إلى طلاب وطالبات شرق الرياض ..!

[مشـعـل الشمري]

السلام عليكم ورحمة الله وبركاته


مساء الخير للجميع


حبيت بس اكون عوناً لكم بعد الله وتسهيل اموركم
بحيث انه قمت بطباعة المقرارات للمستوى الثاني عندي في البيت
واذا بغيتوا اصورها لكم واقوم بوضعها عند اي مكتبة بشرق الرياض وتكون قريبة لكم
انا مستعد واذا ما اردتوا براحتكم بس ياليت تذكرون لي المكتبة التي تناسبكم وتعطوني عنوانها
علما بأن انا بحي المنار عطوني اي مكتبة اروح لها ماعندي اي مشكلة


طبعت ملخصات المقرارات الاتية :

1- الاقتصاد الكلي ــــــــــــــ ملخص خجل

2- تقنية المعلومات 1 ــــــــ ملخص دلــــو

3- نظم المعلومات الإدارية ــــــــــ ملخص تذكــار العنزي

4- مبادئ المحاسبة 2 ــــــــــــــــ ملخص فهد الشمري

5- السلوك التنظيمي

6 - الرياضيات 2


ملاحظه مهمة جداً

والله وراء القصد لا أقصد بذلك المتاجرة واستغلال الطلاب والطالبات وانما سيكون لوجه الله سبحانه
بحيث يتم دفع قيمة التصوير لصاحب المكتبة التي ترغبونها فقط
وراح اعطيكم السعر بعد ما اروح له واصور نسخ تكون عنده وراح اخليه يصور بسعر معقول ورمزي لكم .

ولا اريد منكم الا الدعاء لي ولوالدي والمسلمين


بأنتظار تحديد المكتبة

[جنون الحياه]

يعطيك ألف ألف عآآفيه وجعله ربي بموآآزيين حسنآآتك..

تسلم ومآ قصرت,,,

<<مآني من الرياض ,,

بس رح تسهل على اخوانك وخواتك ,,

وانت حطهآ بمكتبه ,,وقولهم وش اسمهآ ,,ووين مكآنهآ,,:(204):


عشان الي ما يكون مسجل بالمنتدى يعرف,,

موووووووووفق,,:106:

[ضوء الحب]

أخوي مشعل لاتخاف, الله عالم وحده من نيتك الطيبة والخالصة وشاكر ومقدر جهدك , والله ينولك مرادك

[ضوء الحب]

مشعل لاهنت : بالنسبة لملخص فهد الشمري لمادة المحاسبة (2) ياليت لو تكرمت تنزله بملف ورود .... شاكر لك

[خالد الطويلعي]

والله انا اشوف مكتبة الرواد في حي النسيم الشرقي
هي المناسبة
وراح اعطيك الأسباب
1. تقع في منطقة الوسط في احياء شرق العاصمة
2.تقع في الوسط بالنسبة للأحياء الشرقيه ( النظيم ، الجنادرية ، القادسية ، النسيم الشرقي ، وكذلك حي ابن باز ، وحي الندوة اليرموك ., النهظة )

انا اشوف هي الأجدر من وجهة نظري



موقع المكتبة
على شارع ابو هريرة ( الحمزة سابقاً )
عند اول اشاره وانت داخل من طريق المية بعد اول اشاره ب 15 م
على يدك اليمين

[دمعه ملاك]

الله يجزاك خير ويوفقك ما قصرت والله

انا بشرق الرياض بس انا اطبع بالبيت:smile:

[ال حويل]

اخوي مشعل الله يجزاك كل خير وبنسبة لي ماعندك اي مشكله اي مكتبه تحطها فيها اعطنا اسمها وعنوانه وبيض الله وجهك ماقصرت يكفي ريحتنا من مشوار السويدي وهالزحمات ومره ثانيه الله يجزاك خير

[الباشا انا]

:biggrin:


مشعل لا هنت
الله يغفر لك ولوالديك وللمسلمين

مثل ما قال النقيب خالد الطويلعي :biggrin:
لأن المكان اللى قال عليه قريب جداً من الاخياء اللى ذكرها وابرضوه قريب من الروضه والقدس والخليج والريان
والسلام والمنار والربوه ..





موفق يالغالي :53:

[مشـعـل الشمري]

اوك اللي انتم تشوفونه اذا تبون المكتبة اللي قالها اخوي خالد

[الواثق.]

هلا اخوي مشعل الله يعطيك العافيه ماقصرت وبيض الله وجهك ويجعلها في ميزان اعمالك
انا اشوف مكتبة الرواد هي المناسبه والراي لكم جميعا
ولك خالص تحياتي يا خالي...

[أمل جديد4]

الله يعطيك العافيه بس انا مو في شرق الرياض بالتوفيق لكم:d5:

[كولبهـــــآر]

http://im19.gulfup.com/2012-02-26/1330206156481.gif


جــــزآك آلله خيــــــــر خيــــــــــــوـو ..

[lightning]

انا ابيهم مالي خلق اطبع اوراق
مع اني شريت حبر و ورق :biggrin: بس متكاسله
انا بالنسيم من وين اقدر احصلهم
بتريحني كثييير شوووكرن لك :(204):

[ع بث]

انا بشرق الرياض وطبعت بالبيت 3 مواد وباقي 3 مواد
التقنية والنظم والسلوك..؟!

ليت اذا قدرت تعطينا الاسعار

والله يجزاك الجنه ولوالديك بالمثل

:106:

[lightning]

اخ مشعل
عند اي مكتبه ناوي تحطها

[بسووم*]

يعطيك العاافيه :(204):

[تركي بن عبدالرحمن]

الله يغفر لك ولوالديك وللمسلمين

[ديم الفرح]

يعطيك العافيه
وجزاك الله الف خير

[ABU RETAL]

الله يجزاك خير

ويجزا والديك الجنه

والله يخليهم لك ولا يحرمك منهم

والله يطول بعمارهم ويشوفون عيالك وعيال عيالك :mh001: :S_45:

اضاهر اني ماقصرت صح :53:

والملخصات لو كانت في اخر الرياض وهم حريصين بياخذونها

حطها عند اقرب مكتبة عندك وجزاك الله خير

<<<<< ولو تحطها في الروضه تصير احسن واحد في الرياض :cheese:

[ماتلدا]

اللهم الهي يامن يسمع دعائي اللهم اني ارفع لك يدي اللهم ارفع قدره وعلي شأنه ويسر له دربه وارزقه من حيث تشاء وافتح باب توفيقك له واسلك دربه بالخيرين والخيرات واجعل في كل خطوة يخطيها رفعة له ولوالديه في سلم جناتك الهي واحرم وجهه ووالديه من النار وباعد بينه وبين السيئات ونقه الهي من الخطايا كما ينقى الثوب الابيض من الدنس .....اللهم امين ولكل من يدخل هذا المنتدى

[aseel.w]

^
وش السالفه ، بس فهمت انك تبي الخير ، الله يجزاك إياه :rose:

[عذب الليالي]

الف شكر وجزاك الله خيراً حقيقة ما قصرت :(204):

[alfahd]

ماقصرت والله بس تدري عطني رقمك وانا اجي اخذها اذا ممكن بنتضار ردك لي اوكي

[مشـعـل الشمري]

اولاً : هذا ما سعدت به من دعاء وهذا ما أريده ولكم ما دعيتم به بأذن الله
ثانياً : جميع المقرارات عندي جاهزة ما عدا السلوك التنظيمي لان شفت فيه أختلافات بين الطلاب
وبين الملخصات واهميتها سوف اقوم بطباعتها لاحقا عند الاتفاق ع ملخص واحد .
ثالثاً : (( وش رأيكم بمكتبة الـــرواد بحي النسيم الشرقي ع كلام اخوي خالد واللي يعرف افضل من ناحية الموقع يبلغني ))
ياليت تختارون وتتفقون على مكتبة لان هاليومين راح حطها لكم

بالتوفيق

[ABU JRAA7]

السلام عليكم ورحمة الله وبركاته

بيض الله وجهك وأنا أخوك ،، وأسأل الله العلي القدير أن يجعل ما قمت بهِ في موازين حسناتك

وما يخص المكتبه أنا أُأيد الأخوهـ الأفاضل أن تقوم أنت بتحديد المكتبه وتخبرنا بها

ولك وافر التقدير والإحترام

[أحمد بن سليمان]

بارك الله في مجهودك ونفع به .... والاخت ماتلدا .. شكرا على الدعاء ولكي بالمثل كما اساله لك وللجميع التوفيق والستر ...

:53:وفالكم التخرج ان شاء الله:53:

[سلطان المسافر]

:(204):تسلم ماقصرت

[امورة وايد]

:004:جعلهاا الله في ميزان حسناتك:004:

[الخمري]

جزاك الله خير

التفاعل بيزيد والسؤال بيكثر قبل الاختبارات بأسبوعين

فالك التوفيق


يقول ابو ريتال <<<<< ولو تحطها في الروضه تصير احسن واحد في الرياض :cheese:

[قلم الرياض]

اتمنى مثل ماقيل الرواد وعلى بركه الله


وشكرا لكـ

وغفر الله لكـ ولـ والديك..

[محمد آل موسى]

الله يجزاك خير الجزاء اخوي

شكرا لك

[وميض الرياض]

اخوى مشعل يعطيك العافية جهد مقدر منك اعتقد مكتبة الحجيلان الدائرى الشرقى بين مخرجى 11و12خلف مطاعم المكى مناسبة لكثير من ساكنى الحى لوجود طلبة كثر قربالمكتبة اتمنى لك التوفيق والسداد مع دعواتى الصادقة لك جعلها اللة فى موازين اعمالك

لك ودى:d5::004:

[ع بث]

اي مكان بالشرق

المهم تكون بالشرق

[خالد الطويلعي]

بشر اخوي وين وضعت الملخصات يالغالي لم ترد لنا اي خبر لحد الأن
تقبل تحياتي أخي العزيز

[أبو راكان.]

الله يجزاك خير

أنا في شرق الرياض وبإنتظار تنزيل الملخصات في المكتبه

جعلها الله في موازين حسناتك و رحم الله والديك

[lightning]

نزلها بالمكتبه الي اقرب لبيتكم
ما نبي نتعبك :biggrin:

[ماستر رياضيات]

مدرسة خصوصي رياضيات واحصاء وادارة مالية
لطالبات الرياض
الموقع : شرق الرياض

[مشـعـل الشمري]

تم وضع الملخصات لكم

ادخلوا على هذا الرابط

http://www.ckfu.org/vb/t303513.html (http://www.ckfu.org/vb/t303513.html)