــــــــــــل


تشكراات من القلب

لاهنت ياالغالي

تحياتي

[mad77000]

دامه اعجبك الموضوع لا تصير بخيل وعطني تقييم اعجاب :119:

[گبرياء أنثے]

:d5::d5::d5:

[سوسو الرياض]

مااطلبت شي


احلى لايك لعيوونك

تدلل

[mad77000]

الف شكر

ماودكم نناقش التخصص والمواد الي راح تواجهنا

[قمييله]

:d5::d5::d5::d5:شنو المطلوب بسوق العمل؟؟

[masm_911]

يعطيييك الف الف عااافيه
يالغااالي تعرف كم عدد مجموع الساعات اللى راح ندرسها بالكاامل
وشكراا

[Half Smile]

يعني الحين إلزامي بعد المستوى الرابع لازم ندرس تسويق والا كيف

ترى ما فهمت .. وبعدين مبادئ الرياضيات 1 و 2 وينه بالخطة

[ملاك1401]

يقولوا لازم نكمل 136 ساعه:119:

[بنوتة جامعية]

سمعت والله هالمعلومة ياريت يفيدونا الاعضاء :biggrin::biggrin:

[mad77000]

ندرس 136 ساعه 16 منها تقريبا متطلبات جامعه كالاسلاميات والصحه وغيرها وتقريبا 60 ساعه متطلبات كليه الاداره والاعمال كالرياضيات والانقلش ومبادء الاداره والاقتصاد وجميع ماندرس حاليا الى مستوى رابع بعد كذا 60 ساعه تخصص تسويق اداره التسويق ومهارات التعاقد والتفاوض واداره دوليه واداره الانتاج وادارة الترويج ومهارات البيع والابداع التسويقي وغيرها الكثير

[Remas Mohammed ..]

هذآ آلي كنت آدور عليهه من زمآن :biggrin:

شكراً آلله يوفقكك ويوفق آلجميع :love080:

[AbduLlatif]

اخوي صراحة انصدمت وش الي تسويق !!!!
ادري انه تخصص مطلوب لاكن في الف مصري غيرك شهاداتهمم احسن في التسويق و دارسين بجامعات افضل !!!
انا كنت احسب انه نقدر ندرس اي فرع من فروع ادارة الاعمال !!!!!!:000:
و للعلم انه على ما اتوقع الادارة المالة تخصص مطلوب في سوق العمل السعودي و بقوة على حسب ما سمعت !!
لاكن التسويق !! موجود وبكثرة يعني ما بيحتاجونكك اذا تقدمم واحد افضل منكك !!
ادري انه الارزاق على الله و سبحانه ما تدري وش مكتوب لك !!
لاكن من باب المناقشة !!
الموضوع فاجئني صرحا !؟؟
:sdfgdsf:

[mad77000]

من قالك هالكلام انا اعرف ناس كثير تسويق ومدراء كبار ولا تقارن الماركتنق بالفاينانس اقصد التسويق بالماليه اذا تبي المصاريه ياكثرهم في المحاسبه والاداره الماليه بعدين التسويق اشمل ولا تطلق احكام ولا شكله الاسم مو عاجبك او على بالك ان التسويق يعني مسوق هههههههههههه اجل الهنود واليمنيه الي بالورش ميكانيكين اذا لاتدرس هندسه مكانكا ههههههههه وش جاب لجاب

[AbduLlatif]

للرفع و
اي احد يحب يعطينا اي معلومة !!!:119:

[AbduLlatif]

من قالك هالكلام انا اعرف ناس كثير تسويق ومدراء كبار ولا تقارن الماركتنق بالفاينانس اقصد التسويق بالماليه اذا تبي المصاريه ياكثرهم في المحاسبه والاداره الماليه بعدين التسويق اشمل ولا تطلق احكام من راسك الا بعد ماتتأكد ولا شكله الاسم مو عاجبك او على بالك ان التسويق يعني مسوق هههههههههههه اجل الهنود واليمنيه الي بالورش ميكانيكين اذا لاتدرس هندسه مكانكا ههههههههه وش جاب لجاب




عفواً اخوي مافي اي شي يدعي انكك تسهزئ و انا مثلت بالمصري لانه ذكي !
ع العموم مو هذا موضوعنا !!
من رئي انا اعرف يعني شنو مسوق اخوي و هذا شي ما يخفا علينا
و مصدري شخص ريب لي يعمل في جامعة الدمام يعني ما جبت شي من راسي جزاك الله خير
و اذا انت تبي هذا التخصص هذا شئن خاص بكك والله يوفقك ان شاء الله
لاكن انا قلت رئي عشان نتناقش بهذا الخصوص و استفيد منكك او تستفيد مني !

[‏M!$s JnoO]

يقولوا لازم نكمل 136 ساعه:119:


وطاحت من 136 ـ15 ساعه يعني باقي 121 :119:

^

صح ولا كيف:biggrin:

[MRSOM]

مجهود رائع
لكن الخطة متغيرة تغير جذري

عساك ع القوة

[الماَسه]

مشكور الله يعطيك العافيه

كنت ادوره مافي وسئلت الدكتور عبدالله قال ماقي من وين جبته

ماشاءالله :(204):

[mad77000]

انا ماني متحيز للتخصص ولكن الصدق ينقال ومابي تحكم على شي حكم جائر يأثر على الاخرين من غير علم ولا هدى ولا كتاب منير هذا ولك شكري وحبي

[جوآهر المبآرك]

بصرـآحه لحستوآ مخنـآ ذآك اليوم وآحد من الآعضاء سأل وشو تخصصنـآ ردت المشرفه اظن أنو درآستنـآ مسآرهـآ عام من شآن كذا مآفي سنه تحضريه

وذآالحين تقولون تسويق ضيعتوني إذا تسويق اناا سامعه وحده عمتهـآ أخذت دوره اقل من سنه بشهادة تسويق يعني كذآ مستحيل اتشجع مع انو متفائله جدآ بإللي ندرسه بس الله كريم

و ي ليت احد يوضح لنـآ

[RED_ROSE]

ماآ آدري احس الخطه متغيّره ..

وحرف الإي اللي جنب المآده يعني درآسته بالانجلش أو لا ؟


:

عمومآ يعطيك العآفيـه


..

:106:

[MRSOM]

بصرـآحه لحستوآ مخنـآ ذآك اليوم وآحد من الآعضاء سأل وشو تخصصنـآ ردت المشرفه اظن أنو درآستنـآ مسآرهـآ عام من شآن كذا مآفي سنه تحضريه


وذآالحين تقولون تسويق ضيعتوني إذا تسويق اناا سامعه وحده عمتهـآ أخذت دوره اقل من سنه بشهادة تسويق يعني كذآ مستحيل اتشجع مع انو متفائله جدآ بإللي ندرسه بس الله كريم


و ي ليت احد يوضح لنـآ



إسم التخصص إدارة أعمال
لاتهتمين للمكتوب بالجدول

:(204):

كلية الادارة والاعمال
والتخصص: إدارة أعمال

يعني ما كتبو ادارة اعمال وتسويق


لا تشككين باي شي يكتب

[محمد بن جنيد]

عندي معلومه من شخص بيدخل مستوى خامس

قال لي ان الطالب يدرس للمستوى الرابع ادارة اعمال بشكل عام وبعدها يتخصص باحد تخصصات ادارة الاعمال !!

والله اعلم

[mad77000]

ياجماعه وش فيكم مافيه شي اسمه اداره عامه في ادارة الاعمال , الاداره العامه شي وادارة الاعمال شي ثاني ماكنكم درستو مباديء الاداره

الاداره العامه هو تخصص للمنظمات العامه واغلب ما يهتم فيه هو الهيكل الوظيفي والاجراءات الاداريه هذا التخصص قديم واعتمدت عليه جامعتنا خصوصا جامعة الملك عبدالعزيز واصبح هذا التخصص غير مرغوب بعد ان تشبع السوق منه وتحول اغلب المنظمات العامه لمنظمات اعمال

ادارة الاعمال هو مخصص للمنظمات الربحيه (الاعمال) وهو تخصص مطلوب جدا اليوم واكثر من الماضي لان اغلب المنظمات ربحيه او تسعى الى التحول من عامه الى ربحيه واقرب مثال جامعتنا كانت منظمه عامه تعطي التعليم بالمجان وتحولت الى منظمه ربحيه بعد ان فتحت نظام التعلم عن بعد, واهم قسم فيه واشمل قسم التسويق واغلب علوم ادارة الاعمال تفرعة منه كالماليه والاحصاء والنظم الاداريه وغيرها

[AbduLlatif]

بالعككس اخي الكريمم
انا ما احكم ولا افرض رائي لاكن حبيت اخذ ارائكمم
لاني انا كا رئي شخصي احتفظ فيه لنفسي احب ادرس هذا التخصص الي نصحني فيه مطلع على هذا المجال
و لاكن لكل شخص وجهت نضر و تخصص يطمح اليه ..
وانا مع احد الاخوان في رده لان اختلف علينا الحين لان في مرا سابقة قالو انه ندرس اداة عامة !
و الان فقط تسويق !
انا الان لا انتقص حق هذا التخصص ولاكن لي طموح غيره
اتوقع وصلت فكرتي اخي العزيز

تحياتي لك وشكراً

[الماَسه]

هو اداره عامه مافيه تخصص ولا تحضيري

[لا للمستحيل]

اتمنى ان يفتحون تخصص قانون عن بعد مثل جامعة الملك غبد العزيز

[ضوء الحب]

مشكور ياخوي بس من الظلم أن تقتصر فروع إدارة الأعمال على تخصص واحد والشي الثاني هل بيفيد هالتخصص للموظفين الحكوميين؟

[ابو حبتين]

:33_asmilies-com::d5::33_asmilies-com:

[mad77000]

روح موقع الجامعه واترك منك العماده روح لكلية الاداره وشوق تخصصاتها وقول لنا هل فيه شي اسمه تخصص عام ادارة اعمال او لا

مدري ليش زعلانين من تخصص التسويق كأنه شي مخجل او عيب بالعكس افضل بدال مايكتبون اداره اعمال فقط يكتبون تسويق وادارة اعمال , سبحان الله

[Prince Raed]

اتوقع الخطة هاذي تبع بكالريوس (الانتظام) وليس للتعليم عن بعد.

بشكل عام من اكثر التخصصات المطلوبة في السوق حاليا هي الموارد البشريه وادري انها غير متوفرة في جامعة الملك فيصل للانتساب.

ميزة تخصص ادارة الاعمال انها شامله ويمديك تتوظف في اي مكان.

[mad77000]

اتوقع الخطة هاذي تبع بكالريوس (الانتظام) وليس للتعليم عن بعد.

بشكل عام من اكثر التخصصات المطلوبة في السوق حاليا هي الموارد البشريه وادري انها غير متوفرة في جامعة الملك فيصل للانتساب.

ميزة تخصص ادارة الاعمال انها شامله ويمديك تتوظف في اي مكان.

فعلا الجامعه عندها كليتين ادارة اعمال :(269): وحده للانتساب ووحده للانتضام ههههه

[Red.Rose]

الى الان ماوضعو خطه واضحه بالموقع للجامعه بخانة المواد
والمستويات واقفه ع الرابع


فمشكوور ع مجهوودك واذا اخلف عن المواد اللي جبتها فهو اختلاف بسيط


فربي يسهل لنا الدرب ونكملوو للاخير :119::106:


:(204):

[ابو بتـــال]

يلعن ام التحطيم

وش الي تسويق كلية ومافيها الا مسار واحد !!

