التسجيل من جديد

[محب الصيدله]

السلام عليكم
شحوالكم
اخواني انا سجلت العام الماضي وسحبت شهادتي
وودي ارجع اقدم للجامعة من جديد
حبيت اسأل هل النظام يسمح لي
طبعا ما عندي حساب في البنر
ولا درست حاجه في الجامعة
وانا خريج 2010 هل هذا يأثر لاني سمعت انه فيه مفاضله
الله يجزيه خير الي يساعدني

[حزني بحر]

ا مايثرر.

اهم شي المعدل مرتفع ع حسب الكليه اللي بتدخلهاااا

وان شالله يقبلوونك السنه


باالتوفييييق

[محب الصيدله]

الله يوفقك ويبعد عنكي المشاكل والهموم يارب
انا نسبتي المركبة 83.83 هل ممكن انقبل بالهندسه هذي السنه
وشاكر لك اختي

[حزني بحر]

الله يجزاك خيير.

وياااااك ياارب

ولله مدري وش اقل نسبه يااخذوون

ياليت اللي عندهم

معلووماات يفيدووونك.

بالتوووووفيق :(204):الله

[إبتسامة خجل]

وعليكم السلام والرحمة

النظام يسمح لك إذا ماكان لك رقم اكاديمي في الجامعة

بالنسبة للمفاضلة تكون الكلية الطب والصيدلة المفاضلة تكون لخريجي دفعة 2012

اما الهندسة ماعندي علم فيها

بالنسبة للقبول يعتمد على شطارة الطلاب الي راح يسجلون السنة

يعني في سنة كان اخر نسبة توقفت عندها الجامعة لكلية الهندسة 89

والسنة الي بعدها تقريبا 86

في الدمام كانت في سنة توقفت عند 73

بالتوفيق

[محب الصيدله]

سؤال ما هو شرط نسبة الثانوي للهندسه 90% ولا 85%

[إبتسامة خجل]

تشترط نسبة الثانوية 90% واعلى

وهذا الرابط المكتوب فيه من موقع الجامعة

http://www.kfu.edu.sa/ar/Colleges/AhsaEngineering/Pages/AdmissionRequirements.aspx

[ثآنويه متخرجه]

الي اعررفه
اذا سجلت بجامعة الملك فيصل وتم قبولك وبعدين سحبت الشهاده
لايتم قبولك مره اخرى
لانه بمجرد قبولك يتم اصدار سجل اكاديمي
واذا دخلت على الموقع للتسجييل سوف يقول لك انه لديك سجل اكاديمي

[محب الصيدله]

السلام عليكم
اختي إبتسامة خجل
انا جلست ادور ولقيت انها ما حدد لها نسبه وهذا الرابط
http://www.kfu.edu.sa/ar/lists/kfumainnews/dispform.aspx?id=26
اختي ثانوي متخرج
اناصحيح اصدرلي رقم اكاديمي ورقم سري لاكن لو حاولة ادخل على البنر ما يدخل
ولو بسويله تنشيط يقولي الرقم غلط
وذا على الرقم الاكاديمي اي شخص يقبل على طول يعطونه رقم اكاديمي ويكون بين KFU و SA
وارجو منكم تصحيح معلوماتي اذا كان فيها غلط

[إبتسامة خجل]

الرابط الي انت حاطه لو تلاحظ انه مكتوب 40 % من القدرات 30% تحصيلي ونسبة ثانوي

بالعادة كلية الطب والصيدلة والهندسة تتطلب نسب عالية في الثانوية

إذا كانت درجتك في القدرات والتحصيلي مرتفعة هذا من صالحك لأن لها دور في رفع النسبة المركبة

الرابط الي حاطته لك في الرد السابق مكتوب شرط في كلية الهندسة

بالنسبة للرقم الأكاديمي إذا سحبت ملفك قبل ماتفتح الجامعة بأمكانك تسجل

وتقدر تسجل في جامعة الدمام في فرصة القبولك ان شاء الله

[محب الصيدله]

مشكوره اختي إبتسامة خجل وتعبتكي معاي
بس انتي متأكده من اني اقدر اسجل واذا تقدرين تتأكدين لي يكون تفضلتي على راسي واكون لكي شاكر
لاني بصراحه رجعلي الشك بعد كلام الاخت ثآنويه متخرجه
وبانسبه للشهاده انا سحبتها في رمضان يوم 21
ونسبتي بالثانوي كانت 88.1 والقدرات 82 والتحصيلي 82 المركبه تطلع 83.83
ومشكوره اختي على اجوبتك

[إبتسامة خجل]

يعني سحبتها قبل ماتبداء الدراسة >>> حلو

انا راح اسأل لك بس ماأقدر ارد لك خبر الا يوم الأربعاء إذا ماأتأخر عليك لأن دوامي في المدرسة طول الإسبوع بستثناء يوم الأربعاء >>> راح احاول قبل الأربعاء بس مااوعدك

سؤال : قبلوك اي كلية لما سحبت ملفك ؟؟؟

الله يوفقك وبالخدمة

[محب الصيدله]

تسلمين اختي ومشكوره من كل قلبي والله يوفقك دنيه واخره
انا كنت مقبول بكلية الهندسه الدفعة الثانية

[ثآنويه متخرجه]

وانا بععد بسأل لك وبشوووف
ان شاء الله يتم قبولك مره اخرى
ويصير كلامي خطأ
:119:

[القلب النابض]

انـــا اللي اعرفه

اذا تم قبولك وسحبت ملفك وما اختبرت تقدر تقدم

بس باول التسجيل النظام يرفضك

بس تراجع الجامعه وتقوولهم

هم من عندهم يرفعون الحظر عنك وتقدر تسجل

وبالتوفيق

وتاكد اكثر من المعلوومه

[محب الصيدله]

مشكورين وماتقصرون
ويارب يوفقكم في دراستكم

[القلب النابض]

العفوو بالتوفيق

[محب الصيدله]

ما في احد يطمني ويسألي القبول والتسجيل

[إبتسامة خجل]

اليوم سألت وحدة من عمادة القبول والتسجيل

قالت لا خلاص ماتقدر تسجل

بس احس قالت الكلام من راسها وياليت تتأكد تراجع قسم الرجال

بالعادة الرجال متعاونين ويحلون المسألة بكل بساطة

بالعكس من قسم النساء يعقدون الموضوع

بالتوفيق

[محب الصيدله]

مشكوره اختي على مجهودك

[القلب النابض]

http://www.kfu.edu.sa/ar/Deans/AdmissionRecordsDeanship/Pages/ContactUs.aspx

هنا ارقام العماده واللي يشتغلون فيها

اذا حبيت تدق بنفسك وتسال

قسم الرجال تتوفر عندهم المعلومات

اكثر

:119:

[محب الصيدله]

شكلي بروح لهم لاني كذا مره من قبل اتصل عليهم ما يردون

[القلب النابض]

اشرح لهم بالضبط

وقل لهم بانك ما اختبرت


فقط سجلت وطلعت

تقريبا فيه امل

[محب الصيدله]

الله يسمع منكي يارب

[ro0ose]

اخوي الله يوفقك ان شاء الله وتنقبل بالتخصص اللي تبغيه


أنا مثل حالتك اتمنى انك تفيدني اذا توفرت لك معلومات

وشكرا لك

[محب الصيدله]

اول ما يصير عندي علم بخبرك

[محب الصيدله]

للأسف اختي ro0ose ما في شي جديد
يقولون انه خلاص السجل المدني محفوظ عندهم
فما نقدر نسجل
الله يرزقنا خير منها

[القلب النابض]

الله يعينكم

ان شاء الله خير

[ro0ose]

الله يعطيك العافية محب الصيدلة

لكني لازلت اعتقد ان هناك طريقة للقبول

لانو مادرسنا نهائيا

الله يوفقك

[القلب النابض]

انتي حاولي بوقت التسجيل

تسجلين قد يقبلك النظام بعضهم يقبلهم النظام

مو خسرانه شيء

ربي يكتب لك الخير

[محب الصيدله]

اختي ro0ose انا مب مصدق مثلكي
لان الي يدرس ويسوي اخلاء طرف
عنده امكانيه يقدم على الجامعة بعد اربع فصول دراسيه كطالب مستجد
فكيف احنا مادرسنا ولا حاجه وقولون ماتقدرون تسجلون
هم حجتهم انه السجل المدني عندهم ولا نقدر نسجل

[القلب النابض]

انتظروا لحين قرب فتره التسجيل

اذا فتح التسجيل وما قدرت تسجل

راجع مره ثانيه

اعرف حاله قريبه من حالتكم ودخلت ودرست من جديد لانها طلعت قبل الاختبارات والدراسه

ان شاء الله خير

[zahrah22]

محب الصيدلة & روز
بالتوووفيق ي رب ان شالله نسمع عنكم الاخبار الطبيه وتدرسوا التخصصات اللي تحبوها ي رب

جماعه ابي اعرفمتى موعد التسجيل الجديد ابي اقدم اكمل دبلوم واخذ البكلوريا بالفيصل قسم محاسبة تكفوووون احد يخبرني متى ............:sdfgdsf:

[القلب النابض]

لسى ما اعلن عنه بس تابعي الموقع بيكون على شهر 8 هجري

ان شاء الله بينزل خبر

بالتسجيل

[fairuz]

السلام عليكم ورحمة الله

اخواني اذا تعرفون عن المعدل اللي لازم يطلوبه كم ؟؟ انا نسبتي 62.94
بالنسه للتخرج سنه 1429هــ ؟

هل يقبلون ؟؟

[zahrah22]

مشكووووووووورة ي :004: القلب الناااابض :rose:


اخيرا احدا رد علي تسلمي لي والله :106:

طيب ممكن سؤال ثاني الله يعافيك هل تعادل مواد دبلوم اكاديمية التعلم مع مواد الفيصل

وفي ميزان اعمالك يالغلا

[القلب النابض]

السلام عليكم ورحمة الله

اخواني اذا تعرفون عن المعدل اللي لازم يطلوبه كم ؟؟ انا نسبتي 62.94
بالنسه للتخرج سنه 1429هــ ؟

هل يقبلون ؟؟
وعليكم السلام

ما يطلبون نسبه معينه لانك بتدخلين المنافسه

مع الطلاب والطالبات والحظ الاوفر للنسبه وضروري تختبرين قدرات وتحصيليي


خريجين 1429 السنه اخر سنه قبول لهم بفيصل
بالتوفيق

[القلب النابض]

مشكووووووووورة ي :004: القلب الناااابض :rose:


اخيرا احدا رد علي تسلمي لي والله :106:

طيب ممكن سؤال ثاني الله يعافيك هل تعادل مواد دبلوم اكاديمية التعلم مع مواد الفيصل

وفي ميزان اعمالك يالغلا
العفوو اختي

الله يسلمك

تجبين وصف مقرارات واداره الكليه هم يحددون اذا صار تطابق يعادلونها لك

وبهالشيء ترجعين لاداره الجامعه بعد قبولك