أبيك و ما أبي غيرك على صدري تعال ونــام

[شاعر خيال]

أبيك و ما أبي غيرك على صدري تعال ونــام
أبيك ويشهد البـــاري ملكت أرض الغلا فيني

أغيب أيام وارجع لك بشوقٍ يحتريك أعــوام
بعيد لكن بروحي سكنت وضمتــك عينــي

ثلاث أيام بهن عمري كتب موته بعد ما قـــــام
ودمع العين يا ويلي يدق البـــاب ويلفينــي

أنا من رحت حلت بي هموم ٍعشتها واسقـــام
ملت روحي يا روح الروح..حضنت الموت بيديني

ملامح لهفتك تضوي سماي وقلبي لاأبد مــــا رام
يا كود تمره بليله وتشعل بـــــاقي سنينـــي

تزاحم في الحشا نبضي وتسكن في المنام أحلام
تمنت تلتقيك اليوم ومدري كــــــان يمدينـــي

أنا لا قلت فمان الله أحس بخافقي سهـــــام
تزيد طعونها وتغرس ألم واحــــــزان تكوينـي

تقول اليوم تعال لي دخيلك عجل باقـــــدام
خطت فوق الثرى تنوي بعـــــادي بس يكفيني

دخيل الضمة واللمة فديتك عمري وانت الهام
يحرك خافي أشواقي وبعد المــــوت يحييني

طلبتك لا تغفي عينك على ليلٍ حلف ما ينــــام
تراني يمك وحــولك أسقي بـــــك شــــراييني

تصدق كل كلماتك حلا منثور وريح خـــــزام
تعطر خافقي ومعهـــــا أضيعهــا عنــــــاويني

أحبك والغلا يشهد وحرف يشتعل واقـــــلام
تخط بحبرها أعــــذب قصيــــدة في دواوينــي



شــــــعــر

فلاح عشوي العنزي

[اخت مصعب]

:(204)::(204):

[بنت الشمري]

طلبتك لا تغفي عينك على ليلٍ حلف ما ينــــام
تراني يمك وحــولك أسقي بـــــك شــــراييني



صح لسانك اخوي

روووووووووعه

تحياتي:106:

[مديحه]

يالبييييييييييييييه انت كدا :(204):
:d5::d5::d5::d5::d5::d5::d5::d5::d5::d5::d5:

[[ قايدة الريم ]]

أحبك والغلا يشهد وحرف يشتعل واقلام
تخط بحبرها أعذب قصيدة في دواويني


جميله , صح لسآنك . . :rose:

[نورة]

يا مال العافيه على الاختيار

صح السانك :(204):

[شاعر خيال]

تعجز الحروف عن شكركم لما


تكتبه اقلامكم المبدعة


دمتم بكل الخير

[انثى مخمليه]

كلام جميل

[شاعر خيال]

ودمتو بأفضل حال

[الــغـــدراء]

،،،



من قوانين القسم :
يمنع رفع المواضيع القديمة ،،،

أعتذر منك اخي [ شاعر خيال ]
يغلق ،،،

و ننتظر طرحكـ الجميل و الجديد ... :rose: