المساعد الشخصي الرقمي

مشاهدة النسخة كاملة : نداء الى رضوان من يشرح لي اللغويات محاضرة 5

شيهانة
2012- 4- 1, 05:29 PM
السلام عليكم

لو سمحتوا مافهمت الشجرة حقت المقاطع والمجموعات

Syllables and clusters

syllable

onset rhyme

nucleus coda

consonant(s) vowel consonant(s)


لو سمحتوا ابي اعرف الحروف اللي بين القوسين وش معناتها وايضا هالشجرة وش معناتها

ياليت احد يتكرم يشرحها لي

الله يجزاكم الجنة
شيهانة
2012- 4- 1, 05:30 PM
طبعا هي زي التشجير لكن لما نسختها تخربطت تلاقونها بمحاضرة اللغويات رقم 5
سعود بن جرير
2012- 4- 1, 07:29 PM
دعيني أتجاوز أخي الكريم وأستاذي رضوان

على أني أقل منه كرماً ومعرفة



المقطع الصوتي Syllables

ينقسم onset أول حرف

بعدها rhyme يتفرع nucleus و coda

onset دائما صوت ساكن

nucleus في الغالب صوت متحرك



وفقكِ الله
P e a c e
2012- 4- 1, 08:42 PM
أشكرك على المديح أخي العزيز سعود, لكم الفضل والأسبقية

واسمح لي أفصل كلامك

أختي سنيكرز

أول شي بالنسبة للحروف اللي بين قوسين, هو استخدام عام لما تحبين تتكلمين عن شي وهذا الشيء ممكن يكون جمع وممكن يكون مفرد, مثلا نعلق هذي اللافتة في الفصل, نبي نقول للطلاب لا تنسى كتابك أو كتبك, نكتبها
please, don't forget your book(s)
وفي موضوعنا هذا نبي نقول أن الجزء اللي قبل حرف العلة Onset يتكون من حرف ساكن أو عدة حروف ساكنة فنرمز لهذا الشيء بـ consonant (s)

وحرف V هو اختصار لكلمة Vowel يعني حرف علة وحرف C هو اختصار لكلمة Consonant يعني حرف ساكن

نجي للشرح

الكلمات في اللغة الإنجليزية تقسم إلى مقاطع صوتية syllables
أي مقطع صوتي يجب أن يحتوي على حرف علة, وحرف العلة هو أساس المقطع الصوتي, وقد يحتوي المقطع على حرف ساكن قبل أو بعد حرف العلة, وأحيانا يكون المقطع الصوتي هو حرف علة فقط بدون حروف ساكنة.

مثلا كلمة water فيها مقطعين wa-ter (طبعا مش مطلوب - لحد الآن - أنا نقسم الكلمة إلى مقاطع, بس مطلوب نعرف الأساسيات)

كل مقطع فيه حرف علة

وحرف العلة هو نواة المقطع الصوتي, وعلشان كذا نسميه nucleus اللي معناها نواة

والحرف الساكن اللي في بداية المقطع الصوتي نسميه onset اللي معناها الافتتاحية أو البداية

والحرف الساكن في نهاية المقطع الصوتي نسميه coda اللي معناها مقطع ختامي

وحرف العلة والحرف الساكن الذي بعده في نفس المقطع يسمى rhyme أو rime اللي معناها القافية

وطبعا consonant cluster هي مجموعة الحروف الساكنة في المقطع الواحد والتي تكون متجاورة, وكلمة cluster معناها كتلة

يعني في كلمة Great

Gr = onset
ea = nucleus
eat = rhyme
Gr = consonant cluster
شيهانة
2012- 4- 1, 08:47 PM
بارك الله فيكم وجزاكم الجنة


ماقصرتوا احرجتوني بكرمكم

وحابة اسأل ماشاء الله عليكم من وين هالشرح تجيبونه هل فيه مواقع معينة تدعمكم او تلاخيص ياليت تتكرمون علينا فيها

المادة يبيلها مجهود ووقت
P e a c e
2012- 4- 1, 10:17 PM
بالنسبة لي أعتمد بشكل أساسي على المحتوى وشرح الدكتور
وإذا في شي مو واضح أستعين ببعض المواقع مثل الويكيبيديا واليوتيوب