الفيزياء المواد ومتطلباتها سبب تاخرنا بالجامعه .... [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : الفيزياء المواد ومتطلباتها سبب تاخرنا بالجامعه ....

عبير القحطاني

2012- 4- 20, 12:19 AM

السلام عليكم ورحمة الله ....

الموضوع واضح من العنوان يا بنات الفيزياء طال عمركم ....

احنا تاخرنا بهالكليه بسبب الماده ومتطلبها انا المفروض من خريجات هذي السنه لكن شكلي مطوله في هالكليه بسبب هالموضوع
لما رحنا للعميده وكلمناها بهالموضوع انهم يسمحون لنا بدراسة الماده مع مطلبها لقسم الفيزياء مثل الاقسام الاخرى يلي سمحت بدراسه الماده ومتطلبها في نفس الكورس
قالت المسول عن الموافقه قسمكم اذا سمح قسمكم انه يفتح الماده ومتطلبها وتدرسونها في نفس الكورس ماعندي مشكله بس اهم شي موافقة قسمكم لانه المسؤل عن هالموضوع ....
والى كل بنات قسم الفيزياء لازم نطالب قسمنا بهالموضوع علشان مانتاخر سنوات اكثر :Cry111:....

والله يعطيـــــــــــكم العافيه ...

سفيره السعاده

2012- 4- 20, 12:33 AM

أنا متاخره كثييييييير بسبب المتطلبات :sm12:
إذا كذا حلووووووووووو
خلاص كلموا القسم الله يعطيكم العافيه وحنا بعد نكلمهم
وإن شاء الله يوافقون ..
للأسف قسمنا أبداً ماهو متعاوون مع الطالبات زي الأقسام الثانية :(177):

لوفي سر سعادتي

2012- 4- 20, 01:06 AM

مووضوعك على الجرح ]
ليه احنا اكثر قسم متطلبات ؟?
ماتوقع مافيه ماده ماله متطلب ! تو بالبدايه وانصدمنا من هالمتطلب اللي ماينتهي /افكر احول قسم ثاني وافتك منه /! يعنني بالله من جدهم اجلس ادرس سبع او ست سنين /لو انه دكتوراه ماقلنا شي /
آطالب ب العدل حالنا حال اي قسم ،،فيزيآ صعب وهم معقدين السالفه ،،ارحمو من في الارض يرحمكم من في السماء /عمري يروح كله دراسه كليه ،،حررام على الاقل استفيد من هالسنين مو اقضيه متطلب ومتطلب ومادري ايه !?
اذا ذكرت المتطلب يضيق صدري،،ليه التضيق على المسلمين /
ي آما يفكونا من هالسالفه ولا نحول آي قسم آخر ?! او على الاقل يخففو منه .
/شوفو التسلسل ]رياضيات _متطلب تفاضل _متطلب _متطلب تفاضل ٢_متطلب احصاء _متطلب تفاضل ٣_متطلب رياضيات فيزيائيه ~اتوقع تسذا اسمه ~والقائمه تطول ،،شفتو شلون ،،وغير المواد الثانيه ~
اللهم ارزقني صبرنا ك صبر دواد ~__~

عبير القحطاني

2012- 4- 20, 02:18 AM

علشان كذا المفروووووووض نروح لقسمنا ونكلمهم بخصوص هالموضوع وتاخر الحاصل لنا بسبب هالموووضوع ....
لان هالمتطلبات حيل اخرتنا في هالكليه
انا المفروض من خريجات هالسنه بس المشكله حملت مادتين السنه الاولى لها متطلبات كثيره علشان كذا تاخرت بقوه وماقدرت ادرس المتطلبات الا لما اجتزت هذي المواد وهذا سبب تاخري
فالمفروض يفتحون لنا المجال ع الاقل ندرس الماده ومتطلبهاتها في نفس الكورس مثل الاقسام الباقيه
المشكله قسمنا اصعب قسم ومافيه تعاون للاسف مع الطالبات ....

فيزيائية طموحة

2012- 4- 20, 11:17 AM

وعليكم السلام ورحمة الله وبركاته

أنا عشان مادة وحدة مالها متطلب بس قامت تتعارض وطيرت مواد وصارت علي سنة سادسة

ومن ناحية المتطلبات أبشرك الخطة القديمة تتسجل عندهم المواد في البيبل سوفت حتى لو لها متطلبات
وهم بنفسهم يقولون انهم يبون يتخلصون منا بأي طريقة :71:عشان يتفرغون للخطة الجديدة بس بعد ايش :mad:
<<< ماتدرون يابنات الخطة الجديدة كيف فرجتوا عنا الله يفرج عنكم

يعني اتطمن السنة الجاية ان حديثة 2 مابيأجل لي نووية 1 بدليل هالسنة في بنات حتى حديثة 1 مادرسوه واخذوا نووية 1 وناس مادرسوا النظرية ودرسوا الأطياف وهكذا

والله يعين بنات الخطة الجديدة صدق عندهم مادة متطلب لأكثر من مادة في الترم لازم تتكلمون

بالتوفيق للجميع :106::106::106::106:

&Rawan&

2012- 4- 20, 12:43 PM

ايه تكفون بنات خلونا نكلم القسم
هم اذا شفوا كل البنات ضد هالمتطلبات
اكيد راح يغيرون الوضع

كبرياء جرح

2012- 4- 20, 01:19 PM

قسمنا يبغاله ثورة :biggrin::004:
ثورة حقيقة وناس تتكلم وتدافع ولا تسكت وتخاف :mad:
هالشي من حقنا :10111:
أنا قعدت سنة زيآدة اللي هي ذي علشآن مادة (تتعارض ساعة فقط :119:)
الساعة ماخذ فيها شي والدكتورة الثانية قالت عادي :119:
لكن قسمي أبى وأستكبر :119:
فيزياء لمتى التعسير لمتى ؟ :biggrin::139:

كبرياء جرح

2012- 4- 20, 01:19 PM

ملكة بهيبتي

2012- 4- 20, 04:19 PM

اللي قاهرني يحطون متطلب لمادة مالها دخل فيها

زي مثلا فيزياء 2 متطلب للبصريات وهي مالها دخل ولافيها تشابه بالمواضيع

ولافيزياء رياضيه متطلبها تفاضل2 وماشفت لها دخل بتفاضل2

مرة يقهرون متطلبات كثيرة بزيادة

احلى اموله

2012- 4- 20, 05:41 PM

بنات من جد لازم نكلمهم ندرس ماده مع متطلبها مب حاله انا الحين من دفعة 2011
وحملت رياضيات عامه وخذيت صيفي ودرست تفاضل 1 لماجيت صار عندي امل امشي بالخطه قالوا فيزياء رياضيه ماتنزل صيفي وكل موادميستوى خامس وسادس متطلباتهايعني بتاخر سنين وسبب ماده بتحضيري
وبصير انا كذا في وسط مواد درستها ومواد ماقدر ادرسها السنه الجايه اذا ربي احياني بصير ادوام على مادتين الترم كامل
يعني حتى حنا بنات خطه الجديده نعاني من هالمتطلبات.

reef

2012- 4- 20, 06:12 PM

موضوع على الجرررح

شي مرره يقهرر ياليت يشيلون المتطلبات خصوصا فيزياء رياضيه معطله الكل مدري متى بتخرج من هالكليه

واحنا مشكلتنا قسمناااااااااا ابببببببببببببد مو متعاون معنا

كبرياء جرح

2012- 4- 20, 06:34 PM

:)
طيب تدرون ان رياضيات فيزيائية متطلب لميكانيكا الكم ؟
مع انه اخر المنهج هو اللي يطلب التفاضل ماهوب كله واتوقع هالجزئية ماتحتاج اخذ كورس فيه كامل صح ؟
وغيره من المتطلبات اللي ماندري عنها !
بعد البحث !
المفروض يحطون كل دكتورة واللي تطلبه بحثها من موآد !
مايحطونها عامة تحت اسم دكتورة وحدة وتقعد البنت وهي عندها فرصة تاخذ البحث :119:
بكل بساطة قسمنا يحتاج من يتفرعن عليهم ومايكست :119:
من الحين ابدو جمعوا اوراق تناقشو معهم من بدري لا يبلشونكم السنة الجاية :139:

لــهــ الـخ ــآطر ــفـة

2012- 4- 20, 11:36 PM

آآآآه ي قلبي لآتذكروني

وربي سالفة المتطلبات والصيفي تعور القلب كرهت حتى اتكلم فيها ..

تاخرت سنتين والسبه ماده معتمده كثير من المواد اللي بعدها عليها والمشكله تحوس الجدول حوس وتحذف مواد ثانيه يعني يصير الدوام على ثلاث مواد بالكثييير :sm1:

والحين سمعت كلام انهم يطالبونا احنا ياطابات 2008 نتخرج السنه الجايه ..:Looking_anim:

يعني ودي افهم صيفي مافيه متطلبات ناشبه بالخطه شعبكثيره مافيه كلها شعبه وحده دوام مسائي مافيه ..وش اقول بس :sm1:

طيب من ابسط حقوقنا الصيفي ,,او دوام بعد الظهر انا راضيه بس مايصير هالوضع ..عاد تمنيت انها ظلت على نظام الكليه ولاتحولت جامعه كان يمديني متخرجه ونايمه :139:

عندي كلام كثيير كثير كثيييير ,,وادري كله ضايع بالهوا :sm1:,,لكن مانقول غير حسبي الله ونعم الوكييل :004:

Dala3~

2012- 4- 21, 11:59 AM

يابنات عبوا البيبول سوفت ولايهمكم اصلن هالنظام الجديد مايعترف بالمتطلبات :cheese:<<حسنه

والحال من بعضه ترى وقفتنا المتطلبات :/

الله يوفقكم :106:

~{وردة ملكها}~

2012- 4- 23, 06:52 PM

المفروض والمفروض

بس ياحبيباتي لازم تخرجون عن المفروض وتطبقون

ماينفع حكي في المنتدى بس وتشتكون بين بعضكم بعض

والقسم يطقطق ويطبق علينا

فيزيائية طموحة

2012- 4- 23, 09:34 PM

:)

بعد البحث !
المفروض يحطون كل دكتورة واللي تطلبه بحثها من موآد !
مايحطونها عامة تحت اسم دكتورة وحدة وتقعد البنت وهي عندها فرصة تاخذ البحث :119:
بكل بساطة قسمنا يحتاج من يتفرعن عليهم ومايكست :119:
من الحين ابدو جمعوا اوراق تناقشو معهم من بدري لا يبلشونكم السنة الجاية :139:

الكل قدر ياخذ البحث بس الحركة اللي صارت انهم حاطين دكتورة وحدة بس عشان التسجيل

وفي الكلية يختارون الدكتورات اللي يبونهم وكان الإختيار في الأسبوع حق مشاكل التسجيل والله يهديهم ماحطوا اعلانات ولا شي صدفة البنات اللي داوموا هالأسبوع دروا عن الموضوع واختاروا وبلغوا صديقاتهم وبعضهم سجلوا صديقاتهم واللي مادروا مساكين راحوا عليهم الدكتورات اللي يبونهم

وأحس البحث مهم جدا الطالبة تختار التخصص اللي ترغب له مثلا بعضهم ميولهم جوامد يختارون دكتورات تخصصهم جوامد بعضهم نووية بعضهم أطياف ..... الخ

السنة الجاية أتمنى ان اسماء دكتورات البحث ينزلون على البيبل سوفت عشان ماتتكرر نفس الغلطة اللي صارت هالسنة

فيزيائية طموحة

2012- 4- 23, 09:37 PM

المفروض والمفروض

بس ياحبيباتي لازم تخرجون عن المفروض وتطبقون

ماينفع حكي في المنتدى بس وتشتكون بين بعضكم بعض

والقسم يطقطق ويطبق علينا

أبشرك صوتنا واصل دكتوراتنا بعضهم يدخلون على المنتدى واعرف ثلاثة منهم يدخلون:biggrin:

نودي1

2012- 4- 23, 09:46 PM

:biggrin:

:004:

غروري شئ ضروري

2012- 4- 23, 10:41 PM

غريب

انا دخلت ماده لها متطلب و مانحذفت ولا احد درى :Looking_anim:
بعدين سألت د . نهى : قلت انا من الخطة القديمة عادي ادخل ماده لها متطلب
وانا مادرستها قآلت لي انتوا خطة قديمة مسموح لكم

حتى ماسأتني انتي أي قسم !

=)

نداء الروح2

2012- 4- 24, 10:08 AM

آه يّ قلبي ,!
على هالكليه وبلآويهآ
متى بنخلص منها ومن هالمشاكل
مثلكم انا واكثر و اكيد معاكم
الكل ماشي بهالكليه الا احنا"
ي تعارض ي متطلب
مثلكم اعاني وماني لاقيه حل

:icon9:

Alanod

2012- 4- 25, 07:18 PM

انا السمستر الجاي ما اقدر اخذ الا 3 مواد بس عشان المتطلب الخايس هذا :119:
توني شفت واكتئبت , ايش ممكن نسوي ؟
اتمنى يرضون عالسمستر الجاي اننا ناخذ مواد حق مستويات ثانيه :sm1::bawling:
قهـر متى بتخرج !!! بعد 6 سنين ؟

نداء الروح2

2012- 4- 26, 12:23 AM

طيب اشرآيكم .,
نننشر هالموضوع بين البنآت ,!
و لما يصبير عددنا اكبر شوي
نجتمع مثلا بوقت محدد ومكان محدد
و وحده تتكفل تكتب تقرير عن الوضع الي حاصل
وتدبس معاه كم ورقه ونجي حنا المعترضات
نكتب اسمنا ورقمنا الجامعي ونوقع
وبنتين او ثلاث يروحون يكلمون المعيده
ونطبع هالورقتين ونسلمهم لرئيسة قسمنا ,!

وش رآيكم ؟!
ممكن تقولون فكره قديمه او شي
بس اذا شافونا يد وحده يمكن يتحركون
لانه والله حرام يضيع عمرنا واحنا بهالكليه ,!
ترا كلها كلية العلوم :g2:

سفيره السعاده

2012- 4- 26, 04:38 PM

قبل كم يوم كتبوا بنات عن المتطلبات
ووقعنا >>وياكثر مانوقع ولا يصير شي :139:

تدرون يبيلنا نسوي زي جامعه أبها :004:
يمكن يحسون شوي :10111:

sandy

2012- 4- 27, 02:17 PM

..

وانا معاكم فعلالالاً ادارة قسمنا ابد مافيهم تعاون , والمتطلبات حييييل اخرتنا في الدراسه :sm1:

لازم كلنا نتفق ونروح نكلم القسم بخصوص هالموضوع:139:

نقولهم يشوفون لنا حل :007:

-

عبير القحطاني

2012- 4- 28, 12:50 AM

اشكر الكل على تفاعله في هالموضوع....
خلاص يابنات لازم نكون يد وحده ونتكاتف مع بعض بخصوص هالموضوع نحدد يوم خلال هالاسبوع نجتمع فيه كلنا ونكلم العميده ورئيسة قسمنا بخصوص هالموضوع ....
لانا لو من زمان تكلمنا كان تعدل وضعنا وتخرجنا مثل بقية الاقسام ...
تخرج طالبات هالسنه في قسم الفيزياء قليل جدا عكس الاقسام الباقيه والسبب هالمتطلبات وهالقسم يلي كل ماجيناه بخصوص اي موضوع يصرفنا ...
احنا لو نتكلم كان بنوصل للي نبيه ....
اصلن مااخرنا كذا الا سكوتنا ونرضي بكل قرار دون مانعارضهم فيه ...
علشان كذا لازم نتكلم خلال هالاسبوع وربي مااحد ياخذ حقه الا النشبه يلي ينشب فيهم ...
مو مثلنا اذا قالوا هذا قرار نسكت ونطلع من عندهم ...
انا يلي قاهرني لما رحت لرئيسه القسم بداية هالكورس وتكلمت معها في المواد يلي عادلوها لي مع خطة 2010 لانهم احذفوا علي 18 ماده ردت علي بكل برود وقالت لي مو شغلي الناس تتخرج وتجي بعدكم اجيال وانتم باقي في هالكليه ورافضه انها تفك المتطلبات اشلون تبينا نتخرج وهالقسم يحطمنا ولا يتعاون ابد معنا ...
تدرون يلي قاهرني وحاسرني هالكرسي يلي جالسين عليه علشان يساعدون الطالبات ومانستفيد منهم في شي ....:017::017: