عندي كل شي واملك كل شي الا شي وااااااحد

[bissan]

مثل ماهو واضح بالعنوان الشي الي مااملكه هو الانسان الي يسمعني واشكي له همي وافضفض له بلي في قلبي من هموم ومشاكل
عندي فلوس وطلعت مؤهلة لحافز ونزل بحسابي 2000ريال لكني مو سعيدة
لان الفلوس مو كل شي بهالدنيا
افتقد الشخص الي يسمعني من كل قلبه
صاحباتي تزوجوا وصار عندهم اولاد وانشغلوا عني وفي منهم من تزوجوا تغيروا علي وانا ظليت بروحي ماعندي احد يسمعني
عندي اهل لكن لما اقولهم انا متضايقة من قعدة البيت يقولوا لي البنت مكانها البيت
طيب اشكي حالي لمنو
دوووم اشكي حالي لرب العباد والنعم بالله
بس بعد انا محتاجة احد يسمعني اشكي له وينصحني اذا غلطت
حيييييل متضايقني هالشي
ليش انا مو من حقي افرح حالي حال هالناس
قضيت عمري كله بالبيت من تخرجت من ثانوي وانا على هالحال
واذا طلعت بس حدي ساعة
وادرس الحين تعليم عن بعد سنة ثانية
لكني مو قادرة اتقبل وضعي
بشنو تنصحوني ؟؟؟؟؟؟؟
انا ماعندي خوات وهالشي تاعبني وحتى بنت عمي الي كنت اعتبرها اختي من صار عندها ولد انشغلت عني وماصارت تسال عني وصار لها من زمان تقولي بجيش ولاجت لي
وكل تقولي مايمديني مع انها تطلع وتروح كل مكان
ودي اغير من حياتي بس شلون اغير من حياتي وانا قاعدة بالبيت ؟؟؟؟؟
شلون اغير من اهلي ؟؟؟؟؟؟؟

[bissan]

عندي لابتوب وعندي ايفون وعندي غرفة بروحي لكني مو سعيدة وربي مو سعيييييييدة
مدري شسوي عشان اكون سعيدة ؟؟؟؟؟

[jnoon ontha]

السعاده تكمن في الرضا ,,,

حبيبتي ارضي بالحال اللي انتي فيه رح تكوني سعيده ,,,

تقربي من رب العباد ...

اقرأي القرآن ...

واتعرفي على صديقات واتواصلي معهم عن النت ,,

واحنا معك وانشالله تكووني مبسوووطه ,,,

والله يبعتلك السعاااده وين ماكانت ,,,,

:106::106::106:

[AsOmH]

أول شي الله يسعدك بالدنيا والآخرة ويفتح على قلبك :rose: ..

:004: حبيبتي :004: .. السعادة بالقلب حتى لو وضوعوني خلف القضبااااان
~جنتي بقلبي أيما ذهبت تذهب معي~
^^ وهذا دليل على كلامك أنو ما شاء الله مو ناقصك شي

ولازم تحطين في بالك " لقد خلقنا الانسان في كبد"

لكن لكي تكوني سعيده ..
[1] اقرئي كل يوم ورد من القرآن ولو آيه أهم شي ما تقطيعين وردك.
[2] صلي آخر الليل وانتي مستمتعه.
[3] اذا كنتي تحبين القراءة , اقرئي واقرئي واقرئي فَ بالقرائه تسافرين لاآآآبعد نقطه على الارض وأنتي مكانك.
[4] عاااشري السُعداء حتى لو كانو من عالم النت.
[5] اشكي لنفسك فعدما تشكين لها فَ أنتي تشكين لشخص يفهمك.

وآخيرا .. رددي دائما "اللهم اني أسالك الأنس بقربك" وخاصة في سجودك

دعواتي لكِ بالسعادة فِ الدارين ووفقك الله لم يحب ويرضى
:rose::004::rose:

[مهند العتيبي]

اختي الكريمه ..

تذكري ان السعاده لاتكمن في الخروج من المنزل ولا بالذهاب الى الاسواق ولا الحدائق والمتنزهات

ولا بكثر الاصدقاء ولا بقلتهم ..السعاده تكون بالرضى بالواقع والتعايش معه والتقرب الى الله بفعل الطاعات

وتذكري قوله تعالى في سوره طه ((ومن اعرض عن ذكري فان له معيشه ضنكاً ..))الايه

نعم اختي التقرب الى الله بقرأه القرأن والاستغفار هو من يجلب السعاده ويبعد الهموم .

وتذكري ان الفراغ يجب ان يستغل حتى لو كنتي بالبيت مثل عمل الرياضه بالاجهزه الكهربائيه والرسم والطبخ

وغيره .

وفقك الله والجميع لما يحب ويرضى .

[ملآكي]

بسم الله نفس هذا الموضوع ونفس الكلام شفته قبل اشهر .. :Looking_anim::Looking_anim:

اختي قلتيها :
دوووم اشكي حالي لرب العباد والنعم بالله

محد راح يسمعك ويحن عليك كثر ربي , ودائم ادعي ربي يفرج عليك واكثري من الاستغفار ..
يمكن خيرة لك قولي الحمد الله اهم شيء العافيه والصحه , واذا تبين تفضفضين
اكتبي كل اللي بخاطرك في ورقة واحريقها وربي راحه نفسيه :019:
عندي خوات واخوان وصديقات ومع ذالك مااقول اي شيء بخاطري
يعني مب شرط اذا عندك خوات او صديقات راح تفضفضين كل شيء لآ
لا تعلقين سعادتك بشيء , انتي اخلقي بنفسك السعادة , و ياالله حسن الخاتمة ..

[أشواااااق]

مساء سعاده : )
و إن لم توجد . . آختلقوها ♥ !
فلا شيء أجمل من أن . . نسعِد ذواتنا




آهلن بك عزيزتي bissan :rose:

مين كذّب عليك وقآلك إنو ضروري يكون عندنـآ آنسان نفهمه ونشكي له ! :sm4:
والمصيبه الأعظم نآدر مانلاقي أحد [ كفو ] .. بهالزمن :/
إنتي خليك صديقه نفسك .. حآولي نشغلي نفسك ب آي شيء [ مفيد ] لك ول أهلك ول المجتممع
مثلا خشي موآقع [ طبخ - خلطآت - مكيآج - برآمج مثلاً .. :10111:

ترى مشكلتك ب[ وقت فرآغك ] فقط !
ولا الحمد لله زي ماقلتي مو نآقصك شيء .. آحسن من إللي ماعندها جوآل آصلن "

بهالوقت مالك إلا درآستك لـآن مابقى شيء ع الإختبآرآت تقريبا 40 يوم
أشغغغلي نفسك فيهااا .. أبذلي جهدك .. ولا تهمليهـآ :biggrin:

من نآحيه الزوآج لاححححققققه خير , وإللي تزوجو يقولو ليتنـآ ماتزوجنـآ :139:
والحمد لله ملييييييييييون مره إننـآ ب نعمه ونحسد عليها :004:

حنـآ صديقآتك وإللي تبين :004::wink:
فقط لا تتشآئمي من هـ الحيآه الحلوهـ .. وكل تأخيرهـ فيها خيرهـ




السَعاده أنَ تبْتَسمْ دُونَ مناسبه ومابداخلگ يهْمَس . .
ﭑلحَمْدُ الله , آللهم لك الحمَد حَتى ترضِى ولك ﭑلحمد إذا رضيت ولك ﭑلحمد بَعد ﭑلرضا

[طالبة متوهقه]

الاخوان قالو وكفو ووفو بارك الله فيهم

[لوجي الشرقية]

+

عزيزتي /

الاخوه ماقصروآ بتقديم النصايح
وانتي لديك م يمتعك ّ

ولكن / لن تتغير حالتك النفسيه واحباطك هذا
الا بتغغير الفكره في عقلك الباطن

انتي مقتنعه ومتوهمه ان السعاده لابد من صديق يسمع واشكي له
لذا سيطوول عليك العمر للبحث وان وجدتي ّ ستتعلقي به جدا واي تصرف
سيرهقك لمآ لمآ الاعتماد ع الناس !!

كوني انتي وذاتك اصدقاء
وغيري معتقداتك الباطنيه
وبعدة تتغير حالتك النفسيه +تصرفاتك الواعيه


+ الله يسعدك قدّ ماتتمني يارب :rose:

[bissan]

مشكور على كلامكم الرائع وماقصرتوا خليتوني اتفائل بالحياة :119:

[تك تك مخك معاي]

مساء الخير والسسسعآده :119:

بصراحه الاعضاء ماقصروا كفو ووفو

لككن اختي
ابغ اوضح لك شغله أتمنى تقريها :

ياما ناس عايشين والله حالة مايعلم بها الا رب العباد .. ويقدرون يسعدون انفسهم بأنفسهم

أسعدي نفسك ... أبتسمي :119: ... بكذا تكسسرين الضيقه والحزن اللي فيك

وأكثري قول :
(( اللهم لك الحمد كما ينبغي لجلال وجهك وعظيم سلطانك ))

وفي دعاء الرسول صلى الله عليه وسلم :

[ اللهم اني عبدك وابن عبدك وابن امتك ماض في حكمك عدل في قضاءك .. أسألك بكل اسم هو لك سميت به نفسك . او انزلته في كتابك .. أوعلمته أحدا من خلقك .. او استأثرت به في علم الغيب عندك .. أن تجعل القرآن ربيع صدري ونور قلبي وجلاء حزني وذهاب همي ]]
إلا ابدل الله مكان حزنه فرحا :004::004:


اختي الحياه حلوه لاتعكريها عليك وهونيها وتهووون
والآن كشششري عن سنونك :biggrin:
فما اجمل الضحك والسعاده ...

تقبلي مروري ع صفحتك ... موضوعك جميل :10111::rose:

[bissan]

الف شكر لش اختي
بس والله كل حاسة ضيقة فيني لكن مااقول الا الحمد لله على كل حال والله كريم :119:

[هـمـس التميمي]

في زمانك محد يشيل همك
لاحبيبك لا أخوك لا رفيقك
ماتهم اللي يهمك
لو بغيت تعيش صح
صل فرضك وأقضب أرضك
وخلها للي عيونه ماتنام ونام


اشتغلي
مارسي هواياتك
تعلمي اشياء جديده
ضيعي وقتك بشئ يفيدك
كوّني علاقات جديده
شاركي بمتنديات تطوّرك

بيدك انتي تعيشين بضيق
وبيدك تعيشين براحه


به شئ اسمه الايحاء النفسي
اذا رددتي دايم انك متضايقه.. فعلا راح يصير

دايم قولي انك مبسوطه
الحمدلله بصحه وعافيه..ماحد يشيلك و يحط بك

اهم شئ ماتكون حاجتك بيد غيرك
بيد الله بس

وان شاءلله المستقبل بكون الاحلى

ارسمي وضع حلو لك
حياه ارسميها بخيالك

مرات العيش بالخيال يريّح من الواقع المرير

تخطيط الشئ بالخيال وبالاراده يصير واقع

[ابغاء انجح]

:lllolll::lllolll::lllolll:
عاااادي عااااادي يالغلا مو لازم احد يعيش معاك عشان تنبسطين وتفرحين انتي بنفسك افرحي وعيشي يومك ولاتفكرين لاببكره ولا بالبارح خليك بيومك وبس:10111:
انا مثلك تمام ماعندي اخوات الا حده ومتزوجه وبعيده ووين وين اشوفهاااا:sm1:
وساكنه بمكان بعيد عن بنات عمي وخوالي يعني اذا بنتقابل لازم سياره وقلت حياء لين نتقابل
ومع ذاااااالك الحمد لله عمري ماطفشت من حالي :10111:
تدرين ليش لاني راضيه بوضعي وقمت اعيش يومي بيومي ولا افكر بشي
سوويت من امي الغاليه وغرفتي الجميله من اروع اصحاابي :10111:
وتعرفت ع بنات هون من اروع البنات من ادخل المسن لين اطلع وانا بس ضحك وسوالف :53::53:
يعني انتي اللي تشكلين وترسمين حياتك مثل ماتبغين :119::119:
وخلي عنك وساااااوس الشيطان :139:
لانه شاطر واذا مشيتي وراء كلامه نهايتك بتكون مو زينه:004::004:

:060:واذا بغيتي صديقه وتحب السوالف وماتسكت
انا بالخدمه ترى بعدين بتقولين ليتني ماعرفتها:10111:
:hahahahahah::hahahahahah::hahahahahah::hahahahaha h::hahahahahah::lllolll:
الله يريح باااااالك ويهدي قلبك ويسعد روووووحك:004::004:

[صمتْ]

أسعد الله مساءك..

أول شي إنتي تبغين أحد يسمع لتس وما لقيتي..
أنا أقولتس عادي خذي ورقة وقلم وأكتبي لين يفضى راستتس من الهرج :biggrin: بترتاحين وهالطريقة أستخدمها يعني جايبة لتس شي مجرب مو أي كلام :cheese:

وبالنسبة للمشاكل أو الأغلاط اللي تبغين لها حل أو حاجتس للنصح من أشخاص قريبين..
هذي بعد حلها بسيط..
هنا بالملتقى أشوف تجاوب كبير من الأعضاء لأي شخص محتاج نصح أو كلمة حلوة أو رأي سديد..
وأتوقع إذا انتي محتاجة النصح بتلقين تجاوب بمجرد ما تطرحين قضيتس هنا :)

أما الناس اللي تحسينهم بعدوا عنتس أنا أقولتس لا تلومينهم ترى الدنيا تشغل وإذا ما لقيتي صديقة قريبة جددي صداقاتك وكوني علاقات جديدة..:119:

وأهلك محد يخاف عليك وحريص على مصلحتك مثلهم الله لا يحرمك منهم ولايحرمهم منك..

>> شي ثاني إذا طفشتي اكرفي ترى الشغل يوسع الصدر :tongue:

تمنياتي ودعواتي لك بحياة أفضل..

:004:

[A L M a i s t R o]

مع وافر آحترامي لك انتي لا تبحثي عن السعادة الحقيقة نقدر نقول موضوعك مجرد فضفضة لاكثر..!!

لو انك تريدها حقاً لبحثتي ملياً عنها ستجديها على الأرجح بداخلك.