مفترق طرق اخواني ابي النصح و الاستشاره . [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : مفترق طرق اخواني ابي النصح و الاستشاره .

SMART.BOoOY

2012- 3- 4, 04:38 AM

السلام عليكم ورحمة الله وبركاتة

يالله وصلنا الى المستوى الرابع لله الحمد الايام تمشي بسرعة سبحان الله

حبايبي علشان مااطول عليكم انا جت في بالي اني اغير تخصصي الى لغة انقليزية لان احب هالتخصص وكانت احد رغباتي قبل الادارة لاكن الله اراد ان يتم قبولي في الادارة مع العلم اني

الحمد لله ماشي في الادارة اوكي :(204):

وش رايكم هل احول تخصص الى انقلش ولا استمر وهل بالنسبه لمستقبل التخصص من الافضل

الادارة ولا اللغة الانقليزية مع العلم اني اعمل في عمل حكومي هل نستطيع في تخصص اللغة الانقليزية التدريس ام لاااااااا :10111:

اتمنى تفيدوني يا اجمل اعظاء بالتوفيق للجميع اخوكم smart boy

رذاذ المطر ..!!

2012- 3- 4, 05:22 AM

وعليكم السلام ورحمة الله وبركاته ..

ماقدر اقول لك حول او استمر هذا يرجع ميولك ورغبتك ..
بس بقدم نصيحه لك ياأأخوي
من يوم انت موظف الادارة بتفيدك اكثر وتقدر تاخذ دورات انقلش عشان
تتطور اكثر
واما بنسبه التدريس بكون صريحه معك انتساب مايقبلونه في التدريس
او في قطاع التعليمي نهائي ..
ان شاءالله باقي الاعضاء يقيدونك اكثر ..

ناوي السوكبا

2012- 3- 4, 07:46 AM

من ضرب الجنون مقارنة الانقلش في الادارة

الانقلش أي معهد يدرسك اياه وبنفس كفائة الجامعة

لكن الادارة مين الي راح يدرسك ؟؟؟

ولو في دورات هل راح تكون بنفس الكفائة ؟؟؟

انتهى

ماوفيتكـ يـايمـه

2012- 3- 4, 10:12 AM

ولا ازيــد ع كلام اخوي (( نااوي )) شي غير ..
الانجليزي .. بظررف شهرين الى ارربع تكون باذن الله متمكن منهـ وباي مكان ووقت تنجح فيه .. << بس يبلهـ ممارررسـة :cool:

اما الاداارة .. مجااال ليس بسهل آآبــــــــــدآآ ومضموون ومتووسع :wink:

حــــــــــــــررآآم تضيع سنتين من عمرركـ بدون ماتكمل بتخصص مثــله

وكما ذكرت انكـ .. مااشي فيه تماام (( هذي نعمــة الحمد الله .. كمل طريقكـ بنفس التخصص الله يوفقكـ :(204):

دمت بحفظه

fahad 66

2012- 3- 4, 11:08 AM

انا اقوول خلك في الادارة

زامل الشهراني

2012- 3- 4, 11:34 AM

ما دام أمووورك ماشية في تخصص الإدارة وتمام
استمر في تخصص إدارة الأعمال

لأن تخصص إدارة الأعمال قوي وينفعك في أي عمل سواء حكومي أو خاص

لو حولت إلى الانقليزي راح تخسر المواد اللي درستها ودفعت رسومها ونجحت فيها ( من ناحية مادية ) :biggrin:

لذا أنصحك في الاستمرار في تخصص إدراة الأعمال

وما ضيع أكثر الطلاب والطالبات إذا وصل منتصف الطريق يريد تغيير التخصص ؟؟؟؟؟؟ :lllolll:

أما بخصوص الانقليزي تقدر تأخذ شهادة في أي معهد ومنها تستفيد ....

يالتوفيق لك أخوي

SMART.BOoOY

2012- 3- 5, 12:25 AM

شكرااا لكم اخواني على طرحكم الجميل وارائكم الرائعة التي كانت لي مشجعه وبعثة التفائل في قلبي

ان شاء الله راح اكمل التخصص

واسال الله التوفيق لي ولكم شاكر ومقدر تعاونكم :rose:

Ronin

2012- 3- 5, 12:53 AM

الله يوفقك بتخصصنا المتميز إدارة الأعمال وإن شاءالله راح تبدع فيه

ولكن أحب أقول للأخوان والزملاء إن اللغة الأنجليزية صحيح أنها ممكن تاخذها بمعهد وغيره وتطلع متمكن وهذا في حالة لو تبغى اللغة الأنجليزية بشكل عام
ولكن اللغة الأنجليزية كتخصص ترى يفرق كثير كأدب أنجليزي وتفرعاته ومراحلة المتقدمة والا ليه بالمعهد تاخذ دبلوم وهنا بكالوريوس ؟

الفكرة بأن كل تخصص له مجالة وأسراره وبدون تهميش او تحجيم لتخصص عن تخصص آخر

بالنسبه لي أحب إدارة الأعمال وانصحك بإدارة الأعمال مو لأني أحبها ولكن لأنك تقدر تطور نفسك بنفسك وتحرك قدراتك الكامنه بمجالات متنوعه ومن ضمنها اللغة الأنجليزية بشكل عام
وتقدر انت كهاوي تبحر باللغة الأنجليزية وعلومها بالمعاهد وخلافه وتقدر تتعمق فيها وتتحول من هاوي إلى خبير باللغة الأنجليزية وتصير عندك شهادتها تحصيل حاصل لا غير .
وأخيرا أحب أقول لك أن اللغة الأنجليزية ممارسه أكثر من أنها دراسة
وحتى إدارة الأعمال ولكن اللغة الأنجليزية تعتمد على أذنك ولسانك أما الإدارة تعتمد على عقلك وقراراتك

اتمنى لك التوفيق بإدارة الأعمال :rose:

SMART.BOoOY

2012- 3- 5, 10:09 AM

Ronin (http://www.ckfu.org/vb/u102356.html)

ولا اجمل من هالكلام اختصرت اشياء كثير في كلامك

ربي يسعدك نعم انا هاوي لغة انقليزية لله الحمد اعرف كثير وراح انمي هالشي وصحيح الممارسة الممارسه اهي اهم شي كان معاي في العمل مهندس غير عربي استفدت منه اشياء كثيرة جداا اختصرت المسافات

وكذالك كلامك صحيح الادارة مجالها واسعة ومتفرع

ربي يوفقك اخووي

زامل الشهراني

2012- 3- 5, 11:50 AM

بالتوفيق لك أخوي سمارت بوي

فروحه 2011

2012- 3- 5, 05:34 PM

موفق :wink: