شعر النفس طابت والمفـارق نويتـه ! [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : شعر النفس طابت والمفـارق نويتـه !

محاكي الروح

2012- 1- 20, 01:09 AM

ياصاحبـي ماعـاد فيهـا معاذيـر
النفس طابت والمفـارق نويتـه !

يكفي الم يكفي دمـوع وتحاسيـر
يكفي بوسط الجوف جرحي خفيتـه

بشوم عن دنياك واواصـل السيـر
وباخذ معي قلـبٍ بصـدك جفيتـه

ماعاد لك فالقلب حشمـه وتقديـر
من بعد هرجٍ فـي قفايـه حكيتـه!

الوضع مزري مايبي زود تفكير ؟!
من باعني برخيص لا ما شريته !!

من صغر سني وانا في منهجي غير
تكوين خلقـي نـادرٍ مـا لقيتـه !

اطمح على الاول ولا اطيق الاخيـر
وابرز نجاحي في طريـقٍ مشيتـه

قول وفعل ماهـو كـلام التعابيـر
واكبر دليل انك لشعـري هويتـه !

لا انت ولا غيرك له اليـوم تأثيـر
فوق السحب عالي شموخي بنيتـه

ماعزني جمـع الذهـب والدنانيـر
راسي عزيـز وكـل رجـمٍ رقيتـه

دونت كل اللـي مضالـي بتقريـر
وياللآسـف اليـوم تـو ماقريتـه

برحل واخلي عيشةٍ مابهـا خيـر
واقولهـا للكـل صاحبي نسيـتـه !

وان اسألوني قلت انا خيـر ياطيـر ؟
بعته مثل مابـاع قلـبٍ عطيته

هـــمس

2012- 1- 20, 01:27 AM

الله يعطيك الف عافيهــ

طرح نال اعجابي ...

لكـ خالص احترامي ..

غريب الديار

2012- 1- 20, 03:05 PM

وان اسألوني قلت انا خيـر ياطيـر ؟
بعته مثل مابـاع قلـبٍ عطيته

تسلم محاكي جميل انتقاءك

شـيـم

2012- 1- 20, 03:46 PM

يعطيك العافيه ابيات روعه
ننتظر جديدك ..

حيرهم شموخي

2012- 1- 20, 04:36 PM

يعطيك العافيه
مرررره حلوووووووووووووووووووووووووووووووووووووووووووووووو ه
اعجبتني كثير
ننتظر جديدك :(269):

محاكي الروح

2012- 1- 20, 05:02 PM

فديت طلتكم جميعا اللي من جد اسعدتني ياغالين :106::106::love080::love080:

لاعدمتكم ولا انحرم من اخششكم :biggrin:

لاهنتو

عذب السجايا**

2012- 1- 25, 08:48 PM

:(204):

محاكي الروح

2012- 1- 25, 10:59 PM

ولمرورك ولك :(204)::(204):

لاهنت

آبيات

2012- 1- 26, 01:46 AM

بشوم عن دنياك واواصـل السيـر
وباخذ معي قلـبٍ بصـدك جفيتـه

~~
اطمح على الاول ولا اطيق الاخيـر
وابرز نجاحي في طريـقٍ مشيتـه

قول وفعل ماهـو كـلام التعابيـر

أعجبتني ها الابيات حييييل

مشكوووووور ع الطرح الجميل~~

محاكي الروح

2012- 1- 26, 01:55 AM

و انا اعجبني مرورك اللي اعطى الموضوع رونق ورووح

لاهنتي منوور وفعلا الابيات اللي اخترتي ابياات مره جميله :106:

لك الشكر والتقدير :106:

بنت الشمري

2012- 1- 26, 11:13 AM

ابيات جميلة

وذوق راقي في الانتقاء اخوي محاكي

هكذا عودتنا انتظار على المدهش والنادر دائما

صح لسانك ونبضك:106:

محاكي الروح

2012- 1- 26, 11:13 PM

بنت الشمري
يامرحبا والجميل هو مرورك اللي دوم يسعدني

لاهنتي وكلك ذوووق يالغاليه :106::106:

ro7e blqak

2012- 1- 26, 11:17 PM

وان اسألوني قلت انا خيـر ياطيـر ؟
بعته مثل مابـاع قلـبٍ عطيته

يااااااااااماااا قلناها ....بس مو من قلب :icon9::icon9::icon9:

محاكي الروح

2012- 1- 27, 12:21 AM

^
ههههههه
الله يعين :119:

لاهنتي ع المرور الذوق والاعجاب :106: