ياترى كيف بتكون المقابله الشخصيه للوظيفه ( تعالينّ نفكر معاً) [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : ياترى كيف بتكون المقابله الشخصيه للوظيفه ( تعالينّ نفكر معاً)

فرحة العمر

2009- 3- 10, 06:04 PM

السلام عليكم ورحمة الله وبركاته
بعد انتظار دام الكثير وبعدالدعاء لله بخشوع وخضوع ان ينزل علينا مطر من السماء وكان ذلك لنا في اليوم نفسه
وشكرنا الله على نعمه الكثيره...

ابارك لكم القبول المبدئي واسأل الله لكنّ التوفيق
:mh001::mh001:
وهذا الموضوع مخصص عن المقابله الشخصيه وسؤال من سبقنا عن كيفيتها
اتمنى منكنّ المشاركه جميعا ..

ونسألكم الدعاء

سامية

2009- 3- 10, 08:18 PM

بالتوفيق

رفع

Photonic

2009- 3- 11, 12:19 AM

اتوقع ..وانا اقول اتوقع ..
عن المختبر ..الاجهزه الي فيه ..قواعد السلامه ..شي زي كذا ..
ممممم اكيد يشوفون شخصيتك ..

انا تخصصي فيزياء ..انتو ايش تخصصاتكم يابنات؟

سامية

2009- 3- 11, 03:42 PM

اتمنى البنات اللي سووا مقابة شخصية وينتظرون قبولهم النهائي يفيدونا
عن اسئلة المقابلة الشخصية وباي لغة

:066:

Photonic

2009- 3- 12, 03:09 PM

للرفع .......

ماجستير حاسب

2009- 3- 12, 04:40 PM

ياااااارب ترزقني وادخل المقابله يااارب

للاسف مااعرف والله عن المقابله شي

فرحة العمر

2009- 3- 12, 04:56 PM

بسم الله الرحمن الرحيم
اشكركم على التفاعل واتمنى المشاركة من الجميع

هل مقابلاتكم هذا الاسبوع او بعد اسبوع مثلا !!!

اتوقع المقابله كالعاده يعني

تحدثي عن نفسك
ماهي طموحك وماذا تتوقعي من نفسك بعد 5 او 10 سنوات هذا السؤال الي دايم يسألونه
عن الخبرات وليه تركتي الشغل لو فرضا كان عندك شغل وتركتيه
وكم تتوقعي الراتب
هل تتقبلي الصعوبات
تعرفي شئ عن الوظيفه مسماها شنو يعني مجالها بيكون !!!
كيفك باللغه الانجليزيه وتكلمي عن نفسك ايضا ..
وراح يسألونك هل توقعتي القبول طبعا لا تظهروا انكم متفاجأين ومش متوقعين القبول المبدئي يعني على راحتكم تكلموا وبالهدوء افضل يعني كذا انا اشوف
راح يكون التركيز واهم شئ على التخصص طبعا واكيد تركيز قوي فيعني ذاكروا زين زين تمام التمام والله يكون في عون الجميع
واخر شئ بيكون فرصه سعيده انا لتقينا فيكم ..:119:

ونسألكم الدعاء ..

خزامى*

2009- 3- 14, 07:29 PM

انا مقابلتي السبت الجاي

انــآ

2009- 3- 14, 08:26 PM

.

.

انا مقابلتي يوم الاثنين 26/3

وهـذي اسئله جمعتهــا للمقابله

الأسئلة الأكثر شيوعا في المقابلات

1- ما سبب رغبتك في العمل في هذه الشركة؟

يجب أن يتضمن ردك مزايا الشركة من وجهة نظرك والتي كونتها من المعلومات التي جمعتها سابقا.

2- ما الذي أحببته أو لم تحبه في عملك السابق؟

دائما يبحث المقابل عن أي صفات سيئة أو نواحي نقص لدى المتقدم للوظيفة؛ فعليك توخي الحذر من التذمر من عملك السابق بل عليك أن تمدح شركتك السابقة.

3- لماذا تركت عملك السابق؟

اشرح باختصار وبصدق أسباب تركك للعمل، كما لا تنس أن تقول أمرا إيجابيا عنه.

4- هل قمت بهذه النوعيات السابقة من الأعمال من قبل؟

إذا كانت إجابتك نعم، فأخبرهم بالمهارات التي لديك وكيف يمكنك الاستفادة منها. أما إذا كانت إجابتك لا، فصف خبراتك في أعمال أخرى تمكنك من تعلم هذا العمل بسرعة، وأكد على اهتمامك وحماسك للتعلم.

5- ما الذي كنت تقوم به في عملك السابق؟
للإجابة على هذا السؤال يجب أن تتضمن إجابتك المهارات والمهام ذات العلاقة بالعمل الجديد، والآلات والمعدات التي استخدمتها في عملك السابق.

6- حدثني عن نفسك؟
ليس هذا السؤال دعوة للتحدث بإسهاب عن نفسك؛ فحاول معرفة مغزى السؤال الحقيقي، وذلك بطرح سؤال عن إمكانية تحديد شيء من مؤهلاتك أو عنك للتحدث عنه، وذلك سيساعد المقابل على توجيه الحديث إلى المسار المناسب وتجنب الأحاديث غير المهمة.

7- ما الذي تحب أن تصل إليه بعد 5 سنوات من الآن؟

يجب أن تعكس إجابتك مدى خبرتك واحترافك المهني، وبناء على المعلومات التي جمعتها عن الشركة قد تكون ملما بالفرص المتاحة لك بها، وبالتالي عليك التحدث عن طموحاتك في الانضمام إلى الأقسام الواعدة في الشركة.

8- ما أصعب موقف واجهته في حياتك العملية؟
ترتكز الإجابة على جزأين: أولا تعريفك للمصاعب، وثانيا كيفية تصرفك في مثل هذه المواقف؛ لذا يجب أن تقص على المقابل موقفا صعبا مررت به وأظهرت حسن تصرف في حله، كما أن عليك أن تتجنب المواقف المرتبطة بزملاء العمل.

9- هل تفضل العمل منفردا أم مع آخرين؟
يهدف هذا السؤال إلى معرفة ما إذا كنت شخصا تنسجم مع العمل الجماعي، وعليك أن تتأكد قبل الإجابة إذا كان العمل يتطلب منك العمل منفردا أم أنه عمل يمكن أن يكون جماعيا، ثم أجب الإجابة المناسبة، مثل (عادة ما أكون سعيدا بالعمل منفردا إذا كان العمل يتطلب ذلك، لكنني أفضل أن أعمل ضمن فريق فذلك سيساعد على إنجاز الكثير).

10-السن صغيرا/ كبيرا؟
إذا كنت صغيرا فعليك أن توضح خبراتك التي اكتسبتها طوال الفترة الماضية متضمنة التدريبات التي مارستها ومهاراتك المختلفة. أما إذا كان عمرك كبيرا فأوضح للمقابل المزايا مثل أنك تحتاج لساعات تدريب أقل لإتقان العمل، وإمكانية اتخاذك القرار بسرعة نتيجة خبرتك الطويلة.

11- ألا ترى أن مؤهلاتك أعلى من المطلوب للوظيفة؟
إذا كانت الوظيفة فعلا أقل من إمكانياتك لكنك في حاجة إليها؛ فأجب بأنك تتطلع لشيء جديد مختلف وحيوي، وإن بإمكانك تلقي التعليمات بنفس الإمكانيات لإصدارها.

12- ما هو الراتب المتوقع؟
كن حذرا فطلبك العالي جدا قد يخرجك من المنافسة على الوظيفة، وطلبك المنخفض قد يجعلك الخاسر مستقبلا، حاول أن تعرف مستويات الرواتب في الشركة قبل حضور المقابلة.

13- متى ستكون جاهزا للعمل؟
لتكن إجابتك "في أسرع وقت ممكن"، ولا تضع أي عقبات في الطريق.
المهم في المقابلة أن تستمع جيدا، وتترك لنفسك وقتا للتفكير قبل الإجابة، ولتكن إجاباتك مباشرة وصادقة، تكلم بصوت واضح يمكن أن يسمعه الآخرون، لا تمضغ العلكة (اللبان) ولا تدخن، أو تصدر إشارات أو إيماءات مربكة أو مثيرة للانتباه.
وإذا لم تستطع العثور على عمل بالسرعة التي تريدها، يمكنك أن تعمل على تغيير خططك أو تعيد تقييم هدفك الوظيفي، ومهما كان الأمر فلا تفقد الأمل.
وعندما تنجح في الحصول على عمل، فالتعلم لم ينته بعد، فالاحتفاظ بالعمل ما هو إلا إطار آخر للمهارة

واذا احـد دخل المقابله قبلنــا يعني اذا ع السبت الاحد كـذا ينزلو لنــا طريقه المقابله مشـكورين

فرحة العمر

2009- 3- 14, 10:51 PM

بسم الله الرحمن الرحيم
اسأل الله لكم التوفيق جميعا
اخواتي ارجو منكم ذكر تجربة المقابله بارك الله فيكم
انا بعدكم لو كنت قبلكم كان ذكرت لكم كيف الاسئله وكل شئ
الله يوفقكم جميعا

شهوووووودة

2009- 3- 16, 10:46 AM

يابنات انا ترشحت بعد ويوم الاثنين26/3
بس عن جد تتوقعون هذي الوظايف ترسيم او تعاقد:g8:
وكم تتوقعون رواتبهاواذا انقبلنا متى نبدا السنة ذي او عالسنة الجاية:g2:

تفاعلوا بليييييييز

أحلى شيء

2009- 3- 16, 10:12 PM

حبيباتي في المقابلة راح يسألونك طبعا ايش أسمك تخصصك من فين متخرجة وسنة التخرج
ومسمى الوظيفة اللي انتي مقدمة عليها وبعض الاسئلة عن ارشادات السلامة في المختبر مايسألون أبدا عن التخصص
والمقابلة ما تتجاوز الخمس دقايق بالكثير
طبعا هالكلام من واقع تجربة السنة اللي فاتت قدمت على نفس الوظائف في كلية الطب في الآحساء واللي عملوا المقابلة دكتور ودكتورة وبعض البنات سألوهم أسئلة سخيفة مثل تتوقعون ليش ناديناكم للمقابلة
وبعد قبل ما أنسى سألوني عن اللغة

فرحة العمر

2009- 3- 17, 12:16 AM

اشكركم جميعا على التفاعل
يارب الله يكتب لنا الخير يارب العالمين
الله يوفقكم قلبي معاكم اخواتي

بهجة الروح

2009- 3- 17, 08:57 AM

شكراا لطرح الموضوع

انا انقبلت بعد مقابلتي الثلاثاء 27 /3

واتمنى تفيدونا اكثر:d5:

برهة عشق

2009- 3- 17, 10:54 AM

السلآم عليكم

حبيت اسأل كيف عرفتم بأمر الترشيح للوظيفة

هل عن طريق الإتصآل ،، ام الجريدة ؟؟

ومتى تم الترشيح ؟؟

يعطيكم العآفية وبالتوفيق للجميع

حكاية خيال

2009- 3- 17, 01:41 PM

ياحلوه الاعلانات نزلت بالجرايد والويب سايت حق جامعة الملك فيصل بجميع الكليات التابعه لها

والتقديم يكون اما بالمقر الرئيسي حق الجامعه او اماكن اخرى مذكوره بالاعلان

بنات الانجليزي

بليييييييييييييييييز اي وحده دخلت مقابله تعلمني كل الاسئله اللي انسالت فيها

بهجة الروح

2009- 3- 21, 07:30 AM

بنات الله يعافيكم

الا تدخل المقابله تقول لنا كيف كانت الاسئله

الله يوفقكم دنيا وآآخره

:119:

انــآ

2009- 3- 21, 02:55 PM

انا مقابلتي السبت الجاي

ياليت اختي تقولي لنا كيف كانت المقابله

ضروري

انــآ

2009- 3- 21, 03:01 PM

.

.

(وبعد قبل ما أنسى سألوني عن اللغة)

يعني سالوكي كم سؤال بالانجليزي

فرحة العمر

2009- 3- 21, 05:55 PM

مساء الخير
الله يوفقكم بنات يارب العالمين
الي مقابلتها كانت اليوم ياليت تتكرم علينا بالاسئله
ولها جزيل الشكر والتقدير

فرحة العمر

2009- 3- 21, 06:10 PM

عندي سؤال اخواتي حاولت ابحث عن الاجابه ما حصلت فكانت الاجابه من عندي
ماذا يعني المسمى الوظيفي (مشغل اجهزة الحاسب الالي )
انا اقول انها تتعلق بكل مايخص الحاسب من اعطال وصيانه وشبكات وكذا يعني
شنو رايكم انتم !!!

خزامى*

2009- 3- 22, 09:16 PM

المقابله تتكلمين فيها عن نفسك وطموحاتك

وسؤال عن المختبر وممكن سؤال عن التخصص..
وبعضهم قالو لهم تكلموا شوي عن نفسك بالانجليزي..

انتي وحظك

ariama

2009- 3- 23, 12:21 AM

ألففففففففففففففففف مبروووووووووووووووووووك:d5:

بهجة الروح

2009- 3- 23, 08:29 AM

الا دخلوااا المقابله ياليت يفيدونااا

الله يوفقهم

بكره انا مقابلتي

:000:

انــآ

2009- 3- 23, 03:08 PM

.

.

دخلت المقابله اليوم

وكانت مع عميده الكليه وثلاث دكاتره عن طريق الشبكه

وكل بنت اسئلتها تختلف عن الثانيه على شان كل وحده تتفاجا بالاسئله خخخخخخخخخ

بكتب لكم كل الاسئله الي سالوها للبنات

1/ ايش سنه تخرجك/ كم تقديرك/ كم نسبتك بالظبط

2/ ايش سويتي بعد التخرج

3/وين مولوده

4/اذا كنت عندها خبرات يسالوك عنها

5/ ليش قدمتي بهذي الكليه مع انك متخرحه من كليه ثانيه

6/ ايش الي كان يضايقك بالمعمل

7/ ارشادات السلامه بالمعمل

8/ كيف مستواك بالانجليزي اذا قلتي ممتاز يقولوا لك طيب تكلمي بالانجليزي :000:

9/ كيف تتصرفي اذا اصيبت طالبه بحرق

10/ اشتغلتي بالمعمل قبل كذا

11/ اذكري مصطلح خاص بالفيزياء (لان تخصص البنت فيزيا) :000:

12/عادي تتاخري الين الساعه4 لان بعض المعمل تنتهي 4

13/ ايش يعني مرتبه الشرف

طبعا هذي كل الاسئله الي اتذكرها

واتمني لكم التوفيق

دعواتكم انهم يقبلوني :011:

فرحة العمر

2009- 3- 23, 03:23 PM

مساء الخير
الله يوفقكم اخواتي على طرح الاسئله
تعتبر اذن اسئله روتينيه
وطبعا عن التخصص لابد منه لمعرفة قدراتك فيه
الله يكتب لنا جميعا هالوظيفه يارب العالمين
اكثروا من الدعاء والاستغفار احبتي
شهر ربيع شهر خير على الجميع يارب العالمين
نوافيكم بمقابلتي فور دخولي ان شاء الله تعالى ..

خزامى*

2009- 3- 23, 03:25 PM

بنات انا من يوم صارت المقابله وانا مو قادره انام.....

يارب ترزقنا كل اللي قيه خير لنا:s12:

الحووور

2009- 3- 23, 03:31 PM

مرحبا بنات
انا قدمت المقابلة الشخصية يوم الاحد
والوظيفة اللي انا مقدمه عليها فني مختبر تشريح
اول شي دخلونا المشرحه وينادون بالاسم وكنت خايفة في البداية ودخلونا حسيتها كنها غرفة عمليات
والجثة على السرير وتسالنا الدكتورة عدة اسئلة بالانجليزي عن اجزاء الجثة
والمسؤولة تسجل المعلومات في ورقة
وبعدها رحنا مبنى مركز تقنية المعلومات وينادون بالاسم
ندخل الغرفة فيها شاشة كبيرة فيها رجال انا من الخوف ماادري كم واحد شفت الظاهر انهم 3
واللي قبلي بقولون 5 والله ما ادري يمكن قاموا
ويسالون اسئلة وفيه 2 يسجلون المعلومات ويستلمون صور الشهادات وصورة كرت العايلة
يسالون الرجال اسمك بالكامل ومن وين متخرجه والنسبة وشنو شويتي في المعمل وشنو تتوقعين مهامك الوظيفة لو توظفتي وبعدها تفضلي شككرا
اسئلة عادية لكن يشوفون شخصيتك ومدى ارتباكك
وبالتوفيق للجميع:119:

انــآ

2009- 3- 23, 03:32 PM

.

.

(تعتبر اذن اسئله روتينيه )

مع ان الاسئله اغلبها روتنيه بس لا ارادي ترتبكي و تتلعثمي

وتحسي لحظتها ان السؤال صعب :000:

وموفقه ان شاء الله

الحووور

2009- 3- 23, 03:36 PM

وسالوني بعد اذا اشتغلت قبل كذا

انــآ

2009- 3- 23, 03:41 PM

بنات انا من يوم صارت المقابله وانا مو قادره انام.....

يارب ترزقنا كل اللي قيه خير لنا:s12:

انا اليوم كانت مقابلتي ومن جد احس اني متوتره :011:

والنوم طار من عيوني

تتوقعوا النتايج من نفس الكليه او يرسلوا للجامعه

والجامعه هي الي تقرر ؟؟؟؟

ومتي النتايج؟؟؟

انا سالتهم قالوا ما ندري متي تطلع

بس مدري احسها تصريفه :119:

بهجة الروح

2009- 3- 23, 04:20 PM

انآ

انتي مقدمه على اي وظيفه

وايش سألوك

انتظر منك اجابه

:000:

بهجة الروح

2009- 3- 23, 04:23 PM

مشكوره اختي لقيت جوابك في الصفحه الا قبل

سوري ماكنت منتبهه

الله يوفقك
ويارب يقبلوك ويقبلونا جميع

بالتوفيق للجميع:119:

انــآ

2009- 3- 23, 04:36 PM

.

.

انا مقدمه على وظيفه محضرة فيزياء

ياليت تخبرينا ايش يصير بكرا معك

على شان يصير ملف كامل ونستفيد منه

بعدين

وموفقه

بهجة الروح

2009- 3- 23, 05:26 PM

ان شاء الله

طيب كم ساعه المقابله ؟؟؟؟؟:011:

بهجة الروح

2009- 3- 23, 05:35 PM

آنا ياليت تجاوبيني :sdfgdsf::bawling:

خزامى*

2009- 3- 23, 06:32 PM

بهجة الروح وشو التخصص اللي سجلتي فيه بالضبط يمكن نفسي

فرحة العمر

2009- 3- 23, 07:37 PM

مساء الخير
التوتر والارتباك امر وارد وطبيعي في اي مقابله اهم شئ الثقه بالنفس و الاجابه على كل سؤال يطرح من غير تردد في الاجابه
من مثلي (مشغل اجهزة الحاسب الالي )
شنو تتوقعو ا الهدف من الوظيفه اسمها شوي مافهمت له !!!
مسوؤله يعني عن الحاسب ومافيه !!
هل سيكون لنا تدريب قبل العمل ان الله وفق لنا !!!
اظن يكون شبكات وصيانه وكذا يعني
دراستي كانت نظريه وليست عمليه للاسف الشديد ..
والله يكون في العون

خزامى*

2009- 3- 23, 08:08 PM

انا فني مختبر كيمياء حيويه..

وشفت معاي بس ثنتين...

الله يكتب لنا كل خير يارب

Photonic

2009- 3- 23, 09:02 PM

المقابله يابنات كانت جدا عاديه ومافيها اي توتر او خوف
انا اليوم تمت مقابلتي .. والله ييسر ويكتب كل خير
سألوني عن سنه تخرجي .. خبراتي .. دوراتي .. لغتي الانجليزيه
عن اجهزه موجوده بالمعمل .. عن الوقايه من الاشعاعات في معمل النوويه
المقابله تكون تلفزيونيه ..يعني 3 دكاتره رجال وراء الشاشه ..وتكلمينهم بالمايك ..
الله يوفق ويسهل للجميع ..

بهجة الروح

2009- 3- 23, 10:40 PM

طيب كم ساعه اخدتوا

بهجة الروح

2009- 3- 23, 10:41 PM

انا تخصصي نبات :119:

ذرة ملح

2009- 3- 23, 10:48 PM

كيف الاختبار بسرعة رددددددددددددددددوووا:c8:

انــآ

2009- 3- 23, 10:54 PM

.

.

المقابله جدا قصره
يعني دقايق مو ساعات :119:

وموفقه ان شاء الله

انــآ

2009- 3- 23, 10:58 PM

خزامى*

2009- 3- 23, 11:12 PM

اميييييييييييييييييييين

ملوووكه_123

2009- 3- 24, 04:51 PM

انا مقابلتي الاربعاء منو معاي

الله يوفقكم في مقابللتكم كلياتكن

طيب بس عندي سؤال الحين مكتوب يوم الاربعاء الموافق 28 - 3- 1430

هل التاريخ له دخل او اهم شي اليوم

:c8:

شهوووووودة

2009- 3- 24, 05:46 PM

اي وحدة تدري عن موعد النتائج تعطينا خبر

خزامى*

2009- 3- 24, 06:03 PM

ملوكه اي تخصص قدمتي بالضبط وفين

بهجة الروح

2009- 3- 24, 06:13 PM

:119: المقابله سهله بس سألنا دكتور بالتلفون تكلمي عن نفسك
وايش يعني محضر مختبر

يعني اسئأله سهله
ومعيده سألتني كيف يعني وظيفه محضر مختبر كيف بتشتغلي عندك فكره ؟؟؟
10 دقائق وانتي طالعه افراج ههه

يالله بالتوفيق للجميع :bye:

:119:

ملوووكه_123

2009- 3- 24, 07:14 PM

انا تخصصي حاسب الي
وانتي خزامي ايش تخصصك

هدوء الرووح

2009- 3- 24, 09:06 PM

بنات متى موعد النتايج
اناقابلت

خزامى*

2009- 3- 25, 12:51 AM

انا فني مختبر كيمياء حيويه

هلا هدوء كيف متى وتقولين قبلت

ملوووكه_123

2009- 3- 25, 01:40 AM

بنات الحين شنو الاوراق الاازمه وهل السجل الاكاديمي مطلوب او مو لازم بلييز
ردوا علي بسرعه:sdfgdsf:

ام حمودي3

2009- 3- 25, 02:22 AM

اليوم هو المهم والا التاريخ عادياختي مللوكه الله يوفقج

ام حمودي3

2009- 3- 25, 02:23 AM

بنات ارسلت ايميل لشئون التوظيف وقالو القرار عند اعضاء هيئة التدريس هم اللي يختارووووووووون

ام حمودي3

2009- 3- 25, 02:25 AM

اختي ملوووووووكه اخذي معاج كل اوراقج الدورات الوثيقة واثبات الشخصيه الاصل والصوره:150::150::150::150:

انــآ

2009- 3- 25, 09:31 AM

.

.

(بنات ارسلت ايميل لشئون التوظيف وقالو القرار عند اعضاء هيئة التدريس هم اللي يختارووووووووون)

يعني كل كليه هي الي تقرر اذا هذي مقبوله اولا

او القرار بيد الجامعه

فرحة العمر

2009- 3- 25, 11:44 AM

صباح الخير
اليوم مقابلتي ..
كانت مع الوكيلة والمقابله مع رجال عن طريق الشاشه
حتى ثانيه ما اخذت
بس صار لي شئ وانتو احكموا ورب الكون خايفه
صوتي ماكان واضح لمن سألني
يقول ما يسمع ورفعت صوتي
تقول الوكيلة انت تسمعني قال ايه
قالت اهي ماتريد ترفع صوتها وانا انقهرت والله العظيم
ورديت قلت الاجابه
وسألني سؤال ثاني
وانتهت المقابله
شنو انطباعكم اخواتي .

فرحة العمر

2009- 3- 25, 11:45 AM

نسألكم الدعاء في القبول اخواتي
هالوظيفة بالذات تعني لي الكثير ان الله كتبها لي
لاتنسوني من الدعاء اخواتي وخاصه عند وقع المطر
شوفو ا ا لجو اليوم كيف صاير مغبر

ام حمودي3

2009- 3- 25, 01:29 PM

هذا اختي يبي يستفزززك بس الله يوفقج

انــآ

2009- 3- 25, 02:42 PM

.

.

اكثري الدعاء والاستغفار اختي فرحه العمر

وباذن الله الوظيفه تكون من نصيبك

انــآ

2009- 3- 25, 02:45 PM

بنات ارسلت ايميل لشئون التوظيف وقالو القرار عند اعضاء هيئة التدريس هم اللي يختارووووووووون

طيب سالتيهم متي بيطلعوا النتايج

ALSADAHZ

2009- 3- 25, 03:58 PM

فرحة العمر

2009- 3- 25, 05:24 PM

مساء الخير اخواتي الحبيبات
بالضبط مثل ما قلتو استفزاز وهالشئ حسيت فيه ايضا
لانه كان صوتي واضح ويسمعني وفجأه لا !!! شوي غريبه
التخصص \ دبلوم علوم الحاسب
الوظيفه \ مشغل اجهزة الحاسب الالي
الكلية \ جامعة الفيصل هي مكان العمل وفيها كانت المقابله
واتوقع بس احنا اليوم الي اختبرنا فيها وخلصنا واعني وظيفة مشغل حاسب الي
مادري التخصصات الثانيه شنو الي في كلية العلوم خلاص خلصو لو لسه !!!!!!!!!
اتمنى نعرف عشان افتح موضوع جديد
:119:

أنا طبعي كذا

2009- 3- 25, 05:36 PM

/

أختي فرحة العمر
ربي يوفقك ويكتب لك اللي فيه الخير

انتي بس خليك واثقه من نفسك وما عليك من أحد :119:

/

بغيت أسألك عن المقابله
مين الشخص اللي قابلك ومين كان موجود خلال المقابله ؟

وكيف كانت ؟
يعني هل كانت الاستفسارات شخصيه عنك وعن سيرتك الذاتيه ؟؟
أم عن الوظيفه والتخصص ومعلومات عامه ؟؟

ولو عندك أمثله عن الأسئله أو تفاصيل عن المقابله وكم استغرقت ياليت تفيدينا ..

ربي يفرج عنك ويكتب لك هالوظيفه بإذنه تعالى :119:

فرحة العمر

2009- 3- 25, 05:43 PM

يا هلا ومرحبا

المقابله ما تأخذ نصف ثانيه والله

المهم مقابلتي في مكتب الوكليه
الوكيله موجوده والمقابله اساسا مع رجال عن طريق شبكه والتواصل عن طريق المايك
السؤال الاول :
متخرجه من اي كلية !!
كم سنه دراستك!!!
هل تعملين الان !!
بعدها سؤال التخصص
لو فيه فايروس في الجهاز شنو تعملي !!
هنا ما سمعوني والف مره اكرر الاجابه :017:
كيف نعمل صيانة دورية للجهاز !!
ومع السلامة :119:
اهم شئ دعاءكم لي وللاخوات اختي
انت شنو تخصصك!!!!!!!!!

Photonic

2009- 3- 25, 08:37 PM

حلمي الدكتوراه

2009- 3- 25, 10:22 PM

:150:مرحبا

لو سمحتوا ياحلوات

استفسار هاااااااااااااااااااااام

هل ضروري ان تكون المتقدمه للوظيفه المطروحه بالكليات

.....تجيد اللغه الانجليزيه..... تحدثاً وكتابه ؟؟؟؟؟؟؟؟؟؟؟؟؟؟؟

ارجو الرد عاجلاً

انــآ

2009- 3- 25, 11:06 PM

.

.

(هذا بالجبيل ؟ ولا بالدمام؟)

بالجبيل

انتي مقدمه على اي كليه؟؟؟؟؟

Wordsworth

2009- 3- 26, 12:03 AM

مقابلتي الاثنين الجاي

وراح يكون Oral exam

يعني اختبار شفوي

ادعولي ان ربي يوفقني

فرحة العمر

2009- 3- 26, 01:05 AM

الله يوفق الجميع
يبدو ان المقابلات لسه على الاسبوع القادم !!
ياليت الي تتفضل تخبرنا
شنو التخصص تبعها
موفقات اخواتي

خزامى*

2009- 3- 26, 01:10 AM

غريبه مااشوف احد معاي بالاحساء:mh19:

خزامى*

2009- 3- 26, 01:16 AM

يابنات مقابلان المسابقه لوظيفيه الاولى انتهت والحين بدات مقابلات المسابقه الوظيفيه الثانيه..

والله قلبي يرقع وماندري متى النتائج:Cry111:

بهجة الروح

2009- 3- 26, 10:30 AM

الله يستر
ويوفق الجميع

يارب

:119:

Photonic

2009- 3- 26, 07:19 PM

.

.

(هذا بالجبيل ؟ ولا بالدمام؟)

بالجبيل

انتي مقدمه على اي كليه؟؟؟؟؟

انا بعد بالجبيل ..
اجل اكيد تكلمنا مع بعض ..

انــآ

2009- 3- 26, 10:32 PM

.

.

(انا بعد بالجبيل ..
اجل اكيد تكلمنا مع بعض ..)

اكيد :119:

أنا طبعي كذا

2009- 3- 30, 02:58 PM

/

فرحة العمر .. عذراً توني أرد عليك
انت شنو تخصصك!!!!!!!!!
حاسب ونظم معلومات

بالتوفيق للجميع :119:

فرحة العمر

2009- 3- 30, 05:19 PM

مساء الخير
الله يوفقكم اختي الى كل خير
نسألكم الدعاء

خزامى*

2009- 3- 30, 06:45 PM

يابنات الدعوا ربي ييسر امورنا..

للحين مافي اي خبر

فرحة العمر

2009- 3- 30, 08:00 PM

مساء الخير
الله يكون في العون
خلو كلامكم في الموضوع الثاني اخواتي افضل
هذا انتهى يعتبر :119:

حنين الطفوله

2009- 12- 30, 07:52 AM

:Cry111:السلام عليكم بناااااااااااات
هل فعلا طلعت نتايج مقابلة الوظايف اللي باالدمام واذا طلعت عطونيييييييييي الرابط بليز

عصفورة البر

2009- 12- 30, 10:41 AM

مرحبا طلسم ممكن سؤال متى تقريبا تطلع نتائج الاختبار والمرشحات للمقابلة الشخصية ممكن تفيدني يااخي وشكرا لك تعاونك معنا:mh19: