قررت اسحب ملفي والسبب...؟ كذلك يوجد لاب توشيبا

[حبيب منى]

السلام عليكم ورحمة الله وبركاته

اخواني اخواتي انا قررت انسحب من الجامعة بالرغم ان توي مسجل فيها ويعلم الله اني قد دفعت الرسوم ونزل الجدول والمحاضرات واشتريت لاب ب 3300 بس حليتها ومليتها لقيت ان فيه مصاريف بتقابلني الي هي مصاريف زواجي وراح يكون الزواج شوي بيكسل علي من ناحية الدراسة فقررت تاجيل الدراسة لمدة سنتين وبعدها ابدا اسجل الين يتحسن وضعي المادي

المهم انا سويت طلب انسحاب من البرنامج فتكفون وش باقي اسوي لاني لقيت موضوع لاحد الاخوان قبل فترة ونزل جوال الموظف المختص به الموضوع لاني بحاجة الفلوس مرة مره...



الشي الثاني واستاذن المنتدى ادارة ومشرفين واعضاء والله اني شريت لاب توشيبا من افضل نوع ب 3300 ولا اشتغل الا بس يوم ركبلي البرامج والحين مو بحاجة ويعلم الله ماله الا يومين او ثلاثة معي الي يبيه يراسلني وبوصلة له باي مكان يبيه الجهاز ب 3000 وال 300 ببقيها له ويعلم الله الجهاز جديد جديد لسى بقراطيسة ولا اشتغل دقيقة.....وهذي مواصفاته...


جهاز توشيبا الاصدار الاخير SATELLITE L745-M13S
الجهاز جديد لم يستخدم سوا تحميل البرامج
المعالج 5i المطور الذهبي
الذاكرة DDR3 4G
سعة القرص الصلب 640G
الشاشة مقاس 14 HD
كرت الشاشة منفصل 1G VRAM
مشغل دي في دي
ويندوز 7 الاصلي هوم بري
واي فاي
اللون سيلفر
شنطة اصلية
ماوس+سماعات
بلوتوث
كاميرا مدمجة
عدد المخارج 3 + مخرج HD

الضمان ضمان الوكيل

الي يبيه يرسلي رقمه عالخاص واتواصل معه....

[جنون الحياه]

وعليكم السلام ورحمة الله وبركآته..

الله يوفقك ان شاء الله ,,ومبروووووووك عليك ان شاء الله الله يبني بيتك بكل خيييييير,,


وبالنسبه للانسحاب خلاص تعبي الطلب حقك من الخدمآت الطلابيه وتسوي ارسال ..هم دايم يتأخرون بالردود فأحسن لك اذا تقدر تروح لهم وتخلص امورك بسرعه أحسن لك..

طبعآ انت سويت انسحاب,,يعني من البرنامج كله ,,اذا مره ثانيه تبي ترجع تدرس لازم تسجل مره ثآنيه,,ويشوفون يقبلونك او لأ..

في حاجه ثانيه اسمها تأجيل /أعتذآر هذي تـاجل وتقدر ترجع تدرس بعدين..

وربي يسهل لك وييسر لك ان شاء الله ,,

خيره ان شاء الله..

بالنسبه لللاب شوف اذا احد يبيه,,

مووووووووفق,,

[جنون الحياه]

وعليكم السلام ورحمة الله وبركآته..

الله يوفقك ان شاء الله ,,ومبروووووووك عليك ان شاء الله الله يبني بيتك بكل خيييييير,,


وبالنسبه للانسحاب خلاص تعبي الطلب حقك من الخدمآت الطلابيه وتسوي ارسال ..هم دايم يتأخرون بالردود فأحسن لك اذا تقدر تروح لهم وتخلص امورك بسرعه أحسن لك..

طبعآ انت سويت انسحاب,,يعني من البرنامج كله ,,اذا مره ثانيه تبي ترجع تدرس لازم تسجل مره ثآنيه,,ويشوفون يقبلونك او لأ..

في حاجه ثانيه اسمها تأجيل /أعتذآر هذي تـاجل وتقدر ترجع تدرس بعدين..

وربي يسهل لك وييسر لك ان شاء الله ,,

خيره ان شاء الله..

بالنسبه لللاب شوف اذا احد يبيه,,

مووووووووفق,,

[ǺĽ ẕeeห]

حياك اخوي

الله يكتب لك الخير وين ماتكون يااارب

بس ياليتك مسوي تاجيل بدال انسحاب "

انسحاب بيرجعون لك ملفك وكل شي يخصك بس التاجيل يتم كل شي عندهم لين تطلب عوده بالوقت الي يعجبك

كذا لو بغيت ترجع بتسجل من جديد "

يلا مو مشكله الحمد لله على كل حال وربي يكتب لك الخير وين ماكان "

وجهازك وانا اختك ارجع رجعه لنفس المحل الي شريته منه وبيعه له دامه حديث الأستخدام "

[Fahd2020]

بتندم صدقني
لاتغلط غلطة غيرك كل ما كبرت كل ماكسلت اكثر
واسال مجرب
كمٌل وربي معاك حتى وظيفتك راح تتطور فيها ويمكن تلقى افضل منها أنصحك أستمر ترا الجامة سهلة وتقدر تكمل والشباب ما شاء الله وملخصات

[<<<<]

^

كلامك بدا يقرقع في قلبي كنت ناوي انسحب خوفي اجيب العيد في الاختبار لاني صراحة تابعت اول محاضرة للرياضيات وحست وحسيت اني بلخبط وبحوس اوم الدعوه وقلت افضل لي انسحب بكرامة .!

وانت تقول سهله واخاف صدق اتندم .!

ياليت احد منالمستوى الثاني يفيدنا اكثر..

[حبيب منى]

انا والله انسحبت لاني احتاج الدراهم هالايام كثير والشي الثاني ابي اكمل اجتماع او علم نفس او اعلام وهذا الي راح اسوية والي يبي الجهاز ما راح اقصر معه بساعده بالسعر والله انه جديد وما استخدم...

[abdullah-337]

ابد ما انصحك تبيع جهازك هنا شف المواقع المخصصه بالبيع

والله يوفقك

[MRSOM]

السلام عليكم ورحمة الله وبركاتة

صبحكم الله بالخير جميعا

انا ماني جاي اشد على يدك واقولك انسحب انسحب

بالعكس

انا وضعي الأسري والعملي والاجتماعي والمادي اصعب مما تتصور
تقولي كيف اقولك باختصار

انا دخلت الترم الفايت والحمد لله عديت الترم بمعدل 3.6 ولله الحمد
ومع هذا كان وضعي ابدا ما يأهل أذاكر أو اجمع كم معلومة

انا أشتغل بالقصيم وساكن بقرية انا وزوجتي تبعد عن مقر عملي 100 كيلو ( ردمية )
دوامي من الساعة 8 لكن عشان الطريق اطلع 6.30 وينتهي الدوام الساعة 4 وأوصل البيت 5.15 أرجع بس أبغى أنام وأرتاح [ تخيل التزامات البيت وحاجة العائلة لي ] مو ملحق عليها
والدتي بالرياض وأسبوعيا لازم أجي لرياض
الوضع المادي جدا جدا سيء لدرجة اطفر من أول يوم من الراتب ( قروض وأجار وديون البقالات )

ومع كذا الحمد لله ربك ميسر كل شيء

وقبل اسبوع جاني ولد الحمد لله يارب وعارف المصاريف حقت المولود

ومع هذا كله راح اواصل بإذن المولى عز وجل لحد ما أوصل للهدف الي انا ابغاه
اذا حطيت مصاعب قدام عينك وما حاولت بشتى الطرق تتخطاها
راح تبقى بمكانك

اذا عمرك 28 زي ما انت كاتب ،، يعتبر عمر متقدم بالنسبة بالوسط الوظيفي
يعني خلال 4 سنوات ان شاء الله اذا خلصت دراستك بدون اي تأخير راح يوصل عمرك 32

فما بالك اذا تبغى تأجلها سنتين قدام ؟؟ احسبها بنفس الحساب الي فوق
تلقى عمرك 34 سنة هذا اذا ما تأخرت لاقدر الله



تذكر حاجة وحدة وخليها في بالك
الانسان هو عدو نفسة


اذا كل ما جاك منعطف بحياتك تأجل وتحذف
صدقني ابدا ما راح تتحرك من مكانك




الزواج ربك سبحانة يسهل امورة بشكل ما تتصور
حتى لو تبي تتزوج وماحد مساعدك وماتملك غير ملابسك
عندك ربك سبحانة بييسر امورك لأنك إنسان تبغى تكمل نص دينك


