التمريض الاستاذ عبدالله الحضري // استفسار بخصوص الغاء تدريب رابع تمريض ابها [الأرشيف] - ملتقى طلاب وطالبات جامعة الملك فيصل,جامعة الدمام

manicure

2012- 2- 5, 12:17 AM

السلام عليكم ورحمة الله وبركاته

تفأجنا من الاسبوع اللي راح بالغاء قرار التدريب لمستوى رابع تمريض

في اكاديميه ابها وقيل ان الغاء القرار من الاداره بالرياض

مع بقاء قرار تدريب مساعد طبيب اسنان للمستوى الرابع

وقيل ايضا ان الالغاء تم في جميع الاكاديميات وكلمنا اكثر

من اكاديميه وكان الجواب بالنفي واستمرار التدريب لمستوى رابع تمريض

هل القرار صحيح ام لا ؟؟

ولكم جزيل الشكر

عبدالله الحضري

2012- 2- 5, 12:55 AM

حاجة جديدة بصراحة و أول مره اسمع فيها ..

لكن ولا يهمك .. راح اتأكد من مصادري الخاصة وأبلغكم
وبرضوا راح أتصل على الإدارة بالرياض ..

شجووونه

2012- 2- 5, 02:36 AM

بعض الاكادميه مافي تدريب مستوى رابع وبعض في تدريب
بس اذا ما تم تدريب متى نتعلم

شجووونه

2012- 2- 5, 02:40 AM

في الاحساء تم القاء تدريب وكان البنات متحمسين واشتروا اغراض التدريب

احمد طاهر

2012- 2- 5, 02:49 AM

انا من اكاديمية الاحسا
رحنا اليوم لدكتور طارق الوكيل
قال فعلا التطبيق انلغى لمستوى رابع
والسبب ان في طالب متدرب في مستشفى خاص اعطا مريض ابره بالخطاء
وصارت مضاعفات للمريض واهل المريض اشتكو على المستشفى
فجا قرار ان يكون التديب بمستوى خامس مو مستوى رابع
عشان يكون الطالب متمرس اكثر
والكلام هذا من الوكيل

ManGo

2012- 2- 5, 03:21 AM

و عليكم السلام و الرحمه

اول شي ان التطبيق يكون ب مستوى 4 غلط و هم 5 غلط
المفروض يكون في تدريب من البدايه و وسائل تعليم اكثر دقه

نجلس ندرس ع كتب و ورق
ثم فجأه تطبق ع آدمي م تصير
شي طبيعي في اغلاط , و م حنآ ملائكه م نغلط صدق ارواح ناس
لكن دراسة و تعليم عملي من البداية اتوقع افضل و احسن ل الطلاب
من انه يدرس و يدرس و فجأه يشوف نفسه ب مكان و كله حالات اول مره يتعامل معهآ

يعني حالتنآ يرثى لها
و الطالب المتدرب اللي اعطى المريض ابره بالخطأ , م ينلآم
شخص م هو متمرس لسه ب بداية الطريق

حنآ مالنآ ذنب يتوقف تدريبنآ

اتمنى فكرتي وصلت

و ب التوفيق ل الجميع

s o m a

2012- 2- 5, 03:55 AM

لا أعتقد أن خطاء طبي من طالب متدرب يُلغى التدريب ويحرم الجميع منه، فـ الأولى لهم أن يضعوا شروط بدل إلغائه
ونحن لا نختلف في أن بعض الطلاب غير مؤهلين لـ إعطاء حقنه أو حتى قياس حراره
ولكن نريد أن نتدرب حتى نكون مؤهلين في الفترات القادمة ..

*لا نريد قرارات جديدة نريد حلول فقط ..

طالبة 4

2012- 2- 5, 04:02 AM

طالبة 4

2012- 2- 5, 04:18 AM

‏s o m a (http://www.ckfu.org/vb/u47775.html) انتي من اكاديمية الاحساء

شجووونه

2012- 2- 5, 04:46 AM

بنسبه لي اذا مانزل مستوى رابع المستشفى سوف يكون مستوى خامس اصعب وفترة الامتياز
مفروض يكون محاضرات اكثر عملي و تدريب مكثف حتى لا يوجد خطأ طبي

s o m a

2012- 2- 5, 04:57 AM

لا يا عزيزتي طالبه :/

manicure

2012- 2- 5, 08:00 AM

شكرا ع التفاعل ونحن لم نطلب الا حقنا في التعليم

ونريد ان نكون اكثر تمرساً في تخصصنا

قموورة أنا

2012- 2- 5, 02:02 PM

مثل ماكتبت قبل احنا في اكاديمية الدمام وصلنا خبر ذاك الاسبوع باالغاء تدريبنا بس في نفس اليوم قالو انه انلغى

واليوم داومنا بالمستشفى اول يوم تدريب :smile: يعني القرار موعلى الكل

ManGo

2012- 2- 5, 02:23 PM

مممم مو على الكل !؟

حنآ عندنا الصيدلة و الاسنان و سكرتاريه , عندهم تدريب

بس المختبرات و التمريض ( لأ )

كل شوي لهم قرار و مره م ندري و مره من الهيئة
يعني مهزله والله
حنآ جايين ندرس ع حسابنا و نلاقي هالمعامله
والله عيب :(177):

عذرهم : المستشفيات م تبي , و انهم مكتفين
و الحين عشان غلط طالب متدرب

ممم , و الحل بالله !؟
اقسم بالله احس هالدراسه صارت هم لي
نكد صارت
اقسم بالله حتى النتايج م اخذناها للحين :biggrin:

قموره اغلب المناطق اغلوآ تدريبهم ب الذات تمريض ! :000:

شسالفه بالله ..

عبدالله الحضري

2012- 2- 5, 02:42 PM

لا تستعجلوا يا أخوان

جاري التواصل مع أحد المسؤولين وأرسلت له بريد عاجل وهام وسوف يتم الرد عليه خلال الساعات القادمة
ومن وجهة نظري الخاصة انا القرار ليس صحيح لأن تدريب المستشفى بالمستوى الرابع موضوع من قبل الهيئة في الخطة الدراسية للطالب وصعب يتم إلغائه من قبل المعهد لأن لو تم إلغائه يعتبر مخالفة لأنظمة وقوانين الهيئة ..
وحالياً بالمستشفى الذي اتواجد فيه معنا طلاب وطالبات مستوى رابع تمريض وغيره ..

لمحة شجن

2012- 2- 5, 02:54 PM

صح لو قرار من الهيئة كان تطبق على كل المعاهد مو بس الاكاديميه بس اتوقع السبب مادي:(177):

ManGo

2012- 2- 5, 03:03 PM

الله يكتب اللي فيه الخير لنآأ جميعآ

ان شاء الله خير ..

manicure

2012- 2- 5, 03:40 PM

عبدالله الحضري

2012- 2- 5, 03:53 PM

شكرا على التفاعل

بخصوص اكاديميتنا طلبوا ان نكتب اعتراض ونرفقه باسمائنا وتواقيعنا وراح يرفعونها للاداره

وهو اجراء لتبنيجينا بالكلام ومن كلامك ان مستوى رابع نزل للتدريب

الله يكتب لنا الخير اينما كان

من خلال هذه المشاركة تبين لي انا السبب "مـادي" لأن القرار صادر من الإدارة بالرياض موجهه للفرع .. والفرع طبيعي ينفذ أوامر الإدارة لأن الشيك الموجهه للمستشفيات يطلع من الإدارة .. عشان كذا الفرع طلب منكم إرفاق خطاب تظلم ينص على رفضكم لقرار الإلغاء للتدريب بالمستوى الرابع والتأجيل للمستوى الخامس ..

أتمنى منكم رفع خطاب عاجل وتوضيح مشكلتكم وإرسالها للإدارة بشكل فوري لكي يتم النظر في موضوعكم حتى لا يطير عليكم التدريب خلال هذا المستوى لأن الأيام تعدي بسرعة ..

شوااقة

2012- 2- 5, 03:55 PM

الله المعين .....
ماسآآآآآآآآآه فعلا ,,,,,,
التدريب مستوى رابع ضرووووووووووري ,,
قلوبنا معاكم ...رغم ان حنا نزلنا تدريب اليوم ولكن ..ما تكتمل فرحتنا الا اذا انلغى القرار عن الجميع .

manicure

2012- 2- 5, 04:02 PM

ان شاء الله نكمل الاعتراض بكره ونرسله لهم يعطيك العالفيه ع التفاعل ولا هنت

ويارب يتيسر لنا التدريب

وبالتوفيق ياشواقه

سفيرة الحب

2012- 2- 5, 04:08 PM

الله لايربحهم واحنا حرمونا انا نتدرب حتى لو نظري عشان الماده :Cry111:

قموورة أنا

2012- 2- 5, 06:45 PM

ان شاء الله القرار ينلغي ويتنزلون تدريب كلكم

وماضاع حق وراءه مطالب:smile:

تفآؤل

2012- 2- 5, 07:10 PM

:(

طيب ..
وإذآ جآت إدآره .. مآتتفآهم مع آحد زي إدآرتنآ ..
وآلله ولآيسمعون ولآ حرف منآ .. وش لون نتعرض ونوقف بوجهم .. لآ ولمآ نعترض .. تجيك آلوكيله تهدد .. تبين آسحب ملفك وتطلعين من آلآكآدميه .. ؟؟!! كني أدرس ع حسآبهآ ..
عز آلله رحنآ ملح ..

