أنآ طالبة انتظام ابي احول انتساب وعندي بعض الأستفسارات ممكن تدخلون

[غ ــــلآ]

السلام عليكم ورحمة الله وبركاته

الله يعافيكم

انا تو من شهر قدمت اعتذار عن هالسمستر وافكر اسحب ملفي وادخل حافز واجمع فلوسه

وارجع السنه الجايه او بعد سنه ونص اكمل انتساب مع العلم اني اول سنه تحضيري ودرست سبع

مواد بس ونجحت فيها

طبعا مافكرت اطلع من الأنتظام الا لأني متزوجه وحامل وماعندي احد يهتم بالطفل وحلمي اكمل

دراستي ومن كثر مافكر ماطلع معي الا اني اسحب الملف واستقل حافز واسجل انتساب

اسئلتي::

1/لو سحبت الملف بيقبلوني الأنتساب ولا؟ وبيحسبون لي المواد اللي درستها ولا؟

2/ولو حافز ماقبلني ورجعت اسجل ملفي انتظام بيقبلوني الكليه ولا؟

لأن الكل قال يمكن مايقبلني عشان عمري مع العلم اني من مواليد 1412

وضايق صدري ما ابي اوقف بس على الثانوي

فالله يعافيكم ردو علي

[زهرة الريف]

هلا بك اختي
سؤالك الاول بيقبلونك انتساب بإذن الله. واذا انتي تدرسين بنفس الجامعه بيعادلون المواد السبع على طول . اما اذا انتي من جامعه ثانيه لا اطلبي معادلة مواد وان شاء الله يعادلونها لك.
الثاني
اذا ماعدى تخرجك من الثانوي خمس سنوات فقدمي عليهم مره ثانيه كطالبه جديده واذا قبلوك راح تدرسين من جديد.
اتمنى اني افدتك. *

[المسآفرة]

يقبلونك انتساب
والمستوى الاول المواد اجباري تدرسيها حتى لو اخذتيها قبل
وبعد كذا تعادلين المواد

بالنسبه لتحويلك انتظام بعد قبولك بالانتساب ضعيف جدا

نصيحتي لك كملي انتظام افضل