استفسار من اخواني واخواتي

[اناجديد]

السلام عليكم ورحمة الله وبركاته

أنا منتسب في الجامعة دارة اعمال امن الترم الاول هذا العام

ولكن لم اتكن من دخول الاختبارات في الترم الاول بسبب سفري خارج المملكة تكليف من العمل

ولكن انا الان رجعت وابي اكمل

دخلت على موقع الجامعة

حصلت:،//

*،،،،،، انذار اول

*,,,,,,,, لم تقم بتسجيل أية مقررات فى هذا الفصل

*,,,,,, بعدين انا سددت مبلغ الترم الاول فقط



ماهو المطلوب الان وماهو الاجراء الذي علي عمله


ارجو المساعده

[النمر2009]

اخى الكريم حاول تتصل على الرقم المجاني وان شاء الله يساعدوك
وبالتوفيق ان شاء الله

[دوَدي]

-

عليكم السلام ورحمة الله وبركآته
أول شي الله يرضى عليك .. لما تكلفت من العمل بسفره خارج المملكه .. المفروض تسوي [ تأجيل ]
عشان ماتروح عليك فلوسك ولا يصير عندك أنذار ..

طيب الشي الثاني .. مفروض تسجل موآدك !!

انت الحين عندك انذار اول
وماسجلت موادك .. فِ تعتبر منقطع عن الدراسه لعدم تسجيل المقررات ..

وش الحل او وش السوآه ؟
مالك الا تنتظر للترم الجآي :icon9

و انتبه .. ترى بس الترم الاول اللي تتسجل الموآد و من بعده انت اللي تسوي جدولك

لكن انا بقترح عليك اقتراح مادري يضبط معك أو لا ..
اللي هو انك تكلم احد دكاتره الجامعه وتقول له موضوعك ..
مو عشان تدرس هالترم .. بس عشان يخلي وضعك من غايب عن الاختبار الى معتذر
بكذا يروح عليك الانذار .. و الشي الثاني ترى المعدل المحسوب تراكمي
يعني لو شديت حيلك الترم الجاي .. وجبت مثلا 4 .. راح ينزل كثير لانهم يجمعون ويقسمون

اعتذر على طول الرد بس حبيت افصل لك كل شي ، عشان يكون عندك خلفيه ..
و اي استفسار انا بالخدمه

[اناجديد]

جزاكم الله خير

وشكراً اختي دوَدي

والله كنت اجهل الانظمة

[دوَدي]

جزاكم الله خير

وشكراً اختي دوَدي

والله كنت اجهل الانظمة

-

يجزاك الجنه .. عفواً
ايه عارفه انك تجهل الانظمه .. وعشان كذا انا شرحتهآ لك بالتفصيل ..
فِ ما ادري اذا تقدر تكلم الجامعه وتشوف يمكن ربي يسخر لك واحد يتساعد معك
بحيث انه بدل مايخلي الحروف اللي جنب اسماء المواد f
تكون w وبكذا ماتدخل فِ المعدل .. و تبدآ تشد حيلك من الترم الجاي ..
لان لو جلست اف مثل ماقلت لك راح تاثر على معدلك كثير

-

و اذا بعد يقدر يسجل لك المواد يكون زين .. عشان مايفوت عليك الترم هذا ..

-

تفضل هذا الرقم المجآني
8003030308

اي استفسار بخصوص الانظمه ولا شي انا موجوده