انا عندي كلام كثير لكن ماودي اكثر عليك وعلى اي شخص يفكر ينسحب
لان كل يوم يروح من عمرك راح تتحسف عليه بالايام الجاية


هذا مو كلامي لكن من واقع مرير شفتة على كثير من الاشخاص الي تعرفت عليهم بحياتي
وتمنون يدفعون دمهم وعمرهم بس يرجعون ورا ويصححون كل خطأ وقعوا فيه



لك ودي واحترامي
محمد

[laklak]

^^^^

كلام جميل وياليت ياصاحب الموضوع تراجع حساباتك

وبعدين اتوقع انهم مارح يرجعون لك المبلغ حق الترم هذا خلاص فاانت بهالحاله جرب نفسك هالترم وش مخسرك

وشوف وش يطلع معاك و الله سبحانه مقلب الامور كيفما يشاء ماتدري وش يقلب امورك عليه خل ايامك تمشي

بااقدار ربك وانت اسعى وادعي ربك برزق وتيسير الامور وربي ان شاءالله بيفتحها عليك

بعدين كمصاريف الزواج صح مكلفه وحالتك الماديه اذا ماتسمح تقدر تاجل الترم الجاي الى ماتتعدل شوي ومبالغ

الرسوم مو مررره مرتفعه يعني تدبر لو بسلفه ع الراتب او بااي طريقه ربك ييسرها اذا انت جاد وساعي بالعلم

لاتخلي الشيطان يوسوس براسك ماتدري انت تركت دراستك عشان زواج ماتدري هالزواج بنجحح او بفشل ؟؟!!

ماتدري وش الله كاتبلك فيه وبلاخير يمكن تندم ويمكن ان شاءالله تنجح بزواجك وتلاقيلك الزوجه الصالحه الي تعينك

وتساعدك بتسهيل اجواء لدراستك

الدعووه مو مره صعب وتراها سهله اذا سهلتها انت انا مثل الاخ محمد عندي دوام من 8 ومارجع البيت الى 5

وبعدها اطلع لضروف خاصه ومارجع البيت الا ساعه 8 ومافي وقت لا لراحه ولا لااكل ولا لنوم كافي ويادوب احاول

ارتب اموري بيوم الجمعه حرام تضيع نفسك على امور تافه

رتب جدولك واعطي لو القلليل من وقتك لدراسه وجرب نفسك هالترم مو خاسر شي وربي بيسرلك


موفق وانتمنى لك الي فيه الخير ولاتنسى الاستخاره

[m.ksa]

السلام عليكم ورحمة الله وبركاتة

صبحكم الله بالخير جميعا

انا ماني جاي اشد على يدك واقولك انسحب انسحب

بالعكس

انا وضعي الأسري والعملي والاجتماعي والمادي اصعب مما تتصور
تقولي كيف اقولك باختصار

انا دخلت الترم الفايت والحمد لله عديت الترم بمعدل 3.6 ولله الحمد
ومع هذا كان وضعي ابدا ما يأهل أذاكر أو اجمع كم معلومة

انا أشتغل بالقصيم وساكن بقرية انا وزوجتي تبعد عن مقر عملي 100 كيلو ( ردمية )
دوامي من الساعة 8 لكن عشان الطريق اطلع 6.30 وينتهي الدوام الساعة 4 وأوصل البيت 5.15 أرجع بس أبغى أنام وأرتاح [ تخيل التزامات البيت وحاجة العائلة لي ] مو ملحق عليها
والدتي بالرياض وأسبوعيا لازم أجي لرياض
الوضع المادي جدا جدا سيء لدرجة اطفر من أول يوم من الراتب ( قروض وأجار وديون البقالات )

ومع كذا الحمد لله ربك ميسر كل شيء

وقبل اسبوع جاني ولد الحمد لله يارب وعارف المصاريف حقت المولود

ومع هذا كله راح اواصل بإذن المولى عز وجل لحد ما أوصل للهدف الي انا ابغاه
اذا حطيت مصاعب قدام عينك وما حاولت بشتى الطرق تتخطاها
راح تبقى بمكانك

اذا عمرك 28 زي ما انت كاتب ،، يعتبر عمر متقدم بالنسبة بالوسط الوظيفي
يعني خلال 4 سنوات ان شاء الله اذا خلصت دراستك بدون اي تأخير راح يوصل عمرك 32

فما بالك اذا تبغى تأجلها سنتين قدام ؟؟ احسبها بنفس الحساب الي فوق
تلقى عمرك 34 سنة هذا اذا ما تأخرت لاقدر الله



تذكر حاجة وحدة وخليها في بالك
الانسان هو عدو نفسة


اذا كل ما جاك منعطف بحياتك تأجل وتحذف
صدقني ابدا ما راح تتحرك من مكانك




الزواج ربك سبحانة يسهل امورة بشكل ما تتصور
حتى لو تبي تتزوج وماحد مساعدك وماتملك غير ملابسك
عندك ربك سبحانة بييسر امورك لأنك إنسان تبغى تكمل نص دينك


انا عندي كلام كثير لكن ماودي اكثر عليك وعلى اي شخص يفكر ينسحب
لان كل يوم يروح من عمرك راح تتحسف عليه بالايام الجاية


هذا مو كلامي لكن من واقع مرير شفتة على كثير من الاشخاص الي تعرفت عليهم بحياتي
وتمنون يدفعون دمهم وعمرهم بس يرجعون ورا ويصححون كل خطأ وقعوا فيه



لك ودي واحترامي
محمد


لايوجد لدي صلاحية , لـ : الاعجاب ..

ولكن ي : سميي ..

لا أملك الا أن أقول لك :

( الله يوفقك ويرزقك من مالة , ويرزقك الذرية الصالحة وتفرح بهم دكاترة مستقبلاً بإذن الله )


بالفعـل كلامك عين العقل .



وبالنسبة لـ أخوي صاحب الموضوع :

وضعي أصعب مما تتصور , ف الابن الوحيد ف العائلة , وتقدم بي العمر ..

دون زواج ، ف أردت تصحيح غلطتي .. ف تجدني في معهد لغة صباحاً ومساءاً في دوام

10 ساعات من يومي , ليست لي , من غير المشاوير . والمتطلبات العائلية بحكم أني الولد الوحيد .


ولكن مع ذلك ، أدعي ربي بتسهيل أمور الجامعة والدراسة ، فقد أصبحنا في زمن أصبحت فية الدراسة أهم من الزواج : )


والله يوفقك في زواجك ، ويكتب لك الي فية الخير ,

وبالنسبة لـ جهاز لاب توبك , أنصحك بمواقع الحراجات الالكترونية ( بدون ذكر اسماء ) .

ولكن قوقل .. سوف يفيدك ,

والله الموفق ..

[AL RSHEDI]

الله يوفقك ولكن الشهادة الجامعية مطلوبه

بس الله يوفقك ان شاء الله

[أشواااااق]

آلله يختآر لك الخيرهـ الطيبه ..

[Mr.Kiwi]

^

كلامك بدا يقرقع في قلبي كنت ناوي انسحب خوفي اجيب العيد في الاختبار لاني صراحة تابعت اول محاضرة للرياضيات وحست وحسيت اني بلخبط وبحوس اوم الدعوه وقلت افضل لي انسحب بكرامة .!

وانت تقول سهله واخاف صدق اتندم .!

ياليت احد منالمستوى الثاني يفيدنا اكثر..

لو تمر على الملخصات مرور الكرام قبل الإختبارات بتنجح بإذن الله
الدعوه سهالات هنا بس لازم تذاكر عشان تجيب معدل طيب عشان ما يحدك بعدد الساعات

انا انضغطت السمستر اللي راح بالشغل وأجلت المذاكره شوييييييييييييي
ورفضو اجازتي...كنت اطلع من المكتب لقاعة الإختبارات والحمدلله جبت معدل حليل
وغير كذا تختبر بنفس مدينتك...لا تقول لي سافر جده ولا خرابيط

فرصه وجتك لا تضيعها....خل شعبنا العاطل يعرف طريق هالجامعه والله غير يصير حرب عالقبول

وبالنسبه للمصاريف اذا كان الواحد مطفر ينزل الحد الأدنى للساعات اللي هو 12 ساعة*165 ريال للساعة + 10رسايل=1990 ريال سعودي لا غير

واذا الأوضاع الله يعلم فيها يأجل تيرم والشكوى لله

[*خالد الشهراني*]

نصيحه لا تنسحب ولا تأجل الاختبارات باقي عليها وقت تبدا شهر 7 تقريبا وانت لاحق عليها وانا اثق ثقه تامه ان زوجتك بتساعدك وتشجعك معنويا لو استشرتها لأن هذا مستقبلكم جميع زوجتك تبيك من افضل الناس ماديا واجتماعيا تقبل وجة نظري وسلامتك :(204):

[Sarah89]

ماشاء الله ردود الاخوان تكفي وتوفي وطلعت نماذج كثيره لناس ضاغطه على عمرها عشان توفق بين الدراسه والحياة الإجتماعيه .. انا مثلا مخلصه ثانوي من 5 سنين وخاطري ادرس بس كان وضع زوجي المادي صعب !!

كان طالب بكلريوس وكنت اساعده واشجعه ولا خليته يشتغل مسائي عشان يتفرغ لدراسته ومايتشتت وبفضل الله تخرج بمعدل مرتفع وجاته وظيفه مرموقه و ترشح للماجستير واعطوه تفرغ من العمل :cool: (ماشاء الله)

والحمدلله كثرت الدراهم قلت الحين جا دوري ادرس :biggrin:


دائماً كل شي بدايته صعب والواحد لازم يضغط على نفسه عشان مايندم بعدين !!
ولاتنسى الإستخاره قبل كل شي ..

الله يوفقك ويكتب لك الخير والخيره :106:

[طارق القحطاني]

ماهم الا هم العرس ولا ضيم الا وضيم الضرس :064:

فلوس الزواج سبحانه الله ربك ييسرها للعبد من دون ان يعلم تجيك من يمين ومن يسار لانك راح تكمل نصف دينك
والجامعة كان اجلت يابن الحلال واذا في امل للتأجيل فانصحك بذلك

اللهم بارك لهم واجمع مابينهم على خير

[آلمستشآر]

آولآ آلله يوفقك ويسهل آمرك
ثآنيآ : وآنآ آخوك لآ تترك آلجآمعه خذهآ نصيحه مني آنآ درست آربعة مستويآت وتركتهآ زيك وكل مره آقول بكمل الين وصل عمري 33 وضآعآت نتيجه اختبآرآتي آلسآبقه من جآمعتي آلآوله وبعد مآ قررت آدرس وآطالب فيهآ ضآعت آلسنوآت وفي آلآخير مآ صدقت آني آنقبلت في هألجآمعه وقآلو آذآ مآ فيه درجآت سآبقه تبدآ من جديد وقررت آبدآ هآلسمستر ،، صدقني رآح تندم لآ تقول ظروف وترآي آلآختبآرآت آسهل مآ يكون نظآم آمريكي يهني كلهآ خيآرآت وعندك شي مضمون في يدك 30 درجه مآ تحصلهآ في جآمعة آلملك عبدآلعزيز تتدخل وآنت مآ عندك غير ورقة آلأجآبه 100 درجه
وآذآ ع آلظروف كل وآحد عنده آللى مكفيه ،، آنآ متزوج وعندي آلتزمآت ودومآمي من 9- الى 6 المغرب مو محصل وقت للجآمعه آو لعيآلي فوق رآسي ورآاتبي مآ يتجآوز 5000 ريآل غير آلآيجآر وطلبآت آلبيت ورسوم آلجآمعه..آلخ ومعي هذآ كله مآ صدقت آحصل هآلفرصه وترآهآ مآ تتعوض ألسنوآت تجري بسرعه في غمضة عين .. آللى درسو معي تخرجو وتوضفو آلله يوفقهم وآنآ لآ زلت في مكآني
فكر في مستقبلك آلوظيفي آولآ ،، وترآي آلزواج آمورهـ تتسهل آنت آنوي وكل شي يتسر
وآحد من زملآئه قرر يتزوج ومآ في رصيده غير 4000 ريآل ومآ يصفى من رآتبه آلشهري غير 1700 ريآل ومع ذآلك تيسر له زوآجه وكمل درآسته وآلآن هو في آلمستوي آلسآدس
لآ تحط قدآم عينك آلآسبآب ،، توكل ع آلله وآستخيرهـ ومآآ خآب من آستخآرهـ

وبآلنسبه للجهآزك آقرب محلآت كمبيوتر نزله ورآح يشترونه منك ،،

في آلآول وآلآخير آلقرآر يعود لك

[ملكه بعالمي]

ماشاء الله ماقصروا الجميع نصحوك وانت عليك تستخير والله يوفقك ويسر امورك

[Donna]

الله يكتب لك اللي فيه الخير :106:

[ناصرالهاجري]

الله يعوض عليك اخوي