إذا كانت المحاظرات 70 محاظرة كم محاضرة في الاسبوع وكيف ارتب جدولي وين الدوافير

[أم دانة]

هل فعلا 70 محاظرة في المستوى الاول إذا كان كذا كم وحدة في الاسبوع؟ :41jg:


أطول محاظرة كم طولها ؟

أخاف مقدر الحق اشوفها أكثر من مرة؟ :Cry111:
وش بعد يا ربي :(107):
اية الي عدا المستوى الاول بمعدل ممتاز هل لازم من الكتب او اكتفي بالمحاظرات والملخصات والاسئالة؟

شفت محاظرة الاقتصاد بس ماش ما عجبني شرحة الله يغفر لنا وله تهقون مع الوقت بأفهم؟

شكرا لكم جاوبوا على كل الاسئلة كل ما كتبت موضوع ينقون الي يعجبهم ويتركون الباقي :mh35:

[كولبهـــــآر]

آممممممممممممم نظآم آلجآمعه مآفي آسبووووع محدد ينزلون فيه مرآت تجي عشوآئي ينزلووون 4 محآضرآت لكل مـــــــــــــــآده
وآلمآده فيهآآ 14 محآضـــــــــــــره :biggrin::biggrin: وآلبآقي متررررري :

[mishal bin moha]

الامور سهالات لو عرفتي توزعين مجهودك عالترم كامل وانا أشوف المحتوى والمحاضرات بتركيز بالاظافه لأسألة الأعوام السابقة كافيه وزود
بس لا تسوين سواتنا قبل الاختبارات بأسبوعين نبي نسوي كل شيء
وفالك التوفيق

[نوال 1]

الوقت حق المحاضرات المسجله يختلف فيه ساعه وفيه اقل بالنسبه للمذاكره تذاكري من المحتوى ومن الكتاب انا عن نفسي كذا ذاكرت والحمدالله بس موكل راح تستفيدي منها اتمنى اكون افدتك لو بالقليل:119:

[the.best]

الله لا يهينك اطبعي الملخصات وتابعي مع المحاضرات .. واذا مكسله مره ومافيك حيل .. عليك بالملخصات وبس
الرياضيات بصراحه يبي لها شغل .. وتعلمي على الاله الحاسبه راح تختصر عليك الوقت كثييييييير
واذا ما ذاكرتي من البدايه وخليتي مذاكرتك وقت الاختبارات زي الشعب السعودي عز الله اكلتي هوا
ما اخوفك ولا شي بس شدي حيلك :biggrin:

[قطرآت المآسيـه]

هلا ام دانه .. هيا كل اسبوع تنزل محاضره وحده لكل ماده

ماعليكي الا انك تتابعي المحاضره وتفهمي تمام مع الدكتور

يوم الاختبار تراجعي المحتوى والملخص وبس مايحتاج تشوفي المحاضرات تاني


وطول المحاضرات تختلف في نص ساعه .. في ساعه :(269):


اممم بالنسبه للاقتصاد كلنا نشتكي من شرح الدكتور :000:

بس في واحد جزاه الله خير شرحلنا لين المحاضره السادسه وفهمنا منه

اذا تحبي انزلك محاضرته بروابط من عنووووني :wink:


انا فهمت لين المحاضره السادسه والباقي قريتو من الملخص

والدكتور قلنا ركزو على المحاضره ال14

وذااكرت نموذج الاسئله والحمدلله الاختبار جا كوووبي من نموذج اسئله العام وحليت تمام :(204):


لاتخافي كل شي سهل والمواد حلوووه

بس ذاكري من البدايه وأول بأول عشان لاتتعبي بعدين



بالتوفيق ام دانه :106:

[زهرة الخليج وبس]

حياكي الله اختي ام دانه شوفي بقولك لازم تذاكري اول باول انا عن ننفسي ام وعندي اولاد كنت احضرجميع المحاضرات 14 و3المحاضرات المباشره واحل الواجبات في كل ماده 3واجبات وايضا14مناقشه وهذي لاسويتيها ضمنتي 30درجه في كل ماده فبل الاختبار اطول محاضره كانت مددتها ساعه ونصف ولا اتذكر في اي ماده ولا شريت ولا كتاب ااعتمدت على الله ثم المحاضرات واسئلة السنين الماضيه مهمه جداجداجدا والطلاب والطالبات في المنتدى والله ماقصروا الله يجزاهم خير تلاقيهم بين فتره وفتره منزلين ملخصات مفهومه وواضحه استفدنا منها كثير اما دكتور الاقتصاد الله يعين عليه بصراحه الماده موصعبه اعتمدت فيها علىشروحات وملخصات في المنتدى وفهمتها والحمدلله احس الدكتور هواللي مصعب الماده واللي هي سهله اسفه على الاطاله واتمنى اني اكون افدتك ولكي تحياتي:53:

[عبدالكريم مسند]

هـلآ بالــدآفــورهـ :biggrin:
بالنسبة للمحاضرات عددهـ 85 محـآضرهـ ( 70 محـاضرة مسجلة و 15 محاضرة مبـآشرهـ )
كل مقرر لهـ ( 14 محاضرة مسجلة و 3 محاضرات مباشرة )
طبعـاً المحاضرات ماتنزل بشكل محدد ومرتب
يب يجيك اسبوع مافيه ولا محاضره وفجأه تحصلي 4 محاضرات نازله لكل مقرر
بالنسبة للمذاكرة انا اقول خلك على المحاضرات المسجلة و المحتوى وفيه كم مذكرة تب تفيدك
أما مسألة الكتب والله ماوراها فايدة ابد :biggrin:


موفقه

[Ran Ghaith]

عندك 5 مواد كل يوم خدي ماده من السبت للأربعا وخميس وجمعه راجعي :d5:

[أبــو الـولـيـد]

70 محاضرة * 70 ساعة تقريبا .....
وفيه محاضرات القاانون والاقتصاد تقريبا على نص ساعة فقط ..

محاضرتين باليوم ماعد خميس وجمعة يطلع 10 محاضرات بالــ5 أيام
شهرين ومخلصة كل شيء ..

ولو بتضغط نفسك بتخلصها بأقل بكثيررر

[فهد الظهران]

الدوافير ردوا عليك ماقصروا
ماخلونا لنا شي نقولة

[ASsM]

توكل على الله يا رجال وسجل :
:41jg:

[حور الرياض]

المحاضرات الدراسيه

تنزل بشكل اسبوعي وليس هناك وقت معين يشترط فيه مشاهدتها
ولكن تراكم المحاضرات بدون مشاهده سوف تأثر على المستوى

المحاظرات في ادارة الاعمال 14 محاظرهـ
والمناقشات 14 مناقشه
والواجبات 3 واجبات في الماده كامله وكل واجب 3 اسئلة ماعدا الواجب الاخير 4 اسئلة

وطبعا ينزل مع كل محاظره المحتوى ,, يعني الكلام اللي يقولة الدكتور ينزل معه محتووى للمتابعه
مطبوع من الكتاب او بالبوربوينت من اعداد الدكتور نفسه

ولاتاخذ بالاشاعات ترا تضيع مثلي , في الترم الماضي ضيعت على نفسي اشياء كثير
بسبة الاشاعات

وبالتوفيق

[ابو بلقيس]

الكل وفى وكفى ماعندي غير اقول لك توكلي الرحمن وان شاء الله الأمور زينه

[MÓĴŖđ ЗЋŠåŠ]

ماشاءالله عليكي ياام دانه عيني عليكي بارده حليتي اسئلة اختبار وواجبات وشفتي محاظرات هذا وإنتي لسااا مابديتي .. على كذا الاسبوع الجاي ان شاءالله نشوفك في منتديات المستوى الثاني وعلى بداية الدراسه نشوفك مسويه قسم للمستوى الثامن خاص فيكي وتسألي متى يسلمونا وثيقة التخرج .. صحيح في الحركة بركة ياام دانه بس حبه حبه .. :biggrin:

[عبدالله الالمعي]

السلام عليكم ورحمة الله وبركاته


رسالة للأخت ام دانة بخصوص ترتيب المحاظرات مثل ما قالوا الاخوان يوقف النظام ثم تنزل اربع مع بعض او ماشابه ولاكن بالأصل انها كل اسبوع محاظره لكل مادة إذا مشى النظام على الوضع الطبيعي وبدون كوارث مثل ماحصل لنا الترم اللي طاف المهم انصحك يا أختي الكريمة انك تشيكين كل ما اتيحت لك الفرصة على النظام وتشوفين محاظرات أول بأول دامك فاضية وبالبيت إلا إذا كنت موظفة الله يكون بعونك (((( حس بالمعانات لأني عايشها المهم حبه حبه و خذيها بكل أريحيه وركزي على المواد العلمية اللي هي الرياضيات والمحاسبة والإقتصاد أكثر شي وتمشي الأمور سهله جدا أتمنى لي ولكم التوفيق والنجاح اخوكم / عبدالله الألمعي

[@الشمالي@]

حياك الله ام دانه

الاخوان والاخوات ماقصروا وجاوبوك

وربي يوفقك

[haskfusa]

أحم أحم جاكم الذيب أسمعي مني وتوكلي على الله وهذا أهم شيىء:

- المذاكرة أول بأول بمعدل محاضرة كل يوم من بداية الدراسة كذا بتخلصي المحاضرات بدري.

- عند المذاكرة أفتحي المحاضرة واسمعي للدكتور وعينك على المحتوى حتى ترسخ المحاضرة براسك صح.

- مهم جداً تجعلي اسئلة الأختبارات السابقة معك مع بداية المذاكرة لتتعرفي على طريقة الاسئلة لأن كل دكتور له طريقته الخاصة في وضعها منهم من يكرر الاسئلة للسنوات السابقة ومنهم من يكرر بعض منها ومنهم من يعمل لها نسخ ولصق وأسوأ واحد منهم يغيرها بس الأسلوب نفس القديم لذا مهم جداً تكون عندك نماذج اسئلة قديمة.

- المحاضرة الرابعة عشر أغلب الاسئلة منها لأنها مراجعة عامة ويتم التركيز عليها.

- في حال عدم فهمك لأي نقطة أو محاضرة أو أي شيىء لا تحملي هم عندك بهالمنتدى دوافير الدوافير يجيبون لك أبسط الطرق للفهم فلا يكون لديك عائق بهذا الشأن.


الأن نتكلم عن كل مادة:

الرياضيات: الدكتور اسامة حنفي أكثر من رائع والمقرر عيبه شوي طويل وكل ما هو مطلوب منك تمسكي المحتوى على شمالك واللاب أمامك تشغلي المحاضرة والمسودات والقلم على يمينك وتكتبي وتحلي المسائل مع الدكتور فقط الموجود بالمحتوى إذا فهمتيها راح تجيبي الفل مارك بدون أدنى شك خصوصاً بهالمادة حرام تعب الدكتور يروح على الفاضي لأنه مكفي و وموفي بشهادة الجميع وركزي على تعويد يدك على الحل والحل السريع لأن للأسف الأختبار مدته ساعتين فقط والأسئلة طويلة لذا من الآن تعودي السرعة بالحل.

المحاسبة: كذلك الدكتور رائع بس المادة يبي لها متابعة أول بأول ركزي على المصطلحات الأنجليزية ويوجد جدول أبحثي عنه بالمنتدى يختص بمعرفة الدائن والمدين ومركز الدخل والمركز المالي بمعرفتك وحفظك لهذا الجدول وحفظ المصطلحات الأنجليزية تأدكي بأن راح تضمني على أقل تقدير درجة النجاح بالأختبار 30 درجة المهم بهذه المادة معرفة القواعد الأساسية ويوجد أيضاً كم قانون عند فهمهم راح تكون المادة مثل شرب الماء بإذن الله. + محاضرة 14 مراجعة ومهمة جداً.

الإدارة: سهلة وكل اسئلته من المحتوى بس ما يعيب الدكتور أنه يلف ويدور في الاسئلة يجيبها بغير مباشر يعني يحتاج حفظ المادة صح ومن المحتوى فقط حتى لا يضيعك بالأختبار. ركزي على الاسئلة السابقة.

الأقتصاد: آآآآخ من هالدكتور جاب العيد للجميع في شرحه بس ما يهمك المادة سهلة أنسي شرحه واستيعيني بالدوافير بهذا المنتدى ما راح يقصروا بيسهلو عليك المادة والله الله بالاسئلة السابقة مهمة.

القانون: بصراحة الدكتور سريع بالكلام وحسيت أن المادة حشو في حشو وكلها حفظ وأنا بالحفظ يفتح الله فا حذفتها في الترم الأول وراح أخذها بالترم الثاني لأن الأن مخي بدأ يصحصح للدراسة وزاد الحماس. أنما المادة حسب ما نقل لي كثير سهلة والدكتور اسئلته مباشرة فلا تحملي همها.

في الأختبار أهم شيىء عند الإجابة تحل الاسئلة اللي تعرفها على طول وتضع عليه علامة صح والاسئلة التي غير متأكد من إجابتها ضع عليها علامة دائرة وإرجع لها مرة ثانية وهكذا أعمل تصفية للأسئلة كسباً للوقت لأن بصراحة بعض المواد تحتاج فيها لأي ثانية كالرياضيات.

وحذاري من السهر المتواصل يوم أختبار المادة وربي عملتها يوم أختبار الرياضيات وحسيت يوم أدخل الأختبار مو عارف ثلث الثلاثة كم بس ربي فرجها بعد مضي كم دقيقة حسيت أني مسطل عنجد بدأ المخ يشتغل شوي شوي وكأنه مكينة ديزل تحتاج وقت لتسخن خخخخخخخ فاتوبة من السهر المتواصل بليلة الأختبار.
هذا مالدي وأسف للإطالة بس أنا حسيت بحاجتي لهذه المعلومات أول ما درست فا من باب الأمانة وحب لغيرك ماتحبه لنفسك كتب ماعندي من الترم الأول والله يوفق الجميع.

[haskfusa]

أحم أحم جاكم الذيب أسمعي مني وتوكلي على الله وهذا أهم شيىء:

- المذاكرة أول بأول بمعدل محاضرة كل يوم من بداية الدراسة كذا بتخلصي المحاضرات بدري.

- عند المذاكرة أفتحي المحاضرة واسمعي للدكتور وعينك على المحتوى حتى ترسخ المحاضرة براسك صح.

- مهم جداً تجعلي اسئلة الأختبارات السابقة معك مع بداية المذاكرة لتتعرفي على طريقة الاسئلة لأن كل دكتور له طريقته الخاصة في وضعها منهم من يكرر الاسئلة للسنوات السابقة ومنهم من يكرر بعض منها ومنهم من يعمل لها نسخ ولصق وأسوأ واحد منهم يغيرها بس الأسلوب نفس القديم لذا مهم جداً تكون عندك نماذج اسئلة قديمة.

- المحاضرة الرابعة عشر أغلب الاسئلة منها لأنها مراجعة عامة ويتم التركيز عليها.

- في حال عدم فهمك لأي نقطة أو محاضرة أو أي شيىء لا تحملي هم عندك بهالمنتدى دوافير الدوافير يجيبون لك أبسط الطرق للفهم فلا يكون لديك عائق بهذا الشأن.


الأن نتكلم عن كل مادة:

الرياضيات: الدكتور اسامة حنفي أكثر من رائع والمقرر عيبه شوي طويل وكل ما هو مطلوب منك تمسكي المحتوى على شمالك واللاب أمامك تشغلي المحاضرة والمسودات والقلم على يمينك وتكتبي وتحلي المسائل مع الدكتور فقط الموجود بالمحتوى إذا فهمتيها راح تجيبي الفل مارك بدون أدنى شك خصوصاً بهالمادة حرام تعب الدكتور يروح على الفاضي لأنه مكفي و وموفي بشهادة الجميع وركزي على تعويد يدك على الحل والحل السريع لأن للأسف الأختبار مدته ساعتين فقط والأسئلة طويلة لذا من الآن تعودي السرعة بالحل.

المحاسبة: كذلك الدكتور رائع بس المادة يبي لها متابعة أول بأول ركزي على المصطلحات الأنجليزية ويوجد جدول أبحثي عنه بالمنتدى يختص بمعرفة الدائن والمدين ومركز الدخل والمركز المالي بمعرفتك وحفظك لهذا الجدول وحفظ المصطلحات الأنجليزية تأدكي بأن راح تضمني على أقل تقدير درجة النجاح بالأختبار 30 درجة المهم بهذه المادة معرفة القواعد الأساسية ويوجد أيضاً كم قانون عند فهمهم راح تكون المادة مثل شرب الماء بإذن الله. + محاضرة 14 مراجعة ومهمة جداً.

الإدارة: سهلة وكل اسئلته من المحتوى بس ما يعيب الدكتور أنه يلف ويدور في الاسئلة يجيبها بغير مباشر يعني يحتاج حفظ المادة صح ومن المحتوى فقط حتى لا يضيعك بالأختبار. ركزي على الاسئلة السابقة.

الأقتصاد: آآآآخ من هالدكتور جاب العيد للجميع في شرحه بس ما يهمك المادة سهلة أنسي شرحه واستيعيني بالدوافير بهذا المنتدى ما راح يقصروا بيسهلو عليك المادة والله الله بالاسئلة السابقة مهمة.

القانون: بصراحة الدكتور سريع بالكلام وحسيت أن المادة حشو في حشو وكلها حفظ وأنا بالحفظ يفتح الله فا حذفتها في الترم الأول وراح أخذها بالترم الثاني لأن الأن مخي بدأ يصحصح للدراسة وزاد الحماس. أنما المادة حسب ما نقل لي كثير سهلة والدكتور اسئلته مباشرة فلا تحملي همها.

في الأختبار أهم شيىء عند الإجابة تحل الاسئلة اللي تعرفها على طول وتضع عليه علامة صح والاسئلة التي غير متأكد من إجابتها ضع عليها علامة دائرة وإرجع لها مرة ثانية وهكذا أعمل تصفية للأسئلة كسباً للوقت لأن بصراحة بعض المواد تحتاج فيها لأي ثانية كالرياضيات.

وحذاري من السهر المتواصل يوم أختبار المادة وربي عملتها يوم أختبار الرياضيات وحسيت يوم أدخل الأختبار مو عارف ثلث الثلاثة كم بس ربي فرجها بعد مضي كم دقيقة حسيت أني مسطل عنجد بدأ المخ يشتغل شوي شوي وكأنه مكينة ديزل تحتاج وقت لتسخن خخخخخخخ فاتوبة من السهر المتواصل بليلة الأختبار.
هذا مالدي وأسف للإطالة بس أنا حسيت بحاجتي لهذه المعلومات أول ما درست فا من باب الأمانة وحب لغيرك ماتحبه لنفسك كتب ماعندي من الترم الأول والله يوفق الجميع.

المرفق هو عبارة عن الجدول الذي تطرقت له في تعليقي المطلوب فهمه وحفظه مثل أسمك والله يوفق الجميع ..

[وليف الدار]

اهم شي نزلي المحاضرات وحلي الواجبات ونزلي الحاضرة المباشرة وردي على المناقشات على الاساس تاخذين30 درجة
اما بنسبه للاختبار عليك بلملخصات و اسالة المستويات الي راحت وانشالله تمشين مفي شي صعب المهم فتحي مخك والله يوفقكم:oao:

[ام هنوده]

شوفي نصيحتي لك ابتدي محاسبه

من اللحين ذاكريها لا تنتظرين البلاك بورد

اول شي حملي ملخص ابوموزه للمحاسبة

ابحثي عنه بالمنتدى مالي خلق ابحث

وشوفي المحاضرات في اليوتيوب نفسها تتكرر كل سنه

وهذي التمهيديه

http://www.youtube.com/watch?v=hqOvzD2j7P4

وهذي الاولى

http://www.youtube.com/watch?v=CqvneMbVlSA

وهذي الثانيه

http://www.youtube.com/watch?v=Teiw2e9twek

http://www.youtube.com/watch?v=4JGOjITh1j4

وهذي الثالثه

http://www.youtube.com/watch?v=4JGOjITh1j4

طبعا انتبهي للشرح والمذكره مطبوعه قدامك وبتفهمين باذن الله واذا انتهت المحاضره الاولى

ذاكري من الملخص وبتلاحظين انك صرتي فاهمه

وكذا لكل محاضره واذا فيه اخطاء عدليها او تزيدين شرح لك وكذا كل المنهج

حلوه الماده بس يبيلها وقت لا تخلينها واستغلي نشاطك

وبعدها الرياضيات واطبعي ملخص شبيه الريح

وهذي افضل انه يكون معك دفتر تحلي فيه المسائل

والمحاضرات في اليوتيوب لكل المواد لكن رأيي الشخصي انك تبدأين بالمادتين ذي

وبعدها الاقتصاد دوري على الدكتور المصري شرحه روعه وبيسهل الماده

[ام هنوده]

اما بالنسبه للادارة والقانون مواد ادبيه تعتمد على الحفظ بس بفهم

وانصحك بملخص اصف بن ارخيا للقانون

وملخص فهد الشمري للادارة

اما الاقتصاد ملخص النزال وزملاؤه

[ام هنوده]

هذا الدكتور شرحه حلو للاقتصاد

http://www.youtube.com/watch?v=Gchzbql4XmA&feature=related

[أم دانة]

شكرا لكم جميعا وجزاكم الله خيركفيتوا ووفيتوا
عساني اقدر اردلكم جمايلكم علي :love080:
شكرا اخوي على المعلومات المفيدة:106:
وأم هنودة الله يعطيك العافية وما قصرتي:love080: