مين عنده حل لهذي المعظله...؟

[رغد الشرقية]

صباح الخير على الجميع

حابه اسئل عن واحد من اقاربي هو درس معي المستوى الاول والثاني لكن في المستوى الثالث صادته ظروف ماسجل المواد ولا حتى قدم طلب اعتذار اقصد وقف قيد

الان لو بيسجل كيف وضعه ؟؟؟

[ۅح ــيٌ .. !]

اللي اعرفه ان الطالب اللي مايسجل مقرراته بـ ترم يعطى مؤشر إنقطاع عن الدراسة ..

ويعطى انذار ..

لكن اظن له فرصه من الجامعه بـ الترم اللي بعد الانقطاع انه يرجع يكمل دراسته ..

وان مارجع يعطونه انذار ثاني ويتم فصله من الجامعه ..

وطبعاً عشان يقدر يسجل مقرراته من جديد لازم يقدم طلب عودة لدراسه من ( الخدمات الطلابيه )

[رغد الشرقية]

اللي اعرفه ان الطالب اللي مايسجل مقرراته بـ ترم يعطى مؤشر إنقطاع عن الدراسة ..

ويعطى انذار ..

لكن اظن له فرصه من الجامعه بـ الترم اللي بعد الانقطاع انه يرجع يكمل دراسته ..

وان مارجع يعطونه انذار ثاني ويتم فصله من الجامعه ..

وطبعاً عشان يقدر يسجل مقرراته من جديد لازم يقدم طلب عودة لدراسه من ( الخدمات الطلابيه )
الف شكر لك اختي

طيب واذا الترم اللي بعد الانقطاع ماقدر يرجع يدرس وش يسوي ؟؟

يعني اجباري الترم هذه يدرس ولا ينحرم مرره وحده من الدراسه ؟؟

[ۅح ــيٌ .. !]

للامانه استفسارك الثاني ماعندي جواب له ..

فـ الافضل ان قريبك اما يتصل على الجامعه وياخذ العلم الاكيد بـ نفسه ..

او يحط استفسارهـ بـ منتدى النقاش لـ أخوي طالب جامعي او اختي فروشيه واكيد راح يوصله الجواب الاكيد ..


بـ التوفيق ~

:119:

[رغد الشرقية]

عافاك الله اختي ايه ياليت تحطين ذا الاستفسار وتوافيني بجواب الصحيح

[الوحيدهـ*]

حبيبتي له فرصه لحد 3 اترام
زوجي كان معاي وسحب من الترم الثاني
وله الان فرصه بعد هالترم لما كلمهم
يعني عادي
يوسع صدره
لما يجي بيرجع يطلب اعاده ويرجع ويحمل مواد ويسدد
جامعتنا فلله مارح يلاقي مثلها :000:

[الفيصل3421]

اتوقع والعلم عند الله عاادي يرجع

يروح للخدمات الطلابية ويضغط على اعاادة الدراسة

وبأذن الله يرجعووونة عاادي

[رغد الشرقية]

حبيبتي له فرصه لحد 3 اترام
زوجي كان معاي وسحب من الترم الثاني
وله الان فرصه بعد هالترم لما كلمهم
يعني عادي
يوسع صدره
لما يجي بيرجع يطلب اعاده ويرجع ويحمل مواد ويسدد
جامعتنا فلله مارح يلاقي مثلها :000:

هلا وحيدة
يمكن زوجك قدم طلب تأجيل
بس قريبي هذه ماقدم طنش الدعوه
والحين يبي يرجع ومتردد:cool:

[رغد الشرقية]

اتوقع والعلم عند الله عاادي يرجع

يروح للخدمات الطلابية ويضغط على اعاادة الدراسة

وبأذن الله يرجعووونة عاادي

هلا اخوي الفيصل

عادي للي قدم طلب تأجيل بس زي ماقلت لكم هو طنش وماقدم تأجيل :icon9:

[الوحيدهـ*]

لا ما قدم يا قلبي
سجلت له المواد وكل شيئ
ولا كمل ولا سدد ولا دخل على الخدمات
ودخلت له قبل وعليه رصيد المواد وتوصل له رسائل الجامعه
بس ما شفت وش مكتوب قدام اسمه
وناسيه رقمه الجامعي ان حصل لي فرصه وتذكرته اقول لك
عموما اذا هو شخصيه نظاميه فليتبع النظام ويكلم على تلفوناتهم وهو وحظه
او يراسلهم على البريد

[رغد الشرقية]

عافاك الرحمن اختي وحيده انا برسل له الرابط وبخليه يقرا ردودكم وهو عاد بكيفه اللي علي انا سويته:icon9:


ماقصرتو اخواني:106: