نصيحتي للي رايح مستوى ثاني

[اليـــتـــيم]

السلام عليكم ورحمة الله وبركاته ..



اخواني ..



اسعد الله اوقاتكم بكل خير / حبـ



في حقيقة الامر وجدت نفسي ملزم ان اطرح لكم نصيحتي


وذلك بعد ماذكرت لاحد الطلاب نصيحتي له بعد ما جاء يطلب


من عندنا النصيحة والاسئلة اللي اختبرنا فيها في الترم الثاني ..



بإذن الله راح تعلن النتائج يوم الاربعاء وراح يكون


يوم فرح وبهجة وسعادة نتيجة ماقدمناه من جد واجتهاد


في اوقات الاختبارات


ونبارك للجميع بالنجاح وعقبال ما تنتهون من جميع المستوايات


والتخرج من الجامعة بمعدل مرتفع ..



لاحظت بعض الطلاب يسئل عن اسئلة الاختبار


وخفت ان البعض يذاكر فقط هالاسئلة لانها فعلاً بعض المواد


جتنا نفس اسئلة الطلاب اللي سبقونا


ولهم مني جزيل الشكر على وقفتهم معنا


المهم


راح اذكر لكم جميع اسماء الدكاترة اللي درسونا واللي بيدرسكم


فيهم احفظوا اسئلة صم وافهموا كيف طريقتة في وضع


السؤال وهذه النقطة مهمه وتريحكم كثير



طبعا بتكلم عن المواد اللي اخذتها



العقيده الاسلامية د.القطاونة (جديد) يعني اول ترم درسه هو مستوانا



الاقتصاد الكلي د. بلغرسة (قديم) واسئلتة جت نسخ لصق (الله يوفقه ويسعده)



المحاسبة د,خالد عبدالعزيز عطية (قديم)اسئلته جت بطريقة مشابها للي قبل بشكل كبير



الرياضيات 2 د,طاهر (قديم) اسئلته مرة سهلة بس للي فاهم المادة



الصحة د. عبدالحكيم المطر (قديم) واسئلته جت مثل اللي قبل نسخ لصق مع تغيير من ثلاثة الى اربعة في الاسئلة



الانجلش عمار المعاني (جديد)


اذا الدكاترة هم نفسهم اللي بيدرسونكم اسمعوا مني مايلي
بخصوص
العقيدة الاسلامية
المحتوى فقط ابتعدو عن الملخصات واذا عندكم وقت اسمعوا



المحاضرات المسجله مع اني اذكر انه كان بس يقراء المحتوى


ويعلق تعليقات بسيطه
والمحاضرات المباشرة اسمعوها وركزوا على كل نقطة يقولها
اسئلة الواجبات احفظوها صم
بالاضافة الا اسئلة هذا العام لان مثل ماقلت لكم هو اول مرة



يدرس كان على مستوانا
بس الدكتور طيب ومتعاون واسئلتة واضحة بس المنهج طويل



(3 ايام بجد مذاكرة للي الحفظ عندة صعب )

الاقتصاد الكلي
المحتوى وجميع المحاضرات المسجله والمباشرة اسمعوها
المادة حلوه بس تبي نفس طويل وذاكروها من بدري
اسئلة الواجبات واسئلة الاعوام السابقة تحفظ صم
على فكرة اسئلة العام جتنا نسخ لصق نفسها بالضبط



تحتاج مذاكرة اسبوع المنهج طويل لكن اذا بيجيب نفس الاسئلة تحتاج ساعة وهـ بس وهـ


بس اتوقع ماراح تجيكم نفس الاسئلة عشان كذا افهموا طريقة


اسئلته وذاكروا المادة زين ولامانع من حفظ الاسئلة سبحان الله


ممكن بعدتجيكم

المحاسبة

الدكتور شرحه جدا حلو طبعا المحاضرات المسجله لازم



تتابعونها اول باول لانكم من خلالها بتفهمون المادة على طول
المحاضرات المباشرة بصراحة ماسمعتها بس نزلتها بالجهاز



وماكنت محتاج لها وان شاء الله هالمادة جايب فيها 100
اختبر نفسك احفظوها مثل اسمكم



وذاكروا المادة من بدري لا يجي يوم الاختبار الا انتم بس تراجعون
وتذكروا تذكروا لازم تسون ملخص تجمعون فيه جميع قيود التسوية لكل اصل
يعني قيود تسوية المصروفات(مقدمة ومستحقة) قيود تسوية الواردات(مقدمة ومستحقة) وقيود تسوية الصندوق والبنك و و و
حطو قيود التسوية بااوراق خارجيه عشان تفرقون بينهم وماتتلخبطون
المادة جدا حلوة وسهله للمتابع لها مادة ممتعه تحس باحساس مو طبيعي وانت تذاكرها تحس انك فعل جالس تذاكر بصراحة هالمادة حبيتها بقوة

اسئلة الواجبات والاعوام السابقة تحفظ صم


المادة تحتاج مايقارب 5 ايام مذاكرة


الرياضيات

هذا الدكتور ياكثر مايمسح ويعدل في الكتابة مع ان الوضع مايستاهل تعديل بس هذا السوداني غريب و غير عن كل السودانيين المعروفين بالكسل
سوداني نشيط عليه بعض الاخطاء في الشرح بس يرجع ويعدل الخطاء
يعني انتوا تابعوا معه اول باول المادة سهله جدا جدا بس تبيلها متابعه اول باول ولاتخافون منها



واللي يقولول لكم خذو مدرس خصوصي ما انصحكم تاخذون تابعوا معه وراح تفهمون المادة والله مو صعبه بس ذاكروها اول باول واللي يحس بصعوبه ومو قادر يفهم مسئلة او اي نقطة انت تحت امركم اساعدكم في فهمها من خلال طرح مواضيع شرح

اسئلة الواجبات والاعوام السابقة تحفظ وتفهم

ميزة الدكتور انه وقت الشرح كان يقول لنا المسائل اللي حلها طويل لاتعتمدون عليها لانها تاخذ وقت وانتم ماعندكم وقت في الاختبار
الدكتور طيب ومتعاون واسئلتة حلوة بس يبيلها تركيز وفهم قبل الحفظ




المادة للي يحس انها صعبه عليه اتوقع تكفيه 7 ايام مذاكرة


الصحة

المحتوى + الملزمة اللي طلبها الدكتور المحتوى مايكفي
فيها اشياء في المحتوى مو في الملزمه وفيه اشياء كثيرة في الملزمه مو في المحتوى
بصراحه انصحكم تسوون ملخص كامل للمحتوى والملزمه
كل شي في الملزمه حطوه في الملخص بس بشكل نقاط ومرتب
يبيلكم شغل على هالمادة والله يعيينكم على حفظ الامراض وكل مرض وش يسبب وش يعني
هالمادة هذه الله رحمني فيها ماذاكرتها كنت تعبان ومريض بس من نعم الله علي ان الدكتور جاب نفس اسئلة العام الي طاف مع تعديل بسيط
بصراحه فيه اسئلة محد عرف حلها لان الاختيارات كلها تكون صحيحه بس الدكتور يقول لا الاختيار هو الاختيار الفلاني
يعني يبيلكم تجمعون النقاط اللي فيها شك واختلاف وتسئلونه وقت المحاضرة المباشرة
المادة ممتعه وحلوة ولاتشيلوا همها بس يبيلها حفظ
اشروا على كل سؤال جانا او جاء الي قبلنا في الاختبار على الملزمه او الملخص اذا سويتوه



عشان تركزون على النقطة كاملة يعني مثلا يجيب لك من اعراض لدغة العقرب وجايب اختيار واحد صحيح لكن ممكن في اسئلتكم يجيب اختيار ثاني او يجيب كذا اختيار
اسئلة الواجبات والاعوام السابقه مهمه احفظوها
المحاضرات المباشرة كل اللي ذكره اغلبه جانا


الانجلش
المادة حلوة تتكلم عن اساسيات اللغه يبيلها حفظ وفهم برضوا ماذاكرتها كنت تعبان ومريض
بس المحتوى اشوفه حلو بس يبيلكم ملخصات تساعدكم في الشرح للي ماعندة لغه
المحاضرات المسجله تابعوها اول باول
الأسئلة اللي في المحتوى ذاكروها القطع ذاكروها جتنا وحدة ماأدري تخص اي محاضرة لكن هو جابها لنا في المحاضرة 14 وقت المراجعة اممم اذكر جاب لنا 4 او 5 أسئلة مو فاكر بالضبط كان مضمونها وش نختار a أو an أو nothingلاشي يعني مثل هـالسؤال جانا



The capital of Saudi Arabia is ____ Riyadh **



a. Nothing b. an c. a d. the


مثل هالاسئلة حرام تضيع درجتها


at in onوجاب لنا


كذا سؤال


المهم المادة يبيلها حفظ القرمر القواعد اللي يبي النجاح في هالمادةلازم يظمن درجة القواعد والقطعه اما اسئلة الكلمات اللي مايذاكر المادة اول باولويحفظ الكلمات اول باول بتكون صعبه عليه عشان كذا ذاكروها اول باول والمادة لذيذه


ايه اذكر اغلب اسئلة المحاضرة الرابعة عشر جتنا بالضبط بالذات اسئلةالكلمات جاب 3 اسئلة او 4 مو فاكر من نفس المحاضرة 14



المنهج طويل جدا


حطو في بالكم ان الموضوع جدا سهل ومافي شي صعب وخارق للعادة

كل مافي الموضوع انكم قبل الاختبارات بشهر وزيادة اسبوع تذاكرون بجد وماراح تاخذا المذاكرة منكم في اليوم الا 3-4 ساعات في اليوم او اكثر شوي للي عندهم الحفظ او الفهم صعب صدقوني بتلاقون نفسكم وقت الاختبارات بس تراجعون

في نقطة مهمه بعض المواد يكون اختبارهم في نفس اليوم

مثل المحاسبة والانجلش نفس اليوم

الصحة والرياضيات نفس اليوم

هنا تعود لرغبتكم هل تاخذون المادتين مع بعض والا لا

انا اشوف انه لو حاطين براسكم تذاكرون من بدري خذوهم كلهم

اتمنى افدتكم والله يوفقكم




دعواتكم لـ امي وابوي واخواني بالرحمة والمغفرة والعتق من النار




اخوكم

[طارق بن محمد]

جزاك الله خير وبيض الله وجهك

[يوسف الدوسري]

الله يعطيك إلف عآفيييه ..

:love080:

[اداري طموح]

اسأل الله الرحمة والمغفرة لامك وابوك واخوانك ولك عزيزي الكريم..
بارك الله لك ووفقك دنيا واخرة من جد كتبت معلومات ثمينة وتفيدنا بالمستوى الثاني.

تحياتي لشخصك الكريم.:d5:

[اميرة بدلعي]

الله يعطيك العافيه ماقصرت

[Īй Ṃŷ ΉěāЯŧ]

مشكور وجزاك الله الف خير

وبموازين حسناتك

وبالتوفيق

:106:

[ام نانا]

الله يجزاك الف خير ويفغر ويرحم لكل من تحب
من جد نورتني وفتحت نفسي لترم الجاي

[بنت السعوديةksa]

جزاك ربي جنات النعيم بعد عمر طويل

الف شكر لك اخوي

[عسله]

الله يجزاك خير ... ويغفر لوالدينك..

[حلم إنسآنه]

ربي يوفقك ويسعدك دنيا واخرره :love080:
وييسر أمورك:love080:
جعل ايدك ماتمسسسهآإ النار يآرب :love080:
فعلاً استفدت من كلامك :d5:

[دمعه ملاك]

الله يوفقك ويرضى عليك

[ســالم !!]

ربي يوفقك .. ماقصرت
الله يغفر لك ولوالديك

[Remas Mohammed ..]

آلله يوفقك مآقصرت :106:

بس آحس فيه شي يخوف بآلمستوى آلثآني مثل آلآنقلش :mh12:

من يوم يومي فآشله فيه مدري كيف كنت آنجح فيه :064:

لولآ آلله ثم آلمدرسآت كآن آنآ بآقي آحفر بآلثآنوي :hahahahahah:

آلله يوفق آلجميع :biggrin::love080:

[كولبهـــــآر]

thinkssssssssss
:106:

[Richou x]

الله يجزيبيك خير:(204):

[ســالم !!]

thinkssssssssss
:106:

اسمها thanks :biggrin:

thinks يعني يعتقد :biggrin:

او انتي تقصدين يعتقد صح :cheese:

[التوفيق من الله]

يعطيك العافية حمستنا:119:
^
^ بشويش ع البنت

[‏M!$s JnoO]

ياسـلآم عليك ..ماخليت شي بقلبي ألا وقلتـه ..


الله يوفقك ويسير الله امورك ويخليلك أهلك ويغفرلـهـم ..




:106:

[nouf.m]

واااو :love080:_:love080: نصائح مفيدة مره
شكرا والله يوفقك و ييسر امورك ويغفر لوالدينك :106:

[shahran]

اسأل الله الرحمة والمغفرة لامك وابوك واخوانك ولك

[عادل عمر]

اهل الخبره مانستغني عنهم جزاك الله خير ومثل انت ما افدتنا في المستوى الثاني احنا انشاء الله نفيد حبايبنا في المستوى الاول بخصوص المواد :d5:

[گبرياء أنثے]

رااااااااااااائع:(204):

مشكور

[هلاترك]

راااااااااااااائع يسلمواااااااا :53:

[راكان الشمري]

شاكر ومقدر لك جهودك
لاخلى ولاعدم يابعدي

الله يجزاك عنا خير الجزاء
ويجعله بموازين حسنااتك

تحياتي ،، ومودتي ..

[ثلوجه الخجوله]

الله يجزااك الخير يارب

فعلا استفدت هالمعلومات

يعطيك العافيه يارب

:d5:

[فهد الظهران]

يعطيك العافيه ماقصرت

[فرح 101]

الله يعطيك العافية ومشكور على المعلومات الى قدمتها:d5::d5::d5:

[هتان بن محفوظ]

الله يعطيك العافيه ماقصرت وبيض الله وجهك

[وله منثور]

جزاك الله خير والله يغفر لك وللوالديك واخوانك والمسلمين اجمعين يا رب العالمين

[بريق أمل]

الف شكر لك وربي يوووفقك ويسهل دروبك وين مارحت :love080:
:(204):

[اسفرت وانورت]

كم انت رائع :d5: وساهمت في ازالة حاجز كبير عن بعض الناس الي خايفين من مستوى ثاني :d5:يعني الحين مالهم عذر:biggrin:

شكرا لك من الاعماق :53:

[NorAleman]

جزاكالله الف خير على نصائحك القيمة
رح نستفيد منها كثيييييييييير
الله يووفقك ويبارك فيك

[lightning]

الله يعطيك العافيه
موضوع بصراحه يستاهل التثبيت بقسم المستوى الثاني :53:

[**RAYAN**]

جزاك الله خير
و الله يرحمهم و يغفر لهم

[ابو عثمان]

الله يجزاك خير ويرحم والديك

[أنا صاحي لهم]

الله يرحم والديك ما تصير صديقي ؟:mh318:

[مالك لوى]

طرحـت فـ تميزت ..

شرحت .. فـ أبدعت

أفدت .. فألممت


الله يبيض وجهك ويعطيك الف عافيه يالغالي .. ما شاء الله عليك شكلك دافور ههههه :biggrin:

الله يسعدك ويخليك ,,

فكره ممتازه وجيده , يدخل الشخص مستوى معين وهو عنده رؤوس اقلام عن الاشياء الي تبي تقابله ..


الله يخليك لـ عين ترجيكَ ..


تحياتي لك:106:

[محمد الخيبري]

الله يسعدك ياطويل العمر ورحم الله والديك افدتنا واعطيتنا نبذه حلوه بعد ماكنت شايل هم هالمواد الحين ارتحت وتمنياتي للجميع بالتوفيق :biggrin:

[سعوودي ذووق]

الله يسعدك .. ويجزيك خير..