اقل شي ندرس ادارة اعمال وبس

مو تسويق

كان الطموح بادارة اعمال مسار موادر بشرية هذا المطلوب وينفع في كل مكان

اعرف اثنين شخصيا متخرجين انتظام تسويق الحين متسدحين مانفعهم التسويق بشي

لان التسويق الشركات الي تطلبة والشركات تفضل الاجانب خصوصا المصررين والبنانيين في التسويق على السعودي

يعني الي مو موظف معتمد على الشهادة هذي انصحة لايكمل ويشوف له تخصص ثاني اصرف له

لكن الموظف ويبي شهادة وبس كمل والشكوى لله

لكن اتوقع المعلومات الي في موقع لجامعه قديمة ومو محدثة والله اعلم وانشالله تكون كذالك

[**RAYAN**]

غريبه
فيه كم مادة تطبيق للتسويق كيف بنطبق و حنا ندرس تعليم عن بعد ؟؟
و فيه مادة بحوث تسويق كيف بنقدم البحث ؟؟
شكل الخطه هذي للي يدرسون إنتظام

[Iaila]

mad77000

يااخي انت حاط موضوعك عشان تتهزأ على ردود غيرك
يعني ان لم تكن معي فاانت ضدي

نعم من حقنا يكون فيه خطة واضحه ايش تخصص واحد تسويق
اذا انت عاجبك الله يوفقك انا بالنسبه لي مايناسبني
عندك مشكله و لا بتتهزأ بردي؟!

[rmmunajam]

:hhheeeart4:

[mad77000]

mad77000

يااخي انت حاط موضوعك عشان تتهزأ على ردود غيرك
يعني ان لم تكن معي فاانت ضدي

نعم من حقنا يكون فيه خطة واضحه ايش تخصص واحد تسويق
اذا انت عاجبك الله يوفقك انا بالنسبه لي مايناسبني
عندك مشكله و لا بتتهزأ بردي؟!

وش فيك علي :000: لا والله خذ راحتك في الرد سوء معي او ضدي ولكن بعض الطرح يجيب الكبات زي ادارة اعمال عامه مدري كيف تجي او تخصص لنا لحالنا كان الجامعه فيها كليا للاداره خاصه بنا فقط اشياء غريبه

اذا مو معجبكم الموضوع نقفله ولا يهمك

[Prince Raed]

عزيزي Mad 77000 للمعلوميه بان نظام (الانتظام) لما تعدي المستوى الرابع في اداراه الاعمال تستطيع بان تتخصص في التسويق او نظم المعلومات علشان كذا انا قلت لك الخطة الي انت ذاكرها ليست للانتساب لان الي الان ماذكروها كامل.

اتمنى اذا انا قلت شي غلط تصحح لي وياليت يكون بدون استهزاء مثل ردك السابق.

[Prince Raed]

غريبه
فيه كم مادة تطبيق للتسويق كيف بنطبق و حنا ندرس تعليم عن بعد ؟؟
و فيه مادة بحوث تسويق كيف بنقدم البحث ؟؟
شكل الخطه هذي للي يدرسون إنتظام

هذا الي انا ذكرته في البدايه ,,, الخطة المذكورة للطلاب الانتظام.

[أبو محمد]

السلام عليكم ..

هذه الخطه للإنتظآم ..

التعليم عن بعد له مسآر يختلف تماماً عن الموجود بالانتظآم ..

لاحظ الكليات الثانية بالتعليم عن بعد لهآ خطط خآصة تختلف تماماً عن خطة الانتظآم ..
مع العلم انهآ نفس الدرآسة ..

لكن الخطة تختلف بالمقارنة بالانتظآم ..

كل التوفيق ،،

،،

[أنا صاحي لهم]

التخصص تبع الانتظام وليس الانتساب

[أبو محمد]

أعتذر منك أخي رآح أغلق الموضوع ..

الموضوع قد يتسبب لتشدد الاعضاء خاصةً ان هذا القسم هو المستوى الأول ..

كل الشكر ..