تسجيل المقررات ( المستوى 2 + المستوى 4 ) 1433 هـ

[Sara Ali]

السلام عليكم ورحمة الله وبركاته

مرحبا بنات
هذا الموضوع رآح يكون مرجع الى تسجيل المواد

اي استفسار او اي ملاحظة أو اي شيء

بإمكانكم الاستفسار هُنا :(269):

نسألكم الدعاء
Sara ali

[Sara Ali]

الجداول الدراسية للفصل الثاني 1432-1433هـ
لجميع كليات الجامعة

مع ملاحظة الأمور التالية:
* ربما يطرأ على هذه الجداول تغيير من إضافة وحذف وتعديل من قبل الكليات في هذه الأيام وفي فترة التسجيل، فالموجود في النظام هو الأصل
* قد يتسائل بعض الطلاب: أين الدكتور ؟.. والجواب: الملف الذي عندي ليس فيه اسم الدكتور لذا فالملفات المرفقة ليس فيها اسم الدكتور.
* الملف مضغوط ويحتاج إلى برنامج لفك الضغط وهي كثيرة ومعروفة مثل ، WinZip WinRAR 7-Zip


http://myboxy.co/index.php/files/get...wSgff/2112.zip (http://myboxy.co/index.php/files/get/TZpk7wSgff/2112.zip)


( بعد فك الملف المضغوط اختارو كلية المجتمع بالقطيف )
داخل هذا الملف
راح تشوفو الجداول غير مرتبة
وَ أرقام المقررات للمواد المطلوب دراستها
مع التصنيف

[Sara Ali]

الخطة الدراسية للمستوى الثاني
مع أرقام المقررات وَ التصنيف

http://a1.sphotos.ak.fbcdn.net/hphotos-ak-snc7/s720x720/394424_279872708741851_100001573729485_833997_2749 25534_n.jpg

البرمجة الشيئية (2)
COMP 112

الاتصالات و الشبكات
COMP 122Q

الحاسبات في التعليم
COMP 100

النشر على الأنترنت
COMP 132

اللغة الانجليزية 2 (الانشاء )
ENGL 102Q

نسألكم الدعاء
Sara ali

[Sara Ali]

الخطة الدراسية للمستوى الرابع
مع أرقام المقررات وَ التصنيف

http://a2.sphotos.ak.fbcdn.net/hphotos-ak-ash4/s720x720/407302_279849768744145_100001573729485_833882_1851 037_n.jpg


تصميم صفحات الانترنت
COMP 220

ادارة الشبكات
COMP 222

مشروع التخرج
COMP 230

علم النفس التربوي
psyco 202

مهارات الاتصال
engl 202

[Sara Ali]

دعونا نتعاون هُنا

موفقين حبايب

Sara Ali

[Sara Ali]

التقويم الزمني للفصل الدراسي الثاني :

http://www.rofof.com/img5/1vafph19.png (http://www.rofof.com/)


التقويم الزمني للفصل الصّيفي :

http://www.rofof.com/img5/1yuhxo19.png (http://www.rofof.com/)

[s.h.k.11]

ممكن تحطو طريقه التسجيل بالصور :119:

[Sara Ali]

ما عندي طريقه بالصور =)

[ro7e blqak]

الجداول الدراسية للفصل الثاني 1432-1433هـ
لجميع كليات الجامعة

مع ملاحظة الأمور التالية:
* ربما يطرأ على هذه الجداول تغيير من إضافة وحذف وتعديل من قبل الكليات في هذه الأيام وفي فترة التسجيل، فالموجود في النظام هو الأصل
* قد يتسائل بعض الطلاب: أين الدكتور ؟.. والجواب: الملف الذي عندي ليس فيه اسم الدكتور لذا فالملفات المرفقة ليس فيها اسم الدكتور.
* الملف مضغوط ويحتاج إلى برنامج لفك الضغط وهي كثيرة ومعروفة مثل ، WinZip WinRAR 7-Zip


http://myboxy.co/index.php/files/get...wSgff/2112.zip (http://myboxy.co/index.php/files/get/TZpk7wSgff/2112.zip)


( بعد فك الملف المضغوط اختارو كلية المجتمع بالقطيف )
داخل هذا الملف
راح تشوفو الجداول غير مرتبة
وَ أرقام المقررات للمواد المطلوب دراستها
مع التصنيف




طيب حملته وبعدين ؟؟؟
وش استفيد منه ؟؟؟:mh12:

[princess-s]

بصراحةةة سارونةة ماقصرتي :love080:
الله يعطيك العافيةة
بس ممكن استفسار :
احنا سنةة اولى هل الي نسجل جداولنا او الجامعةة ؟!

[مكه]

يعطيك العافيه سارونه فديتك ...

حبيبتي انا عندي سؤال

صحيح ان فيه صيفي هالسنه واقدر اسجل مادة انجليزي 3 فيه لاني حملتها :bawling:

[Sara Ali]

طيب حملته وبعدين ؟؟؟
وش استفيد منه ؟؟؟:mh12:

سوي لك جدول =) ..
ولما يفتحو التسجيل بكره دخليه =)

[Sara Ali]

بصراحةةة سارونةة ماقصرتي :love080:
الله يعطيك العافيةة
بس ممكن استفسار :
احنا سنةة اولى هل الي نسجل جداولنا او الجامعةة ؟!

الله يعافيك حبيبتي

شيء اكيد يا حبيبتي انتو اللي تعملو الجداول =)

لانه لو كان الجامعة اللي راح تعملها
ما كان نزلو المواد في الملف اللي حطيته ^^

[Sara Ali]

يعطيك العافيه سارونه فديتك ...

حبيبتي انا عندي سؤال

صحيح ان فيه صيفي هالسنه واقدر اسجل مادة انجليزي 3 فيه لاني حملتها :bawling:

الله يعافيك حبيبتي
بصراحة الله اعلم ..
انا شفت التقويم كذا وحطيته

واتمنى هذا الشيء بقوه
ع الاقل اقدر ادرس الهندسه =)

[s.h.k.11]

بنات ماذا يعني الاحرف في ايام الاسبوع y,n في اللي نزلتهم ساره :000:ضروري

[s.h.k.11]

والمواد الي درستهم اني احذفهم واضيف المواد اللي بادرسهم ولا هم الي بيحذفوهم :000:

[s.h.k.11]

وفي الملف اللي نزلته ساره في عمود الشعبه l05و05 lماالفرق بينهم

[همس**]

متى يبدا التسجيل ؟؟؟

[princess-s]

انا سمعت ان راح يتم فتح موعد تسجيل الجداول يوم الاحد هل هذا الخبر صحيح ؟!
وكيف اسوي لي جدول من الرابط الي وضعتيه ؟؟!

[s.h.k.11]

انا كمان اسئل بس مااحد يجاوب ارجو الرد بسرعه :000:

[ro7e blqak]

مااعرفت اسجل مواد

تطلع لي مواد كثير

برمجه 3 وتطبيقات واساسيات مواد حقت كل المستويات

اصلا انا ماادري شنهي المواد اللي باخذها المستوى الثاني شلون اسجل ؟؟؟؟؟


اخفي غلاها ماقصرت حطت الصور بس مااعرفت مو وااضح :mh12::mh12:

[عاشقة الليل]

مرحبا بنات
حابة أعرف متى يبتدي تسجيل المواد دفعة 2009 ؟
لان لما دخلت مكتوب ليس لديك صلاحية التسجيل في هذا الوقت
واستفسار ثاني
كيف اقدر احط رقم السي ار ان للمادة؟؟؟؟؟ ّ>>> قلت اسرع:biggrin:
؟؟؟؟؟؟؟؟؟؟؟؟
دفعة 2009 الدمام المستوى الثامن



http://www.ckfu.org/vb/ckfu/misc/progress.gif


*: http://www.ckfu.org/vb/t283865.html#ixzz1k7L48WaP

[أخـُفيْ غلآهـــأآ..]

الخطة الدراسية للمستوى الثاني
مع أرقام المقررات وَ التصنيف

http://a1.sphotos.ak.fbcdn.net/hphotos-ak-snc7/s720x720/394424_279872708741851_100001573729485_833997_2749 25534_n.jpg

البرمجة الشيئية (2)
comp 112

الاتصالات و الشبكات
comp 122q

الحاسبات في التعليم
comp 100

النشر على الأنترنت
comp 132

اللغة الانجليزية 2 (الانشاء )
engl 102q

نسألكم الدعاء
sara ali

مااعرفت اسجل مواد

تطلع لي مواد كثير

برمجه 3 وتطبيقات واساسيات مواد حقت كل المستويات

اصلا انا ماادري شنهي المواد اللي باخذها المستوى الثاني شلون اسجل ؟؟؟؟؟


اخفي غلاها ماقصرت حطت الصور بس مااعرفت مو وااضح :mh12::mh12:


حبيبتي هذي مواد مستوى 2

اذا انتي ناجحه ب البرمجه 1 سجلي برمجه 2

وبس

[أخـُفيْ غلآهـــأآ..]

ممكن تحطو طريقه التسجيل بالصور :119:

خطوات التسجيل بالصور (http://www.ckfu.org/vb/t219435.html)

:")

[ro7e blqak]

طيب عرفت خلاص سجلتهم

لكن

:119:



هالشي مااااعرفت اسويه
شلووون ؟؟؟

بعد ماتختاريها ارجعي للمخطط الخاص فيك في جدول فيه المواد اللي اخترتيها اضغطي على الماده عرض تحديثات الفصل وتطلع الاوقات وحددي اللي يناسبك والافضل تبدين للي ساعاتها اكثر بعدها عادي مافيه شي امشي مع العنصر التالي اذا فيه تعارض بيطلع اكس احمر وعشان تتأكدي اكثر في عربه التسويق بعد ماتخلصي كل شي شوفيها بيطلع لك المواد اللي مسجله طبعا بعد ما انتي تختارين تسجيل

v
v
v
v
v
v

v
v
v

هاكلام ماافهمته :mh12:

[أخـُفيْ غلآهـــأآ..]

مرحبا بنات
حابة أعرف متى يبتدي تسجيل المواد دفعة 2009 ؟
لان لما دخلت مكتوب ليس لديك صلاحية التسجيل في هذا الوقت
واستفسار ثاني
كيف اقدر احط رقم السي ار ان للمادة؟؟؟؟؟ ّ>>> قلت اسرع:biggrin:
؟؟؟؟؟؟؟؟؟؟؟؟
دفعة 2009 الدمام المستوى الثامن



http://www.ckfu.org/vb/ckfu/misc/progress.gif


*: http://www.ckfu.org/vb/t283865.html#ixzz1k7L48WaP

التسجيل لسى ما بدأ يبدأ بكره بأذن الله الاحد :smile:

[أخـُفيْ غلآهـــأآ..]

طيب عرفت خلاص سجلتهم

لكن

:119:



هالشي مااااعرفت اسويه
شلووون ؟؟؟

بعد ماتختاريها ارجعي للمخطط الخاص فيك في جدول فيه المواد اللي اخترتيها اضغطي على الماده عرض تحديثات الفصل وتطلع الاوقات وحددي اللي يناسبك والافضل تبدين للي ساعاتها اكثر بعدها عادي مافيه شي امشي مع العنصر التالي اذا فيه تعارض بيطلع اكس احمر وعشان تتأكدي اكثر في عربه التسويق بعد ماتخلصي كل شي شوفيها بيطلع لك المواد اللي مسجله طبعا بعد ما انتي تختارين تسجيل

ماعرف اشرحهاآ :$ < احسها مفصله :biggrin:
من ضمن الخيارات والقوائم بتلقين هالاشياء روحي لها عساس تتأكدين من تسجيلك ..

عذراً ماعرفت كيف اشرحهاآ لك :$

[ro7e blqak]

اذا مابدا التسجيل اجل انا وشقاعده اسوي من مساع ؟؟
ههههههههههههههههههههه
سويت جدول بس ماعدلت الساعات وكذا ماعرفت

ياليت بس فيه جدوال جاهزه واحنا نختارها وخلصنا
:hahahahahah::hahahahahah::hahahahahah:
وش هالهمممممممم
:(177)::(177):

[أخـُفيْ غلآهـــأآ..]

اذا مابدا التسجيل اجل انا وشقاعده اسوي من مساع ؟؟
ههههههههههههههههههههه
سويت جدول بس ماعدلت الساعات وكذا ماعرفت

ياليت بس فيه جدوال جاهزه واحنا نختارها وخلصنا
:hahahahahah::hahahahahah::hahahahahah:
وش هالهمممممممم
:(177)::(177):

مدري عنس يمكن بروفه :biggrin:

انا خابرته يبدأ 28 الاحد

اعتمدي على نفسك =Pp

[ro7e blqak]

ههههههههههههههههههههههههههههههههههههههه

اجل برووح اكبر المخده مره ثانيه
ههههههههههههههههههههههههههههههه

[أخـُفيْ غلآهـــأآ..]

ههههههههههههههههههههههههههههههههههههههه

اجل برووح اكبر المخده مره ثانيه
ههههههههههههههههههههههههههههههه

لا مافي تكبير :tongue:

نوم العوآفي :106:

[princess-s]

سنة اولى يحطون جداولهم او الجامعه ؟
والله احترت كل بنت تقول كلام :bawling:

[ro7e blqak]

ايه نحط جدول :Cry111::Cry111::Cry111:

[princess-s]

من قال لك :bawling:

[ro7e blqak]

اخر يوم بالاختبارات سالت وحده من الادراه مااعرف اسمها هههههه
:(107)::(107)::(107):
وقالت لي فيه تسجيل جداول لسنه اولى :(269)::(269):

[ro7e blqak]

:bawling::bawling:

[princess-s]

الله المعين
لان بصراحةة مو عارفة كيف نسجل الجداول وشفت الطريقة ومافهمتها :000:
احس يعوور الراس :(

[princess-s]

الله المعين
لان بصراحةة مو عارفة كيف نسجل الجداول وشفت الطريقة ومافهمتها :000:
احس يعوور الراس :(

[ro7e blqak]

حااولي
حتى انا مااعرف لكن لنا الله :Cry111::Cry111:

[wadiah]

الجداول الموجوده في النظام قديمة :Cry111:
كيف الحين والمواد مو موجوده كلها :mh12:

[عرب نوكيا]

طيب يا اخوات افيدوني انا دفعة 2009
و ادا ادخل ابي اسجل مايطلعلي الفصل الدراسي الثاني
مع العلم انا عندي بس مادة ادارة شبكات
ارجو الرد السريع

[مرسي* الامان]

بناات من سجلت وضبط معاها التسجيل انا ما قدرت اسجل يطلعلي "
ليس لديك صلاحية الوصول للتسجيل في هذا الوقت.

" اش القصة :mad::017:

[s.h.k.11]

ما ادري حتى انا :Cry111::mh12:

[s.h.k.11]

بنات انا لما اضغط على مركز الطلاب >بحث في خانة الفصل الدراسي مايطلع لي الفصل الدراسي الثاني بس الاول:mh12: علموني :Cry111:

[مو مصدقه]

حتى انا بس يطلع لي الفصل الدراسي الاول ممكن تفيدوني؟:icon9:

[أم ريم]

اظن الy يعني المحاضرة في هذا اليوم
بس اللي مو عارفته المعامل مرتبطة بالشعب و لا عادي نختار اي معمل...يعني مثلا لو بختار مادة شعبتها 01 هل عادي اختار معمل L01 و لا في معمل معين مرتبط بهالشعبة؟
و نصيحة للبنات اتعضو من الفوضى اللي صارت الترم اللي راح و اختارو مواد كلها من نفس الشعبة يعني نفس الرقم و بهالطريقة بتشوفون التسجيل اسهل و بترتاحو من قضية التعارض

[أم ريم]

شيكت على معامل مشروع التخرج و لقيتها كلها موعدها واااحد ...سبت و اثنين و اربعا الظهر
بهالشكل مهما نظمنا الجدول راح يظل متعب كون الظهر دواااااااااام احبااااااط

[Dua'a Hussain]

انا سنه أولى مستوى ثآني ..
لما جيت باسجل بالموقع ..
يطلع لي رقم الإذن ..
شنو اكتب فيه .!؟

[أمبراطورة الذوق]

بنات اللي يسالو عن y و n
y يعني yes يعني فيه محاضره متاحه في هذا اليوم ...
n يعني no يعني لا يوجد محاضره متاحه في هذا اليوم ...
ان شاء الله اكون وضحت لكم الفكره اعذروني ع القصورر ...

[أمبراطورة الذوق]

انا سنه أولى مستوى ثآني ..
لما جيت باسجل بالموقع ..
يطلع لي رقم الإذن ..
شنو اكتب فيه .!؟


شنو رقم الاذن هذاا مافهمت لك اختي ؟؟

[Mano.92]

بنات أنتو يفتح معاكم الموقع

[s.h.k.11]

انا لحد الحين مافتح

[أمبراطورة الذوق]

يب فتح معااي وحددت موادي بس بقى احدد اوقات المحاضرات علق علي ان شاء الله اذا فتح بكمل:(177):

[Dua'a Hussain]

انا سنه أولى مستوى ثآني ..
لما جيت باسجل بالموقع ..
يطلع لي رقم الإذن ..
شنو اكتب فيه .!؟


شنو رقم الاذن هذاا مافهمت لك اختي ؟؟
عشآن التسجيل .. أول خطوه سويتها هي
إني ضفت المواد إلى المخطط الخاص بي
بعدها لما خلصت كل المواد ضغطت على إسم الماده
وسويت عرض تحديدات الفصل
طلعوا لي مجموعه من الخيارات ( أيام معينه )
واخترت وآحد من الايام ..
وراح الاختيار اللي اخترته الى عربة التسوق
بعدها اذا رحت عربة التسوق يطلع لي اضغط تسجيل
إذا ضغطت تسجيل يطلع لي مربع أكتب فيه رقم الإذن :000:
شالحل ..!؟

[أمبراطورة الذوق]

صراحه مافهمت لكـ :(107):
بسس ان شاء الله اذا فتح معاي الموقع رح امشي ع الخطوات وارد :(269):
بنوتااات بليز اذا احد يعرف يساعدهااا :(204):
بالتوفيق :(269):

[أخـُفيْ غلآهـــأآ..]

كيف تسجلون أصلاً وبالموقع يقولون تم تأجيل التسجيل للمواد لتاريخ 1- 3 -1433 ه

http://www.ud.edu.sa/web/content/مواعيد-تسجيل-المقررات-الدراسية-لكليات-الجامعة-للفصل-الدراسي-الثاني-1433هـ

[Dua'a Hussain]

إذا فتح الموقع راح أصور ..

[Dua'a Hussain]

http://im11.gulfup.com/2011-09-14/1316049613526.jpg

بنآت شنو أختآر مآدة المقرر ..!؟

علوم الحاسب الآلي والا وشو ..!؟

[Dua'a Hussain]

http://www.ud.edu.sa/web/sites/default/files/Registration5555.png

بالنسبه لهذا الإعلان ..

انا مستوى ثآني ..
يعني يوم الجمعه تسجيلي ..!؟

[Bubbles Hug]

ليش الموقع ما يفتح معايا ؟

[sara21]

من امس مو راضي يفتح :( اااااااف

[دنياك دنياااي]

ممكن رااابط تسجيل المواد

لان اختي مستوى ثاني ومو عااارفه كييف الطريقه :mh12:

[Bubbles Hug]

قلبو هاذا الرابط حق طريقة التسجيل من الاول للاخير وفي نهايته في ارقام المواد
لكن حسب علمي ان التسجيل تم تأخيره وبعطيك الرابط حق الجامعه الي يقول هالكلام
اولا هذا رابط كيفية التسجيل >> http://www.ckfu.org/vb/t219435.html
هاذا رابط الجامعه الي ذكرو فيه التاجيل >> http://www.ud.edu.sa/web/content/%D9%85%D9%88%D8%A7%D8%B9%D9%8A%D8%AF-%D8%AA%D8%B3%D8%AC%D9%8A%D9%84-%D8%A7%D9%84%D9%85%D9%82%D8%B1%D8%B1%D8%A7%D8%AA-%D8%A7%D9%84%D8%AF%D8%B1%D8%A7%D8%B3%D9%8A%D8%A9-%D9%84%D9%83%D9%84%D9%8A%D8%A7%D8%AA-%D8%A7%D9%84%D8%AC%D8%A7%D9%85%D8%B9%D8%A9-%D9%84%D9%84%D9%81%D8%B5%D9%84-%D8%A7%D9%84%D8%AF%D8%B1%D8%A7%D8%B3%D9%8A-%D8%A7%D9%84%D8%AB%D8%A7%D9%86%D9%8A-1433%D9%87%D9%80
ارجو اني اكون افدتك

~||تحياتي لك|~

[Dua'a Hussain]

مستوى ثاني للحين ماابتدى التسجيل
احنا يوم الجمعه تسجيلنا

http://www.ud.edu.sa/web/sites/default/files/Registration5555.png

[ro7e blqak]

يووووم الجمعه !!!!!

ليه التااخير يااااسااااتر :000::000::000:

[إحہتويہنہے]

بـنـات الحين المستـوى الثاني متـى تسجيلهم ؟!..:(107):
لان الموقع مو راضي يفتح مـعـاي :000:

[ro7e blqak]

يقولون يوم الجمعه احنا المستوى الثاني

:(177)::(177):

[أخـُفيْ غلآهـــأآ..]

http://im11.gulfup.com/2011-09-14/1316049613526.jpg

بنآت شنو أختآر مآدة المقرر ..!؟

علوم الحاسب الآلي والا وشو ..!؟

بحث عن فصل في اطار اخضر >> ادخال معايير البحث جامعة الدمام وضروري تحديد الفصل الدراسي >> تحت يكون في زر بحث وقبل في اسم الماد و رقم المقرر اذا تعرفينه ومتأكده ضيفيه اذا لا مايحتاج حوسه اختاري زر بحث
http://im11.gulfup.com/2011-09-14/1316049613914.jpg (http://www.gulfup.com/)

http://im11.gulfup.com/2011-09-14/1316049613175.jpg (http://www.gulfup.com/)

http://im11.gulfup.com/2011-09-14/1316049613526.jpg (http://www.gulfup.com/)

مايحتاج تكتبين شي في ماده المقرر اختاري بحث

[همس**]

طيب ومستوى رابع
تسجيلهم كمان يوم الجمعه؟؟؟

[أمبراطورة الذوق]

احنا المستوى الرابع تسجيلنا يوم الخميس
وانا بسراحه سويت جدولي ولما جيت ااكد التسجيل كتب لي ليس لديك موعد صالح لتسجيل
يعني اذا جاء الخميس بس ادخل وااكد التسجيل وبس ...

[حياتي بوجوده]

سؤال بنات مابكون في دراسة
e3و e1 اتمنى تردو عليي

[ro7e blqak]

بنااااااااااااااات وش يعني رقم الاذن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Mano.92]

بنات سنه ثانيه مادة مهارات الاتصال تطلع لكم لما تجون تسوون جدولكم

[بيان حسن]

_




مَرحبآ صبآياّ ,,
حبيت اتأكد ايش
س , ب ,ث .... << ايام الاسبوع في الجدول ؟!

[الشقرديه]

ححنآ يوم الجمعه مستوى الناس اتوقع بس يوم دخلت مكتوب فتح يعني الجدوال نقدر سويها
بس الاذن وش ذا الرقم واذا جينى نسويه مآنقدر نحط له اضافه فهموني بلييييييييز

[ro7e blqak]

والله محد فاهم :017::017::017::017::017::017::017::017::017::017: :017:

[ro7e blqak]

اصلا شلووون نعرف عدد المحاضرات المطلوووبه بالاسبووع ؟؟؟؟

كم احط محاظره للانجيلززي ؟؟
كم للبرمجه ؟؟؟
وكم ... وكم .....
آآآآآآآآآآآه يااااراااااسي :bawling::bawling::bawling:

[ro7e blqak]

يكتب لي كذاا
v
v
v

ليس لديك موعد تسجيل صالح حاليًا.

شسالفه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


:24_asmilies-com::24_asmilies-com::24_asmilies-com:

[أمبراطورة الذوق]

ي حلوووين اللي تسال عن رقم الاذن لا تحطوو فيه شي خلووه فاضي

[أمبراطورة الذوق]

بنسبه لتسسجيل المستوى الثاني يفتح الجمعه
والمستوى الرابع يفتح يوم الخميس

[أمبراطورة الذوق]

عني انا سويت جدولي وخليته بعربه تسوق التسجيل يعني اذا فتح التسجيل بس اضغط زر التسجيل ويسجل :mh001:

[أمبراطورة الذوق]

اي استفسارات انا موجوده ان شاء الله اقدر افيدكم :(269):

[أمبراطورة الذوق]

ع فكره انا ماسجلت بطريقه المنزله بالمنتدى انا سجلت بطريقه ثانيه وطبعا استخدمتها بدايه السنه وضبطت معاااي اسهل من هالحوووسه :cool:

[ro7e blqak]

اجل بليــــــــــــــــــــــــز هيلب اص :71::71::71:

احين انا قمت اخربط من كل ماده اخترت فصل وحطيتهم بالعربه مالتي هههههههههههههه

باقي ماده البرمجه يقول اختاري رقم فصل !!! مو محدده فصوله مثل باقي المواد

او يكتب لي رقم الفصل مكرر

وش الحل مع هالماده ؟؟؟؟؟

[الفجر المستحيل]

صبايا
انا سويت لي جدول بس لسه ماسجلته
في بعض المواد الي فيها عملي ونظري لما اختار نفس القروب يصير في تعارض يعني العملي والنظري بنفس الوقت:000:
انا اخترت مع التصميم قروبين قروب علمي وقروب نظظري والمشروع بعد
الي عندها خبره تقوول مع انه اظن لو مو مسموح نختار قروبين للماده ماحطوا اكثر من قرووب لما احدد قروب :(107):

[ro7e blqak]

اجل بليــــــــــــــــــــــــز هيلب اص :71::71::71:

احين انا قمت اخربط من كل ماده اخترت فصل وحطيتهم بالعربه مالتي هههههههههههههه

باقي ماده الاتصال والشبكات يقول اختاري رقم فصل !!! مو محدده فصوله مثل باقي المواد

او يكتب لي رقم الفصل مكرر

وش الحل مع هالماده ؟؟؟؟؟




:mh12::mh12::mh12::mh12::mh12::mh12::mh12::mh12::m h12::mh12:

[الفجر المستحيل]

http://img02.arabsh.com/uploads/image/2012/01/25/0d36424860f1.png
بنات شوفووا الصوره انا اخترت قروب 3 نظظري
وتحت في اكثر من قرووب وقروب 3 العملي نفس وقت النظري :(177):

[ro7e blqak]

وين مكتوب 3 ؟؟؟؟
انا سويت الجدول وبس والله مادري وش قروووبي

[! مالي داعي !]

بالغلطّ :cool:

[وردة البستان]

أهلاً بنات:119:
شو رايكم إلي تسجل الهاجدول تسدحه هون:wink:
امبراطورة ننتظر جدولك تسدحيه لنا = )

[s.h.k.11]

_




مَرحبآ صبآياّ ,,
حبيت اتأكد ايش
س , ب ,ث .... << ايام الاسبوع في الجدول ؟!

اهلين
س>> السبت
ب>>الاربعاء
ث>>الثلاثاء

[الفجر المستحيل]

ro7e blqak
رقم القروب مكتوب لك > الي فووق في الصوره النظري قسم 03 وتحت العملي L03
وبنسبه للي يطلع لك رقم الفصل مكرر انتين اخترتي اكيد قبل وبنفس الوقت عشان كذا يطلع لك ان مكرر لان موجود بعربة التسوق

[ro7e blqak]

طيب
وماده الاتصال والشكبه 122q
هذي اذا جيت اضيفها يكتب لي حدد رقم القسم

شلون مااعرفت ؟؟

[بيان حسن]

..


بنآت الحين احنا نسوي الجدول بكيفنا صح
مافيه انو نفس القرب وكذا ؟؟!

ومادة الاتصألات والشبكه بعد يطلع لي نفس المششكله :(

يكتب حدد القسم معمل المطلوب. واشارة الاتظار
ومافيه معامل !!

[ro7e blqak]

مااااااااااااااااده الاتصال والشبكه ياااناااااااااااااااااس

وش الحل معاها ؟؟؟

[wadiah]

طيب ليش مهارات الاتصال مو موجوده
لازم ينزلوها :(
ماعندي الا ادارة ومهارات
:Cry111::Cry111::Cry111::Cry111::Cry111::Cry111::C ry111::Cry111::Cry111::Cry111::Cry111::Cry111::Cry 111::Cry111::Cry111::Cry111::Cry111::Cry111::Cry11 1::Cry111::Cry111::Cry111::Cry111::Cry111::Cry111: :Cry111::Cry111::Cry111::Cry111::Cry111::Cry111::C ry111::Cry111::Cry111::Cry111::Cry111::Cry111::Cry 111::Cry111::Cry111::Cry111::Cry111::Cry111::Cry11 1:

[وردة البستان]

أخت وديعه
الماده موجوده بس روحي للمخطط الخاص بي واضغطي ع الماده وبتطلع الش الأوقات المخصصه لها
:119:

[ro7e blqak]

ههههههههههههههههههههه
لاتصيحين :hahahahahah::hahahahahah::hahahahahah::hahahahaha h:

اصبري ادخلي بوقت ثااني
لاتستعجلين

[الشقرديه]

وش رقمم القسسسسسسم
الحاسبات مع الاتصالات
يبي رقم قسسسم من وين اجيبه ذآ؟

[الشقرديه]

ليس لديك موعد تسجيل صالح حاليًا

يطلع لي كذآ والحلللللللللل :000:

[princess-s]

مادة الاتصالات والشبكآت مافيهـآ اقسام ><
وششش الحل :(

[ro7e blqak]

:hhheeeart4::hhheeeart4:

[ro7e blqak]

http://www.youtube.com/watch?feature=player_embedded&v=q11C7OxZC9k#!



شرح تأكيد تسجيل المقررات:(269)::(269)::(269):

[ro7e blqak]

http://www.youtube.com/watch?feature=player_embedded&v=sujNKBb5hqA#!

شرح اضافه المقررات الى عربه التسووق :(269)::(269)::(269):

:33_asmilies-com::33_asmilies-com:

[ro7e blqak]

بناات
القسم يعني لقرووب ؟؟؟؟

[أمبراطورة الذوق]

أهلاً بنات:119:
شو رايكم إلي تسجل الهاجدول تسدحه هون:wink:
امبراطورة ننتظر جدولك تسدحيه لنا = )

من عيوووني

[أمبراطورة الذوق]

بنات اللي تسال وتقول اختارت نظري وعملي نفس القروب وصار فيها تعارض
مو لازم تختارين نفس الشي عادي اختاري اللي تبين :119:
وللحابه تسسوي جدولها علشان اسهل عليكم امسكو ورقه وقلم واكتبي ايام الاسبوع وكل محاظره تنزليها سجليها بالجدول واذا جيتي تسجلي الماده الثانيه حاولي تختارين الوقت اللي ماعندك فيه محاظره وبكذا تسسوين جدولك بسسرعه :wink:
ع فكره انا سويت جدولي بربع ساعه وقمت سويت لـ 8 من صاحباتي يمكن نص ساعه خلصتهم كلهم :(269):
ادعووولي ربي يوفقني وبعد شوي بنزل جدولي ...:wink:

[أمبراطورة الذوق]

اي سواال ان شاء الله اقدر افيدكم ..:cool:

[أمبراطورة الذوق]

اللي تقول الاتصالات والشبكات مافيها اقسام مافهمت ؟؟؟؟

[أمبراطورة الذوق]

اللي تقول الاتصالات والشبكات مافيها اقسام مافهمت ؟؟؟؟

[ro7e blqak]

مااده الاتصالات والشبكات
مايطلع لها ايام وساعات عشان نختارهم ونحطها بالجدول

ماايطلع شي لها ليه ؟؟؟؟؟؟؟؟؟



امبراطووره انا سويت مثل طريقتش بالجدول بس المشكله احين انا ماادري اي قروووب
سويت الجدول جااهز

بس مومكتوب قروووبي :(107)::(107)::(107)::(107):

[الفجر المستحيل]

امبراطوره يعني عادي اختار قروب 3 نظري وقروب 6 مثلا عملي ..؟
انتين متاكده في احد من الاستاذات قالك ..؟
:(177):احس الموقع مخربط بقوه المفروض مايصير تعارض بنفس القروب

[الفجر المستحيل]

بنسبه لمادة الاتصالات اتوقع الخلل من الموقع يعني احتمال كم يوم ويضبط :017:

[ro7e blqak]

طيب احين المواد ال4 كلها سويتها
باقي بس الاتصالات والشبكات ,,,اخاف بعدين تخرررب علي ترتيب جدولي

مالي خلق ارجع انسق الجدول عشان مااده وحده

ياربي زدني صبرا هههههههههههههههههههههههههههههههههههههه

[ro7e blqak]

:24_asmilies-com:

[الفجر المستحيل]

موو شرط تختاري سووي جدول بالوورد وحطي وقت المحاضره فيه
:biggrin: بشوف جدولك صار لي ساعهه بسوي جدول سنه ااولى مافي فايده كله تعارض

[ro7e blqak]

هههههههههههههههههه
طيب شلون تعرفين اذا فيه تعارض ؟

[الفجر المستحيل]

انا اسووي جدول بالوورد واكتب وقت المحاضره فيه
يعني مثلا من 8 لين 9:40 الاولى والثانيه اكتب الماده الي اخترتها في الوقت

[ro7e blqak]

طيب حتى انا سويت كذا بس على ورقه وقلم هههههههههه

وسويته بالعربانه مالتي بعد

بس باااقي الهم الاخير الا وهو الماده الخااااااااااامسه عللللللللللللللله :017::017:

[أمبراطورة الذوق]

مااده الاتصالات والشبكات
مايطلع لها ايام وساعات عشان نختارهم ونحطها بالجدول

ماايطلع شي لها ليه ؟؟؟؟؟؟؟؟؟


اكيد مو منزلين المحاظرات اصبرو عليهم يمكن ينزلوهاا


امبراطووره انا سويت مثل طريقتش بالجدول بس المشكله احين انا ماادري اي قروووب
سويت الجدول جااهز

بس مومكتوب قروووبي

عااادي مو لازم يكون عندك قروب انا و صديقاتي بالسمستر الاول كنا كل ماده مع قروب :cheese:

[أمبراطورة الذوق]

امبراطوره يعني عادي اختار قروب 3 نظري وقروب 6 مثلا عملي ..؟
انتين متاكده في احد من الاستاذات قالك ..؟
احس الموقع مخربط بقوه المفروض مايصير تعارض بنفس القروب



يب عادي مو شرط يكون العملي نفس النظري :wink:

[أمبراطورة الذوق]

ro7e blqak ان شاء الله مايصير فيه تعارض اذا نزلو المحاظرات دوري ع الوقت اللي يكون عندك فاضي واختاريه بسس :(269):

[أمبراطورة الذوق]

ي حلوين هذي عاشر مره اقول تسجيل المستوى الثاني يوم الجمعه والرابع يوم الخميس
يعني اللي يطلع لها ليس لديك وقت صالح حاليا معناته مافتح التسجيل :106::106:

[أمبراطورة الذوق]

وردة البستان هذا اللي طلبتيه
http://www.ckfu.org/vb/t286354.html

[princess-s]

بنات سنة اولى نزلو جداولكم حتى نستفيد ونكون قروب :love080:

[أخـُفيْ غلآهـــأآ..]

http://www.ud.edu.sa/web/content/مواعيد-تسجيل-المقررات-الدراسية-لكليات-الجامعة-للفصل-الدراسي-الثاني-1433هـ

-_-

كل شوي كلآم ><

[9oOfif]

السلام عليكم بنات ..
لااهنتو بس عندي مشكلة ..
الموقع ما يفتح معاي , حطيت المعرف " رقم السجل
والباسوورد " الرقم الااكاديمي .. بس ماكو فايدة :000: ..
و عكست اماكن الارقام . . وحطيت في الخانتين السجل المدني بس نفس الشي :|
help me please :Cry111:

[wadiah]

لا حطي المعرف الرقم الاكاديمي
والباسبورد السجل المدني :)

مشكورة وردة البستان اخترت المهارات بعدين بس اسوي نقل ماادري ابي اتاكد

[Bubbles Hug]

من جدهم ذول ؟ اول يقولون من الظهر والحين من 6 المسا ؟:mad:
يلعبون فينا ذووووووووووول ؟:017:
ايش هاذا ياخي ؟ :mad:
شي يجيب المرض مع احترامي للجميع :mad:
يعني مو يكفينا اننا نذاكر حق هالسيسكو زي المجانين ما حتى قالولنا عنه الا يوم جات الاجازه !!
الناس تجيها مناسبات وخرجات .. تلتزم بايش ولا ايش بالله ؟:017::mad::mad::mad:
والله لاعت كبدي يا ناس ليه ليه لييييييه كذا ؟ :mad::mad:
وين يوم يقولولنا بنختبركم اختبار سيسكو تجريبي ؟ وين يوم يقولون بنعطيكم ملازم ؟ :mad::mad:
وش هالحاله ؟ :017: وربي تعبت انا ،، مافي ولا شي يفتح النفس ولا شي عدل ولا شي يريح القلب :mad:
ما اقول الا انا لله وانا اليه راجعون و صبرا جميلا والله المستعان :mad::mad::mad::mad:

[wadiah]

صديقتي عندها بس انجلش 3
بينزل واذا موجود كم رقم السي ار ان ؟؟؟؟؟

:(

[أمبراطورة الذوق]

مافي انقلش 3 هالسمستر مانزلوو للحين :(177):

[همس**]

بنات لي لما احط تسجيل يطلع لي ليس لديك موعد تسجيل صالح حاليًا.
:017::017:
ليه هو متى التسجيل

[s.h.k.11]

اذا انتي من مستوى الرابع مثلي يعني بكره الجمعه الساعه 2 الظهر

[Bubbles Hug]

يا ماما انا مستوى رابع وللحين مو راضي يسجل شي

[! مالي داعي !]

بالغلطّ

[! مالي داعي !]

بنات انا المستوى الرابعّ ويقولي ليس لديك موعد تسجيل حالياّ :017:

[Bubbles Hug]

ياهو ايش دا الساعه 8 وربع وهما قالو من 6 ايش الهبل دا ؟ :mad:
جابولي الصداع :017:

[الفجر المستحيل]

http://www.ud.edu.sa/web/content/مواعيد-تسجيل-المقررات-الدراسية-لكليات-الجامعة-للفصل-الدراسي-الثاني-1433هـ
بنات شكلكم مااشفت الرابط هذا :biggrin:

[ro7e blqak]

يااااااااااااااااااااااااااااااااااااااااااااااارب ي :017::017::017::017:


نلقاها من مين والا مين ؟؟؟؟؟؟؟؟؟؟؟؟؟؟


شكلي بغيب اسبوووووع ماني جايه والله طوووول الليل سهر ومذاكره وهم جدااااول وحظرتهم كل يووم يأجلوون

كان ماااورانا الا هالجامعه

يااااااااااااابخت اللي ماااقبلووهم بالجامعه والله مرتااحين ههههههههههههههههههههههههه

[Bubbles Hug]

امممممممممممماااااا عاااااااااااااااااااااااااااااد O.O :mad::mad::mad:
اقوووووووووووووووووووول .. انا بروح اكبر المخده
سلاااااام

[ro7e blqak]

هههههههههههههههههههههههههههههههههههههههههه

اشتري مخده ثانيه بعد ههههههههههههههههههههههههه

[ro7e blqak]

بليز وحده من سنه اوووولى تحط جدولها بعد

[ro7e blqak]

ياااااااالله سسسسسسسسسهرانه احوووورررررف بهالجدول يمين يسار

مو ضاااابط عشان المادده الاتصالات >> باين من اسمها كريهه

يااااااارب تعبت :Cry111::Cry111:

[همس**]

بنات صح كالعاده الاسبوع الجاي مانداوم صح
ويجي على الاسبوع الي بعده :Cry111::Cry111:صح؟؟

[ro7e blqak]

ان شاء الله كلامش صح يااااااااارب

[همس**]

:Cry111::Cry111:
طيب انا خايفا انوو نداوووم

مابي اداوم :mh318:

[ro7e blqak]

طيب تعالي يوم السبت وشوووفي وش فيه جديد مافيه
وبعدها غيبي

[همس**]

:017::017::017::017:
مشوووووووووار اجي من الدمام الي القطيف واخرتها مافي شي
بس يعني نحنا متعودين دايم اول اسبوع مانجيه
ليييييييييييه الحين نجي مايصير حررررررررررام


:017::017::017::017::017::017:

[ro7e blqak]

بررررررررراحتش لاتعصبين طيب ههههههههههههه

انا عن نفسي بجي اول يوم وبشوووف الاوضاع هههههههههه
وتالي اغيب

[sara21]

لسه ماتثبت جدول لحد الحين استنوا لين المغرب اذا ماتثبت لحد يداوم السبت ليه تدامون

يعني مانحط الجدول وكيف بيعطونا محاظرات واحنا اساس التسجيل معلق :24_asmilies-com:

فا تسجيل لو استمر على هذا الحال ماراح اداوم هذا الاسبوع كله :24_asmilies-com:

[همس**]

:love080::love080::love080::love080::love080::love 080:

[s.h.k.11]

نفس الشئ يطلع لما اضغظ تسجيل في عربه التسوق

ليس لديك موعد تسجيل صالح حاليًا.:017::mad:

[Dua'a Hussain]

تعبت منهم !! :icon9:
كل يووم يأجلووا :000:

[همس**]

نامووووووووووووووووووو وغيبوووووووووووووووووووووووووووووووووووو
:mh318::mh318:

[Dua'a Hussain]

بنـــآت مآأحد عرف وش سالفة رقم الإذن ..!؟ :(107):

[Dua'a Hussain]

أنآ بعد يطلع لي ان ماعندي موعد تسجيل صاالح

:000:

[ميووشه]

مرحبا بنات
أنا تسجلت معي المواد , جربوا الحين :119:

[s.h.k.11]

انا ماده المهارات الاتصال ماتسجيل ماادري فيدوني لما اضغظ انهاء تسجيل تطلع لي الرساله



You have selected Subject ENGL - 202 , Course Id - 804990 from different Academic Advisement, Please select Course Id from your Academic Advisement Program CSCFQ.

ماادري ايش اسوي ساعدوني :Cry111:

[ميووشه]

أنا مافهمت ع الرساله ="
..
بس يمكن الوقت للشعبه صار مليان
احذفي الماده من المخطط وارجعي ضيفيها واختاري وقت ثاني
ان شاء الله يضبط .

[s.h.k.11]

هذا معناها

لديك اختيار الموضوع engl -- 202 رقم الدورة -- 804990 من المتأنية الأكاديمية المختلفة ، الرجاء تحديد رقم الدورة من الأكاديمية المتأنية الخاص cscfq البرنامج.

[وردة البستان]

السلام عليكم ورحمة الله وبركاته
مثل ماهو واضح في العنوان
أحد تسجل عنده مهارات الاتصال؟؟
وسلامتكم
:119:

[s.h.k.11]

لا ماادري ايش اسوي
لما سئلت البنات قالوا احذف الماده واضيفها من جديد الى المخطط ولما سويت مثل ماقالت ماينقل الى التيرم الثاني
ماادري ايش اسوي :Cry111:

[s.h.k.11]

بس لما ضفت الماده مااقدر انقلها الى الترم الثاني
مره خايفه ساعدوني :Cry111::mh12:

[Dua'a Hussain]

بنات منو في مستوى ثاني وقدرت تسجل ؟؟

[Dua'a Hussain]

تسجلوا عندك بآقي المواد ؟؟
انا يطلب مني رقم الإذن

:Cry111:

شسوي ؟؟

[s.h.k.11]

اي تسجلوا

[! مالي داعي !]

بناتّ مهارات الاتصال ماشفتها ! :000:
بليز ابي رد سريع :(

[! مالي داعي !]

:Cry111:

[الرسمية]

و انا بعد عندي نفس المشكلة

[الفجر المستحيل]

مهارات الاتصال في حرف e

[! مالي داعي !]

بنات انا سجلت 4 مواد بسبب مهارات الاتصال ماشفتها ولا موجوده بال E
لين متى مفتوح التسجيل

يعطيكم العافيه :love080:

[الفجر المستحيل]

احنا سجلنا كيف مو موجود
Communications Skills (javascript:submitAction_win0(document.win0,'CRSE_ TITLE$90');)

لما تختاري حرف e روحي الي اللغه الانجليزيه

[أم ريم]

يا جماعه انا سجلت لنفسي و لوحدة و ضبط،،،و لما جيت بسجل بعد لوحدة ثانيه مجرد ما اروح للمخطط يطلع لي ليس لديك صلاحيه الوصول و حتى لما ادخل عربة التسوق يطلع لي نفس الكلام ما يخليني حتى اشوف كتالوج المقررات و هي حاملة التصميم بس و نفس المادة انا سجلتها لنفسي كيييييييييييف

[عرب نوكيا]

:017::017::017::017::017:
الى متى
منفي المستوى الرابع سجلت لان حتى الكتلج مايطلعلي
:017::017::017::017::017::017:

[! مالي داعي !]

ياربّ بس ان كل ما اسجل تطلع لي عله :017:

يومّ جيت اسجل مهاراتّ الاتصال طلع لي هذا

You have selected Subject ENGL - 202 , Course Id - 804990 from different Academic Advisement, Please select Course Id from your Academic Advisement Program CSCFQ.

معناه

لديك اختيار الموضوع ENGL -- 202 رقم الدورة -- 804990 من المتأنية الأكاديمية المختلفة ، الرجاء تحديد رقم الدورة من الأكاديمية المتأنية الخاص CSCFQ البرنامج.

ما فهمتّ :icon9:

:love080:

[وردة البستان]

إيــــــــــــــــــــــه حتى أنا من امس وتطلع الي هذي الرساله واليوم تسكرت الشعبه الي ابيها:017:
واذا اسجل في شعبه غير يطلع لي تعارض:mad:

[عرب نوكيا]

بنات الي راحت الكليه تعطينا ويش صار معاها

[همس**]

بنات انا سجلت 4مواد باقي لي اداره الشبكات
عزت اسجلها يطلع لي تعارض
والمشكله ماقدر اغيرها مع ماده ثانيه
مدري لي :Cry111::Cry111:
هلب مي

[Dua'a Hussain]

رحت الكليه اليوم وسألناهم عن الاتصالات والشبكات
قالوا لنا ان فيه خلل في الموقع
وهم يعملون على إصلاحه ..

[عرب نوكيا]

:sdfgdsf::sdfgdsf::sdfgdsf::sdfgdsf:
خلاص فقع راسي من هدا الموقع العالمي
مايفتح و ادا فتح بالغاط يقول لي ليس لديك الصلاحيه للتسجيل في هدا الوقت
:017::017::017::017::017::017::017::017::017:
و المشكله ان انا في استراليا و مايمديني اسوي شي غير اني احاول
ما برجع الا بدايه السبوع الجاي يارب سترك
هي كلها ماده وحده ادارة شبكات وفففففففففففففففففف

[Dua'a Hussain]

أنتي أي مستوى ؟؟

[s.h.k.11]

اهلين بنات انا رحت اليوم بسبب الرساله اللى تتطلع لي لما اسجل مهارات وقالت لي استاذه عزيزه انهم بيصلحوا الموقع وافتحه الساعه 6 بس لما فتحته تطلع لي نفس الرساله ايش اسوي ساعدوني :Cry111::mh12:

[Dua'a Hussain]

بنات سجلت كل المواد بس الاتصالات للحين ماتسجلت ..
قالوا لنا ان المشكله بتنحل
وللحين ماصار ششيء :000:

http://im11.gulfup.com/2012-01-28/1327769632981.png

[Dua'a Hussain]

مشكله من نفس الموقع ..

[همس**]

بنات انا سجلت 4مواد باقي لي اداره الشبكات
عزت اسجلها يطلع لي تعارض
والمشكله ماقدر اغيرها مع ماده ثانيه
مدري لي :Cry111::Cry111:
هلب مي

[همس**]

انقذوووووووووووووووووووووووووووووووووووني يااااصبايااااااااا:mad::mad:

[مرسي* الامان]

بناات يمكن له علاقه بحمل مادة انجليزي 3:000:

[وردة البستان]

لا اتطمنو ماله علاقه:(269):

[مرسي* الامان]

يعيني المشكله من الموقع

[reema_122]

انا مو راضيه تتسجل ويآي هالماده

والموقع حده فاشل بسس يتعذر مو راضي يفتح وياي ابد

:bawling::bawling:

[وردة البستان]

مين ينقذ مين كلنا محتاجين انقاذ ضيعو وقتنا حسبي الله عليهم
الناس تطور واحنا الحمدلله رب العالمين
أقول قومونامو أبرك لكم:24_asmilies-com:

[s.h.k.11]

اخاف تروح علينا الماده:Cry111:

[بيان حسن]

سؤال

الحين انا سجلت ال4 مواد
بعدين تصلح عطل اتصالات نقدر نضييفها على المواد المسجله ؟؟

[Dua'a Hussain]

فتره التسجيل مستمر ليوم الثلاثاء ..
إنشآءالله يتم إصلاح العطل في اقرب وقت :119:


:106:

[wadiah]

لا بنات حاولوا تسجلوه
لان اني امس تسجلت لي
يمكن في تعارض في الجدول

[أمبراطورة الذوق]

يعني العطل منهو :(177):

[ra7lt]

سلآم ..
كيفكون بنآت ..؟
ي ليل و قسسماً حآسووآ أهلنـآآ ..
ممكن أحد من المستوى الثآني يحط جدوله هون ..؟
ولآ يقول لنآ مثلاً مآدة البرمجه في الاسبوع ساعتين عملي وسآعه نظري وكيذآآ
لآنه ما عررفت لها :icon9:
ومو فآهمه كم مطلوب محاضرات لكل مآدهـ .. :bawling:
بأنتظآركم ..

[تبولهـ ـالدوسري]

انا كمااااااااااااان اعــآآآني:bawling:

[albt00l_]

انا بعد اعاني
اخذت جدول وحده من صحباتي اسوي زيه بالضبط طلع عندي مشكله بالمهاره وصاحبتي ضبط معها ايش السبب مادري مستحيييييييييييييل يكون تعارض كيف يكون تعارض معي ومع صاحبتي لا ؟ فيه سبب ثاني مادري وش؟؟؟؟؟:Cry111:

[عرب نوكيا]

أنتي أي مستوى ؟؟
في المستوى الرابع

[وردة البستان]

خطأ في تكامل البيانات (124,85)

هيكل البيانات في الصفحة غير مطابق لهيكل البيانات في قاعدة البيانات. ممكن أن يكون السبب لهذا حصول تعديل في تعريف السجل أثناء عرضك للصفحة. هذا الخطأ غير قابل للاسترداد وسيؤدي إلى إحباط المعاملة الحالية

طيب أنا وش دخلني في هالخطأ:017::(177):

[Dua'a Hussain]

للحين ماصار شيء على الاتصالات والشبكاات :(177):

[Dua'a Hussain]

مو فآهمه كم مطلوب محاضرات لكل مآدهـ ..


عدد الوحدات المكتوبه عند كل ماده هي عدد المحاضرات

[Sara Ali]

موفقين ي رب
الله يسهل اموركم بنات
اعذروني مارديت ع استفساراتكم ماكنت موجوده بالسعوديه
والنت بطئ عندي :) ..

دعاء
تعرفي الماده كم ساعه يبي لها من ارقام الشعب
يعني مادة البرمجه معروف لها شعبتين نظري وشعبتين عملي

والمواد الباقي كذا :) ..

الله يوفقكم ويسهل اموركم

وادعو لي يضبط وياي الجدول وافتك

[Dua'a Hussain]

انا خلصت تسجيل
بس بآقي لي مآدة الاتصالات
وردي كان إجابة على سؤال ra7lt
:biggrin:

[Dua'a Hussain]

بنات ..
بما إنه الدراسه صارت بكالريوس
فهل بتزيد مدة الدراسه ؟؟ :(107):

[Sara Ali]

الله يعين
بسبب المهارات

تقفلت الشعب عندي ><

[Sara Ali]

اوووه يعني

هههه سوري لان شيكت ع آخر الردود بس :)


اممممم ماسمعت ان الدراسه بكالريوس

[Dua'a Hussain]

خالتي اتصلت بالجامعه وقالوا لها
ولو دخلتي الموقع بعد
مكتوب ان بكالريوس

[Dua'a Hussain]

http://im10.gulfup.com/2012-01-29/1327828690181.png

[Sara Ali]

بس اتوقع ان البكالريوس مثلاً يبدأ من الدفعه الجديده او دفعتكم

مايندرى عنهم ><

[Dua'a Hussain]

ايي من دفعتنا
الدفعه اللي قبلنا بتتخرج دبلوم

[زهآآري]

:Cry111::Cry111: ليش كذا يظلموناا

طيب اذا نبي بكالريوس يعني شنوو

[zainob]

انا تسجلت عندي

بس صديقتي صارت عندها نفس المشكله:(177):

[s.h.k.11]

كل يوم يقولوا لي اراجعهم بكره صارلي يومين اروح الكليه ع الفاضي
ولما سئلت المشرفه اني اقدر ادرس الماده لين يصلحوا الموقع وتتسجل الماده لي قالت لي لا
طيب ايش الحل :017::mad:

[! مالي داعي !]

المطلوب انيّ اضيع سنه من عمريّ عشان خطا من الموقع !
حسبنا الله ونعم الوكيل بس

[Sara Ali]

حسبي الله عليهم

طيب اللي راحو
متى يفتحو الباب للخروج ؟!

[برنسيسهـ]

غريبه تسجلت الماده عندي وعند كل خوياتي

[s.h.k.11]

طيب كيف تسجلت ممكن تقولين لينا يمكن يضبط عندنا:sdfgdsf:

[برنسيسهـ]

نفس الطريقة المواد الباقيه

[A.Aldossary]

طيب بنااات انا لين الحين تطلع لي الرساله اخاف اروح بكره ويقولون انتظري لين يتصلح الموقع
والشعب تقفل :000: شالحل مع هالرساله

[s.h.k.11]

انا رحت اليوم وامس وقالوا اراجعهم بكره الله يعين بس والله استمليت:24_asmilies-com:

[A.Aldossary]

وليه تراجعينهم يعني بيسجلون لك شي ولا بس كذااااااا

[وردة البستان]

مكتوب باكالريوس من اول مافتح النظام يعني من العام :119:

[وردة البستان]

أنصحكم لاتروحون ولاشي لأن مابتستفيدون من روحتكم الاالتعب وضيقة الخلق الخلل في النظام مافي شي بإيدهم يسونه لكم:119:

[! مالي داعي !]

والله احترنا نروح ولا لاّ
المشكله انا ساااكنه بقريحّ :biggrin: ( الراكهّ )
يعني ودي اروح واجي بفايده :icon9:

ويقولونّ يوم الثلثاء راح يقفل التسجيل !
يعني تهقونّ راح ندرس هالماده بعدين !
الصراحه شي يضحكّ هههههههههههههههههههه :biggrin:

[وردة البستان]

إي والله شر البلية مايضحك:biggrin:
باقول لكم شي ريحو حالكم وطنشو السالفه اهم شي ضبطتو جدولكم واخترتو الماده ولا فيه تعارض والشعبه مفتوحه
:oao:

[عرب نوكيا]

يابنات ساعدوني بليز بيليز بليز
اني حامله مادة وحده و هي اداره شبكات و كل ما ادخل اقول ليس لديك الصلاحيه ارجو احد يساعدني بليز ابي ادرسها السنه و افتك مع العلم اني ناجحه في جميع المواد الباقيه

[hnyeef]

ااااااااااااااااااااه يابناااات كليه العفن متى راح يضبطون حسااااااااااااابي ولا ماده تسجل غير مصرح لي وش اسوووي رحت لهم امس مع اني من الخبر وطاقه مشوار وقالوا خلاص بنحل مشكلتك وللحين نفس الشي
تهقون وش السوووااه ؟؟؟؟؟؟؟؟؟؟؟؟:000::icon9:

[وردة البستان]

السواه طنش تعش تنتعش:wink:

[Sara Ali]

ااااااااااااااااااااه يابناااات كليه العفن متى راح يضبطون حسااااااااااااابي ولا ماده تسجل غير مصرح لي وش اسوووي رحت لهم امس مع اني من الخبر وطاقه مشوار وقالوا خلاص بنحل مشكلتك وللحين نفس الشي
تهقون وش السوووااه ؟؟؟؟؟؟؟؟؟؟؟؟:000::icon9:

سوي طلب موافقة المرشد الاكاديمي


:24_asmilies-com:

مليت من الجدول العفن

المهارات يطلع لي دالة غير صحيحة

[Sara Ali]

عرب نوكيا
سوي طلب موافقة المرشد الاكاديمي :)

اتبعي الخطوات من هنا
http://www.youtube.com/watch?v=3IPXXYx8RYE&feature=youtu.be

[عرب نوكيا]

مشكوره ساره بس مايزبط معاي مايطلع لي رقم الفصل
ماعليه لو تقدري اتوفري ليي رقم الكليه او ايميلها لان راسلتهم على الايميل الي موجود بالمنتدى من يومين و ماحد رد عليي

[الدلوعه كيمو]

مشكوره ساره بس مايزبط معاي مايطلع لي رقم الفصل
ماعليه لو تقدري اتوفري ليي رقم الكليه او ايميلها لان راسلتهم على الايميل الي موجود بالمنتدى من يومين و ماحد رد عليي

رقم الكليه / 038542487:(269):

[albt00l_]

انا ارسلت للمرشده بس ماردت علي وش الحل ؟
مرسلته من امس نفس الخطوات وتم بنجاح الحل بليييييييييييييز

[أمبراطورة الذوق]

انا سويت نفس الجدول لي ول8 من صديقاتي 3 منهم المهارات ماتسجلت الله يعين بسس
مالنا الا الصبر ونششوف وش النهايه :(177):

[Sara Ali]

بتول مين المرشده حقك ؟!

انا مرشدتي :71:
أعطتني موافقه
بس ما انحلت مشكلتي
وَ راسلتها على بريدها وسجلت مشكلتي وقالت بتعطيني رد

[Sara Ali]

امبراطورة

خليهم يجربو يطلبو موافقة المشرف الاكاديمي

[وردة البستان]

لايجربو لاشي أنا جربت من يوم الجمعه والى الحين نفس الحاله:017::mad::icon9::bawling::Cry111:

[وردة البستان]

وش معنه أنا ماردت علي وانا مرسلتا لها من يوم الجمعه :mad:

[Sara Ali]

عادي خلهم يجربو
انا رسلت طلب موافقه

ووصلتني بعد 10 دقايق :)

[Sara Ali]

وردة
انتين منو مشرفتش ؟!

[وردة البستان]

عهود السبيعي وانتي مين؟

[وردة البستان]

ههههههههه
وأنا ارسلت من يوم الجمعه وللحين لاحس ولاخبر
يلاجربو بنات واعطونا خبر شيصير معاكم
:119:

[وردة البستان]

وأبشرك اليوم رسلت اعلام بعد :(269):

[Sara Ali]

انا مشرفتي امل الخرساني :)

[Sara Ali]

ههههههههههههه
الله يعين اجل

اعلام ؟! وشو اعلام :24_asmilies-com:

[وردة البستان]

والله مدري بس في البيبل زفت لما تروحي للمشرف الاكاديمي وتحدديه يطلع لك اذا تبي ترسلي اله اعلام وكتبت مشكلتي ورسلته لها:41jg:

[وردة البستان]

سارا علي يعني بكرا أروح وأهاوشها يمكن ينفع؟
معني غاسله ايدي من الروحه قلت مبروح الا السبت:(269):

[Sara Ali]

ههههههههههههه مدري يمكن ما تلاقينها

ههههههههههههه
اليوم صاحباتي راحو يدورو مشرفتهم

تدري وينها

هههههههاي مساااافره :mh001: