ياليت تفدوني عاجل(استفسار عن التحويل للإنتظام).. تم تعديل العنوان .. تم الرد

[Blue Note]

السلام عليكم ورحمة الله وبركاتة

راح أدخل بالموضوع علطول أو أمكن قصتي


هذا ياطويلين العمر أنا أصلا من سكان الشرقيه (الدمام) ولي 3 سنين أطرد ورا هالجامعه وجامعات الرياض باحثه عن القبول بس مالقيت طبعا لأن ماعندي فيتامين (و) وساءت النفسيه ويئست مع ان معدلي مو مره شين 80,65
شائت الاقدار والظروف أسافر على جده وقلت خلني أجرب دامني في جده أقدم على جامعة الملك عبدالعزيز بس أنتساب هالمره (أنا طبعا مابي أنتساب أبي أحس نفسي طالبه صدق وأروح الجامعه بس هذا اللي أنكتب بس أنا قاعده أجتهد عشان أحول لأنتظام يعني الترم الاول جبت الحمدالله فوق ال3)
ألحين انا بسنه تحضيري بس فجاءه قررو الاهل يرجعون وأنا طبعا بنت مايصلح يرجعون ويخلوني
فأبي أحول لجامعة الملك فيصل

فمو عارفه لو حولت هل حلمي في التحويل للإنتظام بيتبخر:sm1:
هل راح يقبلوني من أصله

قريت أنه من شروط القبول أختبار قدرات عندي أختبار قدرات من سنتين تصلح ولا مايحتاج لأنه أنا أدرس انتساب الحين

مو عارفه أي شي عن التحويل ولا كيف ومتى

أدري طولت عليكم بمأساتي بس ياليت تفيدوني
محتاسه مره

[عقدتي تاريخ]

والله للاسف ماعندي اي خبره في سؤالك
ولاكان ساعدتك... ياليت البنات يساعدونك
والله يكتب لك اللي فيه الخير وتحولين انتظام:004:

[Blue Note]

مشكوره والله على ردك وأنك عبرتيني :)
بس معقوله مافي أحد يعرف وينكم بنات الفزعه :"(

[باسيل]

ياليت ياعمري اعرف ربي يوفقك

[القلب النابض]

انتي وش تبين تحولين للانتظام

لابد ما يكون مضى على شهادة الثانويه 5 سنوات


واذا على قصه الانتساب

اسالي اهل الانتساب

بقسم التعليم عن بعد هنا بالملتقى

[آبيات]

امممم كيف انتي في سنة تحضيرية وانتي انتساب ؟؟؟

مشكلتك مو واضحه ياليت توضحينها اكثر عشان اقدر اساعدكـ~~

ومن شروط التحويل انتظام
1- شهادة تخرجك ماصار له اكثر من 5 سنين
2- ومخلصه مستووين كامله يعني تقريبا 32 ناجحه فيها
3- ومعدلك التراكمي فوق 3.5 على ماعتقد انه 3.5

[Blue Note]

مشكورين والله انا أنساب سنه أولى يعني ابي اعرف بس هل جامعة فيصل صعب أنه الواحد ينقبل فيها لأن سمعت أن كل شي فيها بواسطه

[حلم مستحيل]

للأسف
التحويل للإنتظام (إلغي)

مافي تحويل للإنتظام لا للجدد ولا للقداما
وذا القرار صادر من نهاية الترم الماضي
وأخر دفعه تحولت هم اللي داوموا ذا الترم إنتظام

وتطبق القرار الترم هذا


(عسى ان تكرهوا شيء وهو خير لكم)

[الكويتي 1]

اولا : تستطيعي التسجيل بجامعه الملك فيصل انتساب .

ثانيا : التحويل للأنتظام متوقف حاليا ونقول ان شاء الله تعالي انهم يفتحونه لأنه يوجد طلاب وطالبات كثر يوردن

التحويل للانتظام والجامعه رافضه التحويل .

ثالثا : اذا تم قبولج بالجامعه تستطيعين معادله مواد ولكن يجب ان لاتزود عن 15 ساعه شورط الجامعه وبكيفهم .

رابعا : لا يوجد اختبار قدرات .