معهد التميز الدائم في ( كلية العلوم ) بالدمام

[سوالف عشق]

السلام عليكم

مرحبا بنات :bye:

حبيباتي انا حابه اعرف هل بنات الانتساب يقدرو يسجلو في المعهد ؟؟
و وش التخصصات الموجوه عندهم ؟؟
وكيف طريقه دفع الرسوم :mh19: ؟؟
بليز بنات الي عندها خلفيه لاتبخل علينا:119:

شاكره لكم تعاونكم .

[سوالف عشق]

معقوله محد يعرف شي عن المعهد ؟

:Cry111:

[عطر الكون]

للـآسف مــاآعندي فكرهـ :mh45: ..!

[العصفورة]

السلام عليكم
وعليكم السلام ورحمة الله وبركاته
مرحبا بنات :bye:

حبيباتي انا حابه اعرف هل بنات الانتساب يقدرو يسجلو في المعهد ؟؟
أكيد تقدرين أنا كنت انتظام بالكليه مع ذلك مسجلة في المعهد وأغلب البنات الي كانوا معي انتساب.
و وش التخصصات الموجوه عندهم ؟؟
الي أتذكره تقنية مكاتب ودبلوم علوم الحاسب التطبيقي وفي دورات كثيرة .
وكيف طريقه دفع الرسوم :mh19: ؟؟
عبارة عن أقساط شهرية يحددون لك كل شهر مبلغ بس عادي كنا نجيب المبلغ الي نبي مره نزيد بشهر وشهرنقص واوقات نتأخر عليهم عادي مايقولون شئ يقدرون الظروف.
بليز بنات الي عندها خلفيه لاتبخل علينا:119:

شاكره لكم تعاونكم .


اتمنى أكون أفدتس بالي تبين وأي استفسار ثاني أنا بالخدمة:praying:

[سوالف عشق]

يسلموووو العصفورة
وجزاك الله خير كفيتي ووفيتي :119:

[دموع رياضيه]

ماعندي فكره تقبلي مروري البسيط اختك دموع رياضيه

[super]

يمكن راح يقفلون المعهد

لاتتسرعين

فإذا ماسجلتي .. ياليت تتأكدين من إدارة الكلية ..

تمنياتي لكم بالتوفيق

[Mo0_0ony]

ايوة اغلب اللي مسجلين بنااااات الانتساب .... في دورات وفية دبومات ....

وعندك بعد المعهد الثاني نسيت اسمة في قسم الانجليزي تابع لكلية الاداب :)

[super]

ياليت قبل لاتسجلين

تراجعين العميدة وتشوفين ماهو مصير المعهد

لان هناك مصدر قوي يؤكد انها سوف تمنع مثل هذه المعاهد

إلى أن يتم وضع آلية لهم في جميع الكليات

بالتوفيق

[الأميرة النائمة]

وعليكم السلام ورحمة الله وبركاته
أيوه بنات الإنتساب يقدروا يسجلوا فيها ..
بالنسبه لموضوع إنو المعهد بيتقفل
تراااااااااااه إشاعة وليس له أساس من الصحه
أساساً صاير هناك لبس بالموضوع
إللي تقفل المعهد الموجود في قسم الإنجليزي التابع للآداب
مو التابع للعلوم ..
بالنسبه للتخصصات تراه يختلف يعني في شي إسمه إدخال بيانات وشي إسمه أعمال مكتبيه
وفيه دبلوم علوم الحاسب شامل لمدة سنه ، عندك إعداد معلمات ، وفيه تقنية برمجه مدتها سنتين
وطبعاً كل وحده تختلف عن الثانيه من حيث الأسعار ..
بالإظافة إلى وجود دورات مختلفة في برامج التصميم كالفلاش والفوتوشوب والفرونت بيج وكذلك هناك دورة في برنامج المعارف الخاص بأعمال إدارية في مدارس أخرى
طريقة الدفع فيه كاش وفيه أقساط
أتمنى أني أفدتك في حصولك على الأجوبه لأسألتك ..

[رغد**]

عن اي معهد تتكلمون وش السالفه ترى انا ضايعه

[فيزيائية زمانها]

عن معهد التميز التابع للكليه
طبعا تقدرين تسجلين فيه
والله يوفقك يارب

[رغد**]

ش ذا المعهد فين يصير ؟ وكيف ندرس فيه ومتى نتخرج وش التخصصات .؟؟؟

[الأميرة النائمة]

هلا إخت رغد
المعهد موجود في كلية العلوم جنب كافتريا علوم في الملحق
إذا حابه تستفسرين عن شي روحي لهم أو إتصلي عليهم وهذا رقمهم
ت :- 8423744
ج :- 0507133175
بالتوفيق ..

[احلــى دلع..]

هلا بكم حبايب قلبي,,,,:119:
يعني ماراح يقفلونه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :mh19:
وانا اسعد انسانه بالدنيا لا قلتوا لي والخريجات يقدرون يسجلون؟؟؟؟؟؟:g2:
يااااااااااااااااااااااااااااااااااااااااااااارب :praying:

[super]

\

\

المعهد الى الآن .. ماراح يفتح ..

وان شاء الله ابجيب لكم الخبر اذا كان بيفتحونه او لا ..

دمتم بخير

\

\

[الأميرة النائمة]

ممكن سؤال ياسوبر
المصدر إللي تجيب منه الأخبار هل هو مؤكد ؟!!

[super]

\

\

10000000000000 بالمية


:119:

بالتوفيق

-

-

[الأميرة النائمة]

جزيت خيراً أخي سوبر
ومشكور على إيضاح المعلومات
الغامضه ..

[!!شوكولاين!!]

طيب لو سمحتو ردو علي
والمتخرجات يقدرون يسجلون بالمعهد؟؟؟
خريجات 1430
وكم الرسوم ؟؟؟؟؟؟؟؟

[super]

\

\

اختي شوكولاين

الى الآن المعهد مقفل ..

اذا فتح يصير خير ..

بالتوفيق

-

-

[الغـــلآ]

يعني ممكن يرجع يفتح ياريت الي عنده خبر يبشررررني:Cry111:

[super]

هلا فيك اختي

ممكن انه يفتح .. وممكن لا ..

واذا جى اي خبر راح تشوفونه هنا بإذن الله ..

[الغـــلآ]

مشكور الله يجزاك خير...

[محبه للتعلم]

مافي منكم احد يعطينا الخبر اليقين

ناس تقول بروحو اداب بينقلو المعهد هناك
وبيفتحو الترم الثاني

ساعدوناااا يلي تروحو الكلية روحو المعهد سئلو لينا
وربي ماراح يضيع ليكم تعب اجركم محفوظ

الله يعطيكم العافية

[شوشه المنفوشه]

لووووووووووو سمحتووو .... لو جات بنت من برااا الكليه يعني ماتدرس فيهاا..


هل بأمكانها انها تسجل



وممكن رقم المعهد لوسمحتوووو


بليييييييييييييييييز جاوبوني

[Dala3~]

أعتقد انه للحين مافتح بسألهم بكره واشوف ان شالله~

شوشه المنفوشه....

لا مو اي احد يدرس فيه بس المسجلين بنفس الكليه سواء انتظام او انتساب

بالتوفيق.

[الغـــلآ]

^
^
هاه وش قالو لك

[عموووشه]

تكفوووووووووووووووووووووون ردوا علينا بالخبر الاكيد
لاني مأمله عليه وااااااااجد ,,
الغريب ان بنت عمي توها متخرجه منه وقالت انها الترم الثاني بتسجل !!
ماجابت طاري انه مسكر او بيتسكر (( ميييييييييين الصح تكفووون )):103:

[الغـــلآ]

اااااااب اذا فيه جديد بشروووونا

[RanD]

بنات هل فيه جديد بخصوص المعهد ... هل الترم الثاني بيفتح او لا ؟؟؟

[RanD]

من عندها رقمهم

[sosoo12]

هلا فيك اختي
عندي رقم المديره حقت المعهد الموجود باعلان المعهد اللي معلق بالكليه

0507133175

انا ادق كله ماترد او مسكر .. جربي وعلمينا :119:

:s12: يفتح المعهد

[RanD]

دقيت عليها اليوم ماترد ؟؟؟؟:mh19:




وش القصة معهم .... حد بعطينا خبر ضروري :000:

[RanD]

ردت علي اليوم مديرتهم المصرية .... تقول ما في تسجيل ما قالت لي سكروا قلت لها انتوا سكرتوا قال ااه خلاص سكرنا ماراح نفتح .... هذا بخصوص المعهد اللي كان في ملحق كلية العلوم


:000:


طيب والمعهد اللي كان في قسم الانجليزي سابقا وش صار علية

[super]

هلا فيك اختي

يابنت الحلال المعاهد في كليات البنات تقفلت ..

تعرفين معنى تقفلت ..؟؟؟

يعني اغلقت .. يعني تسكرت .. يعني ماراح تفتح ..

كم مره كتبت لكم موضوع ورديت على الف موضوع من مواضيع المعاهد

لكن للاسف مافهمتوا او ماتبون تفهمون ..!!!!

المعاهد اغلقت الى اجل غير مسمى ..

واذا جاني خبر عن مايخص المعاهد راح اعلمكم بإذن الله

سي يووو

[Rebekah]

هل يوجد دبلوم تربوي في المعهد أم لا ؟!