[ مميز جداً ] : ياسلام الله سلامٍ يحتوي حلو الكلامي + مجارات

[ابو عزام]

http://www.m5zn.com/uploads2/2011/12/22/photo/gif/122211151214mh9h84qg29o19fq8jlia73dx.gif (http://www.m5zn.com/)

السلام عليكم

صباح الخير جميعاً

هذي ابيات قبل اكثر من ثلاث سنوات كتبتها باحد المنتديات وصار لها مجاراه وحبيت انقلها لكم مع المجارات . واتمنى من الشعراء اللي جاروا ابياتي اني اعرف وين راحو الان لي اني مااعرف عنهم شي الله يذكرهم بالخير جميعاً


ياسلام الله سلامٍ يحتوي حلو الكلامي= من هجوس الشاعر اللي لاكتب يزداد فنه

شاعرٍ رايق بيوته مثل همال الغمامي= هلها بالمنتدى والزين مملكته مغنه

جيت اشارك واشتكي لاهل القوافي من غرامي= الرجال اللي لهم بالقاف ميرادٍ وشنه

شنةٍ تروي الكبود وتنعش اللي كان ضامي= من شرب ماها يطيب من الهوى واللي يسنه

علموني وانصحوني بالقوافي يالحشامي=0 صاحبي من كثر حبه مااقدر انا اجوز عنه

كنت انا واياه في قمة غلانا والهيامي= كل واحد مننا يضحك حجاجه قبل سنه

كنت اشوفه واتخيل صورته حتى بمنامي= ولاصحيت القاء بجوالي رساله جات منه

عايشٍ قمة غلاه وصايرٍ كل اهتمامي= مااتخيل وش يجي عقلي ليامن غاب عنه

له محبه في خفوقي ماتوصف للانامي= كيف اوصف من معه روحي ونفسي مطمئنه

مير وقتي والضروف وارتباطي في دوامي= غير القصه وحط الهيل قبل يحط بنه

قالوا العذال ذي ضروف والا ماتلامي= وغير المزيون تفكيره وخاب اليوم ضنه

ياجماعه كيف اعدلها واغير من نظامي=عاذلي يلقى طريقه والضروف يساعدنه

واقبلوا مني تحياتٍ جزيله واحترامي= من هجوس الشاعر اللي لاكتب يزداد فنه


وهذي المجاراه الاولى كانت لاخوي الشاعر الكبير برق الوسم الله يذكره بالخير



مرحبا ترحيبة فيها الغلا بااول كلامي= من هجوس البرق ترجمها على عرفه وفنه

شاعر رايق وروقني واخذ جل احترامي=واندفعت بطيب والهاجوس والفزعات جنه


احتشد جيش القصيد وهزني شوق وغرامي= عاشقن طيب المواقف والفعايل يثبتنه



وارد هداج تيما مثل ورَاد الضوامي= كل مازادت وروده زاد جمه ماانقصنه



يصطفق بالراس والهاجوس والميقاف حامي=لين قامت للطرب ترقص مع الاحداث جنه



لين جاوبت القصيد وجاوبت ورق الحمامي=والتفت للنص مكتوبن على الاوراق كنه



يستشير بصاحبه ويقول ظرفه والدوامي=ولااعتقد هاذا السبب0 وده يعدل القاف عنه



كان خلك بالغلا يمشي على حسب النضامي= لاتهده لو طروف الوقت عنك يمنعنه



لاتبيع الحب ذا يالقرم في حقه حرامي = وانتبه بعض القصايد بالمعاني يجرحنه



الكحيله بالعنان ومعك مذلوق الحسامي=وارفع الصوت الجريح وخل فزعاتي يجنه



لويجي دونه جيوش ولو يجي حد السهامي=لاتخلا دام معطيك العهد من غير منَه



الهوى يالشاعر الرايق يبا وقفة اقطامي=مايغير موقفه لو المواقف يقهرنه



ينثني لعيونها بالعهد وفعولن ا جسامي=لو يبيع الروح دام العهد منها مرجهنه



وكان خلك ماصفالك لاتمسك بالسنامي=خلها لعلها بقريح تضرب في مغنه



دام غيَر عنك نهجه وش تبيبه والسلامي= وَرها كل الجفا واحذر توريها محنه



من يغَير منهج العشاق نلحقه الملامي=والعذارى غيرها واجد ودرب الحب سنه



غيرها تلقى من الخفرات من تزهى الوشامي= بنت عودن طيب ساسه وصيته يسمعنه



لااهرجوبه فاعلين الطيب بالوقفات سامي=مضرب الامثال فعله والمواقف يشهدنه



من هجوس البرق غناهاعلى عجل الولامي= هاض فكره من قصيدك يالسنافي واطربنه



وانت شاعر شعرك الراقي على عرفك تمامي= ياحكيم الراي اخذ ردي عسى يعجبك فته



والسلام اختام يالشاعر بعد حان الختامي=جعل فكرك واندماجي بالمعاني يسعدنه




وهذي المجاراه الثانيه لاخوي الشاعر منادي الله يذكره بالخيرر :



مرحبابك يامسلم يوم بديت السلامي=با الحضور اللي جذبنا في بيوتٍ رافقنه

شاعر رايق ومثلك له مكان وله مقامي=والقوافي لك تغني يا الحضور اللي بغنه


عشت ياراع القصيد وعشت يا الحر القطامي=تسلم ايدينك على حرف بدعته واكتبنه



في سماحبك وطير الحب با الجنحان حامي=ماشقاك الا شقاه اليا وطاك اللي وطنه



المشاغل كيف سوت بين شخصين انقسامي=ليه عذالك تحط اجراسها قدمك ترنه



ماصفى جو الغرام اللي دخل فيه الكتامي= لو تلوعك الليالي فيه غيرك لوعنه



مايخيب الظن با اللي ماتبيعه لويسامي=واحدٍ ماغيرت فيه العلوم ولا اخلفنه



اعرف اهل الحب تارد للغلا ورد الحيامي=ماسمعت بعاشقٍ خلا ظروفه يمنعنه



مالقيت اللي يبررموقفك با الأنهزامي=اصغر الاسباب واحبال الغلا ماقطعنه



الحبال اللي قصيره مايشد بها الحزامي=عند غيرك مثل ماعندك ترى مابعدنه



بس تبغى الصدق نلقى با القصيد الانسجامي=عاشق الشعر البيوت اللي جميله يجذبنه



مفردات تلزم الشاعر يجاريها لزامي= حضرت كل البيوت اليابغاها ماعصنه



والعذر لاخطيت والا صار ماردي تمامي=شاعر يبغى بيوته لاكتبها يجملنه




وهذي رد الاخ الشاعر ناشي الحميداني :



مرحبا من دافع الاشواق يالحر القطامي=عد مالاح المخيَل والهبايب يدفعنه
شاعرٍ رايق مع الشعار بالصف الامامي= ماتراجع للورى يوم القوافي قدمنه


شاعرٍ خلاني اجاريه من كل احترامي= صاغ قافه وابدع القيفان من شي يكنه



غاص غبات البحر والموج فوق الموج طامي = يعشق القيفان ذوقه والقوافي يعشقنه



شاعرٍ بالحب ودروب المحبه مستهامي =والله اني ماهقيت ان البراقع يفتننه



يشتكي بالقاف بعد وصد مردوع الوشامي=من هواجيس الهموم اللي بها يشكي مظنه



يشكي الهجران والدنيا على الدنيا السلامي= يرسم الاحزان والافراح عين لايجنه



والله ان راع المحبه في حبيبه مايلامي=لاطواه الياس وسهوم المقاريد يغزنه



الهوى هذي فعوله يارفيعين المقامي = والعذارا كم صميدع في هواهن سحبنه



يحذف العاشق بدون شعور في درب الهيامي = لين يجذب من فراق الجادل المملوح ونه



كان خلك طاوع العذال بك يابن العمامي = وصد عنك بدون سبه وانت احاسيسك يبنه



من يهاب الماء يقولون انه يهاب من الظلامي = والمهار اللي تصاهل مالها غير الاعنه



لاوقفنا بالمواقف مايجارينا الخمامي = والكلام اللي نقوله له فعولٍ يثبتنه



دامني من لابةٍ عاداتهم فك المضامي = ماقفي للصاحب الغالي ترى مافيه منه



احتزم لك واثني لك والفشق ملي الحزامي =وااصل لمظنون عينك واجذب الاخبار منه



وانهبه واجيك به لو دونه العالم حيامي = ليه حربه نعنبو حيه على مثلك يشنه



المعذره على عدم التنسيق

[نبض الوجود]

واااااااااااااااااااااااااااااااااااااااااااو بجد وااااااااااااااااااااااااااااااو
يبيلها كوباية شاي واروق عليها صووووح :58545:

[ابو عزام]

هههههههههههههههههههههههههه

الله محيي نبض

اكيد لازم الترويقه مع مجارات الشعراء اللي فعلا ابداااع

شكرا نبض على مروورك

[ملح البنات]

ماشاءالله عليكم :biggrin:

تعبت وانا اقرأ :sm5::sm5:

[ملح البنات]

فيه كلام كثير مافهمته :g2:

[ابو عزام]

فيه كلام كثير مافهمته :g2:

هههههههههههههههه
ودي انسق الابيات بس ماعرف

<<<<<<<<<< جاهل نت

و مروورك يسعدني واللي مافهمتيه اسئلي واعلمك ان شالله

[ملح البنات]

شاعرنا قيمتك :(269):

[ملح البنات]

هههههههههههههههه
ودي انسق الابيات بس ماعرف

<<<<<<<<<< جاهل نت

و مروورك يسعدني واللي مافهمتيه اسئلي واعلمك ان شالله


سيم سيم مالي بالنت وخرابيطه كثير :biggrin:

لا ما يحتاج فاتحه صفحة قوقل واكتب ما معنى .... (احط الكلمه ) لا تضحكون علي :biggrin::Looking_anim:

[نبض الوجود]

خطيييييييييييييييييييييييييييييير يابرق الوسم خطييييييييييير وربي كبييييييييييييييير
بصراحه كل ماعجبني بيت اطربني الثاني
بصراحه شي يعدل المزاااااااااج وقالك لاتعذر بالظروف والدوامي
يستشير بصاحبه ويقول ظرفه والدوامي=ولااعتقد هاذا السبب0 وده يعدل القاف عنه

كان خلك بالغلا يمشي على حسب النضامي= لاتهده لو طروف الوقت عنك يمنعنه

لاتبيع الحب ذا يالقرم في حقه حرامي = وانتبه بعض القصايد بالمعاني يجرحنه

الكحيله بالعنان ومعك مذلوق الحسامي=وارفع الصوت الجريح وخل فزعاتي يجنه

وماخفي اعظم :Cry111:
بس بجد تقلب مواجع :icon9::icon9::icon9:
برجع اكمل الباقي وشكلي بقضي الليله على هالصفحه كل شوي اقراها :060:

[نبض الوجود]

الله .. الله ... الله بصراحه بديت اغار :biggrin:
يرد الشاعر منادي :rose::rose:

مايخيب الظن با اللي ماتبيعه لويسامي=واحدٍ ماغيرت فيه العلوم ولا اخلفنه

اعرف اهل الحب تارد للغلا ورد الحيامي=ماسمعت بعاشقٍ خلا ظروفه يمنعنه

مالقيت اللي يبررموقفك با الأنهزامي=اصغر الاسباب واحبال الغلا ماقطعنه

يتفق العشاق والشعراء ان مافي قوه بالارض تمنع حبيبين :(204)::(204):
بس هذا اذا فيه حب من اصله :icon9::icon9:

[ابو عزام]

والله يانبض صرتي ناقده فعلا ههههههههههههههه

يمكن فيه حب ويمكن لا

كلهم اعلنوا الفزعه بس العذر مااقنعهم هههههههههههههههههه

ردوودهم كانت رائعه وانتم الحكم

[نبض الوجود]

الشاعر ناشي خذته الحميّه يابن العمامي :(204)::(204)::(204):
مو راضي عليك ويحط اللوم على البراقع < كذا توهقونا :biggrin:
بس بصراااحه قممممممممة الابداع وكلهم موراضيين عليك :58545: فديتهم :060:
تصدق من ألحين مااعرفك اعتبرني مت :tongue:
الشوارب تضربلك ألف حساااب وانا هنا لاعبه لعب بكره مااشوف الا الشعب طابين عليّ:lllolll:

[نبض الوجود]

مااقصد اذا فيه حب من ناحيتك انت على حلّ شعرك ههههاي :lllolll: لاتزعل وانا اختك :mh35:
اقصد مافي حب من اللي ببالي <متأثره وابي قيس اللي ماينوجد :bawling:
وانت والله ابياتك خطنطيره وطلبك للفزعه مثير :(204):
تدري لوطالبني انا علي الحرام مااجيك الا بالشوزن :biggrin:<ماعندي اتفاهم :cheese:
كنت اشوفه واتخيل صورته حتى بمنامي= ولاصحيت القاء بجوالي رساله جات منه

عايشٍ قمة غلاه وصايرٍ كل اهتمامي= مااتخيل وش يجي عقلي ليامن غاب عنه

له محبه في خفوقي ماتوصف للانامي= كيف اوصف من معه روحي ونفسي مطمئنه

خيااااااااااااااااااااااااااااااااال يعيش الواحد بين حروفه متعة الحياه

مير وقتي والضروف وارتباطي في دوامي= غير القصه وحط الهيل قبل يحط بنه
^
العياره حقت السعوديين :biggrin:

[ابو عزام]

الله يرج ابليسك

هههههههههههههههههههههههههههههه

عهههههههههههههههههههههههه

شكلي ماعاد انا كاتب شعرررر كل شي تدققين فيه





بس بصراحه نقدك رائع جدا

خذي هذي :106:

وترا مايرحمووونك يفدوووني باارواحهم :biggrin:

[نبض الوجود]

هههههههههههههههههههه اي والله مايرحموني :Looking_anim::Looking_anim::Looking_anim:
تعال حتى وردتك خذها بعيذ الله منك :lllolll::lllolll::lllolll:
اذا حالف عطني برق الوسم :(269)::064::Looking_anim::Looking_anim:
^
لاتفكرني نسيت سالفة قصيده النجاح بتخوفني بأخوياك :cool:<انا مافي خوف :58545:

[ابو عزام]

نبض الوجوود ونقدها يفتح النفس ---- اللي تعمق بالحروووف الجزيله


برق الوسم شاعر كبير والله مدري وين راح كان هو مدير الموقع والمنتدى طار مدري وين راح

ولااعرف الا اخر شاعر من اللي جارووني

وبقول فيك قصيده انتظريها بمدوونتي قريبا غير النجاح


اعجبني نقدك ههههه

[نبض الوجود]

صبآآآآآآآآآآآآآحو كفشتكم :58545::58545:

[βỈťнΌ]

نبوووضه مآآآقصررررت ماشاء الله عليهآآ:004:
بس نبوووضه خفي ع شآآعرنآ شوووي :(269):
.....
شآآعر
الشهآدهـ فيك مجروووحه
ويكفي اللي جآروووك أعطوك أحلى وسآآم بمجآرتهم :106:
الله يعطيك العافييه أخوووي
تقبلني دآيم بمتصفحك

:004:

[نبض الوجود]

حلومتي شسويت :Cry111:
محبس :icon9:
ووه بث ألاأموووت عليس :060::004:

ألا وين بنوته مألهآ صوت :(107):

[ابو عزام]

احلام طفله مروورك الاارووع


ياكذا الجمهوور والا بلاش

تفهمي معها بس
مو هنا هههههههههههههه

[βỈťнΌ]

ههههههههههههههههه
عشىان مايخرب الموضووع رديت عليهآ بمدونتي عآد يخرب ويقفلوون مشكككله والله :Looking_anim::Cry111:

[رجل من عالم أخر]

جزالة وإبداع غير مستغربه

صح الألسن والقلوب

[[ قايدة الريم ]]

وعليكم آلسلآم والرحمه

:rose: نص إبدآآآآع و3 مجآرآت جزله , مشآركآت آعجبتني جدآ جدآ جدآ جدآ , صحت ألسنتكم جميع . . :rose:


الحبال اللي قصيره مايشد بها الحزامي
عند غيرك مثل ماعندك ترى مابعدنه

الله الله :sm5::rose:

يُثبت إسبوع . .


http://www.m5zn.com/uploads2/2011/11/14/photo/gif/111411111136qdwltnfvo3a5wo.gif (http://create-avatar.m5zn.com/)

+ أمنعونآ السوالف :sm4:
عشان ما تتقفل المواضيع . . :rose:

[ابو عزام]

رجل من عالم اخرر

طبعي كتوومه

ماعليكم زوود
واشكركم على مروووركم واطرائكم


وشكرا كتوومه على التثبيت

لكم فائق وودي

[بنت الشمري]

وووووه هنااااا اجد الشعراءء بجد

قريت على عجاااله بس لي عوده في مخمخه على دلة قهوه

شاعررر صح لسانك ووووووو:106:

[ابو عزام]

بنت الشمري صح بدنك

واشكرك على مرووورك وردك اللي مو مستغرب منك

تحيتي لك

[فراوولة]

صح لسانـــــــــــــــــــــــك؟؟؟
مآشــــــــــــــــــــــــاء اللــــــــــــــــــــــه مبدع
وانا من عشاق القصائـــــــــــــــــــــــــــــــد
وأكتب وخوالي
لكن مالقيت تشجيع صرت اروح للخواطر
صدقني استمر بجد ابداع مايحس فيه الا اللي ينتمون لشعر ولهم حس شاعري
كل بيت كتبته احلى من الثاني وكلها متصله في بعض
والاروع من ذلك ردود اخوانـــــــــــــــــــــك
الله يسعدهم ويذكرهم باالخير شيء رائع
بوركت
:10111:

[ابو عزام]

فرواله
صح بدنك
واشكرك على الاطراء والتشجيع

لك فائق ودي واشكرك على مروورك

اخوك
شاعر رايق

[ابو عزام]

موضوع يستحق الرفع