آلله يصصصبرنآ بس ..

تفآؤل

2012- 2- 5, 07:58 PM

وحالياً بالمستشفى الذي اتواجد فيه معنا طلاب وطالبات مستوى رابع تمريض وغيره

كيف موجود مستووى رآبع تمريض يطبقون ..؟ !!

آمم .. عبد آلله .. تمريض محد نزل يططبق مستحيل

يمكن تخصصآت ثآنيه ..

ورجآء خآص .. يآليت تشوف لنآ آلآكآدميه آلي بآلآحسسسآء ش صآر ع وضعهــآ ..

manicure

2012- 2- 5, 09:19 PM

احنا نزل التدريب اسنان فقط

تـــرف

2012- 2- 6, 12:05 AM

حتى ينبع نفس الكلآمـ ..
لازم نتعود ع الحآلآت ونشوف .. مآنبي نروح وننصدم يوم انطبق ..؟
نبي بس انشوف لا ابر ولا حراره حتى ..

نضآم خطآء ..
صرآححةة اكآديميه فآشله :mad: ,,

شجووونه

2012- 2- 6, 12:08 AM

واحنا في الاحساء بس اسنان
كيف نرفع اعتراض وتظلم اذا كانت الاداره ما تعطي البنات فرصه استفسار عن التدريب
ما عندهم كلمة انلغى التدريب و خلاص
اذا كان التدريب المستوى رابع من ضمن جدول الهيئه نقدر نرفع خطاب الهيئه الصحيه

طالبة 4

2012- 2- 6, 12:27 AM

حتى ينبع نفس الكلآمـ ..
لازم نتعود ع الحآلآت ونشوف .. مآنبي نروح وننصدم يوم انطبق ..؟
نبي بس انشوف لا ابر ولا حراره حتى ..

نضآم خطآء ..
صرآححةة اكآديميه فآشله :mad: ,, :(204)::(204)::(204)::(204):

طالبة 4

2012- 2- 6, 12:29 AM

طيب بنات بديتوا واستلتموا الكتب اولا

:mad::mad::mh35:

عبدالله الحضري

2012- 2- 6, 12:50 AM

كيف موجود مستووى رآبع تمريض يطبقون ..؟ !!

آمم .. عبد آلله .. تمريض محد نزل يططبق مستحيل

..

:hhheeeart4::hhheeeart4::hhheeeart4::hhheeeart4:

شجووونه

2012- 2- 6, 01:15 AM

ما اخذنا كتب شرح بدون كتب

manicure

2012- 2- 6, 05:21 AM

طيب بنات بديتوا واستلتموا الكتب اولا

:mad::mad::mh35:
ايوه اخذنا كتب وبدأنا نأخذ محاظرات

manicure

2012- 2- 6, 10:14 PM

اليوم طلع لنا قرار جديد بنزولنا للتدريب الاربعاء القادم :53:

وراح ننتظر ونشوف هل الامر حقيقي ام مجرد تبنيج بالحكي :(177):

ويعطيكم العافيه على التفاعل وشكرا لك ياخ عبدالله ولا يهونون البقيه

s o m a

2012- 2- 7, 03:08 AM

عبدالله الحضري

2012- 2- 7, 09:18 AM

يا اخواني واخواتي
مافي قـرار صادر ينص على منعكم من التدريب

طالبوا بحقكم بأي طريقة .. المهم تنزلوا تدريب

والله يوفقكم ,,,

ملكة الحزن

2012- 2- 7, 06:48 PM

كمان اكاديمية المجمعه الغو التدريب
ياريتهم يوم يلغونه يعطونا يوم مانداوم فيه
لا ظاغطينا وحنا بس اربع مواد
شوفو الكليات الصحيه 7 مواد واكثر ومع ذلك عندهم اوف

حسسبي الله عليهم ان كان كل يوم يكرهونا بالاكاديميه

s o m a

2012- 2- 7, 11:58 PM

حسبنا الله ونعم الوكيل فيهم يبغون يضيعون علينا ..

شجووونه

2012- 2- 8, 10:44 AM

اخوي عبدالله كيف نطالب نزول المستشفى والاداره
ما تعطي البنات فرصه نقاش او تطلبين بشيء نازل من عند الاداره
حتى لا يضيع حقنا

اميره . بريده

2012- 2- 8, 11:22 AM

حتى احنآ اكاديمية بريده مآفي تدريب ومع كذآ راضين شنسوي. دفعتنآ من أيام الثانوي
وهي حالتهآ حآلهآ وموب غريب. نزل قرآر. زي تسذآ. :cheese:

manicure

2012- 2- 9, 07:17 AM

مبروووك :71:
بـأي مدينة أنتِ ..؟
وبإذن الله يكون خبر تدريبكم صحيح

الله يبارك بعمرك انا في اكاديمية ابها

وطالبناهم بالتدريب حتى نفذوه وراح نتدرب في ابها الخاص

يوم الاحد القادم باذن الله وعقبال البقيه

شجووونه

2012- 2- 9, 09:07 AM

manicure كيف طالبتوا بحقوقكم حتى ننزل المستشفى
مبروك عقبال لنا

عبدالله الحضري

2012- 2- 9, 09:43 AM

يوم السبت راح اتصل على بعض فروع الأكاديمية
وأطالب لكم بالتدريب أن شاء الله

دعواتكم ,,,

ملكة الحزن

2012- 2- 9, 02:45 PM

يارب يوفقك ياعبدالله

اهم شيء فرع المجمعه تكفى طالب لنا :71:

شجووونه

2012- 2- 10, 12:14 AM

يعطيك العافيه عبدالله واتمنى تتصل على فرع الاحساء

s o m a

2012- 2- 10, 03:59 AM

الله يعطيك العافيه يا عبدالله .. واتصل على فرع ينبع عندك تخصص مختبرات وتمريض مستوى رابع

manicure

2012- 2- 10, 03:59 AM

كلمنا الاداره في الرياض وكلمنا الزويد

ولا تركنا اداره الفرع بحالها كل ساعه عندهم

طفشناهم :biggrin:

حتى فرع حفرالباطن حرموهم من التدريب :mad:

s o m a

2012- 2- 10, 04:13 AM

انشهد انكم قدها :biggrin: :53:
الرقم من اللي بالكتاب صح ..؟

manicure

2012- 2- 11, 04:29 PM

تسلمين
ايوه الرقم اللي بالكتاب وكلمي الاداره بالرياض وتفاهمي معهم

s o m a

2012- 2- 13, 12:04 PM

اتصلت عليهم بس مايردون :/
بشرينا نزلتوا تدريب ..؟

ManGo

2012- 2- 13, 10:07 PM

ي ساتر وش ذا الحظ ع سنتنآ

بيطلعون عيونآ , الله يعين

حنآ كتبنآ خطاب و كتبنآ اسماء الطالبات كلهم , بنات تمريض كل الكلاسات
و المختبرات برضو , و قلنا ل الادارة ترفع خطآب الشكوى
و قالوآ رفعنآه و لـ الآن م سمعنآ خبر عن شي

و هـ الاسبوع المفروض سكرتاريه و اسنان و صيدلة
ينزلون تدريب بس قالوآ لهم الاسبوع الجآي
مدري ليه ..!!

ف اتمنى ينزلونآ

.

ملكة الجوري

2012- 2- 14, 08:43 AM

إحنا الغاء عندنا في أكاديمي المجمعة كلمان الوكيله قالت كلمو الرئيس حق الأكاديمييه
طفشننا وربي كل يؤوم قرارات وربي ما يصلح ندرس بدون تطبيق كيف تدخل المعلومة عن نفسي أخاف اعطي ابر هههههه حدي ظغط وقياس حراره عز الله لو ينزلونها تدريب يمكن أجيب العيد من الخوف :lllolll:

سكر سكاكا

2012- 2- 14, 09:34 AM

هلا والله كيفكم شباب وصبايا :53::53::53:

واحنا نفس الحكاااية مافي تدريب مستوى رابع بأكاديمية سكاكا،،،،،،

نوودي

2012- 2- 15, 01:07 AM

انقهروو حنا بنزل بكرا يامساكين ههههه :53:

امزح عقبالكم حبايبي :mh35::icon9:

ملكة الحزن

2012- 2- 16, 05:22 PM

ابشركم بعد حتى مستوى خامس بيلغون التدريب :d5:
عز الله ان الأكاديميه ماقصرت درستنا على اكمل وجه وبتخرج طلاب وطالبات اكفاء ويعرفو يتعاملو مع المرضى

استمري يالاكاديميه في مهازلك

ManGo

2012- 2- 16, 06:53 PM

ملكة , مو من جدك !!؟

معقولة , ليه ططيبْ
من جد مهزله

بالله حد يتأكد لنآ , لـ متى بنجلس كذآ !؟

ممرضة المستقبل

2012- 2- 16, 07:39 PM

وانااا ف اكاديميه جازان مافي تدريب عندنا ف مستوى رابع لان ولا مستشفى اومستوصف قبل عددنا كبير :(269):

ممرضة المستقبل

2012- 2- 16, 07:40 PM

ملكة الجوري هههه وانا نفس شى بصير عيدنا عيدين :Cry111:

ممرضة المستقبل

2012- 2- 16, 07:42 PM

احانا طلعو تدريب سكرتاريه و اسنان اما مختبر وتمريض لا يقولون عددنا كبير :(177):

ManGo

2012- 2- 17, 02:09 AM

مو حجه انو عددنآ كبير

اتوقع في دوام صباح و مسائي

تصرريفه ولا شنو , تمريض ممكن يكون العدد كبير جداً
ل
لكن المختبرات يقدرون يشوفون لنآ حل

!!

شاامخه

2012- 2- 18, 08:22 PM

:d5::33_asmilies-com::33_asmilies-com::33_asmilies-com:

ملكة الحزن

2012- 2- 19, 08:08 PM

هذآ ـآلقرـآر من دكتورة عندنآ

بس ـآبشركم تأكدت من ـآلمديره شخصيـآ وـآنصدمت يوم قلت لهـآ كـلـآم ـآلدكتوره وهي كمـآن معترضه على قرـآر ـآلغآء ـآلتدريب يعني ـآلحمدالله وـآقفه معنـآ

وـآبشركم ـآمس قدمنـآ ـآعترـآض وـآليوم صدر قرـآر ـآلموـآفقه على تدريبنـآ

ManGo

2012- 2- 19, 10:35 PM

و حنآ بعدْ

راح يبدآ تدريبنا ع الاسبوع الجاي ..

الحمدلله , ب التوفيق للجميع

.

شيكامارا

2012- 2- 25, 05:18 PM

انا مستوى رابع مختبرات واوقفو التدريب عنا في تبوك مع انه اغلب المواد تحتاج للعملي اكثر من النظري .. أتوقع ان السبب مادي والله اعلم بس لازم يلقون لنا حل اما انهم ينزلونها تدريب والا يجهزون لنا المعامل في الاكاديميه !

nice.1

2012- 3- 6, 12:22 AM

[QUOTE=ManGo;5699994]و عليكم السلام و الرحمه

اول شي ان التطبيق يكون ب مستوى 4 غلط و هم 5 غلط
المفروض يكون في تدريب من البدايه و وسائل تعليم اكثر دقه

نجلس ندرس ع كتب و ورق
ثم فجأه تطبق ع آدمي م تصير
شي طبيعي في اغلاط , و م حنآ ملائكه م نغلط صدق ارواح ناس
لكن دراسة و تعليم عملي من البداية اتوقع افضل و احسن ل الطلاب
من انه يدرس و يدرس و فجأه يشوف نفسه ب مكان و كله حالات اول مره يتعامل معهآ

يعني حالتنآ يرثى لها
و الطالب المتدرب اللي اعطى المريض ابره بالخطأ , م ينلآم
شخص م هو متمرس لسه ب بداية الطريق

قلت الي بخاطري وهو الصحيح

مايوفرو لنا حتى المعامل معضم اجهزتهم قديمه وبعضها مو موجوده اصلا

والتطبيق ف مجموعات وتطبيق سريع عشان وقتهم

والتيتشرز حدث ولا حرج الشرح:sm1:

وكملوها ف تأجيل التدريب للمستوى الخامس

واي غلط قالو فاشلين وو و و

بس قولو خريج اكادميه وشوف ردت فعل البيشن اقل شي يطلب تغيير النيرس

ف النهايه هم كسبانين دفعاتهم كلها عندهم

وحنا الخسرانين لا تدريس زين ولا تدريب متمرس

وكل يوم قرار

ما استبعد السنه الجايه يقولو مع الامتياز

خطة فااااااشله حتى لنخااااع :(177):

حنآ مالنآ ذنب يتوقف تدريبنآ