تسجيل الأنتساب لجميع الأقسآم

[الصمت الحنون]

مرحبا للجميع ..


ياليت هذا الموضوع فقط لمشاكل التسجيل وللي ماعرفت تسجل من بنات الانتساب ... وأي شئ جديد يصير عالتسجيل ....

المهم مشاكلنا فقــط.... من دون أي شوشره أو فتح مواضيع ثانيه وتشتتنا .. كفايه الانتظام وحوستهم الله يعينهم ... جاء دورنا الحين ..:000:

[الصمت الحنون]

المهم التسجيل فتح امس بالليل ..


وجتني رساله راج يمددوا التسجيل الى يوم الجمعه اتوقع..؟؟؟

وطلعت لي المواد بعد ماسويت بحث عن فصل وبعدها بحث من دون ماأحدد الفصل الدراسي ولا المقرر على طول طلعت كلها ..
فيه احد زيي؟؟

[قلب الوفـاء]

حتى انا طلعت لي المواد بس ما تأكد التسجيل لان معدلي 2 :icon9: ومسموح لي بعد ساعات محدد ومدري وش اسوي:bawling:

[الصمت الحنون]

ايش الحركات هذي يعني بيحسونا زي الانتظام :sdfgdsf: :sdfgdsf:

[caramel]

عند انهاء التسجيل مايرضى يسجل مع اني جربت اسجل ماده وحده فقط ايش السالفه؟؟

[الصمت الحنون]

أنا بعد ماحطيت المواد في العربة تطلع لي هذي الرساله اذا سويت انهاء التسجيل


Class Number : 8282 i.e ARAB : 111O from the term 111O does not exists in the Shopping Cart. Please add this fail class in Shopping cart and then proceed.

[قلب الوفـاء]

رافض يسجل لي مادتين يعني يبوني ادرس مادتين في ترم وانا ان شاء الله مايبقى لي الاالترم الاول من السنة الجاية واخلص :Cry111::Cry111:

[الصمت الحنون]

لا ماعليك راح تتسجل بأذن الله كلها

ارسلي طلب للمشرف الأكاديمي :106:

شروط تسجيل المقررات تنطبق على الخطه الجديده اللي هي دفعة:
2010_2011_2012

بالنسبة لدفعة:
2008_2009
يبقون على وضعهم مش مقيدين بعدد ساعات معينه .

[caramel]

انا من قبل لااسجل رسلت للمشرفة ولااستفدت شئ
ويطلع لي رسالة عند انهاء التسجيل مثل الا حطيتوها

يعني مافيه تسجيل

[فرآوله]

وانا طلعت لي هالرساله بعد ماسجلت كل موادي وضغطت انهاء التسجيل ظلعت ..


Maximum Hours Condition 1: Your Cumulative GPA is 2.831 and Total Unit is 22.Check the Cumulative GPA of the student for the current term.

ايش يعني ؟

[الغَـدَقْ]

سويت انهاء التسجيل طلع لي هالرسالة


class number : 6298 i.e islm : 224o from the term 224o does not exists in the shopping cart. Please add this fail class in shopping cart and then proceed.

[الغَـدَقْ]

وارسلت للمشرفة

بس بنات في خيارين : بالاخير
اللي هو
1- السماح ......... الخ
2- تجاوز ................ الخ



انا :mh12: اخترت الاول اللي هي السماح

قلدت شرح اليوتيوب كيفية التواصل مع المرشد الطلابي :000:

صح ولا

[الغَـدَقْ]

فروالة ترجمته لك



maximum hours condition 1:

Your cumulative gpa is 2.831 and total unit is 22.

Check the cumulative gpa of the student for the current term.




الحد الأقصى لساعات حالة 1 :

معدله التراكمي الخاص هو 2،831 وحدة المجموع هو 22.

التحقق من المعدل التراكمي للطالب للفترة الحالية.

[الغَـدَقْ]

ليه كم سجلتي :mh12:

[زين الكون]

ارسلت للمشرفه على حسب الخطوات اللي نزلوها

مع ان الرساله الانجليزيه اللي تطلع لي هي عشان معدلي 3.27 مو عشان شي ثاني
سمحو لي اسجل 9 مواد فقط
يعني 19 ساعه

تراسلت مع دكتور عبدالله قال مايشملك هذا النظام لانك دفعه 2009 كذلك دفعه 2008 ماتشملهم

طبعنا الايميل اخذناه للمحروسين
وقالو لا يشملكم مين قال مايشملكم واحنا ماجتنا لوائح ولاقرارت تنص على انكم تسجلون عادي

متصورين
300 طالبه
يدرسون مادتين السنه الجايه
ناس يقولون اي
ناس يقولون لا

ماندري مين يصدق ولاكليتنا راضيه تحس فينا
مستوى ثامن
معدلنا ماهو خطر
فرحانين بنجاحنا
فوق هذا انتساب
يكفينا قهر شهادتنا انتساب ولاعندنا اولويه زي الانتظام اقلها خرجونا وافتكو مناا
:Cry111:تعبت ابكي يوميا على عمري اللي راح
من 2007 المفروض متخرجه
انا ماعترض على قدري ونصيبي

لكن والله حرام
ماعمري حذفت
ماعمري طنشت ماده
طول عمري امشي على الخطه الاساسيه
عشان اتخرج بالموعد المناسب

وش هالتصرفات وش هالقهر

معدلي حتى ماوصل المرحله الخطره

والله ماوصل

[الصمت الحنون]

الله يعين :(177):

[ضياء روح]

بنات كذا صح ... تاكد تسجيلي او لا ..

http://im20.gulfup.com/2012-02-02/1328200877421.png

هنا تحققت وطلع اوكي ..

http://im10.gulfup.com/2012-02-02/1328201521801.png

هذي هي اللي بعده ...

http://im14.gulfup.com/2012-02-02/132820112311.png

طيب ليش ما تروح لـ عربة التسوق ؟!

بنات تكفون ساعدني قبل لقفل التسجيل ؟؟

[ضياء روح]

'
طيب ااختي سجلت واذا ضغط على انهاء التسجيل طعلي الداله غير صحيحه
مرت عليكم وش اسوي

[رسيل الذكرى]

بنات انا تحضير اقدر احول انتساب وكيف احول

[صفاء الود]

اختي ضياء الروح
لا ماتاكد تسجلك
انا طلع لي نفس المربع قفلت الصفحة وحولت النظام الى انجليزي وفتحتة من جديد وتاكد تسجلي

[زين الكون]

بنات انا تحضير اقدر احول انتساب وكيف احول


ليه تحولين بس الله يهداك
كملي في طريقك وربي معاك مافيه درب مفروش بورد ولابد من مصاعب وعراقيل
لكن تحملي واحمدي ربك على هاذي النعمه كلنا تمنينا نكون انتظام صحيح تخرجنا من الثانوي بنسب ترفع الراس لكن ظروفنا جبرتنا وحمدنا ربنا عندنا بكالوريس والله نعمه بحد ذاتها
حبيبه قلبي

ادري الانتظام صعبه حياتهم يطقون مشوار من الى وسااعات الدكتور غايب ويلتقعون
بس فكري بالنعمه اللي بيدك تدخلين القاعه بيدك 20 او 30 وعندك مشاركه
لاتقولين مانضمن شي ادري الضمان بيد الله وحده
لكن مافيه احد يتعب ويستجهد وربي يخليه لا مستحيل
فانتي كملي طريقك
لو عندك ظرف كبير
حمل تعب مرض ولاده ظرف نفسي اي امر يعيق كونك انتظام اوكي حولي
لكن لو ماكان فيه شي انتبهي انتبهي حبيبتي لا استمري وتوكلي على رزاق الطير في السماء
لاتتصورين حياه الانتساب زي الانتظام
والله نتعب زيهم واكثر
احنا نركض من اول السنه ترا ونأشر ونذاكر ونصور لبعض
لان لو اهملنا انفسنا تاكدي مصيرنا نرسب وتتراكم علينا الدروس ولاندبر شي
تاكدي حياه الانتظام ماتختلف عن الانتساب الا في امرين فقط
ينكتب في وثيقتهم انتظام
وينكتب في وثيقتنا انتساب

واكيد لكل قاعده شواذ
ياما من انتساب معدلها ممتاز وتستلم احسن من الانتظام
وياما من انتظام ومرتبه شرف وقاعده في البيت تشتغل على بند الساعات

فسبحان الله ماحد يدري وش ربي قاسم له

صدقيني كل بنات المنتدى لو بيدهم يقولون شي راح يقولون نفسي
استمري ترا الحياه الجامعيه وجمعه البنات ويوم هاذي عليها القهوه ويوم هاذي تكتب المحاضره لها ذكريات جداااا حلوه لاتفرطين

انتبهي

مو بس عشان ذكرياتك
بس ترا البيت ممل ويوجع القلب
استمري وقارني بينك وبين نفسك بين الانتظام والانتساب بتشوفين كثير مزايا وعيوب
ولاتنسين لكل قاعده شواذ

وانتي ياقلبي توك تحضيري قدامك مشوار وقدامك حياه جامعيه استغلي كل لحظه فيها
اتعبي وتوكلي على الله ولاتنسين00 ادعوني استجب لكم)))

موفقه ياقلبي

[صفاء الود]

اضم صوتي لصوت اختى زين الكون
انت لو بس شفتي تعامل الاداريات امس مع الانتساب كان حرمتي
كل وحدة تقولك روحي عند فلانة وعلانة
تخيلي امس ما الساعة 7 الى 10 عشان اطبع سجلى الاكاديمي و ارفع مشكلتى مع التسجيل
طلعوني ونزلوني وفرفرت بالكلية بس عشان ورقة

صدقيني ترى بتتعبيييين كثيييييييييييييير

[زين الكون]

ربي يسخر لنا من عنده ويفتح علينا ويسهل تخرجنا

والله لو نضم صوتنا ونعلم الناس وش نتعرض له من معاملات بس لان احنا انتساب

كان الكل حرم يكون انتساب وكاني وحده جايه من المريخ على هالمعامله ماكني انسانه اتعب وادرس واستجهد