بصراحة معلومات طيبة .. وباذن الله نستفيد منها

ونتمنى بالاول النتايج وترتاح النفسيه ونرجع لموضوعك نتمعن فيه اكثر ^_^

كل الود والتقدير لك خيو ,,

[اوووفر]

الله يجزاك خير

[عروب الخيل]

جزاك الله خير اخوي وجعله في ميزان حسناتك ورحم الله والديك واخوانك ووالدي وجعلهم في الفردوس الاعلى واموات المسلمين اجمعين

[tulip’]

الله يعطيك العافيه

[Lely]

الله يسعدك ويهنيك ويرحم لك والديك وجميع المسلمين

[طموح انسان]

:d5::d5::d5::d5::d5::d5:

[l a v e n d e r]

الله يجزاك كل خييييييييييير

[a.zz9]

يعطيك الف عافية اخوي:106:

[نوره | ~]

الله يحرم جسدك عن النار انت و من تحب

بجد افدتنا الله يطول بعمرك

تم اضافتة الى المفضلة

[حايره في الدنيا]

مشكووووووور وماقصرت وصراحه مره استفدت من موضوعك حتى اني بحطه بالعلامات علشان ارجعله مره ثانيه في وقت الاختبارات جزاك الله خير وان شاء الله تكون في ميزان حسناتك

:d5::d5::d5:

[النجم الذهبي]

الله يعطيك العافيه

[xXبــورضــاXx]

شكرا لك تم حفظ الموضوع

[اليـــتـــيم]

الله يعطيكم العافيه

ماسويت شي عشان استحق كل هالشكر

ربي يخليكم لك عين ترجيكم

كل اللي سويته ان طبقت المثل اللي يقول

حب لأخيك ماتحب لنفسك

بس معليش الموضوع اذكر كنت كاتبه الفجر ونسيت ابلغكم بخصوص الغة الانجليزيه

ترى جتنا قطعتين . قطعه من المحتوى وجابها لنا في المحاضرة 14 , وقطعه من خارج المحتوى وكانت صعبة شوي اذكر كان فيها نقص في بعض جمل القطعة بس لاتشيلون هم هالقطعة اللي من خارج المحتوى
اللي مذاكر يقدر يجاوب على سؤاليي او ثلاثة اما بقية الاسئلة يبيلك فهم للغه

اهم شي ركزو بالقرمر وحفظ الكلمات والقطع اللي في المحتوى والمحاضرة 14

وفالكم التوفيق والنجاح

وان شاء الله يفوز الهلال الليلة


احتراماتي

[اليـــتـــيم]

اهم شي

المحاسبة

الرياضيات

الاقتصاد

اللغة


تذاكر اول بأول

[وضحى*]

اللهم اني اسألك بأسمك العظيم ووجهك الكريم وعطيتك الجزلى ان يرحم ويغفر لوالدينك واخوانك وجميع المسلمين يارب
الله يوفقك يااخوي ويجعلك يارب من المتفوقين بالدنيا والاخره:119:

[محمد آل موسى]

أخوي اليـتـيم

جزاك الله الف خير

أسال المولى جلّ شأنه أن يرحم ويغفر لكل من تحبه ويعتق وجيههم من النار

تحيــ لك ــاتي
...
..
.

[Ali-Ahmed]

الله يعطيك العافية

والله يسهل الأمور يارب

[جنون الحياه]

الله يعطيك الف الف عآآآآفيه تسلم ومآ قصررررررت ربي يجزآآك الف الف خييييير..

الله يحقق لك ويرزقك مافي خاطرك..

فالك التووووووووفيق ,,

[إكليل الورود]

جزاك الله ألف خير

وفقك الله :106::106:

[إكليل الورود]

نسيت أدعي لأمك و أبوك :g2:

:106::106: الله يغفر لك و لأمك وأبوك وأخوانك ويبعد عنكم النار آمين :106::106:

[المتفاله]

:d5::love080:

[مـ ع ـاند جروحه]

مشششششكور وبراك الله لك وللوالديك وجعلك قرة عين لهم ..