شوفو وش صار اليوم باختبار التاهيلي

[مزن لعوب]

مساء الخير

اليوم كان اختباري تاهيلي بحفر الباطن طبعا اقسمونا قسمين قسم بمستشفى خاص وقسم بالمستشفى العام

نبدا بالمستشفى العام طبعا انا كارفه نفسي ثلاث شهور اذاكر ولخبطت مدري ليش

المهم فيه طالبات بسماعة البلوتوث مع مدرسات تعطها السوال وتاخذ الاجابه عادي والمراقبين الواحد تقول مو موجود

مستشفى الخاص تسربت الاسئله بعد خروج العيال من اختباراهم اعرف وحده تقول جاء المشرف وعطانا اجوبة 40 سوال خيارات

بالله عليكم مو ظلم انا لو حصل وقدرت اغش ماراح اغش لا ني مابي ابني مستقبلي على حرام بس ليش

كذا طيب وش ذنبي انا اذاكر وغيري يغش وينجح وانا لا

:mh19::mh19::mh19:

وصراحه الاسئله كانت واضحه مره بس البنات لخبطو مررره

ومدري متى الاعاده اذا رسبت لا سمح الله

ودعواتكم لي بالنجاح

[mohedAziz]

الكلام مو جذي أنا من الاحساء

الاولاد عطوهم وقت ساعتين الا ربع اختبار والتشديد علينا 100 %

بعدنا بساعه جاو البنات اختبروا وعطوهم وقت 3 ساعات ونصف للاختبار وعلموهم جميع اجوبه الاسئلة والغش مسموح لهم هذا

نوع من انواع الظلم والله مايضيع عمل أحد وبالاخص الي تعب وشقى وسهر الليالي ولا نجح

ظلم . ظلم . ظلم .ظلم والهيئة الصحية غيــــــــــــــــــــر عادله:017:

[مزن لعوب]

يعني افهم من كلام اني ابنجح يبوننا ننجح ههههههههههههه

[mohedAziz]

يبونا ننظلم وانتي الصادسه :hahaha_2008:

[توتة بنفسجية]

يـارب الكل ينجح
ولا حد يرسب
أجل أحنا مخصره
اول شي أختبروا الاولاد
وما مدا يطلعون
إلا في بعض البنات الخبلااات
رآحوا للأولاد يآخذون الأسئلة منهم:000:
ما عندهم ذرة حيا
المهم واللي عطوا الأولاد دفتر يكتب لهم الأسئله
وفي بعض القاعات اقصد قاعه وحده من القاعات الغش قام بتبديل الورق
كل وحده تاخذ ورقة الثانيه
اما القاعه اللي كنت انا فيها
نادي الممرضه الفلبينيه
وهي راح تحل أسئلة الأنجليزي بدون ما تقولين لها هي بتجي وبتحلهم هع
والله مافي رقااابه عدل
ربي يكون بالعون
سمعت انو الهيئه تختار بكيفها اللي تنجح واللي ترسب والله اعلم
يقولون كل شي وآسطه
يالله أهم شي ان شاء الله ماحد يرسب ابد

[مزن لعوب]

توته

اول شي شكرا ع المرور

وين اختبرتي انتي انا بجنبي وحدهـ فجرت اذني تكلم معلمه بالمعهد تسالها

بعدين حنا القاعه الثانيه دخل المشرفه وعطا البنات اجوبت بعض الاسئله

اذا كنتي اختبرتي تاهيلي

جاء سوال بالاحياء

عن العبور

وشو

هل هو النقل والتوزيع ولا بس النقل

[شموووخ العز]

والله انا سمعت عندنا من طالبات التأهيلي

ان الكل حل من بعض ونفس الاجابات:066:

وبلأخير نجح عدد قليل جداااااااا

أقل من عشر من بين اكثر من 50 طالبه

جد ظلم ورجعوا عادو الدراسه تأهيلي :bawling:

الله حسيب كل ظالم :s12:

[توتة بنفسجية]

توته

اول شي شكرا ع المرور

وين اختبرتي انتي انا بجنبي وحدهـ فجرت اذني تكلم معلمه بالمعهد تسالها

بعدين حنا القاعه الثانيه دخل المشرفه وعطا البنات اجوبت بعض الاسئله

اذا كنتي اختبرتي تاهيلي

جاء سوال بالاحياء

عن العبور

وشو

هل هو النقل والتوزيع ولا بس النقل


هلآآ أختي
أنا في قاعه 22
الظاهر انتِ معي مو متأكده
اي المشرفه عطت بعض البنات اجوبه
وجواب السؤال اللي حق العبور
هو
النقل والتوزيع

[ملكه الليلك]

اللي يبي يجيب نتيجه من تعبه يعرف ان الله مايضيع تعبه والي يبي يغش بعد على كيفه
كل واحد يعرف وش يسوي
ان شاء الله كلكم تنجحوا

[توتة بنفسجية]

الله يسمع منك
:s12:

[طيف أوراقي]

ان شاء الله كلكم ناجحين

كله ظلم

وحسبي الله ونعم الوكيييييييييييييييييييييييييييييييييييييييييييييي يييييل

[اسبرين]

اول شي الله يوفقنا ويوفق كل الطلاب والطالبات

ثاني شي انا ابقول لكم كيف اختبارنا

طبعا انا مختبر في القصيم تحديدا مستشفى الملك فهد التخصصي ببريده

وكان ااختبار معقول مو صعب ولا سهل ولا كان فيه غش ولا شي كل واحد يحل بمجهوده


ومدة الاختبار ساعتين لكن كل الطلاب خرجوا من القاعه بعد ساعه ونص


وبالتوفيق لكم

تقبلوا مروري

[محمد2008]

أختبارات الهيئه للترم التأهيلي ظالمه وصعبه ومعقده وتعجيزيه!!!!!!
بالنسبه لي اختبرت العام في بريده ورسبت في الاختبار الاول وأعدت الاختبار بعد ذلك بشهر
والحمدلله تجاوزته بفضل الله.
تطمني ياختي الاختبار الثاني أسهل من الأول
وبنسبه لموعدع يكون يكون بعد الأول بشهر.

وباتوفيق للجميع

[بنت مو حلوه]

الله يوفقني في التاهيلي

[نغمه]

:mh19:مافي احد من بنات القصيم:103:

[بنت مو حلوه]

نغمه انتي بالاكاديميه :g2:

[أحبس دموعي]

بنات كيف الأسئلة اللي من الهيئة ؟
أنا راح أختبر الأختبار الأول الشهر الجاي و إن شاء الله أنجح