حسبي الله ونعم الوكيل

يازين ذكرياتي يوم انا كنت انتظام قبل 5 سنوات
والله اقضي اموري لحالي
اكتب محاضراتي لحالي
ماحتاج احد
ولو احد احتاجني مستحيل اسكر بابي عنه ولاابي منهم الا دعوه
كنت اصور دفتري حق المحاضرات واخلي نسخه في مكتبه واكلم صديقاتي اقول صورو لكم



الحمدلله على كل حال:Cry111:

[زين الكون]

لازال رافض يسجل مادتين معي

[صفاء الود]

الله يوفقك ويسهل امرك

[الصمت الحنون]

بنات فيه احد تأكد تسجيله :mh12:

[caramel]

ماتأكد تسجيلي أنا بعد

وفيه بنات ماتأكد معهم بعد

[صوت الضمير]

أنا تطلع لي هالرسالة

Class Number : 6298 i.e ISLM : 224O from the term 224O does not exists in the Shopping Cart. Please add this fail class in Shopping cart and then proceed

[NOUFANY]

كلية نجاحة
:mh001:

ونظام ناجح :(204):

تقنيات عالية :biggrin:

وتعامل وتعاون معنا.. ولا اروع :hhheeeart4:




هنيئاً لنا بهذه الكلية :106:

[باصم مايخاصم]

:(177):وش رايكم نخلي شعرنا هنيئا لنا بهذه الكليه كل مااشوف نوفني كاتبته افطس ضحك

بنات حتى انا ماتأكد تسجيلي انا رايحه الحين الكليه والله يعيني عليهم صرت اشيل هم الروحه من كثر المرمطه وياليته يخلص موضوعك ع طول

[J A M I L A H]

بالتوفيق يَ آنتسآبيـآت .. :106:

[Reema..]

اليوم سجلنا يدوي
تكتبين موادك ومشكلة التسجيل..
و تعطينها المسؤولة عن قسمكم في ادارة الانتساب..
و تشيكين طول الاسبوع على سجلك اذا بعد ماتسجلت ترجعين لهم ..

بالتوفيق..

[تفاااحه]

التسجيل يدوي تكتبين مواد ببطاقه المواد مثل الترم الاول وع حسب معدلك وموفقااااااااااات

[الصمت الحنون]

يب يابنات التسجيل صار يدوي..

واللي تسجلت لها مواد من قبل وماخلصت تسجيلها (يعني قفل عليها النظام)
تطبع موادها اللي قبل وتأخذ بطاقة نسجيل وتسجل اللي بقت لها وتسلمها للشؤون .. مكتب 111 لقسم العربي
:106:

[الصمت الحنون]

يس يس دخلت مواااااااااااااااااااادي
وناااااااااااااااااااسه:53:

[عناقيد السحاب]

بنات انا بالتسجيل مكتوب دورة منتظمه


كلكم زيي ولا !! انا خايفه تكون هذي مواد الانتظام !!

[الصمت الحنون]

يب الكل.....:119:

[caramel]

الصمت الحنون سجلتي يدوي؟؟ وطبعتي سجلك ووين وديتيه في النهاية اي مكتب؟؟؟

[الصمت الحنون]

أول شئ رحت تحت للشؤون قسم العربي بممر الانتساب

بعدين قالوا لي وديها مكتب 111 فوق عند مكتب الوكيله هم الللي راح يستقبلونها وأهم شئ تحددين أنك انتساب..


لاتنسون بنات حدددوا على عالورق أنكم منتسبين,,,:106:

موفقين يارب:love080:

[NOUFANY]

ليه هالمرمطه..؟! كان قالوا من البداية انه زي الترم الاول تعالوا سجلوا موادكم عندنا
اشوا اني ما مشورت ابوي لعمادة القبول والتسجيل عند الرجال


شكراً بنات :love080:
باصم مايخاصم. ... ان شاءالله دوم يارب تضحكين :mh318::love080:

[زين الكون]

ماعرف سالفه التسجيل انا لابغيت اتاكد اروح تاريخ المقررات لاشفتها نزلت ارتحت

[ذابحتهم بغروري]

:hhheeeart4:

[الصمت الحنون]

زين الكون..

لا بعد فيه طريقة تعرفين فيها موادك
التسجيل :
الجدول الدراسي الخاص بي:
وبتطلع لك المواد..:106:

[الأضاليا]

السلام عليكم

بنات فيه وحده منكم طلبت ماده فوق مايتحمل معدلها

وقبلت الكليه

[الصمت الحنون]

شلون يعني ..؟؟

تقصدين سجلت عدد ساعات اكثر من المسموح لها..؟؟

[الأضاليا]

نعم أختي سمحوا لك بالتجاوز ؟

[الصمت الحنون]

اذا انتي خطه قديمه إن شاءالله بيسمحوا لك....

انت قدمي تسجيل يدوي وسلميها للشؤون :106:

[أغاريد العشق]

بنات الى متى يستمر التسجيل اليدوي ؟