سداد رسوم الجامعة عبر الانترنت ( المباشر للأفراد)

[أبــو الـولـيـد]

عزيزي العميل، لقد تم تفعيل المدفوعات والفواتير ادناه بنجاح. بإمكانك دفع الفواتير المستحقة.

الوصف المفوتر رقم حساب المشترك الحالة
رسوم الجامعة جامعة الملك فيصل 212579885 نشط
https://www.almubasher.com.sa/retail/p/img/blank.gif

تم إضافة رسوم الجامعة لقائمة الفواتير الخاصة بي عبر خدمة المباشر من مصرف الراجحي ..

الطريقة مررره سهله .. كأنك تضيف فاتورة جوال أو كهرباء

[aseel.w]

تمنياتي لك بالتوفيق :106:

كل شئ سهل بس بشويش :biggrin: وبدون توتر يتم

[اداري طموح]

سلام عليكم ابو الوليد .. كيف الحال ياطويل العمر؟
مبروك عليك السداد وبالتوفيق.
والله يا اخي الكريم اليوم كنت متحمس اسدد الرسوم اللي علي وسارت لي قصة طويلة اشبه بمسلسل مدبلج :biggrin:
بختصر لك السالفة ..
طبعا سجلت موادي ورحت على الخدمات الطلابية وبعدين دخلت على الاستعلام عن وضع الطالب المالي عشان اتأكد وفعلا حصلت المبلغ المستحق علي .. المهم قلت بجرب اسدد عن طريق السداد من خلال الانترنت المصرفي واضفت الفاتورة ووضعي اوكي بس عند المبلغ المستحق يطلع لي اصفار 000 ولما احاول ادخل المبلغ المطلوب يدوي ما اقدر المهم قلت بكلم خدمة العملاء اللي حسابي فيه ورد علي الموظف قال شيك مع شركة سداد ( قلت يالليل مطولك يالليل ) قلت له ابشر واخذ رقم شركة سداد ومكانهم بالرياض واكلم الموظف قالي ارجع للجامعة يمكن مافعلوا رقمك الجامعي قلت له كل شي اوكي من ناحية الجامعة لان المبلغ كتبوه لي بالخدمات الطلابية ابي اسدد ياناس قال كلمهم الله يرضى عليك .. بصراحة عصبت شوي :017: قلت خلاص الله يعيين بس بنجلس على هالحال من مكان لمكان:Cry111: ... المهم حاولت اكلم الدكتور عبدالله النجار على هاتفه ولا في اي رد الى حزتك هذي .. اخرتها تحطمت وقلت مدري وش اسوي والضاهر اني بروح اودع من بنك الرياض واريح نفسي من هالحوسه بس مادري احتاج اروح البريد وارسل ورقة الايداع ولا لا ؟؟ ياليت تدلو بدلوك وتعطيني رايك ياطويل العمر وسوري على هالتفصيل الممل :biggrin:

تحياتي لك

[New LiFe]

اداري وانا اخوك لسى مانزلوا الجامعة المستحق على الطلاب بنظام سداد

انت الحين لما يكون معك جوال والفاتورة رابطها بحسابك في البنك ،، وجاي قدامها اصفاااار
معناه لسى ماصدرت الفاتورة .. هذا اللي صاير مع الجامعة الحين لسى مانزلوها
اتوقع لسى ماربطوا الرسوم بالارقام الجامعية ،، ترا هذي صاير معي ومع كل الطلاب
انا مسجل الفاتورة برقمي الجامعي ولسى اصفار ..

بس الحين سؤال .. وراك مستعجل بالتسديد :biggrin:
باقي شهر تقريباً .. ونصيحة لا تروح تودع ،، اذكر الجامعة وقفت هالشي واخاف
تودع وتجلس سنة ماوصلتهم ويتأخر تسجيلك

[اداري طموح]

New life
اخوي توقعت يفعلون خدمة سداد لان اليوم بدأ السداد وفيه طلاب سددوا من قبل وغير كذا المبلغ المستحق مذكور في الخدمات الطلابية وكاتبين لم يتم السداد الى الان.
شكرا على ردك :106:

[New LiFe]

new life
اخوي توقعت يفعلون خدمة سداد لان اليوم بدأ السداد وفيه طلاب سددوا من قبل وغير كذا المبلغ المستحق مذكور في الخدمات الطلابية وكاتبين لم يتم السداد الى الان.
شكرا على ردك :106:
صادق ، انا ربطت الفاتورة قبل يومين وكانت اصفار ، توقعت ان المبلغ بينزل اليوم استغربت لما شفتك تقول ان حتى الحين ماربطوها .. عسى مايتأخرون بس

[ضوء الحب]

هل حان وقت سداد الرسوم؟

[مدرك]

الله يعز البنك الاهلي

[اداري طموح]

:(269):

[أبــو الـولـيـد]

للعلم انا مابعد سددت المبلغ ..

فقط أضفت الفاتورة لقائمة الفواتير في حسابي .. وسويت لها تفعيل فقط ....

وراح اسدد الأربعاء .....

بس حطيت المبلغ يدوي وقبل معاي بس ماكملت العملية ....

[لولوجده]

الله يعين :biggrin:
/

بالنسبه للي يسأل اذا اودع من بنك الرياض وكذا
اتذكر انه مايرسل السند بالبريد
لكن يرفعه لموقع الجامعه عن طريق السكانر :(269):

[أبــو الـولـيـد]

سلام عليكم ابو الوليد .. كيف الحال ياطويل العمر؟
مبروك عليك السداد وبالتوفيق.
والله يا اخي الكريم اليوم كنت متحمس اسدد الرسوم اللي علي وسارت لي قصة طويلة اشبه بمسلسل مدبلج :biggrin:
بختصر لك السالفة ..
:biggrin:

تحياتي لك

وعليكم السلام ورحمة الله وبركاته ,,,

اعتذر اخوي عن التاخيررر ..

ويقولون طويل العمر إبليس !!!!!ههههههههههههههههههه:(284):

مدري والله انا اضفت الجامعة عندي بخدمة المباشر .. وراح اسدد الأربعاء ان شاء الله .. حسابي مافيه رصيد يغطي المبلغ ....

ابشرر اول ما يصير معي شيء راح ابلغك ..

وللعلم نهاية التسديد في 30 ربيع أول يعني تونا باقي شهرررررر