تَعَرُض 20 طالبة للسرقة في كلية الآداب للبنات بالدمام [الأرشيف] - ملتقى طلاب وطالبات جامعة الملك فيصل,جامعة الدمام

علي المطر

2009- 2- 3, 10:04 PM

الشرطة تحمل إدارة الكليات مسئولية عدم الإبلاغ
تَعَرُض 20 طالبة للسرقة في «آداب» الدمام

ماجد الوايلي ـ الدمام
حمل المتحدث الإعلامي بشرطة المنطقة الشرقية العميد يوسف بن أحمد القحطاني مسئولية الإبلاغ عن حوادث السرقات التي تتعرض لها طالبات الكليات أثناء تأديتهن الاختبارات لإدارة الكليات لعدم ابلاغها الجهات الأمنية بما يحدث داخل اروقة الكلية من جرائم. جاء ذلك تعقيبا على ما تعرضت له 20 طالبة يدرسن في كلية الآداب للبنات بالدمام ”قسم التاريخ” لحادثة سرقة يوم السبت الماضي ما بين الساعة الثامنة والعاشرة صباحاً . ونوه القحطاني إلى أن مثل هذه الحوادث الجنائية يتم فيها الإجراء الرسمي المتبع وهو قيام مراقبات الأمن بالكلية بمحاصرة الموقع ومنع دخول الطالبات لمكان وقوع الحادثة ومن ثم تقوم إدارة الكلية باشعار شرطة المنطقة الشرقية بخطاب رسمي يوضح فيه وقوع الحادثة التي تعتبر ”جنائية” ومن ثم يأتي دور فرق الأدلة الجنائية بالتوجه إلى الموقع لتصويره وحرز محتوياته ويحقق في الواقعة بشكل أمني .
وذكر القحطاني أن هذه الحالات الجنائية يتم فيها بمكالمة مدير شرطة المنطقة الشرقية إذا لزم الأمر لتسهيل المهمة حتى يتم توجيه ذوي الاختصاص إلى الموقع مباشرة.
ويهيب القحطاني بجميع إدارات الكليات في المنطقة الشرقية إبلاغ الجهات الأمنية في حالة وقوع أية حادثة سرقة باعتبارها واقعة جنائية ليتم عمل الإجراءات الصحيحة وكشف الحقائق حتى لا تنتشر هذه الظاهرة وتتكرر في المستقبل.
وفي السياق نفسه اكد والد إحدى الطالبات ”تحتفظ الصحيفة باسمه” ان الطالبات توجهن على الفور إلى إدارة الكلية لشرح ما تعرضن له من سرقة . كما توجهت ابنته وزميلاتها إلى مكتب عميدة الكلية وطلبن مقابلتها لحل المشكلة وباءت محاولتهن بالفشل بسبب رفض موظفات الإدارة دخلوهن واكتفين بالقول : ” يخلف الله عليكم” ومرت الواقعة الجنائية بلا تجاوب من قبل إدارة الكلية . وطالبن بوضع حد لهذه السرقات وتفعيل دور مراقبات الأمن أو السماح للطالبات باصطحاب أغراضهن الشخصية والمهمة كالنقود و الجوالات معهن إذا لم يجدن من يحمي ممتلكاتهن من السرقة.
« واليوم» بدورها اتصلت على المسؤولين والمسؤولات بالكلية الذين رفضوا التعليق .

http://www.alyaum.com/issue/article.php?IN=13017&I=649678&G=3

احلى فراوله2

2009- 2- 3, 10:57 PM

حسبي الله عليهم
من جد اناقسم تاريخ لما طلعت من الامتحان لقيت شنطتي مفتوحه
يعني اذا امن الكليه ما انتبهوا واحنا بالامتحان من ينتبه وكل شي ممنوع يدخل القاعه غير القلم والبطاقه
ما اقول غير انا لله وانا اليه راجعون انشاء الله نخلص على خير

Angelica

2009- 2- 3, 11:56 PM

يعجز اللسان عن وصف مدى الفوضى في هالكليه لا امن ..ولا نظام.. ولاشئ !!

الانظمه تطبق وتشدد عالضعوف والمساكين واللي مضبطه امورها محد يكلمها

الشرطة تحمل إدارة الكليات مسئولية عدم الإبلاغ
تَعَرُض 20 طالبة للسرقة في «آداب» الدمام

جاء ذلك تعقيبا على ما تعرضت له 20 طالبة يدرسن في كلية الآداب للبنات بالدمام ”قسم التاريخ” لحادثة سرقة يوم السبت الماضي ما بين الساعة الثامنة والعاشرة صباحاً .

البلا ان اللوكرز بالكليه اقل من عدد الطالبات .. يعني لا حطوا لوكرز يكفي للجميع ولا وفروا الأمن الكافي بالكليه

قال ايش قال لا تدخلي اغراضك واذا تعرضتي للسرقه قالوا الله يخلف ..

الله يخلف عالأنظمه الفاشله ..

جغرافيــّـه

2009- 2- 4, 01:44 AM

نظام الخروج بعد يرفع الضغط ..
اجل من الساعه 11.30 إلى 12 وماتقدرين تطلعين حتى لو ببطاقه؟؟
يعني اللي برى ينتظرون مو أوادام عاد وجو الشرقيه الظهر مووووت :Cry111:

والله اني ارحم المساكين اللي ينتظرون برى

صرخة

2009- 2- 4, 01:54 AM

بس انا ماالوم الامن بعد مايلحقون وومخارج الاقسام واجد تلحق على ايش ولا ايش

بس يفترض علينا احنا مانجيب شئ ثمين الجوال ومسكر بالجيب او اعطيه المراقبة وبس منعا من حدوث السرقة
وغير كذا اخليه بالبيت جاية اختبر واطلع

سوالف عشق

2009- 2- 4, 05:52 AM

أختي وحده من البنات الي انسرقت يوم الثلاثاء في الكليه الزرقا بس الحمد لله ما اخذو العبايه
بس الفلوس والجوال :017:

حلآ~

2009- 2- 4, 12:08 PM

oh my god

اللهم أكفينــــــــــا...

حسبي الله عليهم وبس:017:

بنت أبوها

2009- 2- 4, 12:19 PM

لاحول ولاقوة الا بـ الله

حتى احنا في كليتنا

وش كثر اشوف اعلانات عن السرقه

ودعاااوي واللهم ياكاااااااافي

هذول اللي مايخافون الله

مدري شلون يسرقووون قليلات التربيه :017:

امواج هادئه

2009- 2- 4, 06:29 PM

بعد يسرقون العبي:s12:

صراحه كل ممتالكاتي اشيلها معي في القاعه :hush: لاتعلمون الأمن:000:

والشنطه اخبيها في مكان ما وادعي ربي يحفظها لي :praying::cheese:

قال أمن قال :hahaha_2008: نكته تضحك شفتها باالكليه عند البوابه فقط لما تجيء الساعه 8ال ربع تصك الباب وتقول تأخرتي :sdfgdsf: رعب قبل الأمتحان بشوي:t1:

السرقه حراااااااااااااااااااااااااااااااااااااااااااااااا ااااااام :089:

الفتاة المخملية

2009- 2- 4, 08:45 PM

اليوم وانا جالسة انتظر سيارتي الا وحده بنت نواعم شكلها سنة اولى وتقولي لوسمحتي شويه الجوال؟؟

قلت لها تفضلي ..قالت:سرقوا جوالي:Cry111: وتشهق وتصيح وتقول هذي هدية تخرجي من ابوي ...
وهذا كلوا مايهم المهم الجوال في صورهاااااااا:t1:
وتحلف اتقول والله مايهم ياخذوه بس صوري...وفضيحتي ...
قلت لها تعالي ورحنا عند الد ك ت و ر ة :سعاد ....... وقلنالها قامت تطالعنا وتقول :شسوي (لاوالله...
قلنا خليهم يسكروا البوابات وتفتيش
قالت :ممنوع (هذا اللي فلحنا فيييييييييييييييه ....
قلت لها طيب شالحل ...قامت تباوعنا :mh19::c8:
قالت روحوا الكلية الزرقه خخخخخخخ على بال مانروح الا بطير الطيور بارزاقها ....
وقلت للبنت اتصلي على جوالك وارسلي للحراميه تخويف دعاوي رشاوي اي شي المهم ترجعه ...
تركتها وانا ادعيلها وتقول

(الدنيا سوده بعيني)

شالحل بنظرك ياستاذه نورة الركابي ؟؟؟

.................................................. .................................................. ..........

ووحده ثانيه جايب لها زوجها هديه جوال ونفس الشي سرقووووه
والمشكلة ان زوجها متسلف عشان يهديها الجوال...:no2:
والاعظم حامل وتعبانه ورقم السواق مخزن بالجوال...
وتبغا تطلع المهم جلست تستغفر ساعة كامله
وصاحباتها ماقصروارسلوا للحرامية (دعوات وشرحوا لها الوضع)
الا بعد ساعة من الاستغفار جت وكلمت البنات وقالت لهم انا اسفه (ضميرها حي )الحمد لله:d5:

.................................................. .................................................. ..

واخرتها؟؟؟

الفتاة المخملية

2009- 2- 4, 08:54 PM

طلعت من الدكتوره سعاد بنظام مهم:

قالت لي نسمح للطالبة تدخل جوالها مقفل وتحطه عالسبورة:mh001:(جابت شي ج د ي د...

ضيائى

2009- 2- 5, 08:52 AM

4ooo8_4ever

2009- 2- 5, 03:38 PM

والله بنات التالريخ والدراسات بازمهـ .. كل يوم نمرّ من عندّ القسمّ والشنطـ مرميهـ بكلّ مكآآنـ ..:Cry111:
آنآ جغرافيا’ .. ويخلونآ ندخل اغراضنآ معآنآ .. وحنآ اعدادنآ قليلهـ كيفّ همّ :017:
من جدّ حرآآم على قولهـ سويت انجل .. اللوكرّ قليلهـ ماتكفي اعداد البناتّ ومانعييينّ يدخلووونّ الشنط دآخل القاعهـ ..!!
بالله عليكمّ ايشّ الحل ..!! .. :c8:

ومع كذاا مانحط اللوم على الامنّ .. لان بالله عليكمّ يطالعون مينـ ولآ مينـ ..
آمنـ كليهـ العلوومّ مايزيدـ عن6 ..
والبنآتـ عددهمّ فوقـ 7 آلآف .. بالله بيطآلعون اللي تسرق ولآ اللي تتهاوشّ ولآ الليّ مخالفهـ وغيرررهـآ وغيييرهـآ ..!! :t1:
انآ اشوف ان الادراة لو تزيد عدد الامن نكون بخييييرّ ..:000:
لآن العدد القليل هذاا مايسوي شي :sdfgdsf:

علي المطر

2009- 2- 5, 11:47 PM

أعتقد الحل الأمثل للمشكلة أن تكون فيه صناديق متوفرة
حتى لو اضطروا يوفرون صناديق مجانية لكل الطالبات

و أعتقد هذا الحل ما رايح يكلف ميزانية الجامعة ككل و لا شي
يعني لو فكرنا بمنع مشكلة السرقات و خصوصاً الجوالات ألي فيها صور البنات

الله يستر على كل البنات و يحفظهن

°°•.فِدَاء أمِي.•°°

2009- 2- 7, 01:42 AM

:o3::o3:
الله يساعد الجميع

ولد النقيره

2009- 2- 7, 03:01 AM

سلام عليكم
حسبي الله عليهم
من جد اناقسم تاريخ لما طلعت من الامتحان لقيت شنطتي مفتوحه
يعني اذا امن الكليه ما انتبهوا واحنا بالامتحان من ينتبه وكل شي ممنوع يدخل القاعه غير القلم والبطاقه
ما اقول غير انا لله وانا اليه راجعون انشاء الله نخلص على خير
تقبلووووووووووو مني

مرررررررررووووووووورررررررررررري

قصة غرام

2009- 2- 7, 04:45 AM

حسبي الله ونعمـ الوكــيل في الي مايخااااااااااافون من الله ... هذولا لاذّمـــــــه ولا ضمير ..

وانتوا يا بناااااااااااات لاتحطوووووووووون صوركمـ هذا اهم شي والله ..الله يستر ع الكل ياربـ ..

ودّي واحتراااااااااااااامي ..
اختكمـ محبتكمـ ..

water

2009- 2- 7, 05:29 PM

احنا كنا نحط الجوال عند السبورة والحمد لله كانو بنات قسمنا أمينات إلا مرة صار تشابه في الجوالات ووحدة اخذت جوال بنت ثانية
وصارو المراقبات يخلون كل وحدة تفتح الجوال قبل ماتطلع عشان يتأكدون انو لها

بس أغلبهم يخلو البنت تطلع بالجوال بدون تأكد انه جوالها

أنا أشوف يخلو البنت تطفي الجوال وتشغله قدامهم لأن هذا الحل يأكد انها صاحبته وبنفس الوقت يكون محفوظ ومايكلف ولاقرش ولاتعب

بنت السادسه

2009- 2- 7, 08:34 PM

الله يخلف بس

وغير التصوير اللي حااصل

ذاك اليوم صار تصوير ويوم رحنا للأمن قلنالهم قالت هذا شي خارج عن ارادتنا قلنالهم طيب سوو تفتيش

قالو لا مانقدر اجل وشوله حاطينكم وغير الاداريات اللي كلمناهم قالو مانقدر نسوي شي اجل وش فالحين فيه

بصراحهـ كليه بلا ضمير ماعندها اسلوب للتعامل مع طالباتها

وإذا احتاجت للطالبه شي والله كأننا نطرهم طراره

والا عاد الامن وش ذا التعااامل اللهم ياكااافي وقسم بالله لو ان العدو مايكلمونه كذا

واذا على سالفة المخالفات الامن موب متفقين مع بعض

يعني وحده تقولك لبسك مخالف والثاني تقول عاادي والله ماعرفنااالهم

وبعدين الامن متى ماطقت ببالهم انهم يمكسون الوحده يمسكونه ومتى ماصار مالهم نفس خلوها يعني عليهم تصنيفات مالها ام دااعي يعني إذا بطبقون القوانين طبقوها على الكل والا لا تطبقونها

داريه طلعت عن الموضوع بس عشاان ابرد حرتي

بس إلى متى اللي اكبر منا سلطهـ ماعندهم اسلوب فيه شي اسمه احتررام حتى ولو كان على اصغر الناس

شمس الشتاء

2009- 2- 10, 09:49 PM

بنت السادسة معاكِ حق هم ليه كده ؟
يبون يطفشونا و يخلونا نجلس في البيت مثلا و ما نكمل دراسه ؟
هالشيء مو في مصلحة البلد
لأن بيكون بلد متخلف مع احترامي .. لأن هذا اللي حاصل
كل دول الخليج تطورت الا حنا جالسين مكاننا
تدرون ليه ؟
مافي تعاون .. عاد تعالوا شوفوا الأساتذة و الدكاترة .. كيف يتعاملون مع البنات
والله كأنهم يتعاملوا مع نكرة او حشرة ..

نرجع لموضوع السرقة ..
اليوم انسرقت شنطة زميلتي (لغة عربية ) و كان فيها جوالها و بطاقتها الجامعية :011:
و للعلم هذي المرة الثانية ينسرق من عندها شي !!
مسكينة كسرت خاطري جلست تبكي تقول الجوال بالطقاق بس البطاقه الحين سالفه على ما يطلعوا لي وحده جديدة
معاها حق لأن النظام نظام فاشل
يوم الأربعاء اللي راح سووا لي سالفة روحي لكلية العلوم و تعالي الآداب علشان ختم على ورقة إفادة !!
يعني انا داخله انتساب وشو له ؟ يا ناس يا عالم صحتي على قدي !!
و مشوار من كلية العلوم لكلية الآداب !!

ظلم .. :Cry111:

وين المسئولين ؟ ليش النظام فاشل ؟
و شر البلية ما يضحك .. تخيلوا حنا اول سنة لنا و ما نعرف اي شي عن النظام و القوانين حتى لوح للنظام مافي!!
و اذا سألتي وحدة من الإداريات اللي فالحين يشربوا قهوة و ياكلوا كيك سبتك و سبت امك و ابوك !!
والا اقصاها قالت ما عندي علم او ما ندري .. أجل من يدري ؟!!

مقهورة .. كنت فرحانة اني دخلت الكلية لكن الحين متحطمة .. و موضوع السرقة زاد الطين بلة :bawling:

بابا عبد الله وينك عن ذي المهازل ؟

طالبة آداب

2009- 2- 11, 02:20 PM

تسلمين اختى على نقل الخبر

والله انا دائما فى الاختبار افكر فى جوالى لانة عندنا ممنوع تدخلية فأحطة فى اللوكر واستودعة الله التى لاتضيع و دائعة

قالت لي نسمح للطالبة تدخل جوالها مقفل وتحطه عالسبورة

تقدر اى بنت ثانية تأخذ الجوال وكأنة حقها:017:

اي فعلاً صاارت كثيير
انو يحطوه ع السبورة وتجي وحده ثانية تأخده كأنه جوالها !!

ناس بلا ضمير ويش تتوقعوا منهم !! :000:

سرقوا أغراضي وعبايتي الله يأخذهم مافيهم ولاذرة من الإسلام

دمعـ العيون ـات

2009- 2- 11, 03:07 PM

:017:

حتى انا فتحو شنطتي وحذفو اغراضي ..

لكن..صديقتي من البنات اللي سرقو شنطتها وفيها الجوال بعد ..

حسبي الله ونعم الوكيل عليهم ..

انتساب تاريخ99

2009- 2- 11, 04:33 PM

الله لا يحللهم ولا يبيحهم بس تدرين ما يقدرون يبيعون الجوال لانه من غير ضمااان فاحرقي الجهاز وخليها تنقهر
والشريحه طلعي بدل فاقد
:cheese:

راهبة الحرف

2009- 2- 11, 04:55 PM

لو الامير عبد الرحمن بن مساعد سمع في كليتنا كان اضافها

لقصيدته عجب عجااب !!!
:t1:
بخصوص السرقات لو يبو يسوو حل سهل سووه مانبي لوكرات ولا غيره

اكيد الي تسرق احتمال 99% انها بتكون بنت مو من الصبايا الي تختبر ..

لانو لو كانت بنت تطلع من القاعه مستحيل بتجلس

تفتش وتسرق بتخاف صاحبة الشنطه تطلع وراها .. اكيد من بنات الفترات الاولى ..

بكل سهوله بعد ما البنات تصعد لفوق وتدخل القاعات و المدرجات تجلس وحده

من الامن عند الباب وماتدخل اي بنت وخلصنا !

لا و القهر كل يوم يصجو روسنا بناات اي شي تفقديه روحي لمكتب الشؤون مدري

الارشاد .. ماشاء الله الحين بينفعوني بشي ؟!

بس هم ناس ماتعرف النظام .. ولا اظن بيجي يوم يعرفوه فيه لانهم مايبو

الله يصبر قلوبنا ..

اليوم سمعت عن بنت مسكينه بقسم الجغرافيا اختربت آلتها الحاسبه

وهم يحتاجوها في مسائل كثيييير لازم تنحل بآله جدور وخرابيط ..

البنت قالت ابي آلة اي بنت مخلصه .. قالت المراقبه ممنوع تاخذي

اغراض لوحده ثانيه !!! وربي حرااام يعني البنت تحمل الماده ظلم وتعسف

من شنو خايفه لو استخدمتها .. ممكن في شي مكتوب لو شي عليها

شيكي وانتهينا !

سوري ع الاطاله بس بجد الوحده بتموت
قهر بين أزقة هذه الكلية و أنظمتها البالية < اخص يا عربي:cheese:

ورداتي :106:

هبوره

2009- 2- 11, 09:42 PM

الله يعوض عليهم ان شاء الله :s12:

Mo0_0ony

2009- 2- 15, 02:47 PM

كل هالاشياء اللي صايرة بسب الفوضى ......... قليل لو اقول الكلية مافيها نظاااااااااااام ما فيها نظاااام

وبعدين لاحظت شيء ايام الاختبارات الزايرااات كثير كيف سمحوا لهم يدخلون والله طالبات جالسين برى بالساحة ومسوين تجمعااات والاخير هم مو من طالبات الكلية :no2:

فجر نجد

2009- 2- 16, 08:28 AM

:000: انا انسرقت فلوسي اللي بشنطتي وتكرر فتح شنطتي مرتين انا احطها في وضعيه ارجع الاقيها غير
ولا اكتشفت السرقه الا لما طلعت من الكليه ما لقيت في البوك شي وحمدت ربي اني مو ماخذه البوك اللي فيه بطاقات البنك
يعني فوضى ما في مثلها ولما طلبنا لوكر رفضو يعطونا يقولون مافيه واتحدى اذا كان مافيه بس هم كذا انواع التطفيش
:mh19:

Nana pink

2009- 3- 12, 02:40 AM

مووو هم قآآلو 20 يعني معنآآتهـ سوو الجريده الصبااح وانا صرت 21

ماالقيت بووكي بكبرهـ !!:g2:

الله يعوض علينا

2011- 6- 9, 04:18 PM

انا حرقو قلبي على شنطتي الله يحرق قلبهم ويوريهم الويل يارب
بناااااااااات انا توي انسرقت
كل مااااااااااااملك خذته وحده ماتخاف الله
شنطتي
جوالي
بطاقتي
حتى دفاتري حقت الاختبارات شالتها
من وين بذاكر
دفتر صديقتي
عبايتي
اغراضي الشخصيه
والاعظم من هذا تراسل زوجي
ربي لايحللها وتلقى جزاها في الدنيا والاخره
وربي كل اللي اعرفهم يدعون عليها
واملي بربي كبير انها بتاخذ جزاها
الله يعوض على كل بنت انسرقت
حسبي الله هو نعم الوكيل
المشكله انو اللوكر مغيرين قفله على اخر السنه وانا بتخرج خلاص
الله ياخذ هالكليه وانظمتها
والامن فالحين يصرخون بس
يارب كل وحده ترضى ع البنات انهم ينسرقون انها تنسرق
وتشوف اللي سوته في صحتها وعمرها

عشق الطفوله

2011- 6- 9, 05:06 PM

استغفر الله العظيم والله صايرين افلام رعب
لو تشوفون التآميناات الي نسويها ع البطآيق واغراضناا قبل ندخل
حسبيييي الله والنعم الوكييييييييييل

*Oni.K*

2011- 6- 9, 08:21 PM

حسببي الله علليهم

يااارب ان الكل عنده جوال ليه تسررقونه
والله انا صديقتي انسررق جوالها وشنطتها بكبرها بس حطووا لهاا العبايه يعني يززعم سووت خيرر
المشكله جوالها صورها كلها فييه :017:

ياأأمن يالمحتررمين بدل كل يوووم تسووون لكم هيبه بالكليه وتسمعوون دعااوي عليكم من البنااات
سووو خيير فينا ووقفووا هالسرقاات اللي تصييير حسبي الله ع كل بنت سسسسرقت الله لايووفقها
يااجعلها مااتتوفق بحياتها :mad:

والله هالكلليه مهززززله :017: :017:

الوردة المخملية

2011- 6- 9, 11:26 PM

والقهر بعض المراقبات يقولون لنا خلوا اغراضكم برا

مستحييييييييييييييييل اخليهم برا وانا اختبر

يعني لو انسرق شيء منهم ما بيسوون لي شيء

خلاص خلوا اغراضنا داخل شنو ضارنكم

:41jg:

sOo

2011- 6- 9, 11:34 PM

بنات اي مراقبه تقول لكم خلوا اغراضكم برا صيحوا فيها
ماينفع لهم الا كذا :(177):
احنا تهاوشنا معاها وصحنا فيها
سكتت
وصار لنا من اول يوم اغراضنا كلها معانا

الله يعوض علينا

2011- 6- 10, 12:45 AM

بنات حنا لازم نصير يد وحده
ع الاقل لاشافو البنات كلهم رافضين انهم يتركوا اغراضهم برى
راح يغيرون كلامهم
اما ننسرق ونسكت لهم هذا موحل
اذا شافونا ساكتين وراضين بيطنشونا
ماحد يحس الا بنفسه وربي موحاسين فينا
الحقوا انفسكم يابنات قبل تنسرقون لاقدر الله
وربي مافيه امااااااااااااااان
انا توي انسرقت الاربعاء
حتى عبايتي ماخلتها لي االله لايبارك في عمرها
دفتري اللي بذاكر منه شالته
بطاقتي
وجوالي
ولما رحت اكلم الدكتوره والامن قالولي دوري بنفسك
حسبي الله ونعم الوكيل فيهم
والله اكبر غلطه يوم سموها كلية الاداب
هذي كلية الكلاب وانتو بكرامه

اللهم بلغت اللهم فاشهد

انومة

2011- 6- 10, 12:50 AM

انا انسرقت بطاقتي بايام الوكرات يصلحونها

كل ماجيت ادخل الكليه ونفسيات الامن علينا وربي ادعي عليها تستاهل يارب توصل دعواتي لها حقارة

سارة الراجحي

2011- 6- 10, 01:00 AM

انا انسرق بوكي بكل ما يحتويه

من فلوس>>>>> معوضه إن شاء الله وعفا الله عنها

بطاقات>>>>>>>>>>> بدل فاقد مع الغاء القديمه للإحتياط
الجوال كان فيها >>>>>>> يالله إن شاء الله يخرب

لكن صورتي مين يعوضني عنها كيف أقدر أسامحها ولا ادري إسيش هببت فيها مش قادرة انساها

لا وفوق كذا أنا الغلطانه أدفع غرامة قنا يالله بس مجلس تأديبي لييييييييييييه
ايش ذنبي انا مش كفايه اللي حصل لي :bawling: يعني ايش أسوي مثلا

إشتكينا مافيه فايده بتساعدونا طبعا ما تقدرون عندكم أعذاركم الشخصيه

لكن تهزئين فيني حظرتك بصفتك ايش :017: تقدرين على كذا بس

ابي افهم شي واحد فقط ليه الصورة إجباري دامها بتنسرق لما ندخل من البوابه مافي تفتيش إلا على وجودها بس أما مطابقه الفيس لا

الامتحان كذالك لا يدرون ولا يعلمون من أنت

تعبت ألف مره تنسرق خلاص وجهي صار معروف

بس
مش حسوي بطاقه
:cheese:خلاااص

MEESH وبس

2011- 6- 10, 01:03 AM

-

يآربي لاتبلانآ مآيدرون وش نهآية آعمالهم هذي !!

مآيفكرون وش جزآء السرقه والسآرق , السارق تقطع يده , حد من حدود الله مآفيه استهآنه !

لو قلم رصآص تآخذينه وصاحبته تبية مو رآضية هذي سرقه !

مآيفكرون بأخرتهم هم , مآعندهم ضضمير يآويلهم من الله بس , وحسبي الله ونعم الوكيل ,

وآنتو يآبنات وش هالثقه تحطين اغراضك برى واشياءك دخليها القاعه وخليها قدام , تحطينها برى ليه ؟

,

ثآنكس ع الخبريه , ميششـ :(

الله يعوض علينا

2011- 6- 10, 01:10 AM

حبيبتي
حنا نترك اغراضنا مجبـــــــــــــــــــــــــــــــــــــــــــــــ ــرين
وربي الدكتوره ماتدخل بنت معها شنطه لقاعة الامتحان
وازيدك من الشعر بيت
تجي وتاخذ المناديل من يدين البنات بالقوه
وتقول ماتاخذون منديل الا من عندنا بس وللضروره
وش راييك !!!!!!

الله يعوض علينا

2011- 6- 10, 01:13 AM

*Oni.K*

2011- 6- 10, 01:19 AM

الله يعوووضكم خيير والله انقهررت عليكم

استغفروا وان شاء الله مااايصير لك اي شيء

بس اللي ابي اعررفه كييف البنت جاات وشلحت نص الشنط والامن مو موجدين:(107):

جااامعه من اسوآآ لاآآسوا :(177)::(177):

الله يعوض علينا

2011- 6- 10, 01:23 AM

الامن موجودين

الوردة المخملية

2011- 6- 10, 01:44 AM

:000:

*Oni.K*

2011- 6- 10, 02:14 AM

طيب اذ الامن موجودين معقولةه تخلي هالبنت تسررق وهم يشووفوها ومايتكلموون سلاآآآماآآت :71::71:

sOo

2011- 6- 10, 02:20 AM

بنات انا عندي فكره بس مدري عنكم
اخاف نصكم يسويها ونصكم لا
اذا جا يوم السبت ورفضوا تدخلون اغراضكم
قولوا ماراح ندخل الاختبار الا باغراضنا او شوفوا قاعه اجمعوا اغراضنا فيها ووقفوا كلكم في الممر وارفضوا بقوه دخول القاعه للاختبار
الا بحضور مسؤوله وتدري بهالمصايب ويشوفون حل
ترا مو من مصلحتهم انكم ماتختبرون
خصوصا اذا كنتوا كلكم
وقتها راح تمشي كلمتكم
بس ....... المطلوب هو تعاون منكم كلكم
مو مجموعه تعترض والباقي داخل يختبرون
لا القاعه كامله عشان يخافون

أحب وطني

2011- 6- 10, 02:25 AM

هم ماعندهم غير الاوامر بس
ما يعرفوا بتضرر البنات :017: دكتاتوريين

سراب الغلا ~

2011- 6- 10, 03:54 AM

لاحووول ولا قوة الا بالله

اناصديقتي حاطه اغراضهاا باللوكرر
وكان الجوال باللوكر الي هو بلاك بدون كام وبطاقه جامعيه والبوك
وقسم بالله راحووو كلهم حتي الشنطه زين خلولها العبااه
وانا لوكري لقيته مفتوح ومسروقه كل اغراضي بس الحمد الله بطاقه معي والجوال
بس سرقوو كتابي الاحصاء:bawling:
واختباري السبت عادي فلوس بطقااااااااق واغراض وشنطه بطقاق
اجيب غيرهم بس كتابي وقسسم وهقوني حسبي الله عليهم
ولا مسوين لنا فلم علي هامفاتييح واخر شي اغرراضنا تنسرق
ولاتكلمنا قالو مانقدرر نسوي شي:(177):
شكلي بجيب قففل من عندي واركببببوووه من تبيييي:53:

فيونكة كحلية

2011- 6- 10, 03:55 AM

الموضووع قديم من 2009

الله يعين الجميع :24_asmilies-com:

sOo

2011- 6- 10, 03:59 AM

حتى لو قديم
اعتقد اخبار البنات جديده وفعلا تم سرقتهن
المضمون واحد :(177):

*Oni.K*

2011- 6- 10, 05:03 AM

فيوونكه حطي نفسسك مكاان اي بنت انسررقت اتوووقع رااح تنقهررين خلي البنااات يططلعوون اللي بقلووبهم
لان جد الشيء يقققهررر وماححد يسمع لهمم غيره ىهالملتقى

:(177):

strobrry

2011- 6- 10, 05:53 AM

انا بعد العام حصل لي موقف :bawling::bawling:انسرقت شنطتي بالكامل :sdfgdsf: ويوم طلعت انصدمت لاني مالقيتها حتى العبايه ماخذتها ليه ماعندها عبايه :hahahahahah:وراح عني السواق لاني تاخرت عليه ماعندي جوال ادق عليه ولا عبايه ورجت لرئيسة القسم ابيها تساعدني عطتني جوالها ادق على زوجي بالصدفة ذاك اليوم فصلو جواله :sdfgdsf:ولا عندنا ثابت قلت عطوني عبايه قالت مافيه طيب مو المفروض كليه طويله عريضه ماتوفر عبايات احتياط والا لا تتفلسفون وخلونا ندخل باغراضنا توهقت والله :Cry111: حسبي الله على اللي سرقتها خبركم محد يحفظ ارقام جوالات الوقت هذا لا واهلي ساكنيين بالرياض :24_asmilies-com: وعصرت مخي لين تذكرت رقم جوال جارتي الضعيفه صحيتها من النوم وقلت خلي زوجك يكلم زوجي ويغلمه وانقذتني الله يجزاها خير لا واللي يرفع الضغط من بكره لقيتها مرجعتها بس ماخذه الفلوس والجوال طيب اعنبوك ماتبين الباقي ليه ماخليتيهم او العبايه على الاقل :(177)::(177)::(177)::(177): لاتغليق

isra kjs

2011- 6- 10, 01:06 PM

baby-face

2011- 6- 10, 01:15 PM

ادخلو على رئيسة القسم
و طالبو ان شناطكم تكون عند السبوره
و الجوال مقفل داخلها و مو بالجيب

احنا سوينا كذا من 3 سنين
و كل شي ماشي مضبوط

الا عن هذي اللي دخلت البيبي معها
و صادوها علشان محضر غش
لان وجود اي جوال بوقت الامتحان بالجيب عباره عن غش
و الابلى انه جوال بكاميرا
يعني سوت مخالفتين بوقت واحد
بغض النظر عن المووضووع قديم.. :hhheeeart4:
كلاامهاااا صح

احنا من زمان كذا ندخل اغرااضنا بالقااعة وتصير كلها قدااام عيوونا تووني ادري ان بالاقسام الثاانية ممنوووع

لولة

2011- 6- 10, 01:52 PM

الله يعينكم يا بنات والله اني حاسة فيكم انا عاد شصار معي ان انسرقت شنطتي بكاملها هي با الاغراض الي فيها وكل شي رحت حق الامن قالو ما نقدر نسوي شي والله تعبت هذيك اليوم من الفرارة اروح حق هاذي تقولي روحي حق هاذي ويومي انقضى كله مشاوير

واخر شي وين القى شنطتي الحمدلله اني لقيتها وين با الحمام مرمية با الارض

وانا شوي وببكي من الوناسة :mh001: بعدين قعدت اقول الله لايحوجني لكم يها الامن الي مامنكم فايدة الحمدلله اني لقيتها هي صحيح سرقو الفلوس الي فيها بس الحمدلله رجعت لي سالمة :71:

فيونكة كحلية

2011- 6- 10, 03:16 PM

فيوونكه حطي نفسسك مكاان اي بنت انسررقت اتوووقع رااح تنقهررين خلي البنااات يططلعوون اللي بقلووبهم
لان جد الشيء يقققهررر وماححد يسمع لهمم غيره ىهالملتقى

:(177):

حاطه نفسي مكانهم لين شبعت مابقعد طوول عمري اتكلم عن سرقه اقول حسبي الله ونعم الوكيل وبس وثانيا انا ماقلت لاحد يتكلم او شي كيفكم طلعو الي بقلووبكم لين تقولون بس

اذا مو عاجبك ردي مو لازم تعلقين عليه وانا ماوجهته لاحد معين انا اتكلم عن الخبر الي هو الموضوع نفسه فقط انه قديم لا اكثر ولا اقل ماقلت ليه تردون وليه تشاركون ولا لا احد يتكلم

واتمنى الي عنده شي ولا تعليق على مشاركااتي يخليها لنفسه ويسكر فمه لاني ماوجهت كلامي لاحد عشان يعلق ولا قلت لاتردوون وهذا شي راجع لكم كل واحد يكتب الي يبيه

وانا بكيفي اكتب الي ابيه وماتوقع كلامي فيه شي ولو فيه شي الادارة بيحذفوونه محد له دخل

[ انبلاج ! ]

2011- 6- 10, 04:21 PM

خوفتوني بروح اشيل بطاقاتي من المحفظة !!
مع اننا في قسم الدراسات الشناط قدام عيوننا و انا مستحيل اخليها بالارض دايم احطها ع الشباك اللي بالجنب وصير بالجنب يعني جنبي ، الا اذا كنت مستعجله والا لازم تصير قدام عيوني و اجلس قدااام اول وحدة وهي قدامي عشان انتبه لها ..

بالنسبة للوكرات ترا حتى هي تنسرق توني قبل فترة اشوف مجموعة بنات على اخر الدوام ماسكين مفاتيح ويفتحون في اللوكرات يجربون واللي تفتح تقول هيييييييه فتح فتح :71: ويجون يشوفون وش فيه :017:!!!!
وربي شفتهم ومت من الخوف كان الوقت متأخر بعد الـ 2 ونص ايام الدوام وطلعت ، خفت انهم يسوون فيني شيء اشكالهم تروع :/

hello kitty

2011- 6- 10, 05:04 PM

;3773130']بالنسبة للوكرات ترا حتى هي تنسرق توني قبل فترة اشوف مجموعة بنات على اخر الدوام ماسكين مفاتيح ويفتحون في اللوكرات يجربون واللي تفتح تقول هيييييييه فتح فتح :71: ويجون يشوفون وش فيه :017:!!!!
وربي شفتهم ومت من الخوف كان الوقت متأخر بعد الـ 2 ونص ايام الدوام وطلعت ، خفت انهم يسوون فيني شيء اشكالهم تروع :/

عسسى كل وحده تسرق تشوف عذآبهـآ بالدنيـآ قيل الآخرره../ قولوآ آميين

عسسى تتكسسر ايدهم وحده وحده../ قولوآ آميين

عسسآهم ينكشفون ونشوف فيهم يووم وينفضحوون../ قولوآ آميين

اليووم الجمعه وسـآعة استجـآبه وربي مايرد دعوة مظلوم..