محتاجة مشورتكم,اسسحب ملفي؟

[مستجدة2010]

السـلام عليكم’’

انصصصدمت بالنتيجة الي شفتها ابدددددددا ماتوقعت اني برسب بجميع المواد

ماعدا مادة الانترنت والاقتصادية للحين ماطلعت النتيجة

معدلي صار 1 !!

المفروض الحين بالمستوى الخامس لكن للحين عندي مواد كثييييييييرة مادرستها

عندي حتى من تحضيري قلت باسجلهم بالصيفي

لكن المواد الباقي المستوى الخامس مادرست منه ولا مادة

افكر لو ضليت ادرس بكم سنة بخلص هالكلية؟؟

محتارة وافكر جدييياَ اسحب ملفي بس حبيت اشاوركم

رايكم اسحب ملفي لا اصبر؟؟

:Cry111:

[Black Widow]

انا اقول لك اخذي 5 موواد كل ترم واجتهدي فيهم

بالنسبه لي عندي مواد من كل المسويات لسه ماخذتهم ومافي مشكل بخذههم على راحتي

[apple Lady]

لا تسحبين ملفك الا اذا عندك بديل احسن
فيه بنات يخلصون الدراسه بست سنوات
عادي السنين تركض بسرعه
عن نفسي ما انصحك تسحبين ملفك
وتبدين مره ثانيه من الصفر هالشي صعب جداً
والله يعينك يا قلبو

[نديم السهر]

نصيحه لاتسحبين قللي موادك وخذي السهله الترم الجاي عشان المعدل يرتفع شدي حيلك لو طلعتي يمكن ماتقبلك الجامعات ماتدرين
فخليك علا ذي الجامعه ومثل ماقلنا لك شدي حيلك وقللي المواد وباذن الله بتنجحين وبعدين ماتدرين الخيره وين

[لولي الهانم]

انا بععععد اقول لا تسحبين ملفك ..
زي ماقالو البنات خذ المواد اللى تقدرين ترفعين معدلك فيهم ...
وخذيها حبه حبه ...
بس بالله تقعدين في البيت وش تسوين ...!!:(177):


الله يوفقك يارب

[مستجدة2010]

مشكورين ماقصرتو :Cry111: بس اسمع من كل البنات ان رفع المعدل صعععب

وكيف اخذ بس خمس مواد وانا عندي مواد كثيييرة متراكمة

وبالنسبة للي قالت اسحب اذا عندي بديل احسن لا والله ماعندي بديل ولا شي

بس قهرررررررر تعب سمستر كامل مانجحت الا بمادة :Cry111:

[Hearshey]

مرحبا
حبيبتي انا اشوف لو تتمهلين وتاخذين مواد التحضيري وماتضغطين جدولك بسبع مواد وفوق خذي 6 او 5
وشدي حيلك فيهم وماتدرين يمكن تقدرين تحولين من قسمك لارفعتي معدلك ويتغيرون دكاترتك

[Hearshey]

انا لما اخذت بس 6 مواد رفعت معدلي الى 3,64 وقبل كان اثنين وتحت يعني ضغط المواد مايفيد

[وش السواه]

لآ تسسحبين
لان مافي بديل على قولتك
كملي وادرسي اللي تقدرين عليهه والله يوفقك

[Shasha]

إذا مآعندك بديل أحسن , أنصحك مآتسحبينه
لكن إذا عندك بديل أحسن لو بنسبة 1% فهذا أحسن وقت للإنسحآب

إذا مآ بتسحبينه , انسي‘ اللي‘ فات و ابدي‘ من جديد
خططي من بداية الترم ,, و حاولي ترفعين معدلك من الأول
انتي ألحين فرصة رفع معدلك أسهل من اللي‘ وصلوا للمستوى‘ الخآمس
لأن كل مآدرستي‘ أكثر كل مآصار رفع المعدل أصعب
و بعد يصير نزوله صعب
بمعنى‘ إني‘ إذا رفعتيه من الترم الجاي بتلقينه تقريبا كأنه ثابت

أهم شي همتك و الإصرار ..

+ الإستخآره ,, و الله يوفقك و يسهل لك دربك

[apple Lady]

رفع المعدل مو صعب مره البنات يبالغون
والله العظيم ان معدلي ارتفع كثير
والسبب ان صرت ما اغيب واحضر كل المحاظرات
مذاكرتي نفس ما هي ماتغيرت
لا تسحبين وشدي حيلك بس بعدين بتندمين
اصلا جلسه البيت تطفش

[تسذآ]

طيب حاطة جامعة معينة في رأسك ؟ أو سحب ملفك وتجلسين في البيت ؟

شوفي خذيها من أختك لاتسحبين ملفك , وشدي حيلك شدي حيلك للآخر , الجامعة يبي لها جهد مضاعف وحضور محاضرات لان أمانة أغلب البنات مأخذين الجامعة لعب وهياط , أشوف بنات كثير أحنا سحبنا على المحاضرات وخلصت الغيابات و زحمة حكي وكل ذا تكون البنت فرحانة فيها !
ابداً شي مايفرح ولايستحق الفخر أنها تكون ساحبة على المحاضرات ولاتهتم للدراسة ولاتسلم الواجبات والبحوث , واتحدى أذا وحده تقدر تقول حكي لـ أمها وأبوها بالشكل اللي أشوفه !

دراستك ي الغلا أهم شي لازم تجتهدين فيها , خذي لك المواد السهلة الترم الثاني اسئلي البنات خذي لك المواد العامة أولاً لانها جميلة وممتعه وخذي لك 3 مواد تخصص وصلي معدلك لـ التوب , وبكذاً أذا عندك أي أنذار أكاديمي راح ينشال وينمسح من ملفك - هالحكي تقوله الاستاذه لـ سعاد الشايقي لـ وحده من البنات كنت رايحة معها يعني سمعتها بأذني :biggrin:- .

فـ دراستك ي الغلال فكري راح تندمي بعدين كثير لو تركتيها , تشوفي كل صديقاتك شهادات جامعية وأنتي لا ..

الله يوفقك وينجحك في موادك المتبقية ويفرحنا في موادنا ,لان قسمي الكشخة مانزل موادنا :icon9: .

[مستجدة2010]

مششكورين كلكم ماقصرتو

بكمل مع اني متحطمة بجددد

طيب ماتعرفو متى نقدر نرفع تظلم؟

وبنات الي عندها الخطة للمواد قسم الجغرافيا ابغى الرابط

ابى اسأل عن اسهل المواد من الحين

:Cry111:

[صوت الانين]

انصحك لا تسحبين ملفك لأنك بتندمين هذا بس تأثير الصدمه ربي يكون في عونك
واذا انتي متأكده من حلك روحي رفعي تظلم مره ومرتين وعشر وشدي حيلك وحاولي تأخذين 6مواد على الأقل كل سمستر وذاكريهم كويس وان شاء الله فالكaيارب انك ماتشوفينfمره ثانيه يارب ياكريم
اتمنى لك التوفيق غاليتي
:106::106::106::106::106:

[مستجدة2010]

تسذا مشكورة حبيبتي ماقصرتي بس الي قاهرني

والله العظيم وحدة من هالمواد الي رسبت فيها جبت لها النبتة والواجب والبحث

والاختبار حليت كويس ليييش راسبة!!!

قهرررررررر والله قهر ليش ندرس دام بالنهاية بنحمل المواد

الله المعييين

[المشتاااقة]

لاتسحبينه حرام جدي واجتهدي وخلي عندك هدف والله يوفقك ياااارب

[مليت انا الدنيا]

مستجدة 2010 ياعمري انا بقولك رأي ياعمري اولا كان الله في عونك ثانيا اذا كان عندك طموح او امل افضل من انك تكملين في الكلية اسحبي يعني كان عندك فرضا فرص دراسه غير الكلية افضل اسحبي ملفك امااااا اذا ماعندك وبس بتجلسي بالببيت لا والله الدراسة افضلك وجدي واجتهدي والله ماراح يضيعلك تعب انشالله ولا تنسى ارفعي تظلم على هالظلمة وادعي ربك ليل نهار والله ينصرك عليييييييييييييييهم :smile:

[تسذآ]

http://www.kfu.edu.sa/ar/Colleges/arts/departments/Pages/home.aspx


سمي ي الغلا شوفي خطه قسمكم اختاريها ..
الله ييسرها لنا ولك وللمسلمين أجمعين ..


شوفي المواد اللي شاكها فيها روحي للكولج وأرفعي تظلم , وكلمي رئيسة القسم , لاتتركين حقك بما أنك متأكده من حلك ..

[مستجدة2010]

مشكورة ماقصرتي بس قسم الجغرافيا مو موجود

[شجن الروح]

وشسمه ترى رفع المعدل مو صعب اذا شديتي حيلك وانا مجربه :106:

والله يوفقك يً رب

هذي الخطه

http://www.kfu.edu.sa/ar/Colleges/arts/departments/Pages/GEO.aspx


:106::106:

[ابوميس]

خذي 5 مواد لاتسحبين والمذاكرة خليها من بدري لان معظم المواد عندك موجودة واهم شي الواحد ميضغط نفسة حتى مايتورط .
(لاتذاكرين فبل الاختبارات بسبوعين او شهر ) كما هو واقع كثير من الطلبة عاملي نفسك معاملة الطالبات المنتظمات حتى تجتازي ماتريدين بنجاح .
وفي النهاية انتي تتعلمين مايفيدك في حياتك الشخصية ويثري ثقافتك .

[طالبة متوهقة]

لآ تسحبين ملفكك ذآإ ناويه تجلسيين بالبيت ,, :(177):
داوممي وشدي حيلك ع الاقل احسن من آلبيت ,, شوفي انا اول مادخلت الجامعه انواع التخبيص مره حملت اربع ومره 2 وفيه ترم كنت ماخذه 10 مواد وحملت 5 تخيلي جتني حاله نفسسيه :mh12: وخلاص طفح الكيل وبغيت انقل للرياض عند عمامي
وبعدين راجعت نفسي وكملت هنآإ وصرت اخذ 6 مواد هيك واشد حيلي فيهم وصرت انجح ع الححفه لكن الحممدالله ..
واهم شيء المواد الي عدد ساعاتهم 3 او 4 شدي حيلك فيهم اكثر لان هم يرفعون المعدل
ولاتحسبين انتي لحالك كذا كلناإ نفسسك انا لي 4 سنين بالكليه وكني درست سنتين بس :icon9:
يعني ضضاعوا علي سنتين حممل مواد ربك يعيين ي بنت ,,
يارب تفرح قلبي وقلبك بآلنجاح وآلتخرج قولي آمييين :love080:
دايممآإ حاطه ايدي ع قلبي اخاف يشوتوني و افككر هل ي ترى بتخخرج من الكليه :(269):
ماعلى الله صعب يارب ياكريم حقق لنا النجاح بااحسن المعدلات ولا نشوف الـF :bawling:
سوري ع الاطاله بس حسيتك نفس وضعي ,,
وبس تكفون دعواتككم :icon9::(177):

[مستجدة2010]

طالبة متوهقة الحال من بعضه

والله تحطمممممممت جلست اصيح واقول لاختي خلاص بسحب ملفي مابكمممل

بس يالله ربك يعين بكمل وان شاء الله تمر السنوات بسرعة :love080::love080::love080:

[نرتقي بافكارنا]

كلناااااا نفس حاالك واااناا اختك عاادي جداااو لاتتحطمين ابد ابد ماغير شدي حيلك والله يوفقك يارب

ولا تسحبين ملفك

بالموت قبلوونا بذي الجامعه سبحاان الله تلقينهاا خيره اختي

والله يوفقك يارب ويوفق الجمييييييع الله يعييينك

[Ďσα'α♔]

سمعي حبيبتي الحين انتي نفسيتك تعبانه
ومتضايقه من النتييجه عششان كذا لاتتسرعين بقرار تندمين عليه
وعن نفسي انصحك نصيحه ان ماتسحبين الملف
دام ماعندك بديل وبجلسين بالبيت لان ااكد لك ان بتندمين بهذه القرار
وانصحك كمان انك تجتهدين اكثثر باوقات الدراسسه وتبدين تذاكرين للاختبارات قبل الاختبار وسلمي الواجبات والابحاث
وانا للحين بعد عندي مواد من المستوى الرابع والخامس واذا تبين مني اي مساعده بساعدك
لكن مانصحك بسحب الملف
انتِ ماتعبتي وجتهديتي في ايام المدرسسه الا عشان تكملين الطريق مو تجلسين بالبيت

والله يوفقك وان شاء الله الاقتصاديه تكونين ناججحه فيهآ..

[ShoSho-chan]

اذا صار معدلك 1 فاكيد عطوك انذار فانتبهي الترم الجاي خذي لك مواد على قد معدلك عشان يرتفع ولا تكثرين
5 او 4 مو مشكلة الباقي تتعوض بعدين صيفي او حتى لو قعدتي اكثر من المدة النظامية
المهم انك تنجحين بموادك وتخلصينها
انا من قبل رسبت باغلب موادي لكن الحمد لله عديتهم على خير بفضل ربي
اما اذا كان عندك ثلاث انذارات او اربع و ما في امل يرجعونك ويعطونك فرصة فانا اقول اسحبي ملفك
و موفقة

[big hart]

حبيبتي انا مثلك مانجحت من مواد التحضيري الا بمادتين ..


والترم الثاني اجلت . وبديت الترم الاول ب6 مواد وشديت حيلي فيهم حطيت 4 مواد سهله ومادتين صعبات وشديت حيلي فيهم ..

ماعليك ربي يسهلها علينا ان شاء الله ..:biggrin:

بس لاتاخذين الا 6 مواد .. واذا فيه مواد تحسنها سهله دخليها لو 9 مواد لايهمك ..

ولاتفوتين الصيفي ..:(204):

[lady dody]

استخيري