بماذاتنصحوني أيها الأخوه والأخوات الأفاضل<< [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : بماذاتنصحوني أيها الأخوه والأخوات الأفاضل<<

حلـ....ـم

2012- 4- 9, 01:37 AM

السلام عليكم ورحمة الله وبركاته

يسعدأيامكم//

فضلاً لاأمراً أبي تشورون علي وتفيدوني بطريقة مذاكرتكم المستوى الأول ..لأني ماخذه رياضيات 1د/حنفي ومبادئ المحاسبه1د/علاء زهران ومبادئ الأقتصاد الجزئي د/حسن الهجهوج ومبادئ القانون د/علي الزهراني..فياليت تعطوني فكره عن طريقة مذاكرة هالمواد بماأن لديكم خبره قريبه ومامداكم تنسون وبنفس الوقت اللي يملك الأسئله تبع المستوى اللي طاف ينزلها هنا ..أحس اني مضيعه هالمستوى بزياده ومخي مقفل عالأخر ياليت تسعفون أختكم وماتبخلون عليها بأي معلومه ممكن تساعدني باستغنام الوقت المتبقي لأني ماراح اللحق اتابع المحاضرات وحتى الأن ماتابعت إلاالرياضيات وواصله للسادسه وبكملها إن شاء الله بس باقي المواد مااظن بلحق عليها علشان كذا طلبت مشورتكم..شااااكره لكم تعاونكم مسبقاً:106:

عروب الخيل

2012- 4- 9, 01:54 AM

هلا اختي حلم
بالنسبه الرياضيات لازم اتابعين المحاضرات شرح الدكتور ممتاز بتفهمين عليه ان شاءالله
والمحاسبه ذاكري من ملخص فهد الشمري
والقانون ذاكريه من الكتاب مع المتابعه مع الدكتور والي يتكلم عنه حدديه في الكتاب
الاقتصاد الدكتور متغير اذاشرحه حلو تابعي معه
وباقي وقت حددي لكل ماده 5 ايام وان شاءالله تخلصين وتراجعين بعد
وبالتوفيق

a.zz9

2012- 4- 9, 01:56 AM

فادتك اختي عروب عافاها وقواها الله ,,

موفقين جميعا:106:

حلـ....ـم

2012- 4- 9, 05:07 PM

تسلمين أختي عروب الخيل ومشكور اخوي احن واحد..والأخت جنون الحياه ماقصرت فادتني بهالكلام من قبل بس أبي منكم الأسئله وإذا فيه أحد أعتمد عالملازم بدون مايتابع المحاضرات وجاب نتيجه كويسه ياليت يقولي ..ولكم دعوه صادقه.

زهرة الخليج وبس

2012- 4- 9, 05:21 PM

حبيبتي حلم حاولي تضغطي نفسك شوي عشان تجيبي مستوى ممتازالزين مايجي بسهوله شوفي انا ماشاء الله لاحول ولا قوة الا بالله ام وعندي 4 ابناء اكبرهم في ثالث متوسط ولا عندي خدامه ومع ذلك كنت منظمه وقتي اذاكر الصبح والمسا بعد مايناموا كنت اسمع المحاضرات واتابع اي شي جديد اسئله ملخصات في كل ماده وكمان اسئلة الاعوام الماضيه والحمدلله نجحت بمعدل ممتاز وانا الان قاعده اذاكر للامتحانات المواد اللي حفظ نزلتها اما المواد اللي فهم اتابع المحاضره مع الدكتو ر وهذي هي طريقتي

حلـ....ـم

2012- 4- 9, 05:57 PM

تسلمين أختي زهرة الخليج وضعي مثل وضعك إلاأني أمر بضروف صعبه شوي وشاله تفكيري بعض الشي والمستوى الأول كنت كذا بس هالمستوى ملخبطه شوي وكل اللي ابيه اللحين الأسئله تبعتكم المستوى اللي طاف وبالنسبه للقانون ضروري الكتاب ولااقدر استغني عنه بملزمة أصف بن برخيا..والمحاسبه أقدر اذاكرها من ملخص ابو موزه بدون متابعة المحاضرات وياليت اللي باقي محتفظ بأسئلة المستوى اللي طاف ينزلها لي هنا..الله لايهينكم.

عروب الخيل

2012- 4- 9, 07:52 PM

اذا عندك ملزمة اصف بن برخيا
ذاكري منها بدون تشوفين المحاضرات على مسؤليتي
بالتوفيق

al_ghamdi

2012- 4- 9, 07:54 PM

مسآآء الخير مثل ما قالت خيتي عروب بالضبط كفت ووفت :004::004:

ما راح ازيد الا بعض الاشيااء البسيطة جداا :biggrin:

ملخص اصف يغني عن الكتااب تمااماا حتى الاسئلة كانت سهلة وواضحة ما قصر صررااحة حتى الا ما ذااكر جااب كويس تعتبر اسئلته عاامة نوعا ما ما تعمق ووهقنا االله يوفقه

المحااسبة اهم شي انك تعرفين المدين و الدائن ومن حساب الى حساب و القائمة المالية الدكتور كثير ركز عليها و تقريبا كل الامتحان كيذا حتى النماذج الي قبل كانت هذه الاسئلة مووجووده في ملخص بوموزه المحااضرة الاخيرة حط فيها كل النقاط و تعتبر زبدة المحااضرات كلها

اما بخصوص اسئلة الامتحاانات للاسف مو عندي و الا كان نزلتها

انتي حاولي تدورين بالارشيف رااح تلقين كل الي تبينه و زيادة ان شاء الله :biggrin:

اتمنى اني افدتك ولو شوي :060:

بالتووفيق يارب :004:

حلـ....ـم

2012- 4- 9, 08:15 PM

الملزمه حملتها من المنتدى وباقي باطبعها بس فيها مشكله بالخط(صغيرمره)وانا ابي اطبعها بالبيت ..ماقصرتي عروب الله يسعدك:106:
أختي al_ghamdi بصراحه أفدتيني كثيرالله يسعدك وهذا اللي كنت أبيه شرح طريقة اسئلة الدكاتره وتوضيح مدى سهولتها من صعوبتها وكمان ذكرتيني الله يذكرك بالشهاده عن الأرشيف واللي راح عن بالي ..تسلمون وماقصرتو :106:
وأي أحد باقي عنده معلومات ممكن تفيدني الله لايهينه يسدحها هنا.
جوريه لقلوبكم الطيبه:106:

al_ghamdi

2012- 4- 9, 09:22 PM

العفو حبيبة البي ما سوينا الا الواجب :060::004:

وياك يا رب :004:

قود لك :rose::004:

حلـ....ـم

2012- 4- 9, 09:23 PM

ياليت اللي يعرف طريقة تحميل الملفات عن طريق عرب شير يعلمني لأن كل ماأجي ابي احمل ملف يطلع لي من عرب شير وماأعرف احمله
ابي اللي بهالرابط
http://www.ckfu.org/vb/t161936.html
ابي ملخص مبادئ المحاسبه مع الأسئله ومالقيته إلاعن طريق عرب شير.

زهرة الخليج وبس

2012- 4- 9, 09:42 PM

اختي حلم ملخص اصف بن برخيا انصحك فيه وبشده انا ذاكرت منه وجبت 98 والحمدلله ركزي على المحاكم اذكر لخبطنا فيها اكثر من 10 اسئله كلها عن المحاكم

يارب تصيب

2012- 4- 10, 09:07 AM

القانون ومبادى الاداره ذاكرتهم بدون المحاضرات جبت بالقانون ممتاز والاداره جيد انصحك بملخص اصف للقانون رووعه والرياضيات تابعي الدكتور بدون ملازم ولاشي لانه واافي والمحاسبه ركزنا على محاضره 14 وعندك الاقتصاد الجزئي شفت المحاضرات من دكتور باليوتيوب مررره ممتاز نسيت اسمه والمحاسبه كمان فيه دكتور باليوتيوب اذا مافهمتي على علاء المستوى الاول حلو بس يبغاله تركيز شوي ولاتنسين الدعاء سبب النجاح

حلـ....ـم

2012- 4- 10, 05:07 PM

تسلمون حبيباتي زهرة الخليج ويارب تصيب..ماقصرتو الله يسعدكم..بس ياليت إذا أحد يعرف يرفع لي الملف اللي تحت عن طريق مركز تحميل ثاني غير عرب شير لأني ماعرفت احمله:106: