خاص بشباب وبنات المعهد الي يدرسوون نبي منكم الافاده

[(الوفا طبعي)]

السلام عليكم ورحمة الله وبركاته
طرحت المووضوع نبي الافاده من الي يدرسون بالمعهد المانع !
*
#كيف وضع الرسووووم ؟ انتم قالو لكم دفعو رسووم ؟وكم ؟

#كيف وضع الدراسه ؟

#هم قالو لنا نفتح حساب بنك الهولندي؟ ليـــــه!!؟


# وهل يوجــد سكن ؟؟؟ّّّّ

[متأمله بالله]

السلام عليكم ورحمة الله وبركاته
وعليكم السلام والرحمه
طرحت المووضوع نبي الافاده من الي يدرسون بالمعهد المانع !
مو دارسه بالمعهد بس اعرف ناس تدرس به يعني مو ملقوفه حيل :hahaha_2008:
#كيف وضع الرسووووم ؟ انتم قالو لكم دفعو رسووم ؟وكم ؟
ماقالوا يدفعوا سلموهم عقد حالهم حال المستجدين الحين بحيث اذا مادعمتهم الموارد يدفعوا
بس اذا دعمتهم مايدفعوا اي مبلغ اذا كانوا دبلوم بس اذا بكالوريس في مبلغ يدعمه الموارد ومبلغ تقريبا هم يدفعوه

#كيف وضع الدراسه ؟
مابعرف ناس تمدح وناس تذم
#هم قالو لنا نفتح حساب بنك الهولندي؟ ليـــــه!!؟
عشان تنزل المكافئات على حسابتنا اذا دعمتنا الموارد ان شاءالله

# وهل يوجــد سكن ؟؟؟ّّّّ
للطلاب ماسمعت انه فيه ابداً السكن للطالبات فقط
واعتقد full ..
بالتوفيق صحيح مستجده بس قلت افيد :119:

[(الوفا طبعي)]

مرحبا متأمله بالله يعطيك العافيه على ردك
والله يبرد قلبك مثل مابردتي قلبي!!!

[joker]

الاخت قالت كل شي

بس حبيت اقولك ان السكن ما في حق الطلاب

في مطالبات من بعض الطلاب انهم يرجعون السكن
بس ما ادري عنهم انا بالضبط



و بالتوفيق للجميع

[مبتدئه طبيه]

بو عبد الرحمن

<< توكل ع الله

كــل شي بينحــل والبركــــه بالشبــاب اللـــي هنـــاك :d5:

كل شي ميســـر ليكــم

بس ذاكـــر عدل :150:

[ريحانهـ]

مبتدئة طبية انتي تدرسين هناك صح ؟

ياليت تفيدينا وتردين على الاسئلة :119:

وكمان الا يدرسوون هناك يطمنونا الدراسة هناك كيف تمام والا :g2:

[(الوفا طبعي)]

بو عبد الرحمن

<< توكل ع الله

كــل شي بينحــل والبركــــه بالشبــاب اللـــي هنـــاك :d5:

كل شي ميســـر ليكــم

بس ذاكـــر عدل :150:

هلا بك مبتدئة طبية انتي مسجله معنا
والنعم بالله و توافيق للكل

[مبتدئه طبيه]

احمممم

أنـــا أدرس هنـــاك ذي السنــــه الثانيـــة << تخصص تخــدير

واللــــه الدراسه حلووه هنــــاك بــس التعامــــل هوو مو حلو مافـــي نظام وكل يووم نادونا علشان أورااق وأنظمـــه جديده طبعــا

يبغوهم في نفس الوقت مايمدك تفكر عن شنو << يعني بالعربـــي غصباً عنـــا نوقع

بــس الدراســـه ماعليها كلاااام

[وردهـ ذبلانهـ]

هلا اخوي
مبروك قبول االطالبات والطلاب الجدد
والرد على اسئلتكم واضح
*
#كيف وضع الرسووووم ؟ انتم قالو لكم دفعو رسووم ؟وكم ؟

الطلاب والبطالبات السعوديين الجنسيه مدعومين الف بالمئه من قبل الموارد البشريه ولافي كلام على هالموضوع
يعني دعم الموارد يسددون عنا رسوم الدراسه وبعد التوظيف ياخذون من الراتب لاكن احنا الجدد مايشملنا نظام انهم ياخذون من الراتب عندهم بس شرط نشتغل عندهم على عدد السنوات الي درسناها عندهم ولاياخذون من الراتب شي
او اذا تبي تطلع من المانع بعد التخرج تسددلهم رسوم الدراسه وتروح تشتغل مكان ثاني وهذا كلام الاستاذ فاضل مسؤال الموارد البشريه

#كيف وضع الدراسه ؟

الدراسه تمام التمام اناادرس سنه تحضيريه ومتخصصه بكلوريوس صيدله ومركزين علينا والله ماخلو شي روعه ولا عمري ندمت اني ادرس في المانع
ولافي كلام اقدر امدح فيه الدراسه اكثر من كذا وربي يشهد على كلامي
#هم قالو لنا نفتح حساب بنك الهولندي؟ ليـــــه!!؟
فتح الحساب عشان اذا بينزل دعم الموارد البشريه الفلوس تنزل على حسابك وبأسمك
كانك يعني تدفع رسوم الدراسه بس عن طريق الموارد البشريه بس ينقص 12 الف من دعم الموارد
انت تدفع سته والسته الثانيه بعد التوظيف تسددهاوبعد الحساب يفيدك في المكافئات لان تنزل لنا مكافئات على حساباتنا

# وهل يوجــد سكن ؟؟؟ّّّّ
الاخوان وضحولك مايحتاج اعيد كلامهم
والله على مااقول شهيدا

انشالله اني نفعتكم
مع تحياتي حساويه مشهوورة:g11:

[(الوفا طبعي)]

يعطيك العافيه اختي :حساويه مشهوره
ودعواتك لنا بالتوفيق
وشاكر على ردودكم

[(الوفا طبعي)]

اختي :مبتدئة طبية
كيف وضع الدراسه في قسم التخدير يقولون صعب وانا خايف من ذاء الشي
انتظر ردك

[♥╠ טּـقآء !]

الطلاب والبطالبات السعوديين الجنسيه مدعومين الف بالمئه من قبل الموارد البشريه ولافي كلام على هالموضوع

أختي البنات يقولوا قالوا لهم أنو عدد محدود من الطالبات
بس اللي أعرفه عن الدفعات السابقه .. حسب ماسمعت كل اللي يبغى دعم .. دعموه في الموارد

:Cry111:

[وردهـ ذبلانهـ]

هلا اختي رحيل روح
لاتخافين وتطمني الكل مدعومين من الموارد مافي احد مايندعم الكل مدعومين وهذاكلام الادارة
وبالتوفيق:g8:

[♥╠ טּـقآء !]

تسسلمي حبيبتي طمنتيني .. الله يوفقش يارب
أختي أنتِ بدأتي تخصص ولا لا ؟!
أني عندي تيرم من السنه التحضيريه وببدأ .. السنه الجايه
فحابه أعرف عن التخصص .. وهل هو حلوو ولا بس يشيب الراس
( أحسه حلو ويشيب الراس بنفس الوقت )

[ام حور]

بنات يعني في بنات بس يدرسوا نصف ترم بعدين يتخصصوا
وابغى اعرف يعني وشوا لفيل ون وليفل تو
وبعدين بسكم تحطيم بالمكان حاولوا تخلوها حلوه بنظركم عشان تحبوا الداسه فيها

[شمووعه]

ام حــور
اي نعم فيه بس نص ترم ويتخصصو

الفرق ياطويله العمر
لفيل ون معناته تدرسي سنه تحضريه كامله

ولفيل تو يعني تدري بس نص ترم وتتخصصي

[وردهـ ذبلانهـ]

هلا رحيل الدراسه روعه في المانع
انا الحين ادرس تحضيري السنه الجايه بادرس تخصص
تراالصيدله صحيح صعبه بس ممتعه اكيد
وباالتوفيق:g11:

[♥╠ טּـقآء !]

يؤؤ يعني بنصير مع بعض
لأني بس بدرس فصل دراسي والسنه الجايه ابدأ تخصص
خلاص تلتقي هناك أجل
جميعاً يارب حبيبتي

[ام حور]

طيب اختي حساويه مشهوره حبيت اسئلك
كيف اللغه يعني تعليمهم للانكلش تمام
لاني حابه اكسب لغه

[مبتدئه طبيه]

اخــــوي بو عبد الرحمن

اصلاً القســــم جديــــد وأنــــي أكووون من أوول دفعه

<< حط في بالك اي مجال طبي لا زم يكوون في صعوبه

بس القسم الكل يمدحه وبالنسبه لي قسم حلوو وأكشن

بس لا يهمـــك من ينزل جدولــي باعلمك انه صعب ولا لا

[وردهـ ذبلانهـ]

هلا ام الحور تمام كل شي انجليزي مافي عربي

[شمووعه]

حساويه بسـألك

المكافئه كل شهر لو ..؟؟
وكم تكــون ..؟؟

ويصير ندفع 6000 اقساط ؟؟

[(الوفا طبعي)]

اخــــوي بو عبد الرحمن

اصلاً القســــم جديــــد وأنــــي أكووون من أوول دفعه

<< حط في بالك اي مجال طبي لا زم يكوون في صعوبه

بس القسم الكل يمدحه وبالنسبه لي قسم حلوو وأكشن

بس لا يهمـــك من ينزل جدولــي باعلمك انه صعب ولا لا


هلا مبتدئة طبيه
انا بتجه في ذاء المجال وعلى الله وعلميني عن جدولك وكيف وقت الدراسه صباح ولا مساء:mh19:

[فراولة الشوق]

يالله المستعان بس من تقلبات الجو مع خالص حبي وتقديري

فرآولة الشوق

[مبتدئه طبيه]

هلا فراولـــة

أي تقلبــــات اللـــي تقصدينـــها <<< شكلـــه عندك أستقرار

اقووول لحقـــي ع عمرك

ههههههههههه

تحياتــــــي يا أم الأستقرار