لو سمحتو أفيدوني

[AMAAL]

اول شيء اتمنى لكل طلاب الاكاديمية الراسبين والناجحين التوفيق

انا طالبة جديدة ودارات افكاري سجلت تأهيلي قالو الدوام السبت لما داومت قالو لا الكتب السبت الثاني بصراحة مافهمت شيء الحين الحضور والغياب محسوب علينا ؟؟؟؟ ومتى نقدر نداوم بشكل منطقي ومنظم ؟؟؟؟

ثالثا انا بجد خايفة من الانظمة انها اي كلام قريت لكم موضوع ان الاكاديمية ماتصرف الكتب الا بعد طلعت الروح وانها دايم ناقصة صدق ؟؟؟
وش رايكم في اكاديمية البنات بالدمام ؟؟؟؟ :104:

وشكرا لكم جميعا وتقبلوني اخت لكم في اللة

[heemoo2010]

هلا وغلا فيك اختي بين اخوانك

تشرفنا بانضمامك الينا

بالنسبة للكتب طبيعي انها تتاخر
والدوام يوم السبت
وتقريبا راح يكون دوام اي كلام

واما بالنسبة لموضوع الحضور والغياب
خذي مني نصيحة اخ

حافظي على دوامك علشان تتعلمي وراح تحبي الدوام وتتفوقي
وشيلي من راسك ان الحضور والغياب محسوب عليك او لا
وتاكدي ان الغياب ادمان

[ملكه الليلك]

بالنسبه للكتب احنا تاخرت علينا وايد بشكل ينرفز ويقولو مو منهم يقولو هم ينتظروها تجي من الرياض
بس بدينا ناخذ دروس ونصنا ماعدهم كتب هذا الشي يقهر لان الكل رايح يتعلم مونص رايح يتعلم ونص رايح يلعب

بس يعني ممكن تحصل حتى بباقي المعاهد
يعني قمنا نداور وراهم ع الكتب ونتغيب من المحاضرا بسبب انا كنا نتنظر الكتب
خلاص مفروض يكون في ترتيب على عدد الطالبات يتوزعوا والكل يآخذ
زي ماقلت تصير باي معهد انتي اسالي الجميع
وذاكري من اول ماتاخذي الكتب وركزي وقعدي بالكرسي الاول ههههههههه
امزح وين ماقعدتي ركزي وانتبهي وتفائلي من اول وماعليج من الي يقول صعببببببببببببببببببببببب ومايتعدى لا
انتي سوي الي عليج واطلبي من الله يوفقج
ويعني المدرسات الي درسوني تمام
اممممممممم شنو بعد بس ان شاء الله الكتب متتاخر وايد عشان تلحقو وتخلصو ويمديكم تغيبوآ
ومدري يعني بشكل عام عادي الوضع اسالي بعد باقيا لبنات وشوفي الي سالوا قبلج شرايهم وبالنهايه رايك هو الاهم واعرفي وين مارحتي في ايجابيات وفي سلبيات
البنات هناك مثل الخوات من كل المناطق ماشاء الله
خلوقين
يعني قلوبهم طيبه ماتحسي انج غريبه لان محد مسجل معاج تعرفيه نو علطول بتتاقلمي ان شاء الله لو الله كتب لج تدرسي هناك او وين مارحتي اتمنى لج التوفيق

[AMAAL]

اهلين فيك اخوي وشكرا على ردك
الكتب وتأخيرها انا سمعت انها تتأخر لنهاية الترم وتصوير وملازم وتأخير في الامتحانات
اما بالنسبة للغياب انا قصدت الاسبوع هذا اللي غبنا فية محسوب عليناوالا لا لاني اتصل على الاكاديمية يقولون فية دوام ولما اداوم ماالقى احد :o3:

[AMAAL]

شكرا اختي ملكة الليلك على الرد الحلو والمشجع وانا سجلت وباقي الدوام وعلى اللة التوفيق

[ملكه الليلك]

لاشكر على واجب غنآتي
بس مدري يمكن حتى باقي المعاهد فيها ملازم وغيره من هالشغلات
بس انتي لحقي على روحك لاتضيعي حق من حقوقك ولا ابسطهآ الملازم مثلا لو جابوا علطول داركي حالك وخذي وصوري تعاونوا كلكم
ومدري بعد هل باقي الماهد هاللون بالكتب ولا شلون ؟ اذا كلهم سوى يعني الله يعين
بالتوفيق حبيبتي انتبهي لحالك
سلام

[الفيصـــــل]

اختي موفقة ان شاءلله الكتب ان شاءلله تستلمينها 10 / 3والدراسة الفعليه 17 / 3 علشان ينتظروا الاعادهـ للطلاب وعسا الله يوفقك واذا في اي نقص بي ملزمة اتمنى من الجميـــع يكتبها وانا بحملها لهــ وبعطيه الرابط

[اسبرين]

اول شي الله يوفقك بدراستك


ثاني شي بالنسبة للدراسه الفعليه انا الترم اللي راح ما سجلت الا الاسبوع الثالث

والغياب ما يحسب اول اسبوعين او ثلاثه

وبالنسبه للكتب يمكن توصلكم الاسبوع الرابع لكن اكتبي

[Mi$s ZainaB]

الحضور والغياب أول اسبوع مو محسوب , . .
سألنا المراقبات المسؤولات عن الغياب بآخر يوم . . وقالوا لنا فيه داوم بس ماراح يكون فيه حضور وغياب

اما بالنسبه للكتب . . فـ فعلاً تتأخر نوعاً ما
بس الأستاذات ماراح يخلوكم بدون شي .. ع الأقل رح يصوروا لكم جزئيه من الكتاب لين ماتوصل كتبكم
والتأخير مو من الاكاديميه , لأن تجيهم الكتب من الرياض .

.
.

[قموورة أنا]

مثل ماقالو اللي قبلي الحضور مومحسوب والاسبوع الجاي 10/3 مافيه دراسه بس كتب وتبدء الدراسه 17/3 بالنسبه للتأهيلي

والكتب تقدرين تاخذينهم من اول اسبوع واذا مافيه الله يعينك مثلي انا مااستلمت الكتب الا تقريبا بعد ثلاث اسابيع وبالنسبه للمذاكره خذي هالنصيحه <<<<من وحده توها مخلصه تأهيلي ذاكري اول بأول وهم ماراح يخلونكم بعد لان كل يومين اختبار مستحيل يمر اسبوع بدون كويزات والاستاذات متعاونين كذالك الطالبات واحرصي انك ماتغيبين لان الغياب والحضور محسوب اذا تعديتي 25% يعطونك حرمان وان شاء الله بتتسهل الامور

بالتوفيق

[AMAAL]

اخواني ملكة الليلك والفيصل واسبرين وMISS ZAINAB,وقمورة انا اشكركم على الرد والتفاعل معي واتمنى لكم جميعا التوفيق
وشكرا اخوي الفيصل مرة ثانية على مبادرتك بالتعاون معنا وتنزيل اي ملزمة شكرا:bye:

[اسبرين]

مثل ماقالو اللي قبلي الحضور مومحسوب والاسبوع الجاي 10/3 مافيه دراسه بس كتب وتبدء الدراسه 17/3 بالنسبه للتأهيلي

والكتب تقدرين تاخذينهم من اول اسبوع واذا مافيه الله يعينك مثلي انا مااستلمت الكتب الا تقريبا بعد ثلاث اسابيع وبالنسبه للمذاكره خذي هالنصيحه <<<<من وحده توها مخلصه تأهيلي ذاكري اول بأول وهم ماراح يخلونكم بعد لان كل يومين اختبار مستحيل يمر اسبوع بدون كويزات والاستاذات متعاونين كذالك الطالبات واحرصي انك ماتغيبين لان الغياب والحضور محسوب اذا تعديتي 25% يعطونك حرمان وان شاء الله بتتسهل الامور

بالتوفيق


بالنسبة للحرمان للتاهيلي النسبه 60 بالمية <<< بس مو يعني تغيبين

اهم شي الحضور اذا حبيتي تعدين نصيحه والله لان بالاكاديمية تبعنا ما نجح الا انا وثلاث اشخاص اللي كنا مداومين على الحظور يعني اهم شي الحظور

[AMAAL]

شكرا جزيلا حبيبتي اسبرين على النصيحة واللة يوفقكم وينجحكم كل سنة :119:

[توتة بنفسجية]

اختي مثل ما قالوا لك الأخوان
وما قصروا كفوا و وفوا
و ربي يوفقك
و يسهل عليك امورك
ولا يحرمك من غآالي

[القلم النازف]

طبعاً اختي يقولوا في دوام لنهم يداومو بس الطلاب مايداومو الا السبوع الثاني

اما الكتب انا اول اسبوع يوم ا لاء حد استلمتهم

او مسئلت الغياب اول اسبوع مامحسوب


بس بعدين على حسب الوكيل اذا صار شديد زي الي عندنا لا انسي الغياب لا ن في انذار او بلاغ

وتمنى التوفيق للجميع