my Dreams
2012- 1- 28, 09:36 AM
" موضوع انزلته الترم الماضي وعدلته وانزله الان للفائدة "
صبحكم الله بالخير
خواتي واخواني المستجدات والمستجدين صبحكم الله بالخير وزي ما تشوفون العنوان يحكي عن نفسه
اكبر منك بيوم اعلم منك بسنة عشان كذا ابي اعطيكم شيء من علومنا عشان لاتقول ما احد علمنا وتهاوشونا
نبتدي بسم الله :
· البلاك بورد هو اهم شيء بدراستنا فيه محاضراتنا وواجبتنا ومشاركاتنا يعني بالعربي هو الكل بالكل وهذا يبيله جلسه طويله لانه محور حديثنا اليوم . واهم شيء فيه انكم تنظموا وقتكم زين ما زين كل واحد يسوي جدول لكل مادة يحط فيها اربع خانات وحدها للواجبات والثانية للمحاضرات المسجلة والثالثة المحاضرات المباشرة والاخيرة لمنتدى الحوار حط 14 فراغ وحط صح لما تسوي مشاركة او تحل واجب او تنزل محاضرة او تشوفها بالموقع .
· الواجبات سهلة وهي 3 واجبات طوال الترم لا تستعجل بحلها راح تبقى لمدة اسبوعين وبعض الاحيان اكثر قبل ماتقفل وبعضها فيها ثلاث محاولات للحل وبعضها محاولة واحدة أو ثنتين فلا تصير حقنه وتستعجل راح تلاقي الحل موجود بالمنتدى هني فلا تحاتي . ودرجات الواجب عشر درجات من درجات المشاركة .
· المحاضرات المسجلة عددها 14 كل اسيوع تنزل محاضرة وهي موجودة طوال الاسبوع يعني 7 في 24 اقصد سبعة ايام في اربعة وعشرين ساعة نزلها بجهازك وتحسبلك الدرجة . يعني حملها بس ولو ما شفتها بس لا تعلمون احد اني خبرتكم :(269): ودرجاتها 7 درجات من درجات المشاركة .
· المحاضرات المباشرة وهي 3 محاضرات بالسنة وهذي تكون صوت وصورة مكرفون وحركات بس يصير فيها ضغط رهيب اكثرنا ما نقدر ندخل من كثرة الضغط على الموقع لكنها تنزل بعد يومين مسجلة وسواء حضرتها لايف او نزلتها مسجلة راح تنحسب لك درجاتها وهي ثلاث درجات من درجات المشاركة .
· منتدى الحوار وهذا بيت القصيد واللي يطلع الضغط والسكر بس للمتأخرين اللي ما يشاركون اول باول اما اللي مجتهدين ومبكرين راح يكون عليهم بردا وسلاما وهو سهل بالحيل تشارك لكل مادة 14 مشاركة الدكتور ينزل سؤال عبارة عن مشاركة جاوب عليه وتحصل على الدرجة وتراه مفتوح 7 في 24 ادخل باي وقت بس بعض المناقشات لها موعد محدد يعني تبقى لمدة اسبوعين وتقفل علما بان درجات منتدى الحوار 10 درجات من درجات المشاركة .
· اخيرا اقول للجميع البلاك بورد جهد بشري يتعرض للتوقف والصيانة والاقفال من كثر الضغط عليه من الطلاب والطالبات وخصوصا ايام الاختبارت وما قبلها عشان كذا زهب امورك من بدري اول باول وما راح تواجه أي مشكلة مع هذا الحبيب اللي يقاله البلاك بورد .
· ختاما اقول لكم مع تمنيات لكم بعام حافل وجميل ان الجامعة قدمت لنا هذه الثلاثين درجة حق المشاركة كهدية فلا نضيعها من ايدينا . وبكذا اقولكم منورين وفالكم التوفيق .
احبابي في الله لا تشيلوا هم ولا خوف ولاقلق ترانا موظفين ونعيل اسرى ويالله نلاقي الوقت لدروسنا ومع كذا كل شيء مسهل وميسر بهذا المنتدى المبارك ملازم وملخصات وواجبات ياربي لك الحمد تعاون من الكل كانهم في بيت واحد والشهادة لله .
احبابي في الله مافي داعي للقلق والخوف من الوقت ابدا ترى يمديك تذاكر وتجيب الدرجات العالية ولمعلوماتكم درجات المشاركة 99% من الطلاب يحصل على الدرجة الكاملة او نقول 95% واسئلة الاختبارات سهلة بالحيل كلها اختيار متعدد .
احبابي في الله انتهى الاسبوع التمهيدي للمستجدين والحين ابتدى الجد والاجتهاد فما عليكم امر كل واحد يشيل شنطه وعلى فصله اقصد قسمه :mh35: لان المنتدى عندنا مقسم اقسام لكل كلية قسم وكل كلية فيها تقسيم بحسب المستوى وراح تلاقو مشرفين ومشرفات افاضل وفاضلات ولا يهون الجميع في خدمتكم واعضاء وعضوات مميزين ومميزات ايضا ومعكم سيكون للمنتدى معنى آخر والله يوفق الجميع .
محبكم في الله / أبو عبد العزيز
صبحكم الله بالخير
خواتي واخواني المستجدات والمستجدين صبحكم الله بالخير وزي ما تشوفون العنوان يحكي عن نفسه
اكبر منك بيوم اعلم منك بسنة عشان كذا ابي اعطيكم شيء من علومنا عشان لاتقول ما احد علمنا وتهاوشونا
نبتدي بسم الله :
· البلاك بورد هو اهم شيء بدراستنا فيه محاضراتنا وواجبتنا ومشاركاتنا يعني بالعربي هو الكل بالكل وهذا يبيله جلسه طويله لانه محور حديثنا اليوم . واهم شيء فيه انكم تنظموا وقتكم زين ما زين كل واحد يسوي جدول لكل مادة يحط فيها اربع خانات وحدها للواجبات والثانية للمحاضرات المسجلة والثالثة المحاضرات المباشرة والاخيرة لمنتدى الحوار حط 14 فراغ وحط صح لما تسوي مشاركة او تحل واجب او تنزل محاضرة او تشوفها بالموقع .
· الواجبات سهلة وهي 3 واجبات طوال الترم لا تستعجل بحلها راح تبقى لمدة اسبوعين وبعض الاحيان اكثر قبل ماتقفل وبعضها فيها ثلاث محاولات للحل وبعضها محاولة واحدة أو ثنتين فلا تصير حقنه وتستعجل راح تلاقي الحل موجود بالمنتدى هني فلا تحاتي . ودرجات الواجب عشر درجات من درجات المشاركة .
· المحاضرات المسجلة عددها 14 كل اسيوع تنزل محاضرة وهي موجودة طوال الاسبوع يعني 7 في 24 اقصد سبعة ايام في اربعة وعشرين ساعة نزلها بجهازك وتحسبلك الدرجة . يعني حملها بس ولو ما شفتها بس لا تعلمون احد اني خبرتكم :(269): ودرجاتها 7 درجات من درجات المشاركة .
· المحاضرات المباشرة وهي 3 محاضرات بالسنة وهذي تكون صوت وصورة مكرفون وحركات بس يصير فيها ضغط رهيب اكثرنا ما نقدر ندخل من كثرة الضغط على الموقع لكنها تنزل بعد يومين مسجلة وسواء حضرتها لايف او نزلتها مسجلة راح تنحسب لك درجاتها وهي ثلاث درجات من درجات المشاركة .
· منتدى الحوار وهذا بيت القصيد واللي يطلع الضغط والسكر بس للمتأخرين اللي ما يشاركون اول باول اما اللي مجتهدين ومبكرين راح يكون عليهم بردا وسلاما وهو سهل بالحيل تشارك لكل مادة 14 مشاركة الدكتور ينزل سؤال عبارة عن مشاركة جاوب عليه وتحصل على الدرجة وتراه مفتوح 7 في 24 ادخل باي وقت بس بعض المناقشات لها موعد محدد يعني تبقى لمدة اسبوعين وتقفل علما بان درجات منتدى الحوار 10 درجات من درجات المشاركة .
· اخيرا اقول للجميع البلاك بورد جهد بشري يتعرض للتوقف والصيانة والاقفال من كثر الضغط عليه من الطلاب والطالبات وخصوصا ايام الاختبارت وما قبلها عشان كذا زهب امورك من بدري اول باول وما راح تواجه أي مشكلة مع هذا الحبيب اللي يقاله البلاك بورد .
· ختاما اقول لكم مع تمنيات لكم بعام حافل وجميل ان الجامعة قدمت لنا هذه الثلاثين درجة حق المشاركة كهدية فلا نضيعها من ايدينا . وبكذا اقولكم منورين وفالكم التوفيق .
احبابي في الله لا تشيلوا هم ولا خوف ولاقلق ترانا موظفين ونعيل اسرى ويالله نلاقي الوقت لدروسنا ومع كذا كل شيء مسهل وميسر بهذا المنتدى المبارك ملازم وملخصات وواجبات ياربي لك الحمد تعاون من الكل كانهم في بيت واحد والشهادة لله .
احبابي في الله مافي داعي للقلق والخوف من الوقت ابدا ترى يمديك تذاكر وتجيب الدرجات العالية ولمعلوماتكم درجات المشاركة 99% من الطلاب يحصل على الدرجة الكاملة او نقول 95% واسئلة الاختبارات سهلة بالحيل كلها اختيار متعدد .
احبابي في الله انتهى الاسبوع التمهيدي للمستجدين والحين ابتدى الجد والاجتهاد فما عليكم امر كل واحد يشيل شنطه وعلى فصله اقصد قسمه :mh35: لان المنتدى عندنا مقسم اقسام لكل كلية قسم وكل كلية فيها تقسيم بحسب المستوى وراح تلاقو مشرفين ومشرفات افاضل وفاضلات ولا يهون الجميع في خدمتكم واعضاء وعضوات مميزين ومميزات ايضا ومعكم سيكون للمنتدى معنى آخر والله يوفق الجميع .
محبكم في الله / أبو عبد العزيز